السلام عليكم
انا فى سنة تانية علمى اتمنى انكم تقبلونى معاكم احنا بناخد نفس المنهج فى الاحياء كنت عايزة اسال فى الفصل الثالث
,كيف تؤدى جزيئات atp وظيفتها ؟ هو كان مكتوب فى الكتاب تركيبه طيب والوظيفة الى بتقوم بيها الجزيئات انها عملة الطاقة فى الخلية وبتجعل الكائن الحى يقوم بالانشطة المختلفة ياريت تقولوى هى اجابة صح ولا
وعدد مركبات atp فى تفاعلات دورة كربس هنا هقول عددهم واحد ولا اتنين انا متلخبطة شوية فيها هى الدورة بتحصل مرتين المفروض وفى كل مرة بتنتج واحد atp طيب هو هنا عايزها كلها ولا مرة واحدة بس ؟؟
وسؤال تالت معلش :d ما وجه الشبه بين عملية التخمر وعملية التنفس الخلوى ؟ وما الشرط الاساسى لحدوث عملية التخمر فى الخلايا ؟
هو الشرط هنا ممكن نقول انه غياب الاكسجين ولا ؟

معلش انا مفهمتش كلامك اوى .. بس ما هو عشان الانجليزى حل اكتر منه مذاكرة فهو - بالنسبة لى - انسب مادة افصل بيها عشان اريح من الفيزياء والاحياء
و عشان العربى اتقل الف مرة من الانجليزى فصعب انى انقل من الفيزياء مثلا للعربى وبعدين ادخل على الاحياء .. دة يبقى انتحار كدة بالنسبة لى :) :)

ربنا يسترها و يخلصنا من الهم الازلى دة على خير يا رب :)

والله انت يا بشمهندس قلت كلمة قفلت بيها الموضوع " لو هتحبيه "هى دى فعلا المشكلة انى لا قادرة ولا عارفة احبه ولا هو حتى مشجعنى على انى احبه :)
الادب دة من اولى ثانوى وانا بكره الفرع ده .. مذاكرته مجهدة جدااااا بالنسبة لى .. محتا حفظ ومراجعة ولت وعجن كتييييير .. ومشكلته انه السنة دى نظام مدارس وكل مدرسة مثلا ليها خصائص معينه .. احيان كتييير بقى الخصائص بتدخل معايا فى بعض :) و على ما اخلصهم من بعض بكون مت :)

اما النحو فالحمد لله مفيش فيه مشكلة

النصوص طوييييييييييله جدا عن السنة اللى فاتت .. و بالتالى الصور كتييرة و التفاصيل كتيرة والكلام دة

القراءة من السنة اللى فاتت و انا مسترخماها .. بحس ان المقالات دى مبتورة وواخد من كل فيلم اغنية زى ما بيقولوا فبيطلعلك الصورة مشوهة - من وجهة نظرى الشخصية -

اسفة على الاطالة وشكرا لاهتمامك :)

ما انا قصدى على المسائل مش النظرى بس انا هحاول فيها لحد ما افهمها ان شاء الله انا دلوقت بدأت ف الكهربيه وهى جميلة لحد دلوقت

والله ياجماعة العربى جمييييييييييييييييييييييل المتعب شوية الادب لكن حفظه سهل وبعدين لو احنا حفظنا الادب بأتقان من الاول صدقونى هيبقى سهل وهيريحنا فى المراجعة اما القصة انا نايمة فيها خاص حاجة بااااااااااااايخة والله انا الحمد لله المستر عندنا بيعمل امتحان كل اسبوعين على الادب كله الى خدناه يعنى و النص ودرس القراءة وفصول القصة الى اخدناها فى الاسبوعين وكمان نص الصغيران ده كبيييييييييير اوى بس سهل الحمد لله لازم نمتحن عليه كل مرة احنا بنتعب معاه اووى بس بندعيله اخر السنة ربنا يوافقنا كلنا

ازيكم يا جماعه واحشنى جدا والله بس انا عندى ظروف و مش بعرف ادخل كتير دعواتكم

الحمدلله العلي القدير
مش عارف احل ولا مسألة فى الفصل السابع فيزياء
حسبى الله و نعم الوكيل

العربى أهم ألف مرة من الإنجليزى

لسه مبداتش عشان انا بحصل دلوقتى الاستاذه في الدروس متاخر في المتابعه شويه والواحد زهقان من العربي كمنهج امال هنعمل في ايه كمستوى رفيع