المشاركة الأصلية كتبت بواسطة عبد الله الهاشمي (المشاركة 4049305)

المشاركة الأصلية كتبت بواسطة مصطفى ناجى الحوشى (المشاركة 4050140)

:o:oهااااااااام وعاجل جددااااااااااا
أرجو من جميع المشاركين قراءة الخبر وخاصة الأول والثانى على كل قسم من جامعة الأزهر
أنا ذهبت لكلية التربية تفهنا الأشراف جامعة الأزهر وسئلت المسئول
عن تعيين الأول والثانى من كل قسم وشعبة
قال إن اللى هيتعين العشرين ومفيش حاجه إسمها الأول والثانى والله العظيم هذا ما حدث معى اليو

المشاركة الأصلية كتبت بواسطة د.عبدالرحمن المنياوي (المشاركة 4049551)

السلام عليكمورحمة الله وبركاته .. كان لزاما علينا الرد في هذا التوقيت المثير للجدل واللي خلى كل واحد من الاوائل ابتدى يفسر كل كلمة حسب رؤيته واللي غالبا هتشوبها العاطفة .. ولكن أنا من هنا باقول خد الكلام النهائي في موضوع التعيينات ده .. انا هارد في نقاط محددة واللي عنده استفسار يبلغني وارد عليه بعد كده : أولا أي مسئول في أي محافظة يقولك هتتعين فين يبقى راجل كداااااااااب وبيفتي .. روح اسأل .. تلاقي بتاع المنوفية قالك لو ربنا بيحبك تتعين في التربية والتعليم والباقي هيكون في المحليات واماكن أقل .. تروح تسأل كده بتاع المنيا يقولك لو انت متعاقد في التربية والتعليم يبقى سيبها فورا لأن الوظائف اللي جاية مرموقة .. ولو سألت بتاع وهاج هيقولك والله يابني انا معنديش علم بالموضوع اسأل بعيد .. وبالمناسبة الثلاثة مواقف حدثت بالفعل !!!! نفهم من كده إن الناس بتفتي والسلام .. وانا باقول معلومة أكيدة .. إن المكان الوحيد اللي يعرف ده هو الفرع الرئيسي للتنظيم والإدارة في القاهرة وهو اللي عنده الأماكن كلها وأحب أبلغ الناس إن الوظائف اللي عنده لسه لم تصنف لمجموعات نوعية بعد .. والمجموعات دي تعني كل مجموعة نوعية تشمل تخصصات مع بعضها .. زي مثلا هناك مجموعة نوعية تضم خريجي السياحة والآثار والألسن والآداب أقسام لغات وقسم آثار .. ودول هيكون ليهم وظائف معينة مع بعض .. بس مش هينفع تلاقي خريج سياحة وخريج هندسة في مكان واحد طبعا .. هي دي المجموعات النوعية .. الوظائف سيتم تصنيفها بعد الانتهاء من التقديم أيام التخلفات .. يبقى بقى كل واحد مايمشيش وراء موظف بيقول أي حاجة في أي حاجة .. خصوصا إن احنا شعب مايحبش يقول معرفش .. لأ عيب لازم يفتي في اللي يفهم فيه واللي مايفهمش فيه .. العتاب عليكم هنا لأنكم أوائل ومايصحش يدخل علينا الكلام ده .. ثانيا التعيينات بأثر رجعي المقصود هنا ليس أن تكون التعيينات بأقدمية منذ التخرج .. لا طبعا ده كلام مابيحصلش ولا في الهونولولو .. المقصود هنا طبعا أنه الاولوية عند التساوي في المؤهل والتقدير للأكبر سناً .. ثالثا الإقرار اللي في الاستمارة ده لكل من ملأ استمارة .. وده واضح جدا .. الإقرار على أن يتحمل المالئ للاستمارة المسئولية بأن الاستمارة بياناته فيها صحيحة وتحت مسئوليته .. يعني لما يكتب إنه حاصل على ماجستير مثلا ويطلع بعد كده كداب يبقى من حقهم توقيع الجزاء المناسب عليه .. مال ده بقى ومال اللي بيشتغل والناس تقولك اللي عمل الإقرار هيستبعدوه .. رابعا اللي شغال في وظيفة لازم يكتب ده .. المقصود هنا الوظائف الثابتة وعلى قيد الدرجة الثالثة أو مافوقها وهنا أهمية هذا البند لأن الخريج حاصل على درجة بالفعل وعند توزيعه على عمله الجديد ينتقل بدرجته الاولى وهنا توفر الدولة درجة وظيفية بدلا من أن يخصص له درجتين في نفس الوقت .. لكن إنه هيثبتوه على مكانه والكلام بتاع الموظفين ده تهرييييييييج وانتم للأسف رايحين جايين ع الفاضي مع الكلام .. طيب يا ذكي هيتثبت إزاي في مكانه لما هو أساسا قال اللي متعاقد مايكتبش باعمل اللي مثبت فقط يكتب باعمل هيثبتك وانت مثبت ؟!!!! خامسا التعيينات وفقا لميزانية 2011 - 2012 ياحبيبي ماهو ميزانية كل سنة تشمل من يوليو لنهاية يونيو والميزانية بتاعت اليومين دول هي ميزانية 2011 - 2012 ودي تشمل من يوليو 2011 حتى يونيو 2012 يعني انتم على ميزانية هذا العام وده كلام واضح مين بقى اللي بيستنتج إن التعيين السنة الجاية؟!!!!!!!!!!! سادسا اللي يحصل على الماجستير له علاوة 4 جنيه + حافز التميز العلمي وده قدره 100 جنيه شهريا .. والدكتوراة 200 جنيه .. وفي مقترح لزيادته إلى 300 للماجستير و 500 للدكتوراة وتضاف كلمة باحث علمي للوظيفة .. بس لسه منتظرين اعتماد مجلس الوزراء عليه سابعا موضوع الدرجات الفاضية خلينا واقعيين .. أولا الـ 660 ألف درجة مش ليك فيهم كلهم يا باشا واللي يفهم يريح .. خد بقى عندك دول مقسمين الدرجة الأولي 101 ألف و511 درجة خالية والثانية 75 ألف درجة خالية والثالثة بها 207 آلاف درجة خالية.. والرابعة بها 159 ألف درجة خالية والدرجة الخامسة بها 54 ألف درجة خالية والدرجة السادسة بها 55 درجة خالية .. ودول بيستخدموا إزاي ؟ انت بتتعين على الثالثة ولما تترقى بتسيب درجتك وتحصل على الثانية ودرجتك اللي انت سيبتها دي بتفضى علشان نعين غيرك فيها .. ولكن نظرا لوقف التعيينات خلال السنوات الأخيرة .. فأصبحت الدرجات المتراكمة بهذا العدد لكن درجات الأولى لا يحصل عليها إلا من ترقى من الثانية الثانية لا يحصل عليها إلا من ترقى من الثالثة وهكذا .. يبقى هنا انت يا خريج من الأوائل لا تتكلم إلا على الـ207 ألف درجة بتوعك دول .. نتكلم بصراحة بقى مش كلهم ليك أمال إيه ؟؟ بيقاسمك فيهم كل الفئات التالية : 1- كل من يستحق الترقية من الموظفين منالدرجة الرابعة خلال هذا العام .. 2- كل المؤقتين من حملة المؤهلات العليا العاملين في الحكومة وتنتوي الحكومة تعيينهم هذا العام .. فهم هيسكنوا على الثالثة معاك يا باشا .. 3- وعد الحكومة بمشروع التشغيل القومي الموسع حيث سيتم تثبيت بعض المؤقتين وتسكين الاوائل والباقي هيتم تنزيله في مسابقات شاملة لكل الخريجين لمنح باقي الخريجين من غير الاوائل في حق التعيين في الحكومة .. يبقى لما نقرأ لا نندفع لازم نعي كلامنا الاول علشان نعرف نتحرك صح ومحدش يرد عليك بكده وترجع زي ماروحت .. ثامنا النحاس عمل بلبلة كبيرة جدا بسبب أنه لم يطرح الرغبات للتداول وهو الراجل هنا يقصد عدم اشتعال البلبلة حيث تثور تخصصات وتقول مثلا أنا كليتي من كليات القمة إزاي أتعين في مكان وغيري من كلية أقل يتعين في حته أحسن .. طيب ماهو تخصصه كده .. ثم إنه شايف إن ده أفضل لأنهم لم يقسموا المجموعات النوعية لسه زي ماذكرت سابقا .. أنا هنا بأرد عليه وبأقول ده هيفتح مجال للكوسة والواسطة وكل اللي قريب فلان يروح يتعين في مكن أحسن خاصة وإنه لا يوجد نظام واضح لتلقى الشكاوي من التعيينات .. وهذه النقطة هي التي يجب اللعب عليها والوقوف من أجل المطالبة بها .. ومن هنا باطالبكم عند التوجه للتظاهر أمام التنظيم والإدارة أو عند إرسال وفد يجب أن يتكلم بجرأة وحزم في هذه المسألة بشكل واضح وقاطع ومحدش يسمع كلمتين ويكش .. مفيش حاجة اسمها وظيفة والسلام .. مفيش حاجة اسمها حد أدنى 834 جنيه ده بيهزر ده بيتكلم عن الحد الأدنى للثالثة بس هو مايقدرش يحكم ده لأن الدرجة الثالثة بتتغير من مكان للتاني بتصل في مكان زي الكهرباء ل1300 جنيه وبتنخفض لـ660 في التربية والتعليم والكلام ده كله المقصود به الشااااااااامل وليس الصافي .. يعني الرقم ده هيخصم منه المعاشات والتأمينات وخلافه وده كلام نهائي .. يا ريت يكون الموقف أصبح أكثر وضوحا والله الموفق ..