بوابة الثانوية العامة المصرية - قسم خاص بالاستفسارات و الطلبات

صفحة 26 من 54

« First

Last »

عرض 50 مشاركات من هذا الموضوع لكل صفحة

بوابة الثانوية العامة المصرية (https://www.thanwya.com/vb/index.php)

- أرشيف المنتدى (https://www.thanwya.com/vb/forumdisplay.php?f=513)

- - قسم خاص بالاستفسارات و الطلبات (https://www.thanwya.com/vb/showthread.php?t=135750)

التؤمان

13-10-2009 09:52 PM

قولى يا فاميبر هو المكتبة المركزية دى بنستفاد منها فى اية ومكتبة دار الثقافة والمكتبات اللى جنبها بنستفاد منهافى اية

vampire1188

14-10-2009 12:36 AM

اقتباس:

قولى يا فاميبر هو المكتبة المركزية دى بنستفاد منها فى اية

كطالبه بتستفادى منها انك بتطلعى وتتثقفى عادي زيها زي اي مكتبة

لكن الأهمية بتزداد بقى لو انتى باحثة او بتعملي ماجيستير او دكتوراه ..

لإن لو تلاحظى الدور الاولانى بتاع المكتبة دا كله خاص بالرسايل والأبحاث

بس بصراحة المكتبة روعة يعني .. كفاية شكلها اصلا من جوا

اقتباس:

ومكتبة دار الثقافة والمكتبات اللى جنبها بنستفاد منهافى اية

دار الثقافة دي غالباً مابتنزل التطبيقات بتاعة المحاسبة والرياضة ..

فانتي اما الدكتور بيعلن عن نزولها بتروحي تشتريها من هناك

يعني من الاخر هيا عبارة عن مكتبة بتبيع كتب وخلاص

carpon

14-10-2009 03:41 AM

ممكن يا فامباير باشا معلومات عن الدراسة في قسم الاكتواري
يعني ايه مختلف فيه عن العادي
و الامتحان بتاعة شكلة عامل ازاي ؟ يعني بيبقي صعب و لا سهل

المغتربه بالكويت

14-10-2009 03:21 PM

ليش يا اخى مارديت عليا عموما شكرا

التؤمان

15-10-2009 02:44 PM

هو 100 جنية المنحة من الكلية بعد الثانوية العامة بتبقى للى جايب مجموع كام والمجموع يبقى بالمستوى ولا من غيرة وناخدها ازاى ومنين ، هى السكاشن هتبدا امتى وناخدها فين وبتبقى فى كل المواد ولا الرياضة والمحاسبة بس وبيبقى نازل معيدين ولا بيبقى نحضر مع اى معيد

aqaqa

16-10-2009 05:14 PM

انا فى حــيــرة من امرى انا فى اولى تجارة انجلش اسماعيليه ومش فاهم حاجه وخايف موت من المواد اللى بندرسها بمعنى انى مش عارف اذاكر ازاى فضلا عن عدم امتلاك الكتب وعدم القدرة على التدوين خلف الدكتور افيدونى!!!!!!!؟؟؟؟

salomeh

16-10-2009 05:49 PM

ايه احسن
الدروس اللى تبع الكليه ولا شكاشن المكتبات؟

vampire1188

16-10-2009 08:17 PM

اقتباس:

ممكن يا فامباير باشا معلومات عن الدراسة في قسم الاكتواري يعني ايه مختلف فيه عن العادي

السؤال دا بجد اتكرر كتير اوي وانتا لو قلبت في الصفحات اللي فاتت هاتتلاقيه ..

ومع ذلك اجاوبك يا سيدي

اكتواري دا عبارة عن قسم زيه زي قسم تاني في كلية تجارة القاهرة ..

بس اللي بيفرق عنهم ان التخصص فيه من سنة تانية (يعني تخلص اولي وتطلع تانية)

بشرط انك تكون جايب جيد في سنة اولي

والدراسة فيه بالانجليش ومكان الدراسة في القاعات بتاعة مبنى تجارة انجليش

والمواد اللي في القسم دا كلها بتدور حوالين الرياضة والتأمين والتحليل المالى والكلام دا كله

اللي بيفرق القسم دا عن الاقسام التانية بقي حاجتين :

1- ان العلوم الاكتوارية مابتدرسش في مصر غير في جامعة القاهرة (القسم دا) والجامعة الامريكية

2- ان العدد قليل جدا (بيوصل لـ 20 طالب على اقصي حد)

بالتالى اي حد بيتخرج من القسم دا بيطلع يشتغل على طول

هاتقولي يشتغل فين ؟ .. بورصة - شركات تأمين - بنوك - تحليل مالى - سمسرة

vampire1188

16-10-2009 08:30 PM

اقتباس:

هو 100 جنية المنحة من الكلية بعد الثانوية العامة بتبقى للى جايب مجموع كام

80% فيما فوق

اقتباس:

والمجموع يبقى بالمستوى ولا من غيرة

بالمستوى طبعاً

اقتباس:

وناخدها ازاى ومنين

ازاي ؟ .. على ايام ماخدتها من سنتين كدا كانوا بيعلنوا عنها وبنروح نستلمها بالكارنيه

منين ؟ .. على ايام ماخدتها برده من سنتين

كان من خلال الكشك بتاع الجمعية العلمية اللي قدام مدرج ج،د

اقتباس:

هى السكاشن هتبدا امتى

يعني غالبا هايبقي على شهر 11 كدا

اقتباس:

وناخدها فين

مبنى الامتحانات

اقتباس:

وبتبقى فى كل المواد ولا الرياضة والمحاسبة بس

لا في كله فيما عدا الموارد الاقتصادية تقريباً (عشان دي مادة مش تبع تجارة)

اقتباس:

وبيبقى نازل معيدين ولا بيبقى نحضر مع اى معيد

النظام بيبقي كالاتى .. ان الجدول بينزلك في كل مادة ..

كل مادة منهم بينزل ليها معيدين او 3 معيدين بمواعيد مختلفة

وانتي بيبقالك حرية الاختيار مابينهم طبقاً لاختياراتك انتى

vampire1188

16-10-2009 08:37 PM

اقتباس:

شكوى طبيعية جدا جدا جدا من أى مستجد داخل كلية تجارة وانجليش كمان

اعمل الآتى بالترتيب وان شاء الله هايبقي على ايدي الشفا :

1- ركز في المحاضرة وافهم قبل ماتكتب .. وماتكتبش حاجة انتا مش فاهمها ..

حتى لو فهمك دا هايعطلك عن عدم كتابتك للمحاضرة .. ولو فاتك حاجة انقلها من اللي جنبك عادي

2- ارجع البيت احفظ المفاهيم الانجليش وراجعها كويس جدا ..

واقرا المحاضرة اللي انتا كتبتها مرة واتنين وتلاته عشان تثبت في دماغك

بحيث انك من كتر ماتشوفها تكون حفظتها كشكل

3- خلى مذاكرتك تابعة لـ 3 مصادر .. كتاب - كشكول محاضرات - ملازم

4- في المحاسبة والرياضة حل كتير اوي اوي اوي ..

وخلي ايدك ماشية في المسائل كتير عشان تبقي واخد على شكل المسائل بعد كدا

عشان مايواجهاكش مشكلة الوقت في الامتحان (وخاصة في الميد تيرم)

5- امشي بالخطة دي لغاية الميد تيرم .. وبعد كدا تعالى وانا اكملك الباقى

التؤمان

16-10-2009 08:38 PM

وكلهم بيبقوا نفس المستوى والكفاة ولا انا اعرف منين يعنى اقصد على اساس اية اختار بينهم و فين مبنى الامتحانات اللى بتقول علية دا وهو كل دكتور بيبقى لية مكتب ولا كلهم بيقعوا فى مبنى واحد

vampire1188

16-10-2009 08:41 PM

اقتباس:

ايه احسن الدروس اللى تبع الكليه ولا سكاشن المكتبات؟

مافيش دروس تبع الكلية (قصدك سكاشن تبع الكلية "دا لو انتا انتظام")

لكن لو عايز رأيى المادة اللى انتا ضعيف فيها وشايف انك هاتضيع فيها خالص

خد فيها سكاشن تبع المكتبة اللي سمعتها حلوة واللي المعيد فيها سمعته حلوة

يعني مش تروح تاخد تبع اي معيد وخلاص

وخد بقى معلومة ليك وللزمن ..

مافيش معيدين بيدوا دروس الا القليل ..

معظم اللي بتشوفهم ويقولك المعيد كذا والمعيد كذا

هما في الاصل مش معيدين .. بيبقوا استاذة من مدارس تجارية بس متمرسين وشاطرين

او بيبقوا خريجين من كلية التجارة بس شاطرين وبيعرفوا يشرحوا

vampire1188

16-10-2009 09:04 PM

اقتباس:

وكلهم بيبقوا نفس المستوى والكفاة ولا انا اعرف منين يعنى اقصد على اساس اية اختار بينهم

بيبقي من خلال السمعة بتاعة المعيد ذات نفسه ..

وانتي بنفسك هاتعرفي لما تتلاقي معيد بيحضرله ناس كتيرة اوي دوناً عن المعيدين التانيين

اقتباس:

و فين مبنى الامتحانات اللى بتقول علية دا

مانا مش هاعرف اوصفهولك يعني ..

بس انتي هاتتلاقيه ورا كلية التخطيط اللي جنب المكتبة المركزية

عموما اسألى اي حد ماشي على مبنى الامتحانات بتاع كلية تجارة وهوا هايقولك

اقتباس:

وهو كل دكتور بيبقى لية مكتب ولا كلهم بيقعوا فى مبنى واحد

لا طبعاً كل دكتور ليه مكتب لوحده .. وهاتتلاقي الدكاترة متوزعين في المبنى الرئيسي

بتاع الكلية (الأرضى والدور الأول والتاني)

او في مركز البحوث التجارية اللي في ضهر مدرج العيوطي (الدور التاني)

عمرو ع

16-10-2009 09:37 PM

يا فامبير نيمو جابت معلومات عن دكتور الحسينى وهى انه كان بيدرس السنه اللى فات لسنه رابعه فى قسم الاكتوارى وبتاع الحضور والانصراف بتاع الدكاتره قلها متخافيش منه ومتقلقيش مفكرها يعنى هو اللى بيديها

عمرو ع

16-10-2009 09:41 PM

اقتباس:

المشاركة الأصلية كتبت بواسطة vampire1188 (المشاركة 1684482)

ونعم النصايح والله لاولى انجلش اشكرك والله يا فامبير
:022yb4::022yb4::022yb4::022yb4::022yb4::022yb4::0 22yb4::022yb4::022yb4::022yb4::022yb4:

جميع الأوقات بتوقيت GMT +2. الساعة الآن 07:46 PM.

صفحة 26 من 54

« First

Last »

عرض 50 مشاركات من هذا الموضوع لكل صفحة