![]() |
للاسف النهارده اتصلت بالموجه الخاص بمادة الدراسات و سألته على العقود الخاصه بينا ( انا تعاقد 2\7 ) و ابلغنى انه النهارده فى المديريه و انهم استلموا عقود (2\7 ) فقط و رفضوا استلام عقود (1\9 ) بحجة عدم وجود بند مالى يسمح و بالفعل لما رجع من اسيوط قابلته تانى و اكد نفس الكلام
|
أنا أستاذة يافندم
مع إحترامي لكلام حضرتك طبعا ومؤكد فيه جانب كبير جدا من الصح بس ده بالنسبة للمستويات العالية والمتوسطة بس معلش حضرتك أغلب الناس في القرى والنجوع الناس اللي على قدها المسكينة الغلبانة الطبقات الفقيرة واللي تحت خط الفقر حضرتك بتكون بالنسبالها مصدر المعلومة الأول والأخير وربنا يصلح الحال عارف حضرتك أنا مع الإضراب لو كان مثلا أول أسبوع في الدراسة بس أو حتى إتنين بحد أقصى كوسيلة للضغط لكن يمتد ويكون مفتوح مالوش نهاية كدة لأ ده اللي أنا بأرفضه وبقول عليه لأ والله المستعان وربنا يصلح حالك يابلدي |
مافيش اى اخبار عن تثبيت الل ليهم ثلاث سنوات زى باق المحافظات انا سمعت ان نشرة حوافز الاداء وصلت يا ترى احنا لينا فيها
|
أنا شابف إن الناس بدأت تتحرك وتروح تجيب المعلومة بنفسها
ودي حاجة رائعة ... بكده عمر الحق ما هيضيع عاوز أقول رأيي في موضوع الاضراب هو هيكون على مستوى المدن فقط ... لان الاضراب في القرية ملهوش أي لزمة غير ولو المدرس أضرب في القرى مش هيكون اضراب ضغط على كد ما هيكون اضراب كسل واستغلال فرص إنما في المدينة مع اول أسبوع اضراب الناس الأهالي هتقوم ومش هتقعد وهيكون ليه تأثير شديد بالنسبة للكلام بتاع التعاقدات ان شاء الله خير طول ما العمل مستمر خير ... المشكلة لو عملولك إخلاء وسمعت انها صعبة شوية الموجهين بقى متسمعوش منهم أي حاجة ولا تاخدو كلامهم ثقة لانهم رؤوس الفساد في موضوعنا ده وهما اللي فعلا عاوزين يتفرزو مش العقود شكرا استاذه نوره وشكرا استاذ انا المصري على متابعتكم للموضوع |
استاذه ابرار حضرتك متوقعة انفى تعليم فى سواء فى القرى او المدن
فى القرى الناس الى حد ما اهدى من المدن لكن تعليم للاسف مفيش والله العظيم انا دى اول سنه ليا تدريس مرحلة سنويه فانا قليل خبره احد المدرسين قالى مش مهم ماده علمية المهم الحصه تعدى على خير والله لو الاضراب طول السنة ده مش هياثر كتير فى البلد لان منظومة التعليم خطا ومفيش تعلم من اساسه استاذه المدرس الموظف الوحيد اللى فى الدولة بيروح الشغل وهو خايف ان اليوم ميعديش على خير فى اية تانى لا تعليم فى مصر سواء مدن وقرى وجامعات نتمنى من الله ربنا يصلح حال التعليم اللى تبدا من احترام المدرس كشخص ووظيفه ادام الله علينا نعمة الامن والامان |
على لسان التوجيه بتاعي وصل فاكس بعودة المنقطعين |
لو سمحت يابو منه متعرفش الناس الى مستلمش هتستلم امتى
وهل من الممكن بعد منستلم وناخذ صورة من العقد ممكن يمشونا تانى |
أنا سألت في الادارة قالو فيه فحص للعقود
ولو انتا عقدك سليم يبقى ان شاء الله اضمن انك هتستلم قريب ولو عقدك كان بناءا على افاده مزورة يبقى هيتلغي العقد وهيحولو الزور للنيابه الادارية وطلاما العقد اتفحص وسلمك مدرسة ازاي هيمشيك تاني طبعا لأ |
متشكر يا ابومنه ( انا من اسيوط واشتغلت سنتين فى ابنوب كاخصائى تطوير وقبضت المكافأة مرتين)
|
لو سمحتم ياجماعة عندى مشكلة وعايزة حد يفدنى عملت مدرسة عربى فى مدرسة بنظام الحصة لعدة شهور ثم انقطعت ولم اقم بالزهاب للقبض من المدرسة لظروف ومرت عدة سنوات ونسيت الموضوع وصدر قرار ان الذى كان يعمل بنظام الحصة او العقد وانقطع يعود للعمل مرة اخرىحتى لو كان شهر وتقدمت ونزل اسمى ولكنهم يتحرون الأن ان الأسماء فى الحسابات الذين كانوا يقبضون فلوس حتى لو كان جنية واحد فماذا أفعل الأن هل سيكون هناك اسم لى فى الحسابات وتكون الفلوس محولة امانات ام انهم لغوا اسمى لأنى لم استلم فلوسى وهل سيكون اسمى فى دفاتر حسابات المدرسة افيدونى جزاكم اللة خيرا لأنى محتاجة الشغل ضرورى
|
اقتباس:
ان شاء الله ليكى حتى لو مخدتيش الفلوس المهم تكونى فعلا اشتغلتى وتكون ادارة المدرسة كانت بتوديلك استمارات القبض لادارتك بعد ده كله هتلقى اسمك هناك حتى لو مده سنيين ف الفتره الاى اشتغلتى فيه ده الاى انا اعرفه |
ميرسى لحضرتك خالص فعلا انا أشتغلت فى مدرستين مختلفيين بس مدد مش طويلة ومقبطش يعنى لازم المدرسة تكون بعتت استمارة بأسمى فى الأدارة حتى لو كانت المدة مش طويلة وانا مقبطش من المدرسة ويكون اسمى فى الأدارة فى الحسابات ياريت لوحد يقدر يفيدنى يرد عليا الموضوع مهم والظيفىة انا محتجاها جدا وخايفة اضيع فى الموضوع دة لأنى ماأخدش فلوس قبض
|
ده لو كانت المدرسة بعتتلك استمارات الحصص يبقى هتلاقي اسمك وممكن كمان تاخدي فلوس الاستمارات لو مكنش حد صرفها من المدرسة
|
جزاكم اللة خيرا يارب يلاقوا الأستمارات انا لسة جاية من الأدارة فى كفر الشيخ ومحدش وصل لحاجة وبيقولوا الملفات القديمىة أعدمت ومش عرفين ندور على حاجة وكل الى نزل اسمائهم هيروحوا يوم الأحد ويعتصموا هناك لما نشوف أخرتها اية
|
انا روحت النهارده ادارة البدارى و كشوف الصحافه تعاقد (1\9) كانت متعلقه بس الموجه بتاعى ( موجه الدراسات ) ابلغنى ان عدد حصص تعاقد (2\9) هيكون 8 حصص فقط
مبروك |
جميع الأوقات بتوقيت GMT +2. الساعة الآن 03:02 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.