اه انا اسف انا عارف انه جيولوجى بس مش عارف ايه اللى خلانى اكتب بيولوجى المهم ,,, انا بسأل على علوم طنطا قالولى انه مينفعش بتاع رياضه 2 يخش جيولوجى ف طنطا فانا عايز اعرف اى قسم تانى اشتغل منه ف مجال البترول دا على اساس ان مينفعش اخش جيولوجى وانا رياضه2 فى طنطا
وشكرا على الرد

انا عايز اعرف كلية العلوم صعبة في ايه لان كل لما اقول لحد اني في كلية علوم يقولي دي كلية علوم صعبة و عايزة مذاكرة كتير و بحس انو كلية العلوم اصعب من الطب بس ازاي دي كلية الطب بتأخذ اعلى المجميع معناها انها محتاجة لناس شاطرة جدا و متفوقة و الا كان العكس لو العلوم صحيح اصعبمن الطب يبقى هي الي لازم تأخذ مجميع اعلى من الطب, وبيقولولي انها ملهاش شغل ؟ وعايز اعرف عشان افتح معمل تحليل ايه التخصصات الي ممكن تخليني افتح معمل تحليل؟ ارجوا الرد بسرعة

هاى يا جماعة انا طالبه ف تانيه علوم جامعة اسكندريه وبتابع مواضيعكو بقالى كتييير بس لما دخلت قسم انا مش عايزاه فقررت انى انضم اليكو عشان حد يدينى اى معلومات عن القسم (فيزيا) بس يا ريت حد يدينى اهميه عشان حاسه انى بكلم نفسىىىى

حد يفيدني يا جماعة

هو احنا بنختار التخصص و لا هو حسب التقدير انا عايزة ميكروبيولوجي اعمل ايه و التخصص من سنة كام حد يرد عليا بسرعة

اية هى مواد سنة اولى بيولوجى

انا جامعة عين شمس وعاوزة اعرف هو دخول قسم معين بيبقى على حسب المجموع والتقديرات

الجداول والكارنيهات هتظهر امتى
انا علوم عين شمس
والراجل قاللى هتدخل علوم طبيعيه
وارجو الرد سريعا شكرا

ايوة يا نور الاقسام بتبقى على حسب التقدير العام بتاعك وتكونى ناجحة فى المادة اللى عايزة تتخصصى فيها انا علوم اسكندريه ودة نظامنا ومتهيألى انه نظام الاقسام دة الجامعات زى بعض اتمنى اكون افادتك

يا ريت بجد لانى محتاج حد عنده معلومات عن كليه علوم ....انا لسه داخل سنه اولى علوم طنطا وانا علمى رياضه وكنت عايز اخش قسم جيولوجى عشان اشتغل ف مجال البترول ...بس سمعت ان علوم طنطا مبتخدش علمى رياضه فى قسم الجيولوجى ...فلو ممكن تفيدينى فى الموضوع دا لو فى اى قسم تانى ممكن اشتغل منه ف نفس المجال ؟؟ ولو مفيش اعمل ايه ؟؟؟

بص انا هقولك على النظام عندنا فى اسكندريه ومتهيألى انه فى كل الجامعات قسم الجيولوجيا متاح لطلبه علمى رياضة عادى بس لو مش متاح عندكم يبقى مش هيكون قدامك غير علوم طبيعيه وممكن تجيب تقدير كويس وتخش قسم كيميا ف سنه تانيه ودة ممكن تشتغل بيه فى البترول والبتروكيماويات وممكن كمان كيميا حيوى دى بتشتغل فى التحاليل والادويه وكدة بس ربنا يوفقك وتطلع طنطا بتقبل علمى رياضة فى قم جيولوجيا

الجدول بتاع المحاضرات لكليه العلوم -رياضه نزل ولا لسه لاعدادي
ارجوكم لو نزل قولولي عليه ضروري

طب علوم طبيعيه دى ايه مجال شغلها ؟؟؟؟ وهل ممكن احول السنه الجايه مثلا اسكندريه دا على اساس انى ممكن اخش جيولوجيا عندكم ؟؟؟

لا لو حولت السنه اللى جايه مش هتدخل جيولوجيا لان انت هتبقى فى سنه تانيه والجيولوجيا دة المفروض انه بتختاره من سنه اولى وبالنسبه لعلوم طبيعيه فيها اقسام وتخصصات كتير زى الرياضة والاحصاء وعلوم الحاسب الالى والفيزياء والفيزيا الحيويه وكيميا وعلوم بحار وعلوم فضاء , وطبعا كل قسم ليه مجال مختلف عن التانى فى الشغل بس من احسن الاقسام طبعا <الكيمياء> وبتقدر تشتغل بيها فى مجالات كتير واللى بيحدد مجال شغلك التخصص الفرعى اللى بتاخدة فى سنه تالته يعنى لو اخدت فيزيا ممكن بترول ولو بقيت كيميا سبيشيال يبقى تحاليل طبيه وشركات ادويه بس سيبك انت من سنه تالته دلوقتى وركز فى سنه اولى وجيب تقدير حلو عشان تتخصص كيميا فى سنه تانيه وبردو انشاء الله يطلع عندك جيولوجيا فى علوم طنطا عشان انت شكلك متعلق بيها اوى