علل:يقل افراز هرمون (f.s.h) قبل التبويض مباشرة .

احنا : الاحياء في الوراثه
في الانجليزي u:15 /ch 5
في الفيزياء الحث الكهرومغناطيسي
في العربي خلصنا قراءه و النحو و البلاغه و نص القصه وفاضل مدرسة ادب
في الفرنساوي في الدرس السابع
في الجيولوجيا في الدرس الثالث جيولوجيا بدأنا من علوم البيئه
في الكيمياء العضويه

بوابة الثانويه العامه المصريه
 

ملتقى وموضوع خاص بطلبة وطالبات الصف الثالث الثانوى للعام 2015

الهدف منه الافاده وتبادل الخبرات والمعاونه على المذاكره ومراجعة الدروس

احنا هنا هنشجع بعض على المذاكرة وكل الناس تقول هى بتعمل ايه

ربنا يوفقنا جميعا :)

السلام عليكم
ايه الأخبار ؟ ربنا يوفقنا يا رب
دلوقتي بقي انا عندي كام مشكلة كدة ويا ريت حد يساعدني
1) مش عارفة اضبط وقت نومي خااااااالص
2) حاسة اني مش بذاكر كويس رغم ان الحمد لله درجاتي كويسة بس حاسة انى مش بذاكر كويس
3) انا اول السنة قولت عايزة ابقي اقرا كام صفحة من المصحف كل يوم كدة بين كل مادة ومادة لكن الصراحة مش عارفة اعمل كدة
بس انا الحمد لله بحافظ علي الصلاة علي قد ما اقدر بس هي المشكلة في قراءة القرآن
حد عنده حل للمشاكل دي ؟

أنا برده عندي نفس مشكلة

االى دكاترة البيدج:

كانت ايه علاقتكم بربنا ؟ يعني طبعا غير المحافظة على الصلاه والفروض ، كنتوا بتقرأواا قران ؟ وقد ايه ؟
كنتوا بتذاكر كام ساعه ف اليوم ؟
كنتوا بتذاكروا دروس من ع النت ؟ وايه هي؟ ومين المدرسين اللي كنتوا بتسمعوهم ؟
الفزياء... الفيزياء... ثم الفيزياء عايزة مدرس يكون شرحه كويس
معلش لو كنت طولت عليكم
شكرررررررررررررررا

فكروووووووتني بالذكريات الجميلة ف 3 ث ^_^ ... انا كنت ف 3 ث زيكم السنة اللي فاتت وكنت عمال اتطفل علي المواضيع عشان اعرف الدحيحة بيذاكروا ازاي .. وبصراحة استفدت منهم كتير 3:) .. ولو محتاجين اي حاجة .. قولوا يا جماعة متتكسفوش :)

حاولي تضبطي نومك علي 6 ساعات عشان ده افضل وقت للنوم والجسم بعديها بيكون نشيط
لو مثلا نمتي الساعة 12 وصحيتي 7 .. وذاكرتي الساعة 8 هيكون حلو اوي
...
بالنسبة لانك مش بتذاكري .. ده كان احساسنا كلنا .. لان المواد كتيرة والوقت صغير .. اهم حاجة المراجعة اول باول علي كل اللي فاتك عشان متنسيش حاجة
..
وبالنسبة لحفظ القران .. خليها بعد صلاة الجمعة .. او خصصي الوقت اللي بين الاذان والاقامة لقراءة القران

هي المشكلة ان ان في الشتا الواحد بيبقي مش قادر يقوم من النوم
وفكرة المذاكرة انا بذاكر والحمد لله مستوايا كويس بس انا علطول عندي احساس ان مجموع طب ده عالي عليا ومش هعرف اجيبه
ويمكن السبب في ده ان معانا بنت ماشاء الله عليها انا بالنسبالها مستوايا عادي جدا
فانا عايزة اسأل حضرتك بما انك في طب يعني : انت كنت بتنقص في امتحانات الدروس عادي ولا ..؟؟
اصل الموضوع ده مخوفني رغم اني الحمد لله مش بنقص كتير

.. انا كنت مكبر مخي من الامتحانات .. لما بكون مذاكر بروح .. ولو بكون مش مذااكر بكمبر دماغي ^_^
بيكون علي حسب المذاكرة ,, لو مذاكر كويس وكده بنقص درجة او ثلاثة.. اما لو مذاكر نص نص بنقص كتير طبعا .. وع فكرة الامتحانات مش مقياس .. لان امتحانات اخر السنة بتكون سهلة جدا بالنسبة لامتحانات الشهور ... هو كل المطلوب منك انك متفويتش امتحان منك عشان تعرفي تتعودي علي حل الامتحانات عشان ايديك تتدرب عليها وتعرفي تحلي في اخر السنة
... وبالنسبة للنوم حاولي تضبطي منبه الموبايل .. انا عن نفسي كنت بعمل 6 منهبات ورا بعض :d >>> هو كل المطلوب منك عشان تدخلي طب انك تقفلي المواد اللي عليكي .. وناس مستواها عادي جدا دخلت طب ,., الموضوع كله محتاج تركيز ومذاكرة اول باول مشس اكثر :)

دلوقتى انا متاخر فى العربى والانجلش وفيه حجات متراكمه عليا ... وفى باقى المواد حاسس انى مش فاكر حاجة لانى مش براجع بانتظام ... برغم انى زاكرتهم كويس قبل كدة .. حد ينصحنى .

ممكن حد يفسرلي يعني ايه " كمية التيار مقدرة بالكولوم "

ماهي كمية التيار بالكولوم هي كمية الكهربية بالكولوم !
هي كمية الكهربية الناتجة من إمرار تيار كهربي شدته 1 امبير في موصل/إلكتروليت في زمن قدره 1 ثانية.

بس على طول اشوفها كمية الكهربية او الشحنة مشوفتش كمية التيار دي قبل كدا

تقريبا نفس المشكلة

يعني هي نفسها كمية الكهربيه
اصلها مطلوبه في مسئله و الصيغه دي مش شوفتها قبل كدا ف افتكرتها حاجه تانيه

شكرا جزيلا