حد هيدخل امتحان القدرات ؟

بتاع ايه ده؟

بتاع كليات الفنون جميلة و تطبيقية

اها
مش ده حسب المجموع؟

بس لازم تكون داخل الامتحان بتاعها و تنجح عشان تبقى لائق لدخول الكلية

اه
انت بتفكر فيها ولا ايييه هههه :d

لا لا لا لا ده انا حتى صاحبى قالى تعالى ناخد الكورس بتاعها قلتله روح انت و انت هفضل ف البيت:p
و اختى قعدت تتحايل عليا بس انا اصلا مش بحب الحاجات دى

ههههههههههه
هو ليه لازمه اصلا الكورس بتاعها؟

اصل مين هيعلمك الحاجات دى غير الكورس
عشان كده بيستغلو حاجة الطلاب و عاملين الكورس ب 250 جنيه

الواحد بقي يحس الكورسات دي تجااره اصلا
الكورس بتاع الانجلش بيقولك الليفل ب 800 ج
اخد انا ال 13 ليفل ازاااااااي
دا خراب بيوت

معهد القوات المسلحة للغات بيبقى اسعاره رخيصة و خدمة نظيفة اوى لو فى فرع قريب منك سجلى فيه
و بعدين انتى مش هتحتاجى من الاول خالص لأن بيبقى فى اختبار تحديد مستوى و لو انت شاطرة ف الانجليزى هتلاقى نفسك مثلا داخلة على ليفل 8

اه تصدق نسيت موضوع الامتحان ده
والقوات المسلحه يمكن اقربهم ليااا
ابقي اسال برده

انا لما كنت داخل تانية ثانوى اخدت ليفل فيها

لا والله
طب ايه رايك في النظاام؟

بصراحه كان جامد و مدرسين على اعلى مستوى اللى بس كان مضايقنى ان كل اللى كنت باخد معاهم كانوا كبار
بس المكان حلو و قاعات مكيفة و المدرس بيشرح لغة مش جرامر و بيكون عندك معمل يدخلك تسمع فيه واحد اجنبى بيقرأ قطعة مش قدامك و انت تحل الاسئلة اللى عندك ف الكتاب و المدرس بيشغلك المقطع مرتين عشان لو مسمعتش
يعنى الخلاصة لو فيه جنبك فرع يبقى هو الاختيار رقم 1