كلام جميل مقدرش اعلق عليه اكتر من انه سليم :078111rg3:
احنا مش فالحين فى كورة او غيرها
انا لما شوفت فى الاخبار لما الحضرى راح يلعب برة الشعب هاج كله عليه قالوا عليه خائن ههههههههه والله المصريين دول عليهم حاجات غريبة اوى على كده كل لاعب بيروح يلعب برة خائن لبلده هو راح يحارب او كان بيعطى معلومات عن البلد ده راح يلعب <_<<_<
والله حضرتك الحكومة عايزه الشعب يتلهى عن السياسة الخربانة فى البلد والخراب اللى فيها والشعب بيساعدهم على كده :stickjo4:

جماعة خالف تعرف
بلاش موضوع الكوره
علشان لو جمهور الكوره هجم على الموضوع ولا على البوابة كلها
مش هنعرف نطلع منها ولوبعد شهر
خلونا فى السياسة
وبلاش نتخيل ان كلامناده هيوصل العالمية
يدوب مجرد دردشه وفضفضه ومتابعه من البعض اللى مل من كلامنا
فى هذا الموضوع والمواضيع المشابهه
يعنى بلاش حد يتخيل ان كلامنا هيخلى الراجل الغلبان اللى طالع الصبح يجرى على أكل عيشه هيسيب الدكانه بتاعته
وهيطلع يهتف يسقط فلان ويحيا فلان
بلاش الخيال الواسع خوفا من الصدمه
واحنا بنحبكم وخايفين عليكم
وانتم مننا برضه ولا إيه؟؟؟؟؟؟؟؟؟؟؟؟؟؟؟
دمتم بخير

هههههههههه موضوع الكورة ده اتفتح بسبب صورة لشوية بيشجعوا مصر وجابوا كاس العالم معاهم :d:d
وانا مش بشجع حد انا فى حياتى المهنية كلها اتفرجت على مباراة واحدة بس كانت بين مصر وامريكا وكنت مجبورة على كده قولت مرة من نفسى وقولت مصر هتخسر دى امريكا ونمت :d:d وصحيت وفعلا خسرنا بشرى خير :d

وانا بحب السياسة خلينا فى البلد الخربانة والنظام الفاسد :mad:واللى فى ناس مش معترفة بكده

يا سلام حضرتك بتخاف علينا كده نقول ان فى اعضاء من امن الدولة هنا :ph34r::ph34r:
وكمان الفلاح مش فاضى بيجرى عشان ياكل عياله فى البلد اللى اسعارها نار دى :040vk0:
حسبنا الله ونعم الوكيل

حاجة غريبة جدا !!
قبل كده كنت بتقول ان كل واحد حر يعبر عن وجهة نظره زي ما هو
عايز ومع ذلك بترفض انه عبر عن رأيه وجاب الكرة كمثال !!!
والأغرب انك في تعليقات ليك , صورة التعليق بتكون لجمهور الكرة !!
واللي شايف من خلالها ان هي دي مصر !!
دا نسميه ايه بالظبط ؟؟!!
وحلوة اوي حكاية " وانتم مننا برده " كتر خيرك , بس مننا هنا تقصد
بها مين بالظبط عشان نقدر نعرف إذا كنا عايزين نبقي منهم ولا لأ؟!!

دورت كتير على اى تجمع فيه كل فئات الشعب كبير وصغير فى السن
فيه بنات متحجبات وبنات غير متحجبات
فيه شباب ورجال وأطفال
واهم من كل ده
بس فيه علم مصر
والاهم اتحدى لو فرقتى بين الغنى والفقير -- بين المسلم والمسيحى --- بين المؤيد والمعارض للحكومه

انما فى المظاهرات والتجمعات التانيه بيبقى علم مصر ومعاه أعلام اخر ى وضمايرهم مع اهداف اخرى غير النصر لمصر
افهموها بقى ---- الموضوع مش مجرد كوره--- الموضوع تجمع فى حب مصر لا أكثر

يعنى حضرتك عايز تقنعنا وتقول ان التجمع ده تجمع حب مصر;);)
غريبة دى يتجمعوا فى حاجة مفيدة الاول يتجمعوا التجمع ده لما تم اهانة سيدنا محمد والسيدة عائشة يتجمعوا لما تتحول الجمهورية الى ملكية
هو واحد بيحب مصر لو خسروا فى مباراة يضربوا ويطحنوا بعض :stickjo4:
يتجمعوا لما يشوفوا البلد فى دمار وخراف مفيش وظائف الا بالواسطة والمحسوبية يتجمعوا لما تتباع البلد بالرخيص للاجانب
يتجمعوا لما يشوفوا الظلم والفقر والناس اللى مش عارفة تاكل عيالها ومش عارفة تدفع اجار شقة ب5 جنية فى الشهر
يتجمعوا لما المستشفيات الحكومية تبيع الدواء بالغلاء
يتجمعوا التجمع ده فى اصلاح البلد الاول ولا يعنى الاصلاح هيبدأ بالكورة :d

هاهو التعليق مع التوقيع
وبلاش طريقة تحويل الكلام لما يخدم فكرك ورأيك
وبكررها لوعندك صورة لمظاهره حتى فى بلاد الواق الواق رفعه علم مصر بس
هاتيها وانا هضعها توقيع وهكتب تحتها اهداء من الاخت الكريمه رووووووووووز
وعلى فكرة انا مش متيم بالكرة للدرجه اللى بتحاولى توصليها للناس
دى صورة عجبتنى لوجود مابها من مزايا سبق وذكرتها لكى
والسؤال وليس دفاعا عن النخب ولو تابعتى مشاركاتى ستعلمى اننى دائما ضد النخب
فى المناصب واللى متربصين بيهم خارج المناصب والاتنين بيستغلونا لصالحهم
هل كل ماذكرتيه من بطاله وواسطه ومحسوبيه وفسادوغيره
تنفرد به مصر فقط؟؟؟؟ -- يعنى مثلا امريكا لايوجد بها هذه الاشياء
وهل هكذا ستحل ؟؟؟؟؟؟؟؟؟؟؟؟؟؟

ههههههه انا لازم اقول كلام يخدم مصلحتى وفكرى لان دى الحقيقة بلاش نفضل ننكرها كده على طول
يعنى ايه الكلمة دى الواق :excl:
طب حضرتك بتقول كده ولما اتكلم عن الحكومة واللى بتعملة فى الشعب والسجون والضرب فى المعتقلات تقول محصلش هو ايه اللى محصلش هى الصور والفيديو هيكدبوا
والله الدول بيوجد فيها كل حاجة زى مصر بس احنا بنتكلم عن بلدنا
خلاص نروح نعاتب الحكومة الامريكية وغيرها اللى بتعملوا فى شعبها بس الشعوب التانية بتعرف تاخد حقها كويس وعندهم حرية الرأى هما اللى بينتخبوا الرئيس هما اللى بيختاروا طريقة حياتهم اللى مش عاجبهم فى البلد بيغيروه عندهم حاجة اسمها ديمقراطية بمعناها الحقيقى مش كلمة وخلاص عندنا
بس احنا بنتكلم الحكومة المصرية
بدل ما يدفعوا فلوس بملايين على حاجات فارغة وفاضية


http://www.bbc.co.uk/worldservice/as...2_egypt226.jpg
http://3.bp.blogspot.com/_XIPcTpFazR...9%82%D8%B1.jpg
http://productnews.link.net/AFP/arab...lt-346x512.jpg
http://www.brmasr.com/articles_image...05-8592285.jpg
http://gallery.egyroom.com/cairo/cairo136.jpg

حضرتك عايز اى نوع من الصور ما شاء الله صور بحث عمو جوجل فيه كل حاجه :d:d

http://www3.0zz0.com/2010/05/20/00/904965869.jpeg

الصورة دى فيها علم مصر تنفع


http://www.al-khayma.com/NR/rdonlyre...3/48390/99.jpg
http://www.aljazeeratalk.net/forum/u...1199177701.jpg
الصور دى تمثيل ولا ايه :o:o

الموضو ع جامد جدا
اما مصر
علمتنى ازاى اسرق واغش وادفع عشان اخد اللى انا عايزة حتى لو مش من حقى بنظام ابجنى تجدنى وازاى ده الكل بيحترمه عشان ابن فلان وده بيدوه على قفاه عشان ابوه مش الاستاذ السيد الدكتور المهندس...الخ
وازاى ابقى بوشان وازاى اخدع اى حد عشان مصلحتى
ياه دى مصر بتعلم حاجات كتير
بس انا مش بتكلم عن مصر الارض انا بتكلم عن مصر الشعب والحكومة

أنا من سكان المناطق دى على فكره
ووالدى ووالدتى اللى فى الصورة
وكل يوم بنسب على الحكومه
لكن عمرنا ماكرهنا مصر
ولااستسلمنا لليأس من رحمة ربنا
قادر يغير حال من حال
بس نغير من أنفسنا
والسؤال
هى الحكومة اللى وضعت الزبالة دى ولا احنا ؟؟؟؟!!!!
ياريت حضرتك بعد مانجحتى وجبتى صورة بيتنا وأهلى كمان
ممكن تجيبى صورة بيتكم ؟؟!!
مستحيل طبعا --- لأنه أكيد فى أرقى أحياء القاهرة أو مدينة أخرى:p
اكرهى الحكومة زينا لأنها فترة ولابد لها من نهاية بس بلاش تمدى الكراهية لمصر كلها بتاريخها كله
أتارى عم جوجل دا سره باتع وخاصة لما صور بيتنا من الخلف
طيب يصوره من الأمام دا احنا صارفين عليه كتير لما نضفناه وخلناه ميه ميه
ياتعبنا اللى راح بلاش على يد أعوان مستر جوجل :romarioxp6:

شكراا على مرور حضرتك الرائع :av4056bb7jp3::av4056bb7jp3:

لا حول ولا قوة الا بالله هو انا كرهت مصر انا كل كلامى عن الحكومة :stickjo4:الحكومة والحكم ونظام الفاسد انا كل كلامى مفهوش شتيمه عن مصر انا بتكلم عن الحكومه وبكررها :d

هههههههه يعنى حضرتك ساكن فى المناطق دى ولسه حضرتك عايش طب ربنا مع حضرتك :d
طب حضرتك تقدر تعيش فى مكان زى ده :o والله انا مقدرش اعدى حتى من جنبه :(
شوف حضرتك الناس عايشة هناك ازاى
هما اللى عملوا الزبالة دى بس فين عمال النظافة هما عملوا كده عشان مفيش مخصص ليها مش ده شغل الحكومة بردوا :stickjo4:

انا بستغرب لما اشوف الاماكن دى والمنطقة اللى انا فيها :( هما مش ناس شبهنا ولا ايه ولا هما عليهم لعنة من الحكومة
هو انا جيبت سيرة التاريخ <_<<_<
انا بتكلم عن النظام فى الوقت الحالى الحالى اصل انا بحب اكرر الكلمة للتاكيد :d

ههههههههه ان شاء الله ندور على البيت من ادام يمكن نشوف حاجة كويسة :d

عمو جوجل فيه كل حاجة ممكن تعرف مين هى الحكومة المصرية :ph34r:

راجعى الاحصاء ده معايا
(2)هههههههههههههههههه مزاج عالى
(4):dمرح وفرفشه
(2):stickjo4:تهديدبالسلاح
(2):angry2:تهديد بالنظرات
(1):oسخريه من الفقراء
(1):ph34r:خائفة من شىء ما
بما أن إذن
سيبى الناس فى حالها
الناس مش ناقصه!!!!!!!!!!!!!!!!!!!!!
وتحيا مصر الأرض والتاريخ
وربنا يستر عليها من حملة مستقبلها
واللى ميولهم 70/ضحك وفرفشه وسخرية من الناس
سنكس بالأمريكى