ايها الااحبة الكرام ............كلنا منا كده زيكم اه ما تستغربوش :] حاسين اننا ضايعبن بمعنى الكلمة ولكن سؤال لكل واحد فيكم دلوقتى انت لو حاسس ان لو امتحنت هتجيب 70 % مثلا طب لو ذكرت شوية اكيد هتجيب مجموع اعلى دايما امشوا على مبدأ ما لا يدرك كله لا يترك كله .........يعنى من الاخر فى امل و هى مش ماتت ولا حاجة هى لسه عايشة بس مستنية حد يفوقها اعمل اللى عليك ولو حاسس انك هتبدأ من الصفر من النهاردة هتخلص و تراجع مرتين على الاقل كمان عشان كده اوعى تيأسوا و ثقوا بالله الم يقل تعالي " ان الله لا يضيع اجر من احسن عملا " صدق الله العظيم انا معاكم بفضل الله حددوا اي مادة وانا اقولكم الحل السحري فيها يعنى الخلاصة بس بشرط لازم كل واحد فيكم يبقى عنده هدف قدامة و اصرار انه لازم هيحققه باذن الله ........تقبلوا تحياتى ..... و بالتوفيق ..

طب شكرا والحمد لله ان امل لسه عايشه المهم المواد بالترتيب وخد راحتك في كل ماده بس تشرح علي اساس نقفل الماده باذن الله يا دكتور الاول عربي انجلش فيزياء كيمياء ولو هنزاكر هنزاكر كم ماده وازاي واشرح مثال علي المواد اللي هت
ذاكرها وكم درس هتذاكروا فيها وهنحل ولا لا وهنحدد وقت ازاي وشكرا واسف علي الرخامة بس عشان اوفر وقت لو حد سال وبحيث تكون اسالتي شامله يا ريت تشرح بالتفصيل جدءااااااا

بسم الله الرحمن الرحيم وبعد السلام ....................
أحب أعبر عن رأيى المتواضع الامتحان فعلا مش بيخرج من كتاب المدرسه بس الغريب بس انه بيجيب السؤال بصيغه تانيه بتكون عاوزه تفكير عشان تحدد الاجابه الصح .... وعاوز افكر ان دى ثانويه عامه يعنى لازمه يجى سؤال لأول مره تشوفه بس اجابته انت عرفها بس ده لما تفكر وتفكر صح .......................

أما بالنسبه ل5شهور فهى فعلا وقت كويس بس مسروق بمعنى انه هيعدى بسرعه شكل اللى قبله واحنا الحمد لله قطعنا شوط كبير جداا بس اللى جاى أهم كتير من اللى عدى من حيث المراجعه والحل وده كله يعنى ...

وعاوز أوجه نصيحه أنا بعمل بيها علطول حاول متبقاش راضى عن نفسك مهما قدمت وعرف نفسك انك عندك كتير واكتر ...
ودى طبعاا سنة العمر....
وشكراااااااااااااااااااااا

بسم الله الرحمن الرحيم
اولا العربى
فرع التعبير ....... حاول تقرأ مواضيع مكتوبة و محلولة كان فى كتاب اذكر اسمه المعلم ده جايب كل مواضيع الثانوية العامة السابقة و مجاوبها بطريقة سهلة حاول تجيبه وتقرأه ولو عرفت تكتب موضوع كل اسبوع يبقى كويس و ان لم تستطع فلا يكلف الله نفسا الا وسعها وخلى بالك ان فى التصحيح ممكن تقفل الموضوع بسهولة يعنى انا قفلت التعبير فى امتحاننا بانى حاولت الترم بعلامات الترقيم و الجمل الحلوة فى البداية و النهاية الحشو فى النص مش مهم اوى وعلى رأي المثل اعمل صينية بسبوسة و احشيها طرشي :]

فرع القصة .....هى تقريبا 22 فصل لغوا من عليكم الجزء التالت اعتقد ...فى رأيي حاول تقرأ كل اسبوع فصلين و حط من دماغك كام سؤال مهم بس كده وفي اخر السنة انت تقريبا هتحتاج 3 شهور وهتبقى مش مزنوق و مرتاح جدا وفى الاخر هتدخل على موقع الاستاذ مدحت فودة عامل ملخص لاسئلة القصة و اجابتها النموذجية بص عليها وخلاص سؤالها بيقى سهل فى معظم الاحيان

بالنسبة للقراءة انت عندك 8 دروس احلى حل ليهم طريقة السؤال و الجواب بس انت اللى تطلعهم بعد ما تقرأ الدرس كويس جدا عشان سعات بتلاقى الاجابات متوزعة على الدرس كله مش ورا بعض خلى بالك كويس اقرأها من كتاب الوزارة او اى كتاب تانى زي ما تحب

بالنسبة للنصوص اهتموا جامد بكتاب الوزارة التعليق اللى فى الخر ده مهم جدا الاسئلة بتيجى منه بالنص مفيش حرف بييجى زيادة ابعدوا عن كتاب الاضواء فى النصوص الوزارة و بس .....نيجي لجته مهمه جدا وهى اكيد قلقاكم انه فى سؤال المرادفات يجيب كلمه و ليها كذا اختيار كلها شبه بعض و الحل للنقطة دي انك لازم تجرب كل كلمة فى سياق الجملة ممكن كل الكلمات تكون صح ولكن فى اجابة هى الاكثر صوابا بينهم تحتاج دقة فقط ...طبعا الشرخ سهل من اي كتاب او مذكرة استاذكم ...وكذلك البلاغيات اكرر لتانى مرة التعليق مهم جدا

نيجيى للادب و ده هنتعامل معاه زي القراءة سؤال وجواب بس الفرق ان مرجعنا فى الادب كتاب الوزارة بس ابعدوا عن المذكرات شوية فى الادب كتاب الوزراة كافى جدا و نصيحة من اخ ليكم حاولوا لو فى استشهاد ولو بيت واحد تكتبه و ده بيخلى المصحح يقوم يرقص من الفرح اه والله زي مابقولك كده :d

البلاغة دى امرها سهل تعرف اساسياتها من اي كتاب و تحل قطع من امتحانات سابقة كافي جدا زى كتاب الامتحان بتاع المراجعة

النحو هتعرف اهم النقاط فيه و تحل قطع من كتاب الامتحانات بتاع المراجعة يكتاب الامتحان اقصد فيه قطع كتير و حلوة حلوا اللى تقدروا عليهم لوكل يوم قطعة واحدة بس هيكون كافى جدا و كل استاذ بيأكد على ثوابت اعرابية مهمة و نصيحة منى التزموا باجابات كتاب الوزراة بلاش تألفوا من عندكم اجابات :]

بالنسبة بقى لمصادر المذاكرة كتاب الوزارة و كتاب الامتحان مراجعة كافى جدا و اللى بيحب يزود فى العلم فيكتاب اسمه الوسام كويس برده بس مش اساسي اللى مش عنده مش مهم مش يقلق خالص

بالنسبة للوقت الخص بالمذاكرة دى قدرات فردية كل واحد فيكم يشوف الوقت المناسب ليه الصبح و لا بليل بالنسبالى احلى وفت بعد الفجر او بين العصرو المغرب بس برده كل واحد يختار الوقت المناسب ليه و يتوكل على الله

انا لكيت كتير بس تحت امركم دايما فى اي وقت وقبل ما اتكلم عن المادة اللى جاية هنتظر اي استفسار خاص باللغة العربية احبتى الكرام

بالطريقة دي اعتقد ان العربى اصبح اكثر سهولة بعون من الله و فضل شدوا حيلكم و تفاءلوا بالخير تجدوه

حلو اوي المهم بالنسبة بقي لكم مادة في اليوم يعني انت كنت بتتذاكر كم ماده في اليوم اقصي حاجة لحد المراجعة وبتقسم الوقت ازاي والمزاكرة عشان استفيد واخد من نظلمك واضيف عليه وظبط علي نظامي. وامشي عليه وشكرا جزيل

مادتين اقصي حاجة بلاش تزود عن كده وبالنسبالى مش كنت بذاكر على جدول معين انا بذاكر حسب الرغبة عندي وبرده اكرر كل واحد ليه جدول اعمل اللى يناسبك :]

بصراحه الوصف اللى كاتبه لمذاكرة العربى فوق الممتاز
جزاكم الله كل خير
ياريت تقول لنا طريقه لمذاكرة مواد الاحياء و الكيمياء و الفيزياء ضروووووووووووووووووووورى ربنا يخليك يارب

اختاروا مادة معينة اكتب عنها الاول :] وانا موجود ان شاء الله

الانجليزى لو سمحت ضرورى

مادة الاحياء من حيث المصدر للمذاكرة والحل

مساء الخير
بالنسبة لمادة الانجليزى
في البداية لازم تعرفوا ان اللغة الانجليزية اوسع لغة فى العالم من حيث عدد الكلمات تقريبا 1.200.000 كلمة طبعا بعد اللغة العربية لازم تتقسم الى كلمات و جرامر و حل
اولا الكلمات :
ذاكروا من اي كتاب بعجبكم انا برشح سربريز و the best و senior اي كتاب كافى جدا خلوا بالكم فى كتاب تعبان واخد اسم على الفاضى اسمه top student كتاب ملوش اي لازمة لانه مش بييجى منه اسئلة فى الامتحان

ثانيا الجرامر :
كتاب senior بيجيب الجرامر بطريقة فوق الممتازة و بيجيب شوية language notes حلوة اوى اعتقد انه كافى جدامع حل شوية اسئلة منه بالنسبة للجماعة الازهرية فى كتاب اسمه yasser's notes ممتاز فى الجرامر

ثالثا الحل :
حل اسئلة work book مهم جدا الاسئلة سعات بتيجي بالنص خلوا بالكم منه كويس فى المراجعة ببنزل كتب كتيرة اخلاها للمستواه كويس يبقى surprise و لو مستواك اعلى شوية يبقى the best ولو مستواك ممتاز يبقى senior
الفكرة مش ان مستواك ايه الفكرة انك تحل كتييييييييييييير باذن الله هتلاقى الخير

رابعا تكات الامتحان :
خش على قسم الله الانجليزية هنا هتلاقى مذكرات كتيرة جايبة فنيات الامتحانات اختار اي واحدة منها كلهم على اعلى مستوي وانا برشح لكم مذكرة ا يعقوب

خامسا : خلوا بالكم من نفسكم وبلاش تشاؤم يكفى قول النبي نفاءلوا بالخير تجدوه :D

بالنسبة للاحياء المذاكرة من من كتاب الوزارة ثم كتاب الامتحان
الحل بقى من الامتحات او كشكول الاول 2500 سؤال
ربنا معاكم

ده اكونت الاسك بتاعى ياريت تبعتوا عليه اي استفسار انا هناك بكتب براحتى
ask.fm/DrAhmedAbdElhafez
بالتوفيق

'كده تمام أوي طب بالنسبة للبرجراف يتعمل معاه إيه و المراجعه المفروض تبدأ أمتى وحل الأمتحانات