|
اقتباس:
ثانيا اة طبعا ينفع بس لازم تقعدى سنة الاول فى قنا او اسوان لان التحويل صعب اول سنة علشان تقليل الاغتراب وتجيبى تقدير جيد فيما فوق وقتها ينفع تحولى لاى جامعة تانية انتى عاوزها تحياتى |
بجد موضوع حضرتك تحفة بمعنى الكلمة و لله اكتر من رائع :) انا قريتة رد رد بجد استفدت جدا بعد ما كنت متلخبطة ربنا يكرمك ياااا رب و يجازيك كل خير :) :)
بش ممكن اعرف بس الاكاديمية الحديثة للهندسة و التكنولوجيا بالمعادى جد فى الدراسة محترمة و سمعتها حلوة و لا اى كلام ؟ :( و لو فى اى جامعة تانية احسن منها بس غير العاشر و اكتوبر عشان بعيدة جدا عنى :bosyht9: و الاكاديمية دى احسن ولا اكاديمية السادات فى الحاسبات بس بالنسبة لميولى متقلقش عندى للاتنين ان شاء الله :blush: بس قصدى انهى احسن لو هندسة الحاسبات فى الاكاديمية احسن ولا كلية حاسبات فى اكاديمية السادات نفسها فى مجال العمل :blush: ولا عمارة احسن من الاتنين مع انى بحبها اوى و انهى كلية فى كل الهندسات احسن من ناحية ان طلبتها و الدكاترة بتوعها جد جد و مظبوتة بجد :blush: انا اسفة جدا انى طولت على حضرتك بجد بس الامل الوحيد حضرتك دلوفتىى :( |
اقتباس:
ها؟؟؟ طب ابدء منين ولا اروح فين دة كان حالى اول ما شوفت اسئلتك هههه حضرتك جبتى كل حاجة فى بعض دة انتى عاوزة اجابة فى كشكول كامل علشان اعرف اجاوب على كلة بس ان شاء الله اجاوبك اولا.. شكرا لحضرتك على الدعوة ولكى بالمثل وانا يهمنى انك استفدى ثانيا .. بالنسبة لاكادمية المعادى .. الجد فيها هو القسم الميكانيكا مشهور فيها بانة شديد ولة مكانتة ومافيهاش قسم مدنى علشان لو فكرتى تشوفى مدنى رغم انة يعتبر القسم الوحيد الى مافكرتى تدخلية حتى الان ههه وبالنسبة لانك عاوزة تشوفى جامعات تانية احسن او اكادميات او معاهد هو فية بس انتى ما حددتى عاوزة تخصص اية علشان وقتها اشوفك الانسب بس على العموم فية كلاتى من الجامعات .. الجامعة الالمانية والبريطانية والفرنسية والروسية وفاروس دة بالنسبة للهندسة وبالنسبة للمعاهد الهندسة .. عندك هندسة السلاب بالمنصورة واكادمية المعادى .. ومودرن اكادمى بس دة مش دراسة جد اكتر من انها مظاهر ثالثا حضرتك دخلتى مجالين فى بعض دلوقتى يعنى اكادمية السادات للحاسبات واكادمية موردن للهندسة ماينفع تشوفى احسن لان كدة كانك بتقارنى هل النخلة اطول ولا المحيط اوسع؟؟ لان دة لكلية ودة لكلية تانية فمافيش مجال للمقارنة بس بالنسبة للحاسبات والمعلومات دة مش تبع الهندسة دة كلية منفصلة ولا تتبع نقابة المهندسين الا لو تقصدى هندسة الحاسبات ,, ومن رائى الخاص هندسة الحاسبات ليها مستقبل احسن لان كلية حاسبات ومعلومات مش برمجة وكدة دة بيبقى شوية برمجة واكترها روتين يعنى علشان لما تتخرجى تشتغلى موظفة البريد والسجل المدنى والشركات بالنسبة بقى لعمارة .. دة ما ينفع تدخليها الا لو عندك حب الرسم زى ما قولتى يعنى لو بتعرفى تتخيلى الرسم فى تفكيرك قبل ما ترسمى ويكون ثلاثى الابعاد كمان لان دة هندسة وتخصص يعنى مش لعبة لو عرفتى دة يبقى ادخليها وليكى مستقبل فيها لو ما عرفتى يبقى اوعى تدخليها ولا هتندمى تقريبا جاوبتك على اكبر قدر ممكن لان حضرتك دخلتى كليات كتير وتخصصات كتيرة فى بعض فلو لسة محتارة فى حاجة معينة اسئلى براحتك تحياتى لكى وتمنياتى بالتوفيق |
اقتباس:
باختصار قصدى اية احسن كلية خاصة بس يكون فيها شغل بجد و ليها شغل حتى لو كانت نحت فى الصخر و الله مستعدة لكدة :bosyht9: بس غير اكتوبر و العاشر عشان بعيدة جدا و فاروس حلوة جدا طبعا بس دى فى اسكندرية عشان كدة كنت بقول لحضرتك على اكاديمية المعادى عشان قريبة مش اكتر :) و بالنسبة ل must دى حلوة ولا نظامها اية و الشروق بردو و ممكن يخدوا حد ادنى من كام :( معلش انا فعلا خلطت هندسة بحاسبات بس كان قصدى هندسة حاسبات ولا حاسبات و حضرتك رديت بالفعل :) و بالنسبة التخصص حاسبات اتصالات عمارة بس بلاش مدنى دى مش هقدر عليها :blush: و عمارة اة و لله ليا فى الفوتوشوب اوى اوى و بحب الرسم جداا انا كنت داخلة فنون اصلا بس اكيد مش هجيبها بالمجموع دة منهم لله بقى فى الظلم :bosyht9: انا اسفة جدا تـــــانى انى طولت على حضرتك تانى بس استحملنى اليومين دول :d :d :d |
اقتباس:
الشروق تنسيقها ممكن يكون فوق ال84% بشوية ودة طبعا تحليل من عندى وقد يكون خطاء يعنى ما تفقدى الامل وبالنسبة للجامعة must هى كويسة وبتحاول تاخد مكانة وسط الجامعات بالنسبة للتخصص زى ما قولتلك لو هتفكرى فى عمارة يبقى حب الرسم وانك تكونى موهوبة رسم وبالنسبة للفوتوشوب دة كويس بس مش اساسى لان لو تعرفى مليون برنامج من غير ان يكون عندك ابداع وقدرة على التخيل يبقى ما ليها لازمة لان انتى الاساس والبرامج الباقية ثانوية للمساعدة بس اما اتصالات فهو قسم كويس اوى بس عيبة ان شغل قليل يعنى الطلب علية مش بالكترة بس لما بيشتغل فى شركة بيكون لة مكانتة فيها ومرتب حلو وهندسة حاسبات فى اى حتة بيشتغل لان مافيش حد بيستغنى عن الكومبيوتر وبالنسبة للاطالة ما يهمك اسئلى براحتك لحد ما تطمئنى تحياتى ليكى |
اقتباس:
بالنسبة للاكاديمية هى حلوة اة بس فى ناس كتير قوى بتقول انها مش مظبوطة و الطلبة اللى فيها مش كويسين بس خليها احتياطى و الشروق فعلا شكلها تحفة بس انا فعلا جبت 84.5 و لية درجات كتير اوى ظلم بس هندسة فى الشروق بتاخد من التسعينات للأسف بس يا رب يبقى كلام حضرتك صح :( و بالنسبة لعمارة كلامك صح 100 % حلو جدا و حتة الابداع دى ممكن تكون موجودة شوية الحمد لله بس اعرفها ازاى دى :d :d هى شكلها كدة حاسبات ان شاء الله :) بس ممكن اسأل حضرتك سؤال اخير بس انهى واحدة احسن فيهم فى كل حاجة من ناحية التدريس و بالنسبة للطلبة و كدة او حتى ترتيبهم من الاحسن للاوحش العاشر الشروق اكاديمية المعادى نيو كايرو must ؟؟؟؟ :) :) |
اقتباس:
فما تقارنى الجامعة بالطلبة لان الطلبة بتروح وبتجى بل تقارنى مستوى التعليم وهيئة التدريس دة المقارنة الص نيجى بقى للعمارة ازاى تحسى بشكل الرسم ... اول حاجة بدائيات انك لو شوفتى حاجة قدامك تكونى بتعرفى ترسميها صح يعنى باباكى مامتك او حتى فاظة فى البيت المهم ترسميها صح مافيش غلطة لان دة هيساعدك فى الاستنتاج فى العمارة بالنسبة للترتيب والاحسن العاشر التعليم فيها كويس اوى بس مطحنة يعنى طلبة كتير بتطحن جوة لانها بتضغط على الطالب جامد فى التعليم والسنة فيها 3 تيرمات عندهم مش ترمين زى اى جامعة الشروق جميلة بعد العاشر وكمان السلاب فى المنصورة واكادمية المعادى .. يعنى نفس ترتيبك مافيش اختلاف الا بقى فى الجامعة .. كل الى قولتلة دة معاهد واكادميات لاكن اخر واحدة جامعة فبا تقرنى معاهد بجامعات لان مقارنة مش منطقية تحياتى |
ممكن اعرف هى جامعة فاروس فعلن مصاريفها 10000 زى ما كتبين اليوم السابع و لا غلط و فى جامعت كثيرة مش مقيدة فى النقابة هما دولة بياخذو كرنية النقابة
|
اقتباس:
جامعة فاروس مصاريفها 35 الف جنيهة اليوم السابع غلط فى مصاريف الجامعة دة جامعات اية الى مش مقيدة؟ |
اقتباس:
ربنا يجيب اللى فية الخير :bosyht9: يعنى افهم من كلام حضرتك كدة ان الجامعة احسن بكتير من الاكاديمية :( اصلmust و غيرها هموت عليها اصلا بس بعيدة عنى اوى |
اقتباس:
بصى حضرتك مهما كان فى مصر بيبصوا للجامعة اعلى شوية يعنى لما تتخرجى بيتكتب فى شهادتك انك خريجة جامعة كذا او معهد كذا او اكادمية كذا .. كدة يعنى فدة بتبقى اعلى + ان الجامعة لازم تجيب دكاترة مستوى عالى علشان تحافظ على مستواها وفية جامعات تانية بتبقى متفقة مع جامعات فى الخارج علشان لو حبيتى تدرسى هناك ترم وترجعى |
اقتباس:
فهمت حضرتك :) خلاص ان شاء الله هرتب الموضوع و هقول لحضرتك و شكرااا جدااا و بجد اسفة انى تعبتك :) ربنا يجازيك كل حير يا رب |
ياجماعه انا مجموعى 83%
ممكن حد يقولى كليات / معاهد الهندسة الخاصة الى ممكن تقبلنى؟؟!! |
اقتباس:
بالنسبة للمعاهد استنى التنسيق المرحلة التانية وشوف |
طيب حضرتك ممكن تقولى بالظبط كليات خاصة زى ايه؟
|
| جميع الأوقات بتوقيت GMT +2. الساعة الآن 12:34 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.