|
اقتباس:
فكرتيني ان عندي اخ قلبتي المواجع يابنتي انا كنت نسيت:d بصي ياستي اخوكي ده صغير اوي ع انك تقولي عليه الكلام ده انه بيعصبك وبينرفزك زكده ده طفل ف تالتة ابتدائي يعني بواحده مورو يتعدل ع طول:d انتي ممكن تقربي منه جامد ومش تاخدي اي حاجة بيعملها انه قاصدها او قاصد ينرفزك وكده يعني اي غلط منه تحطي ف اعتبارك انه طفل ومش فاهم مهما كان ذكي ف المرحلة دي عشان تقربي منه ممكن تهتمي بالحاجات اللي بيهتم بيها لفترة يعني مثلا تسمعي معاه افلامه فترة وبعدها تبدأي شوية بشويه تبعديه عنها من غير مايحس تتفقو ع حاجة تتابعوها سوا ف التلفزيون ده هيقربك منه جامد عارفه بقى بالنسبة لحته ان دماغه بتشرد وبيفكر ف الجن وكده لو سبيتيه ومش رديتي عليه او هزقتيه الحاجات دي هتكبر ف دماغه لما يسأك قوليله الصح بطريقه تطمنه عشان ميتعبش بتفكيره بعد كده بالنسبة للمذاكرة بقى ربنا يسهل لعباده:d عاوزين حد يقولنا احنا التلاتة نعمل ايه :bosyht9: |
هاي جماعة
عاملين ايه؟ يارب تكونوا في منتهى الثعادة يارب انا بقى للأثف مخنوقة جدا جدا جدا جدا مش طايقة نفسي حتى ايامي كلها بقت واحد وزهقانة اوي ومعظم اصحابي شكلهم كدة اصحاب والناس اللي في مقامة اخواتي طلعوا اي كلام محدش بيسأل بتاتا .. والمشكلة اني عارفة ان الدنيا مشاغل يعني المفروض مظلمهومش واراعي ان كل واحد وراه مسؤلياته بس اعمل ايه؟ !!!!!!!! ...النهاردة يوم ما يعلم بيه الا ربنا هوة مش النهاردة بس يعني عموما طبعا بسبب الزحمة الجامدة جدا اللي تخنق (وانا اوريدي بتضايق من الزحمة وبتخنقني) مش عارفة اخرج ولو خرجت بيبقى تقضية مشاوير مع اسرتي وبس ونرجع طبعا انا شخصيا مععكننة اكتر من الاول واقول ياريتني قعدت في بيتي احسن مع إني في العام بحب جدا الخروجات والتنطيط واي حاجة تشغل وقتي وطبعا الضغط النفسي عشان اول سنة ثانوية عامة وغير كدة الناس بقوا فظاااااااااااع اوي الناس بقت كدابة جدا ومبتراعيش العيش والملح كبار قبل الصغيرين الناس بقت بجد مستفزة انا مش فاهمة يعني المطلوب منننا ان احنا نبقى وحشين وإستغلاليين عشان نعيش في حياتنا مرتاحين ونعرف نعيش مع ناس خلاص تقريبا ضمايرها ماتت من زمان الواحد اوقات اكتئابه بتزيد اكتر واكتر يوم بعد يوم والمشكلة ان احنا نرجع نتفائل تاني لإن مفيش حاجة هتوقف حياتنا ودي كالعادة سنة الحياة سوري ياجماعة اني زهقتكم وخنقتكم يعني :blush: وشكرا لصاحبة الموضوع الجميل يارب ماكون عقدتكم :lol: |
اقتباس:
انا كمان بخسر ناس كتير بس عايزة اقولك ان فعلا مفيش حد يستاهل اللي بتعمليه معاهم انتي بتقولي لما بتحسي انك هتخسري حد بتعتذري عشان متخسريهوش معلش انا حاسة انك بتيجي ع كرامتك ده اكيد لما يكون في خسارة يبقى الغلط مشترك مس انتي بس غلطتي اعتذري مقبلش الاعتذار خلاص ويبقى الغلط منه لكن مش تحطي الناس محور حياتك لان محدش بيفكر ف حد دلوقت يعني ممكن تكوني انتي زعلانة انك مزعله حد او كده وهو عايش حياته ولا ف دماغة اهتمي بس بدراستك ودينك اهم حاجة والناس بعدها وبردو حاولي مش تزعلي حد بس متبقيش ع الناس اوي كده عشان مش يجي يوم وتتصدمي منورة ياقمر:friendsxs3: |
الاول انتى مزهقتيش حد الطبيعى ان الواحد بيحس بالخنقه دى ع فترات المهم انها متغلبكيش الناس ع فكره كويسه ومفيش حاجه اسمها انى ابئا كويسه عشان ارتاح ع فكره احنا فى حياتنا حجات كتير مفروض نكون ممتنين لوجودها فى حياتنا مش ممكن ميكنش فى عندك صديقه واحده كويسه فى حياتك وبفرض ان ده فعلا اهلك يا ستى ممكن يعوضوكى عن كده مش لازم تخرجى عشان تحسي بالمتعه اشترى مانجه يا ستى واقعدى كليهم مع اخواتك وهزروا واضحكوا احنا حياتنا شويه فتافيت والفتافيت الصغيره دى اللى بتعملها قيمه ومش ممكن ان تكون كل الناس ضمايرهم ماتت زى مانتى بتقولى انتى موجوده لسه واعتقد ان عندك ضمير وفى غيرك كده كتير
بصى للحجات الحلوه اللى فى حياتك وبصى لحياه ناس تانيه مش عندهم نص اللى اتنى بتتمتعى بيه فكرى فى بابا وماما اللى تعبوا عشانك فى حجات كتير ممكن تكون اكسير تفاؤل بالنسبه ليكى حجات بسيطه بتخلينا نكمل يوم متصحى الفجر وتعدى ع اوضه مامتك وتلاقيها بتدعيلك بوم متعيطى وتلاقى بااباكى بيحضنك وبيمسح دموعك يوم متشوفى ابتسامه طفل صغيره اقفى حتى الصبح وشمى ريحه الهوا بتاع الصبح الحجات البسيطه دى والله بتخلى الواحد متفائل مبتسم حاسس ان الدنيا دى كويسه بينا احنا وبالناس اللى حولينا وبعدين الثانويه سنه مش صعبه اوى هى ممله حاولى تلاقى طريقه تكسري بيها الملل ده بانك تعملى حاجه مسليه حاجه انتى بتحبيها بين فترات المذاكره مشكلتك مش كبيره طول مانتى حاطه فى دماغك كده اما لو فضلتى تقولى عليها مشكله هتبقى كده فعلا |
اقتباس:
اولا موضوع الحساسيه ده بتعانى منه تقريبا معظم البنات المهم مش فى مسأله الحساسيه دى انتى مفروض تفكرى بشكل جديد شويه او متخديش كلام الناس ع انه بيحاول يضايقك ححاولى تتقبلى الكلام دايما بنفس طيبه انتى حطيتى مشكلتك وحلها ع فكره فى نفس الرد (كلامى للانسه اللى دخلت بعضويه سرى) الاول مفروض تدورى انتى بتخسرى الناس بدام انتى مش بتحبى تزعلى حد يبقى فى حلقه مفقوده لو انتى كده فعلا ليه الناس بتسيبك يبقى اكيد انتى غلطتى مينفعش يمشوا بدون سبب ولو حصل كده مع حد يبقى حاله شاذه مش زى مانتى قلتى كل الناس يبقى يكون مشكلتك انك من الناس اللى بتتقمص بسرعه وتزعل وده شىء معظم الناس بتتخنق منه فحاولى تعدلى ده متبقيش هوائيه واى كلمه تططلعى تجرى وتعيطى ولو عاوزه تعيطى ساعتها فكرى فى اى حاجه كويسه وابتسمى للى قدامك لو قاصد يهينك فانتى اخدتى حقك ببرودك ولو كان الكلام عادى فانتى استفدتى وبالمناسبه يا ايمى الدراسه مش كل حاجه :d فى حجات كتير مهمه فى حياتنا اما اخلص الثانويه دى هبقى اجى اكمل او كفايه كده |
اقتباس:
اقتباس:
مين دي:bosyht9: امشي ياماما انتي مفكرانا بنكلم اي حد حتى بتوع الثانوية عادي كده:006et4: روحي شوفيلك امتحان فيزيا ولا كتاب كيميا اهي حاجة تنفعك:p ههههههههههه المشكلة ان صاحبة الموضوع معقده اساسا فلازم منها حكاية العقد دي:d لاء انا قصدي مش تعتمد ع الناس اعتماد كلي عاوزة تفرح يبقى بالناس تزعل يبقى بيهم وكل تفكيرها وحياتها تبقى فيهم وبيهم لو عملت كده مش هتكسب غير وجع الدماغ وحرقة الاعصاب لانها مش هتقدر تعمل كل حاجة ترضي كل الناس وهي الناس مش وحشة زي ماواحده قالتلي فيهم الحلو وفيهم الوحش تركز ع الحلو وتسيب الوحش واجمد حاجة بجد التنفيض من الناس مع انك متتعمديش انك تزعليهم او تضايقيهم فاهماني ؟ بالنسبة لحته الدراسة مش حكل حاجة لاء حاليا هي كل حاجة بالنسبة للاوطفال بتوع ثانوي اللي زيكو:006et4: حددي حياتك هتكون ازاي الاول وبعدها اعملي اللي نفسك فيه موستنين اجازتك اللي مش راضية تيجي تي:bosyht9: |
موضوع جامد اوي وهادف اوي وهيساعد ناس كتير .انا مش كنت متابعة من الاول بس ان شاء الله هتااااااابع
ثانكس لصاحبة الموضوع |
abo elias
..بسم الله الرحمن الرحيم..
بدايه..مع مشكله أخيك الصغير فالأطفال فى هذا السن الصغير يمرون بتغيرات وتطورات عقليه وجسمانيه تجعلهم يفعلون أشياء قد يعتقدها البعض جنون وهذا غير مقلق فهذا أمر طبيعى جداً وتختلف التصرفات من طفل لاَخر حسب مكنون شخصيته والبيئه المحيطه....فالحل فى مصاحبته ومداعبته وجعله يشعر بأن أفعاله المستفزه لا تمثل أى ضيق وبطبيعه الحال سيتوقف عنها بعد فتره.....وبالنسبه لعدم مذاكرته فالإنسان بطبعه لايحب القيود ومنها المذاكره مثلاً....فيجب على الأهل حثه على المذاكره بطرق الترغيب والترهيب إن لزم الأمر....حتى يعتاد المذاكره منذ الصغر حتى لايفشل......... أما بالنسبه للمواد الواجب مذاكرتها من أجل الإمتحان فلا وقت للتقاعس.....فأنا اجتزت إمتحانات اسبوعين متواصلين مع أن أغلبها رياضيه وبها الكثير من التعقيدات....والله يوفقك.... |
أنا في ثالثة ثانوي وواخدة فلسفة وكل الناس مخوفاني منها ورغم أن إمتحاني يوم الاحد الجاي إن شاء الله إلا إني زهقانة جدا وكل شوية أقوم من علي المذاكرة ومخنوقة جدا وعمالة أعيط رغم إن المستر بيشكر فيا أنا حاسة إن كل حاجة بحفظها بنساها علي طول لدرجة إني أوقات بنسي من كتر التوتر وعدم ثقتي بنفسي وكل اصحابي خدوا الاجازة إلا أنا وأنا قاعدة مخنوقة جدا ومش عارفة أعمل إيه ممكن تساعدوني بس حلول عملية وليس كلام فقط
|
اقتباس:
في اثناء اللجنة بيبقي فية نسيان ؟ في كل المواد ولا المادة دي بس؟ في المواد اللي في وقت قصير قدامها كنتي بتحسي بانجاز وان في كسل ولا نشاط ؟ .................................................. ....................................... الاسئلة اللي فوق دي مش مهم الرد عليها لو شفتيها عادي مش مشكلة الرد عليها دلوقت عشان الوقت . الحل العملي ان خلي مامتك تسمعلك او باباك او اختك مثلا |
اقتباس:
بصي حكاية ان المستر بيشكر فيكي دي اكتر حاجة كانت بتعقدني اليوم اللي المستر بيشكر فيه مش بحل:d ههههههههههههه بصي بجد انتي كده بتضيعي وقتك والامتحان خلاص حطي ادامك هدفك وانك الوقت اللي بتعيطي فيه دلوقت من غير سبب ممكن بعد الشر تعيطي زيه واكتر منه بعجين لو مش حليتي حاولي تعملي جدول ولما تحسي انك زهقانه غيري مكان المزاكرة وتكون الاضاءه قوية وشوفي واحده صحبتك تشجعك وتزاكرو ادام بعض يعني تحددو حاجة وتشوفو مين يخلص الاول وخلاص هااانت اوي;) __________ ميرسي ليكي ياشقاوة وياريت تتابعي معانا اسفه للتأخير ان شاء الله الموضوع هيتنشط قريب بس ارتاح الاول |
مشكلتى انا انى بخسر ناس كتير كانوا اصحابى بس انا مش عارف انا ليه بخسرهم ............... بس هى بالمعنى الاصح هم بيخسرونى عشان انا مش بعمل حاجة تزعلهم خالص هم اللى تفكيرهم مش زى تفكيرى ولا طريقتهم مش زى طريقة جايز مش مندمجين مع بعض .. بس ده بيحصل مع غيرهم كتير ... جايز تكون صدفة ولا يكون عيب منى مثلا..... بس انا مش شايف انى بعمل اى حاجة غلط بالذات مع اصحابى ... انا اكتر حد بحب اراضيه صحابى ....... كل الناس اتخلت عنى .,... سبحان الله مش عارف ليه حتى ( ...... ) ولا بلاش ميستهلش انى اكتب اسمه ...... طيب انا اعمل ايه .... ساعات احس انى زعلان على اللى انا بعمله ده وساعات بقول انهم هم اللى غلط وانا اللى صح .............. وانا ارجح انى بخسر اصحابى بسبب الغيرة منى ..... انا اشك فى كده
........... النت دلوقتى بقى صاحبى انا مش عارف فى المدارس ايه اللى هعمله ..... ؟؟؟؟؟؟؟؟ ...... يااااه الواحد فى حاجات كتير عايز يقولها بس مين يسمع ومين يقدر ؟؟؟؟ |
اقتباس:
لكن لو عليك انتا مش صح تقول كلهم بيبعدو من غير سبب أكيد في سبب حتى لو انتا مش عارفه بس لازم في سبب . انتا بتقول ان النت بقى فيه اصحابك . طيب ازاي تقدر تكون اصحاب في مكان ومكان تاني لأ . انتا تقدر تكون اصحاب بس حاول تختار القريب من تفكيرك . وجميل اوي انك تضحي عشانهم بس لازم تكون متاكد انهم اصحاب بجد . ونصيحة الي يبيعك سيبه وانساه بس اوعى تستندل زيه . ولو في اي مشاكل عندك حاول تحكيها هنا . الناس بتحب تساعد بعض والموضوع ما شاء الله فيه ناس كتير واكيد هيفيدوك . |
اقتباس:
..... بالنسبة للنت حتى النت مش بلاقى اصحاب مناسبة ليا بس اللى وقت اللى كنته بقضيه مع اصحابى ( الاهى لا ترجعه ) بقيت بقضيه على النت فى اى حاجة بقيت اكلم ناس فهمانى بتفكر زيى ..... مثلا انا لما اتكلم عن الانمى مع اصحابى يقولوا عنى ايه انمى يقولولى يا طفل ...... اكلمهم عن تامر حسنى يقولولى احنا مبنحبهوش .... اما فى النت بلاقى الناس اللى زيى كده ... اقدر اتكلم معها تفهمنى وافهمها ........ ............ بالنسبة للاحا فى النت عادى انت ممكن تصاحب اصحاب من على النت تسمعهم ويسمعوك ............ وعلى فكرة انا حاسس انى مش هلاقى اصحاب بجد فى الحياة دى ........ |
لااااا مش ينفع تقول مش هتلاقي اصحاب دة مش صح خالص . هقولك على حاجة بالنسبة لعدم التوافق بينك وبين اصحابك ليه مش تاخد الموضوع عادي هما بيحبو حاجات وانتا بتحب حاجات تانية عادي اوي حاول تاخدها ببساطة و الاوقات الي بتقديها معاهم حاول مش تخسرها حتى لو مش عجباك حاول تستفاد منها . اتعلم منهم حاجة اعرف حاجة كدة يعني ولو مش عاجبك نظامهم حاول تختار حد قريب من تفكيرك بس اكيد هيكون في اختلافات لأن دا الطبيعي وأكيد هتلاقي حد فيه من طباعك لكن مش ينفع تقول مش هلاقي .
الاصحاب كتييييييييييييييييييييييييييييييييييييييييييييير بس المشكلة في الصاحب الي هيكون عشرة عمر . ودا الي قصدي عليه انتا لو لقيت حد يكون صديق عمرك هيغنيك عن اي اصحاب بس انتا حاول تفكر بشكل ايجابي . |
| جميع الأوقات بتوقيت GMT +2. الساعة الآن 02:46 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.