انا بعمل فى التامينات والمعاشات القطاع الحكومى مش مدرس وكان يشرفنى ان اكون مدرس

طب حضرتك اتعاقدت ازاى مع التامينات؟

انتا عاوز الصدق والصراحة عن طريق احد اعضاء مجلس الشعب هو اللى جاب ليا التاشيرة دى الصراحة بس لازم اقولك حاجة انا حاصل على جيد جدا فى كلية الحقوق قدمت فى الهيئات القضائية كلها اترفضت طبعا علشان اولاد السادة المستشارين قدمت فى كل اعلانات الوظائف لحد اما عرفت واحد عارف واحد فى مجلس الشعب ودفعت فلوس بالمعنى الدقيق لو اردنا الصراحة رشوة هما السبب مش انا لو كانت البلد ماشية صح كنت اتعينت بمجهودى وكنت ساعتها مش حدور على حد او واسطة

متفق معاك ودا اتقاقنا من الاول سنسلك كل القنوات الشرعيه

وانتم نسيتم لسا هنخاطب برامج talkshow

احنا لا برشوه ولا بفلووس احنا لنا حق مشرووووووووووع الكلام واضح احنا عن طريق مسابقات عامه ونزيهه

منا لو كنت لقيت المسابقات النزيهة كنت اتعبنت بتقديرى بس للاسف لم اجدها وعلى العموم ربنا يوفق الجميع وتنجح الحملة ويتم التثبيت

انتم متحاملين لية على الاستاذ / حركة التغيير هو فى الاول والاخر سواء بمسابقة رسمية اوغير رسمية اهو تعاقد وزمانة بقالة ب 4 أو 5 سنين متعاقد دة خطأ المسئولين فى الاول والاخر عن سوء التنظيم اثناء التعيين بلد كل شوية بقرار وحالة دة غلط المسئولين . احنا طبعا بنرحب بيك معانا والمشاركة انت وزملائك فى الحملة بتاعتنا قضيتنا كلنا واحدة وهى التثبيت وهدفنا واضح . بس حضرتك بتقول انك جربت طرق سلمية وبعت فاكسات يمكن بعت كفرد لوحدك لكن خلينا نجرب كلها بكتير اسبوع وتخلص المرحلة دى وحضرتك امشى معانا نفس الخطوات بس ابعتها على صيغة المتعاقدين فى تأمينات دى كل الحكاية ونبقى كلنا يد واحدة ان شاء الله .
الاختلاف فى الراى لايفسد للود قضية واحنا نرحب بيك معانا واحنا ماشيين اولا طرق سلمية وفية تفاعل مع الصحفيين ويجى 5 صحفيين أثاروا الموضوع دة كويس . ولو مانفعش هنجرب طريقتك مفيش مشكلة طالما فى الصالح العام احنا مالنحبش نخسر حد فى قضيتنا .

يا ريت اربعة او خمسة انا بقالى 8 سنين مؤقت ودى حتبقى السنة التاسعة انا حطلع معاش وانا مؤقت انتا عارف يا استاذ مونى صديق لى معايا واللة العظيم بقالة 15 سنة مؤقت انا رفعت قضية فى مجلس الدولة بس خسرتها فى النهاية لانة لازم من الشروط التثبيت ان يمر مدة 3 سنوات وان تتطلب السلطة المختصة من جهاز التنظيم والادارة التثبيت وعمر السلطة المختصة ما حتعملها علشان كدة المحكمة قالت ان التثبيت رخصة مخولة لجهة الادارة تقدرها حسب سلطتها التقديرية ووفقا لصحيح القانون وبالتالى كان يجب اجراء تعديلات على القانون وان يكون التثبيت اجبارى بعد مرور فترة زمنية محددة

خبر عاجل لكل المشاركين فى الحمله :

انباء عن تغيير وزارى موسع واخر محدود للمحافظين وهناك انباء عن ان التغيير سيشمل كل من وزيرى الصحه والتعليم والتعليم العلى والثقافه والسياحه والاوقاف ...........


نامل ان يكون د كتور احمد درويش من الذين يتضمنهم التغيير او حتى الانتقال الى وزاره اخرى يارب


ان شاء الله نحقق هدفنا وربنا يزيح احمد درويش من طريقنا .

يسمع من بقوكو ربنا:av4056bb7jp3::049gc0:

اكيد طبعا استاذ مدرس متعاقد وانا حبدا معاكم الحملة وحرسل شكاوى الى منظمة العمل الدولية والى مجلس حقوق الانسان وانا معكم قلبا وقالبا ونحن جميعا اخوة مصلحتنا واحدة وانا بدات فعلا فى تجهيز شكاوى سوف يتم ارسالها الى السيد رئيس الجمهورية والسيد رئيس مجلس الوزارء والسيد رئيس مجلس الشعب والسيد وزير التربية والتعليم والسيد رئيس اتحاد عمال مصر والسيد رئيس مكتب الامم المتحدة بالقاهرة والسيد شيخ الازهر وحكون مساند لحملتكم بكافة الطرق والوسائل

انا مجند اكثر من 150 محامى من محامين بلا قيود على استعداد كامل لرفع دعاوى قضائية على شبخ الازهر وعلى وزير التربية والتعليم امام مجلس الدولة ودى حتكون احدى المراحل والتى سوف نقوم بها ولكن طبعا بعد موافقة اغلبية الاعضاء كذلك سوف نرسل بشكاوى الى المجلس الاقتصادى والاجتماعى بجنيف حتى تصبح القضية قضية ذات طابع دولى ولكن نتنظر حتى نرى هل سوف توجد استجابة ام لا جميع مؤسسات المجتمع المدنى والمنظمات الحقوقية سوف تقوم بالوقوف بجانبا

الحكومة دي بتاعة كلام والسلاممممممممممممممممممم

لو سمحت ليا استاذ مدرس متعاقد علينا ان نرسل بشكوى الى منظمة العمل الدولية والى الاتحاد الدولى للعمالة وان شاء اللة انا حقوم بارسال تلك الشكوى عبر البريد الدولى انا عن نفسى لا اجد فى ارسال الشكاوى الى فائدة ولكننى مستمر فى ارسالها وحتى اكون محايد والا اكون متشددا من وجهة نظر البعض منا فالاستمرار فى الشكاوى او عمل اضراب هى على حسب ما يريدة الجميع والراى للاغلبية

راى ان نستمر فى الفترة دى بمراسلة الاعلام والصحفيين لسببين:

1- هنعمل اضراب اذاى واحنا فى اجازة اصلا ومش هيبقى لها صدى ولا اهتمام نهائى لانها من الاخر مش هتاثر بحاجة لا فية طلبة ولا مصلحة اتعطلت .
2- اخبار زملائنا من المتعاقدين اثناء الدراسة امال مين اللى هيعمل اضراب مش المتعاقدين احنا بمثابة تجمعنا نقطة فى بحر

نخاطب المعلمييييييييين الكبار بتوع الكومة قصدي الحكومة

بس سؤال معلش يا جماعة ما هى المدة الزمنية اللى حنستمر فيها بارسال شكاوى الى السلطات المختصة وما هى الخطوة التى تليها يعنى حنرسل الشكاوى لمدة اسبوع اسبوعين شهر شهرين واذا علمنا ان الشكاوى ليس لها فائدة ما هى الخطوة التالية

انا طبعا ما اقصدشى على الاطلاق اهانه اى حد انا كنت بتكلم عن نظام تعاقدنا انما كل الاحترام للاخ حركه تغيير

انا شايف نستمر شويه فى حملتنا زى ما قلنا ونخاطب كل الجهات والبرامج

انتا عندك حق فيما قولتة بس صدقنى لو كنت وجدت مسابقة نزيهة ومفيش فيها واسطة صدقنى كنت قدمت فيها بس للاسف قدمت فى جميع المسابقات لقيت اما ابناء العاملين او ابن مسئول كبير فلم اجد امامى سوى ان اسلك سبيل الواسطة دة اللى كان قدامى واحنا فى الاخر اخوات وكل سنة وانتا طيب

معاك حق كله بالواسطه

الواسطة اصبحت سلوك المجتمع فى كل شئ

فكرة الاستاذ محمد جميلة
ومجربة بس على نطاق اصغر وعرفت ارجع حقى والحمد لله
بس ممكن نخاطب الاعلام الاول ونشوف النتيجة (لو خيرا فخير)
ولو محصلش نتيجة يبقى000000000000000000

المشاركة الاصلية كتبت بواسطة حركة التغيير:
يا ريت اربعة او خمسة انا بقالى 8 سنين مؤقت ودى حتبقى السنة التاسعة انا حطلع معاش وانا مؤقت انتا عارف يا استاذ مونى صديق لى معايا واللة العظيم بقالة 15 سنة مؤقت انا رفعت قضية فى مجلس الدولة بس خسرتها فى النهاية لانة لازم من الشروط التثبيت ان يمر مدة 3 سنوات وان تتطلب السلطة المختصة من جهاز التنظيم والادارة التثبيت وعمر السلطة المختصة ما حتعملها علشان كدة المحكمة قالت ان التثبيت رخصة مخولة لجهة الادارة تقدرها حسب سلطتها التقديرية ووفقا لصحيح القانون وبالتالى كان يجب اجراء تعديلات على القانون وان يكون التثبيت اجبارى بعد مرور فترة زمنية محددة



على فكرة انا اخت ليكم وكل سنة وانتم طيبين

معلمون بلا حقوق اننى ادعوا جميع الاعضاء قراءة الخبر المنشور فى جريدة جريدة روزاليوسف
 

هذا الخبر تم نشرة الاربعاء الماضى ولقد قمت بتنزيل الخبر لحضراتكم للتاكد باننى عندما دعوت لحركة من اجل الدفاع عن حقوق العمالة المؤقتة لم اكن اريد شرا او استخدام العنف بل اريد ان نحصل على حقوقنا اننى اضع هذا الخبر امامكم وارجوا ان يتم قراءة الخبر جيداااااااااااااااااااا


http://www.s4it.net/AllAboutNews/092...5-08092009.jpg

انا اعتزر عن الخطا الغير مقصود وكل سنة وحضرتك طيبة

الله معنا
 

السلام عليكم
أولا الأخ حركة التغيير بنرحب بيك معانا وياريت بس نصبر شوية
ثانيا يا جماعة لسه برامج التوك شو ودي الأهم إعلاميا في الفترة دي
ثالثا فكرة القضايا والإضراب مش وقتها دلوقتي خالص احنا لسه في بداية الحملة
رابعا فكرة التبرعات مرفوضة مرفوضة مرفوضة مش عايزين حد يقول اننا بنلم تبرعات بدون ترخيص ياريت اندفاعنا ما يخليناش نعمل حاجة تضرنا وتضيع حقنا.
خامسا فكرة الاجتماعات برضو مش لازم ننفذها غير لما ييجي وقتها ويكون ليها هدف

يبقى كدة مفيش حملة طالما لا يوجد اجتماعات ولا تبرعات ولا اضرابات او اعتصامات امال الحملة حتكون عبارة عن اية مجرد ارسال شكاوى فقط مش حتكون فعالة بالقدر الكافى ويوجد خبر منشور فى جريدة روزريوسف عن اضرابات للمعلمين اما وزارة التربية والتعليم اذن فهناك تحرك ايجابى من المدرسين ومن المؤقتين بصفة عامة دة مجرد راى وممكن راى يكون غير صحيح ويكون غلط وراى حضرتك صحيح

لا طبعا في حملة والحملة دي لو حضرتك متابعها من الأول هتلاقي إنها في وقت قليل بدأ يكون لها تأثير
ومش كل حاجة هتتحل بالسياسة
كده حضرتك بتخلي الموضوع سياسة وده مش صح
وبعدين إحنا في الحملة بنمشي برأي الجماعة واللي الجماعة هيتفقو عليه أكيد هيتنفذ إذا كان صح

انا مع راى حضرتك ولكن الامر لا يتعلق بالسياسة بل الامر متعلق بمنهج للحياة يتعلق بان يشعر كل فرد منا انة ليس مهدد دائما وان يشعر بالحد الادنى من الامان الوظيفى تلك هى السياسة التى اقصدها والتى نسعى جميعا اليها سواء كنا مدرسين او عمال او غير ذلك فجميعنا يسعى للامان والاستقلال الوظيفى والا يتحول القطاع الحكومى الى قطاع خاص واكيد راى الاغلبية حيكون هو الاصلح وكل سنة وحضرتك طيب والامر كلة موكل الى الاعضاء الكرام

لازم نقوم بخطوة جريئة ونحاول نظهر لهم اهميتنا وقيمتنا ولازم نضغط عليهم ومن كل اتجاه ومفيش حل غير الاعتصام واهو العام الدراسى على الابواب واحسن حاجة نستغل بدايته لانه اصلا بيكون فيه عجز فى المدرسين ومحتاجينا اكتر من اى حد ومفيش حاجة هتنفع غير كده

د احمد درويش بيقول اللي يستحقوا التعيين عددهم79 الف واعتقد أنهم العاملين بالعقود في التعليم وبعدين ياسيادة الوزير لما انت شايف انهم يستحقوا التعيين ماعينتهمش ليه وبيقولك قانون الوظيفه لايهم كثير من المواطنين وهنحاول نزقه مجلس الشعب السنه ادي وان ماكانش يبقا السنه الجايه ولاالسنه اللي بعدها ولابعد 10 سنين هو الوزير تعبان في حاجة

احمد درويش بيقول اللي يستحقوا التعيين عددهم79 الف واعتقد أنهم العاملين بالعقود في التعليم وبعدين ياسيادة الوزير لما انت شايف انهم يستحقوا التعيين ماعينتهمش ليه وبيقولك قانون الوظيفه لايهم كثير من المواطنين وهنحاول نزقه مجلس الشعب السنه ادي وان ماكانش يبقا السنه الجايه ولاالسنه اللي بعدها ولابعد 10 سنين هو الوزير تعبان في حاجة

واللة عندك حق هو لو كان عاوز يثبت كان ثبت من زمان

احد بنود الوظيفه العامه الجديد الي عايز يقدمه مجلس الشعب اللي يختلس مبلغ اويسبب تلف اوخساره من العاملين في حدود 10000جنية اواقل من 100000 جنيه ما يتقدمش للنيابه ويتقدم للتحقيق في جهة عمله ولكن لو المبلغ اكبر يتقدم للنيابه سسسسسسسسسسسسسسسسسسسسسسسؤال في واحد عاقل وطبيعي يقدم بند كدة

واللة العظيم معاك حق يا استاذ احمد

يا أستاذ حركه التغير نحن لانطلب من الدكتور درويش بتثبيتنا ولكننا نطالب بمسأله واستجوابه لماذا لم يطبق المادة 72 من قانون الكادر ال ذي وافق عليه مجلس الشعب ووقع عليه رئيس الجمهوريه ونطالب بالتعويض عن التأخير في تنفيذ المادة 72 ونتهمة باءهدار وقت المدرسين واهدار المال العام في اتقديم للاكاديميه الان لان من يقدم للاكاديميه الان يجب تثبيتهم فورا بدون أى شروط طبقا للمادة 72 من قانون الكادر

حسبي الله ونعم الوكيل

مادة(72)
مع عدم الإخلال بشروط شغل الوظائف المدنية المنصوص عليها في قانون نظام العاملين المدنيين بالدولة يشترط فيمن يشغل وظيفة من وظائف المعلمين اعتباراً من تاريخ العمل بهذا الباب ما يأتي:
1-أن يكون متمتعا بالجنسية المصرية أو جنسية إحدى الدول التي تعامل المصريين بالمثل في تولي الوظائف العامة
ويجوز لوزير التربية والتعليم الاستثناء من هذا الشرط عند التعاقد مع المعلمين الأجانب وفقاً للقواعد التي تبينها اللائحة التنفيذية
2-أن يكون حاصلاً على مؤهل عال تربوي مناسب أو على مؤهل عال مناسب بالإضافة إلى شهادة (إجازة) تأهيل تربوي وتصدر بقرار من وزير التربية والتعليم اشتراطات التأهيل التربوى المطلوب
ويستثنى من هذا الشرط المعلم المساعد والشاغلون لوظائف تعليمية في تاريخ العمل بهذا الباب.
3-أن يجتاز الاختبار المقرر لشغل الوظيفة.
تلك المادة واضحة الدلالة ولا تقبل التاويل او التفسير ان وزير التنمية الادارية وكذلك وزير التربية والتعليم يقومون بوضع العراقيل امام تنفيذ تلك المادة طالما استوفت شروطها طبقا لنصوص القانون قانون رقم 155 لسنة 2007 بتعديل بعض أحكام قانون التعليم الصادر بالقانون رقم 139 لسنة 1981 وبالتالى يحق لكم رفع دعوى امام محكمة القضاء الادارى استنادا الى تلك المادة بل المطالبة بالتعويض والذى يشمل تعويض مادى وادبى

لا يااستاذ محمد
المرحلة الجاية مرحلة الفاكسات ومراسلة البرامج
ولو مفيش رد فعل طبعا معروف هنعمل ايه