|
اقتباس:
جميلة جدا افكارك واحنا فعلا بنفذها دلوقتى القائمين على الجروب عملوا حملات فى الجامعات وجارى مناقشتها وكمان تم توزيع بوسترز على المدارس للطلاب ياريت تعرفينا انتى جامعة ايه وتشتركى معانا على الجروب كمان معا لنصنع يوم فى عام 2012 |
اقتباس:
احنا فعلا عملنا الحملة يالا بقى شاركنا يا عسل على الروابط بتاعة الحملة على الفيس بوك |
اقتباس:
انتي فين يا حاجة؟ انا اسفة اني اتاخرت في الرد عليكي بس طمنينا عنك دايما واهتمي بموضوع الفيلم ده لانها فكرة ممتازة وممكن تخصصيه عن النضافة حتى مبدئيا |
بااااااااااااااااااااااااااااااااااااااااك
انا رجعت من الكوليج اهو ازيكوا وحشتوني اوي ايه فينكم وفي جديد ولا لا مستنيكم |
بمناسبة النضافة
في بوستر جديد في الجروبس يا جماعة عن انفلوانزا الخنازير تريكه عامله طازة يالا شوفوه واطبعوه مع التانين تمام؟ |
قبل ما نلوم الحكومه نلوم نفسنا
احنا اللى بايدنا نحافظ على نظافه شوارعنا واحنا السبب فى الدمار والخراب فى البلد دى احنا شعب سلبى ومفيش عندنا تحمل مسئوليه |
ايه ده يا لودي براحة علينا شوية بس
مين قال ان احنا بنلوم الحكومة في حد هنا بيلوم الحكومة يا جماعة ؟ احنا اول هدف في حملتنا ابدا بنفسك ولا تلوث ما حولك هو ليه كله فاهمنا غلط احنا عايزين نبدا بنفسينا بس كده ليه كله مش بيقرا الموضوع صح ؟؟؟؟؟؟؟؟؟ |
اقتباس:
|
سلام عليكم
شباب ...بنات... ها يالا اجتمعوا في اقرب وقت عشان الفكرة الجديدة عايزين نعمل الاستفتاء ونجهز للفكرة الجديدة بعد ما نقيم القديمة ونشوف وصلنا لفين وعملنا ايه تمام؟ هستناكم ان شاء الله مع اني شاكة انكم هتهتموا اساسا يالا خلينا متفاءلة حطوا الوقت المناسب عندكم وبعدين نقرر امتى الاجتماع... |
الفكرة فى الادارة
|
اقتباس:
بس انا مش فاهمة هي ايه الفكرة اصلا؟ |
طبيعى إن الشوارع فى طوكيو أو أى بلد أوروبية تانيه تكون كدا
دى بلاد متحضرة وعندها ثقافة ووعى أما عندنا حتى لو عملنا حملات توعيه أو ما شابه ذلك نسبه قليله جدا اللى بتتفاعل مع المشكله أما البقيه.... فلا يهمهم الأمر. |
السلام عليكم ورحمة الله وبركاته
طبعاً التوبيك ده موجود من شهر بس مش عارف ليه كل ما كنت اجي ادخله بكسل وبمشي :d جايز عشان عنوانه لايعبر عن مضمونه وكنت فاكره موضوع نقاشي عادي ______________ حاولت اقرا الصفحات وصلت لحد 4 وعشان اوصل لـ49 فالأمر شبه مستحيل :d عشان كده عايز اعرف ايه آخر اللى وصلتوله في الموضوع ده ولسه بتناقشو فيه ايه ______________ شفت الجروب بتاع الفيس بووك وماشاء الله اعضائه دلوقتي واحد 70 والتاني 170 تقريبا بس انا عشان مش من محبي الفيس بووك اساساً فمش حعرف اتفسح كتير في الجروب فـــ : - ده عاملينه من شهر بس ولا كان جروب اساساً قديم ؟ - ايه الاهداف اللى شغالين عليها في الحملة وايه دوري لو انضميت معاكو ؟ - مين المسؤول عن الجروب هناك وايه الفرق بين الجروبين المعمولين ؟ ______________ كان عندي كام تعليق على الموضوع ده كده اولهم الصورة الرمزية فتكرار الصورة الرمزية لأكثر من شخص معرفش بس مش داخلة دماغي فدايماً الواحد بيحفظ الواحد بردوده وشخصيته من الصورة الرمزية فتكرارها يؤدي للتشتت وفي نفس الوقت الصورة مش باينة عشان نفهم مضمونها انا مفهمتش الصورة دي بتاعت ايه غير النهاردة :d تاني حاجة عنوان الموضوع يفضل لو تقترحو عنوان جديد يكون معبر عنه زي برده جروب الفيس بووك شايف عنوانه مش معبر عن موضوع النظافة ممكن نقول نحن صناع المستقبل ، التكنولوجيا ، لنصنع يوماً في العصر الحديث يعني :d بس ده اكيد عنوان اتفقتو عليه ومش حاجي دلوقتي اغيره معنديش اسئلة او استفسارات تاني حالياً :d |
اقتباس:
احنا عاملين الحملة عشان نحاول نغير كل السلوكيات السيئة في مجتمعاتنا العربية....وبدانا بالنضافة لكن مش النهاية طبعا واعتبرنا اننا هناخد حوالي 3 سنوات عشان نعمل ده... واي استفسار تاني .....نو بروبليم:blush: |
اقتباس:
بس ياريت يبقى بلون تاني عشان اعرف افك الشفرة بسرعة :d انا فاهم اه إنكو بتحاولو تغيرو سلوكياتكو وسلوكيات اللى حواليكو من خلال الحملة دي وانا عامة بتبع ده في حياتي العادية وحواظب عليه بإذن الله الجروبين انا كنت اشتركت في واحد فيهم مش فاكر مين هو :d وحشترك في التاني وامري لله ادخل معاكو :d وحتلاقوني هناك باسم بانزر برده وعلى فكرة الحملة كويسة جداً ويارب تقدرو تعملو بيها حاجة إن شاء الله |
انا متابع معاكم ياجماعة من داخل المدينة الجامعية لانى انا موجود هناك دلوقتى
ويا بشمهندس انا عاوز نشاط منك بقى عاوزين شغل جامد ياشباب وعلى فكرة الحملة ماشية كويس جدا فى الفيوم وفى الاسماعيلية |
اقتباس:
بس المهم دلوقتي اننا نجتمع بقى عشان الجديد يا مستر وبالنسبة لمستر بانزر.....احنا في قمة السعادة ان حضرتك انضميت لينا والله ويا رب تساعدنا بايجابية بقى ومش مهم تسجل في الجروبس اد ما مهم تشارك بشكل واقعي:d وانا اسفة على موضوع الشفرة(دايما حارجني يا مستر بانزر) |
هاى
ياجماعه وحشتونيييييييييييييييييييييييييييييييييييييييييييي ييييييييي اول مشاركه ليا حبيت تكون هنا وسعيده جدا بالمناقشات اللى فى الموضوع وسامحونى بجد انى مش بشارك هنا او معاكم على الفيس لانى ديه اول مره ادخل على النت من بعد اخر مشاركه كتبتها هنا واحنا شغالين فى الجامعه على الحمله ومحمود قدم البوسترات وضاف عليهم شعار الجامعه والكليه وربنا يوفقنا جمعيا السنه ديه وان شاء الله الحمله تنجح |
اقتباس:
ومستر تريكه بيجيب اخبارك باستمرار المهم دلوقتي بس شوفي اليعاد اللي مناسبك انت وتريكه عشان نتجمع... تمام؟ |
اقتباس:
عن نفسي حبدأ باصحابي وتصحيح اي وضع اشوفه غلط قدامي بالمناسبة ايه موضوع الشفرة ده :d |
اقتباس:
|
انا شايفة اننا عمرنا ما هنلاقى حل غير اننا نغير الوزراء كلهم
|
اقتباس:
كده يبقى بنلف في دايرة جدال مغلقة وبتكون محاولة سلبية مننا لحل مشكلاتنا بالقاء العبء دائماً على الغير |
وحشتوني اوووووووووووووووووووووووووووووووووووووووووووووي يا جماعة
واسفين علي الغياب الفترة اللي فاتت دي عشان الجامعة وكده واحب اطمنكوا زي ما قالت ريهام ان الحملة ماشية تمام اوي عندنا وادعولنا وسلامي لكل الناس وانا معاكوا بكرة لو تحبوا |
وعليكم السلام يا مستر تريكة
كويس ان في متابعة منكم مع كل المشغوليات والالتزامات دي بس الحقيقة انا شايفة انه صعب جدا نجتمع في وقت واحد ف ياريت تبلغنا بالايام الفاضية عند حضرتك وعند ريهام وكذلك الكلام موجه ل مستر شريف ودكتورة مريم وجوجو والرحمة حلوة ومسرة تمام؟ انا عندي السبت والاتنين والاربع ممكن افضيهم انتوا يالا اكتبوا ايامكم المناسبة للاجتماع |
اقتباس:
الجملة دي معناها ان العسلاية اللي كتبتها ماقراتش غير اول كلمتين في الموضوع ودا وارد طبعا انه يحصل في موضوع بلغ 40 صفحة انه ميتقراش كله وبتحصل كتير طبعا ف بدانا نبطل نحرج الناس بقى:d |
معلش بجد يا جماعة انى اتغيبت الفترة اللى فاتت ديه الى جانب انى مش بقيت بدخل هنا خالص
فبالصدفة شفت موضع نجتمع الاول بس يا جهاد نتقابل فين عشان على الاساس ده هحدد الايام اللى فاضية عندى بس عامة انا عندى كلية يوميا مواعيدى بالمواصلات وكله هى من 7 -3 ماعدا السبت من 7-5 وبالتالى الاحد من7-10 لانى اصلا باخد محاضرة واحدة وسكشن معاه كل يوم(من غر تريقة) هيا مواعيدنا كده ماشي؟ (بلاش حقد لانى لما حقدت على ناس بيروحوا يومين فى الاسبوع حتى لو رجعوا متاخر نتيجة حقدى طلعلى يوم السبت اللى بقيت بشوف الغروب وانا داخلة بلدنا؟ المهم ممكن نقول بكون فاضية كفاية الاحد والجمعة طبعا والله المستعان |
اقتباس:
كويس جدا يالا فين بقيت الجماعة بقى؟ |
هو انا وريهام ايام اجازتنا الاربعاء والخميس والجمعة
بس انا مش عارف ظروف ريهام تقدر تدخل امتي فاتبقي تساليها انتي يا جهاد |
اقتباس:
يبقى كمان ريهام وتريكه ....معانا الخميس والاربع والجمعة... اسال انت ريهام يا مستر لاني صعب اقبلها ولحد ما تقابلها هنعتبر الايام اللي كتبتها دي مشتركة بينكم وخلاص كده مش فاضل غير(مستر شريف،وجوجو،والرحمة حلوة) يا مسهل |
وانا مش هعرف اكون وياكم غير فى اجازة العيد
لانى انا مشغول جدا فى الكلية والدراسة |
اقتباس:
خلاص يبقى نتقابل في اجازة العيد يا جماعة كلنا تمام؟ ربنا يعينك يا مستر |
ان شاء الله
|
متنسوش الاتفاق يا شباب ويا بنات الحملة:022yb4:
|
جزاكم الله خيرااااا
|
شباب بنات
كله يعمل حسابه الحضور:فجر تاني ايام العيد محدش ينسى تمام؟ الالتزام الالتزام يا جماعة |
حاضر وانا هكون اول الموجودين ان شاء الله
|
حسنا وانا ان شاء الله ساكون متواجد
|
ممكن اعرف التجمع الساعه كام بالظبط
|
فين الناس
|
مافيس حد هنا غيري ولا ايه
طيب انا هستني شوية يمكن الاتوبيس يجي :d |
انا اسفة اتاخرت
لكن جيت انا يا جماعة ها حد تاني معايا؟ |
ايام هير
هو الاتوبيس جه ؟ |
هل في حد هنا ؟؟؟؟؟؟؟؟؟؟ :d
|
ايوة انا هنا
مين تاني موجود؟؟؟؟؟؟؟؟ |
الجماعة فين؟؟
|
هي ريهام ابلغتني انها مش جاية
ومسرة طبيعي مش تبعنا وانا موجودة حاليا ومستر تريكة كمان فين الباقي بقى؟؟؟؟ |
وحاليا بقيت لوحدي كمان؟؟؟؟؟؟؟؟؟؟؟
|
انا هنا بس كنت بعمل حاجة يعني 5 دقائق كده وهكون معاكي
|
انا معاكم
|
| جميع الأوقات بتوقيت GMT +2. الساعة الآن 07:19 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.