السلام عليكم ورحمة الله وبركاته
ازيكوا يا جماعه عاملين ايه ؟
اولا هعقب على كلام الاخت شرين وانها بتقول مش عارفه تصدق ولا لا وانا بقولك والله صدقى والله العظيم ده حصل حقيقى فعلا وفى حاجات لو سمعتيها يا هتقولى انى مجنون او انتى اللى ممكن تتجنني فبلاش احسن ولو عايزة تروحي القصر عادى ممكن تروحيه هو بقى مزار سياحى

ثانيا كلام الاخ biob وانه بيقول اننا غلطنا من الاول بس احنا مغلطناش او عملنا حاجه تضرهم احنا كنا بنتفرج بس حب استطلاع يعنى وبعدين انت لو شفت العذاب اللى كنا فيه واللى احنا فيه هتشجعني اننا ننتقم لصاحبنا احنا والله كنا فى عذاب ليل ونهار ومش سهله كدة تشوف اعز اصحابك ميت قدام عينيك وانت عارف ايه سببه والحمدلله انا وصاحبى زياد وصلنا لحاجات تخلينا ندخل القصر ومفيش هوا يقرب مننا والله يا جماعه كلام ثقه والله العظيم

ثالثا كلام الاخت اسيل رزق وهي بتقول ان الجن موجود فى حياتنا ولهم حياتنهم وان الانسان ممكن يشوفهم واه فعلا يا اختى كلامك صح الجن موجود فى حياتنا ومنهم المسلم والمسحيى واليهودي واخطرهم على الانسان هو اليهودي بس مش بياثروا على حياتنا لاننا لا نعلم عنهم شئ ولا نحاول باذائهم وهما فعلا لهم حياتهم خاصه بهم وفعلا الانسان ممكن يشوف الجن دة بطريقه علميه بعد ابحاث وتجارب حيث اثبت العالم الصهيونى الاسرائيلى ( המדענים של ג'ין ) ويطلقون عليه بالانجليزيه العالم ( Wienschfter ) وهو اثبت ان الانسان يمكنه رؤية الجن عبر الموجات الكهربائية المرتفعه والاخت قالت بردة انى قولت ان الجن مخلوق ضعيف وهو فعلا والله يا جماعه مخلوق ضعيف جدا مهما كانت ديانته مسلم او مسيحى او يهودي فى من السهل جدا ان تتخلص منهم وتطردهم من مكانهم وهي بطريقة حرقهم وعلشان تحرقهم لها عدة طرق بلاش نخدل فى تفاصيل يعني وهي قالت علشان نحرص منهم نسمع قرآن وفعلا دي اسهل طريقه وافضل طريقه لاحتراص من الجن

ورابعا كلام الاخت سندريلا اول حاجه يا جماعه انا والله ولا اعرفها ولا بقول الكلام ده علشان تصدقوا موضوعها والله يا جماعه ما اعرفها ولا اعرف اى حد فيكم انا دخلت الموضوع ده لما كنت ببحث عن معلومات تخص القصر
وانا هعقب على كلامها وهي بتقول ان اللى حصل دة يخلينا مندخلش القصر لا يا اختى انتى لو شفتى اللى حصلنا والعذاب اللى كنا فيه يخلى قلبك كله يتملى كراهيه وتحسي بنار فى قلبك والله وتبقي عايز يا تموت يا تموتهم
ويا اختى انا ولا هدخل القصر ده علشان كلامك او حاجه علشان تسامحى نفسك والكلام ده انا كنت بقرا بس عن القصر علشان اقدر اجمع المعلومات اللى اقدر عليها وخصوصا فى القصص اللى بتحصل للاشخاص اللى حاولوا يدخلوا القصر للفضول ودلوقتى لو فى اى حد عايز يدخل القصر بيدخل عادي بالنهار ومفيش اى حاجه ممكن تضرة عادى يعنى ومتقلقيش يا اختى اكيد اصحابك واخواتك اللى موجودين هنا هياخدوا القصص دي موعظة ومش هيحاولوا يعملوا كدة متقلقيش يا اختى
وبعدين انتى بتقولى نشيل فكرة الانتقام دى من دماغنا تعرفي يا اختى انا صرفت لحد دلوقتى والله اكتر من 25 الف دولار ومش حكاية فلوس والله لا انا مستعد ادفع قد كدة كمان 5 او 6 مرات بس اوصل للى فى دماغى واريح قلبي و والله يا جماعه انا مقضيها سفر من هنا لهنا ومن شيخ لشيخ ومن منجم لمنجم و والله يا جماعه انا رحت لمنجم من عمان موجود فى مصر وحضر جن مسلم قدام عنيا والله والعظيم وقالى انه ممكن يخليه يرافقنا واحنا هناك علشان يحمينا شويه واحنا رفضنا وقولنا مش عايزين مساعده من حد والله العظيم يا شباب بتكلم جد وفي حاجات تانيه كتير لو قولتها ممكن تقولوا عليا مجنون او مشرك والعياذ بالله انا والله لما عرفت الحاجات دي فكرت انى اتجننت ولكن كل حاجه كانت قدامى بالتجربه والاثبات والحاجات دي متعلقه بالاسم اللى انا داخل بيه اللى هو dark zone والله يا شباب بتكلم بجد وكلام حقيقي والله وبالاثبات والله انا مش هستفيد حاجه لما اكدب عليكوا والله بس الكلام ده لو قولتوا ممكن تقولوا عليا مجنون او كلام افلام رعب من اللى بنشوفها فى tv بس والله كلام حقيقى وواقعى والله العظيم وكل حاجه كانت قدام عنيا بالاثبات والتجربه

وان شاء الله يا جماعه انا رايح القصر بعد 3 او 4 ايام بعد الساعه 12 بليل وقبل الفجر ما ياذن ووالله انا وصاحبي زياد رايحين نجيب اى تمثال من هناك او اى حاجه موجودة فى حمام ودي ان شاء الله هتكون البدايه لنا

وفى نهاية كلامى اشكر كل واحد فيكم قام بدعوة الرحمه لصديقى
ربنا يحميكوا من كل شر يارب ويحرصكم اجمعين ويفقكوا فى دراستكم يارب

و اى حد عايز يستفسر عن حاجة يتفضل يسال وانا هبقى ادخل ان شاء الله واجاوب على استفساراته
ويارب مالقيش حد يقول مين المجنون ده ؟؟!! :D
و والله يا جماعه اقسم بالله كل كلمه قولتها حقيقه و واقعيه
واسف جدا على اطالتى عليكم
والسلام عليكم ورحمة الله وبركاته