|
انا عايزه اقول رايي وياريت اللي يخالفني يفهم وجة نظري الاول انا بصراحة شايفة مصر احسن بلد عربية ( كدولة ) اما بالنسبة للحكومة فهي (.........:frown:.........) وده معروف يعني لكن مافيش بلد مافيهاش ظلم ومافيش بلد مافيهاش مشاكل لكن لاني بحب مصر فانا نفسي تبقى افضل بلد في الدنيا بس ازاي مصر هتبقى افضل (قوة البلد في الشباب) هههههههههههههههههههههههههههههههههههههههههههههههههه هههههههههههههههههههههههههههههههه طبعا عارفين بضحك ليه بضحك على شباب مصر بالزمة ده منظر شباب هيطور بلده اللي لابس بنطلون ساقط ومجلجل شعره واللي اصعب مشكلة في حياته ان ( البت بتاعته سابته ياعيني) توتو وبوسي وسوسو وغيرهم ونعم الشباب بصراحة والبنات ( دول بقى مصيبتهم مصيبة) اللي طالعة من البيت نسيت تلبس (معلش ياجماعة اعذروها كانت مستعجلة) واللي حاطة كيلو مكياج على وشها واللي مسقطة البنطلون بردوا (شكلها ماعنديهاش حزام لازم نعذرها ) واللي ......... واللي ........ واللي اظن انكم عارفين الباقي هما دول اللي هيطورو البلد؟ هما دول اللي هيحاربو الفساد؟ هما دول اللي هيحرروا الاقصى؟ هما دووووووووووووووووول؟؟؟؟:excl: اللي قدوتهم ومثلهم الاعلى تمورة ولا لاعيب كورة؟ اللي بيحرقو بعض عشان ماتش كورة اللي مايعرفش حاجة عن دينه اللي مش حافظ ولا جزء من القران وفي نفس الوقت حافظ آلاف الاغاني جيل ابو الليف وسعد الصغير هوه ده قوة بلده؟ بس بس كفاية انا اتخنقت بجد خلاص وعايزين الحكومة ماتبقاش كده (ده احنا نستحق اكتر من كده والله الا من رحم ربي) وهفضل اقول واعيد ومش هغير رايي لو كل واحد بدأ بنفسه واتغير للافضل واشتغل بضير واطاع ربه حال مصر هيتغير بالتأكيد..............وده رايي ده كان ردي في موضوع عن مصر بردو وانا مش هزود غير حاجة واحدة (لو كان فينا خير كان حال مصرهيبقى احسن من كده لكن طالما فيه ناس بتدفع ملايين على الاغاني والكلام الفاضي ومش قادرة تدفع جنيه للقنوات الدينية الفاضلة فانتظروا حال اسوأ من كده) وشكرا |
اقتباس:
فعلا والله كلام حضرتك ميه ميه بارك الله فيك |
اقتباس:
ممكن أقول دون أن ياخذ كرد على كلام حضرتك طيب حضرتك مش من الشباب ؟ ورافض كل هذه الاوضاع ؟ طيب يبقى فيه خير وفيه أمل بعون الله ولا لأ؟؟ فيه بإذن الله وصدقونى فيه ملايين من الشباب فى مصر غير راضين عن الأوضاع لكنهم لم يفرغوا أنفسهم للسب والشتيمه واللعنات لكن بيقضوها فى عملهم من أجل أن يكونوا ومن أجل أن يساعدوا أنفسهم بأنفسهم وكى يكون لهم كل الحق حتى أمام أنفسهم وضمائرهم فى ان يطالبوا بالتغيير وشكرا لكم |
اقتباس:
ههههههه شكرااا لحضرتك الموضوع من يومين كان حاله وقف :(:( وزعلت قولت هو الموضوع انتهى ولا ايه :stickjo4::stickjo4: بس والله الموضوع ده كبير اوى ومهم جداا:angry2::angry2: وانا فى كل رد احب اضع ختم الجوده عشان العضو يرد :d:d بس لازم كل عضو يتقبل الرد الاخر :friendsxs3: يعنى حضرتك بدرس المادة فى الفصل وفى سؤال الطلاب هيقتلوا بعض عشان اجابة مين اللى صح حضرتك هتعمل ايه اكيد هترد على السؤال بدليل عشان يقتنعوا بالاجابة :bosyht9::bosyht9: طب سؤالى فين الدليل ان مصر بخير والحكومة كويسة :d:dوان مصر احسن دوله عربية ده حتى السياحة اضربت فى مصر السياح بيروحوا دبى يعنى البلد دى لسه جديدة مفيهاش اثار غير شويه مبانى عاليه :angry2::angry2: |
اقتباس:
والله فى شباب مش مستغنين عن حياتهم ومش عايزين يقضوا بقية حياتهم فى السجون والمعتقلات :stickjo4::stickjo4:وده المعروف عن الحكومة المصرية -_--_- |
كم واحد فى حى حضرتك دخل المعتقل ؟؟؟؟؟؟؟؟؟؟؟؟؟؟!!!!
بطلوا الاسطوانه المشروخه دى واللى بتحاولوا تصوروا البلد وكأن الشرطه بتقفش الناس فى الشوارع وتوديهم المعتقلات بلاش النغمه دى لو سمحتم لأنها ستكون القشه التى ستقسم ظهر البعير ولجوءكم لها لايدل إلا على شىء واحد وهو انكم رفعتم حالة الاستعداد للهدم الكامل شكرا |
اقتباس:
مفيش حد فى الحى الاغلبية صغار :d:d وحكاية الاسطوانة دى دى حقيقية وسليمة وشغالة كمان -_--_- وباختصار اكتب حضرتك فى بحث جوجل المعتقلات المصرية وحضرتك هتعرف وتشوف كل حاجة لانى لو كتبت مش هخلص لان فى السجون كتير مظاليم :(:( حسبنا الله ونعم الوكيل |
اقتباس:
والله ده يبقى تحيا مصر مليون مره كمان وكمان ولا هذا شغل جمعيات حقوق الانسان اللى أخذوا محاضراتهم من عمالقة الفكر والحرية اللى أبدعو فى انشاء معتقل عالمى دولى فى جزيرة كوبا لايدخله إلا المعتقلين الاسلاميين حقوق الانسان فى مصر دمار لكن فى الحدود الأمريكيه المكسيكيه نار على علم حقوق الانسان فى مصر تحت الصفر لكن فى فرنسا وايطاليا وألمانيا قمة المعالمة مع الانسان وخاصة المغترب نحن لانمتدح حقوق الانسان فى مصر لكن فى المقابل اسألوا واحد بس من مساجين أبو غريب أو جونتنامو هتعرفوا قد إيه عار على كل مسلم أن يصدق كلام هؤلاء وفكرتينى بزميل حب يعمل علينا مثقف حبتين وجاب لنا خبر جميل عن البرادعى من مجلة أمريكية صهيونيه مائة فى المائة ونشره فى خبر وتعليق لكن الناس الوحشه ترجموا الصفحة اللى كان فيها الخبر الخاص بالبرادعى كلها -- وكلها أخبار جميله فى حقنا !!!!! كان الخبر الاول(الارهاب فى فلسطين يزداد يوما بعد يوم ) الخبر الثانى ( نحن مع أمن اسرائيل حتى لواحتاجنا لإبادة العرب ) الخبرالثالث (التوسع حق لاسرائيل على كل أرضها ) وكان رد الزميل بعد رؤيته لكل هذه الأخبار التى كانت تلاصق خبر البرادعى الرئيس القادم وبكل برودقال -- نحن من أضعنا حق الفلسطينين من زمان !!!!!!رد انتحارى وذكى من أجل تغيير الموضوع يعنى بيخدموا أهدافهم حتى لواتحالفوا مع الشيطان وبيلونوا كل شىء لصالحهم!!!!!!!!!!!!!!!!!!!!!!!! كفى وشكرا |
اقتباس:
اختصارا لكل الكلام ده الصور والفيديو ومعظم الحاجات بتكون مسروقة كل صحفى وطريقته الخاصة <_<<_< وكمان حضرتك السجون المصرية مش بتختلف عن سجون او غريب وغيره انا مش عارفة حضرتك ليه واثق ومتاكد ان الحكومة كويسة وطيبه مع الشعب وكمان الصور مش متفبركة ولا حاجة والفيديوهات سليمة وكمان انا عايزة اعرف ليه لما الواحد يكون مطول اللحية شوية او لابس حاجة قصيرة يخدوه تحرى ليه هو حرام يربى اللحية ولا ايه ولا دى كمان كدب وشوفت حالات من دى كتير واقربهم دكتور صيدلى اعرفه <_<<_< |
http://www.thanwya.com/vb/showthread...72#post2762472
ده حاجة بسيطة من اللي بتعملة الحكومة المصرية في الملتزمين |
حلو الكلام
ربنا يوفقكم بس انتم فين فى الصورة اللى فى التوقيع دورت عليكم كتير ياترى رحتم فين؟؟؟؟؟؟؟؟؟؟؟؟؟؟؟؟؟!!!!!!!!!!! |
اقتباس:
ايه ده حضرتك فضلت المدة دى كلها تدور علينا فى الصورة :lol: كرة القدم مجرد لعبه لالهاء الشعب عن الحكومة والنظام الحاكم الفاسد ولو فى مبارة مثلا بين الاهلى وزمالك وكسب اى فريق منهم شوفوا مشجعى الفريق التانى بيعمل ايه بتحصل مجزرة وضرب :stickjo4: واللى حصل فى المنتخب المصرى والجزائر بيدل ان الرياضة عندنا مش اخلاق حصلت عداوة بسبب لعبه وكمان مفيش حد منهم دخل كاس العالم -_- وكمان بدل ما يصرفوا ملايين على لعبه يصرفوها على حاجة تصلح بلدهم يعملوا مصانع ومشاريع للشباب اللى فى الشوارع شوف حضرتك لما المنتخب بيخسر شوف اللى بيحصل بيشتموا وبيسبوا فى انتوا منتخب وفريق فاشل ولو واحد ظهر فى برنامج يقول الحمد لله على كل شئ احنا خسرنا بس مبسوطين ههههه ده من جوا بيغلى وطفحان من الفريق بس لازم يقول كده ادام الشاشة الصورة دى بس عشان الفريق جاب جول مش اكتر -_- |
كرة القدم تبنى اقتصاد بلاد
ولا كل دى أنظمه دكتاتورية فى البرازيل والأرجنتين وكل دول أوربا وشرق أسيا المتقدم بسرعة الصاروخ طلعوا من أذهانكم هذه الأفكار كرة القدم ليست ابداع ولااختراع مصرى انما هى الماء والهواء بل والغذاء فى دول العالم كله هتحرموها على المصريين ليه ؟؟؟؟؟؟؟؟؟؟؟!!!!!!! شكرا لكم |
اقتباس:
هههههههه تبنى اقتصاء ماشى فى دى لما يكون فى اقتصاد بس مصر مفتكرش ان فى حاجة اسمها اقتصاد البلد اقتصادها مقلوب وكلمة متقدمة لما نكون احنا متقدمين الاول احنا من الدول النامية النامية النامية دى لتاكيد المعلومة -_--_- ومين قال انه اختراع مصرى هى مصر اخترعت حاجة انا اقصد الوقت الحالى وبلاش حد يجيب شوية علماء ويقول دول من مصر كلهم طفشوا منها عشان يبنوا مستقبلهم واولهم احمد زويل <_< وكمان نعالج مشاكل البلد الاول وبعدين نهتم بالكرة مش زى الطالب اللى فاشل فى كل المواد وحاله فيها خربان وبعدين يهتم بالكرة وحصة الالعاب |
كرة قدم ايه اللي بتبني اقتصاد ؟!!!
هو احنا عندنا حتي منظومة سليمة لإدارة كرة القدم ؟؟ كام واحد عندنا محترف بالخارج ؟؟ كام واحد راح احترف ورجع قبل ما ينزل الملعب ؟!! فيه حد عاقل يقول ان شوية لاعبين في دوري محلي يحصلوا علي مئات الملايين من الجنيهات سنوياً وشباب كتير مش لاقي حتي ياكل ونقول ان كده بنبني الاقتصاد ؟ امال لو حنخربه نعمل ايه ؟!! حد يقول ان المؤسسة العسكرية تخصص غالبية ميزانيتها لفرق كرة القدم ؟؟!! حد يقول ان موسسة البترول تخصص غالبية ميزانيتها لفرق كرة القدم ويتم رفع سعر البنزين والسولار من أجل الصرف علي الكرة !!!!!!!!!! حد يقول ان المنتخب يفشل في الوصول لكأس العالم ومع ذلك يأخذ 6 ملايين من الجنيهات مكافأة !!! هل هؤلاء اللاعبين محتاجين ؟!! ألم يكن الأجدر بهذه المؤسسات أن تقوم بانشاء مشاريع كبيرة بنفس التكاليف ليستفيد منها الاقتصاد المصري والشعب المصري وتساعد في حل جزء بسيط من مشكلة البطالة !!!!! ألم يكن الأجدر بالـ 6 مليون جنيه أن تذهب لمستحقيها أو تكون نواة لبداية مشروع يفيد اقتصاد مصر !!! ناقص كمان يبقي الرقص والغناء بيبني اقتصاد مصر !!!!!! الكرة ليست غذاء ولا ماء ولا هواء في كل دول العالم , انما هذا فقط في الدول المتخلفة !!!! |
| جميع الأوقات بتوقيت GMT +2. الساعة الآن 08:20 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.