ايه الاخبار يا جماعة..
اعتقد الامتحان كان سهل و حاجة تيك اواي كده.
l0vely girl هو كتاب الفيزياء العملي نزل؟
و محدش رد عليا في موضوع خطة المقالة دي انا مش فاهم يعني ايه؟
و اخر حاجة معلش .. المكتبات اللي قدام الكلية نزل فيها اي ورق كورسات ولا لسه عشان الواحد نفسه يذاكر بدري.
سلام..

انا سمعت ان الامتحانات حتكون فى اخر شهر 12
الكلام دة صح و لا اية

الحمد لله الامتحان كان سهل اوى و مكانش مستاهل كل التنظيم ده
كان ممكن ناخده ف المحاضرة و خلاص .. يلا اهو الحمد لله اول حاجة عدت على خير


انا بردوه امبارح لسه سامعة نفس الكلام ده بس مش عرفة صح و لا لأ
و سمعت كمان ان الميدتيرم ف الاسبوع السادس !!!


اه الامتحان كان حلو اوى الحمد لله .. يا رب كل الامتحانات تبقى كده
كتاب الفيزياء لسه منزلش يا فوكس لا عملى ولا نظرى انا سألت عليه انهارده و قالو مفيش حاجة جتلهم
خطة المقال دى اللى انا فهمته من الدكتور انك تكتب المواضيع اللى حتتكلم عنها ف المقال اللى هى العناوين الرئيسية يعنى و تكتب عن كل حاجة منهم جايبها منين بس يا ريت حد تانى يجاوب لانى مش متاكدة
اخر حاجة انت تقصد المكتبات اللى ادام الكلية دى اللى هى بره ؟؟؟ معتقدش ان دى بينزل فيها ورق و حتى لو بينزل مش حيبقى موثوق فيه
هو فيه ورق الكترونيات و كيمياء عناصر ممثلة و ثيرمو ف المكتبة اللى ف الكلية

الحمد لله نظرا اننا كان عندنا امتحان يوم الجمعة تم تأجيل انتحان نظرى العملى للأسبوع الجاى (الاتنين الجاى 9/11) افضلوا ادعو بقى :d:d:d
الحمد لله الكويز كان ساهل الحمد لله
لافلى ايه رأيك فى الكتاب؟
على فكرة كتاب الكيميا العضوية العملية نزل فى طريق الحرية (انا عرف ا كيميا مش بياخدوا عملى بسانا بقول لعل و عسى اى حد يقرا يقول لأصحابه ...يعنى)
حد راح لدكتور طميش و وراه الخطة؟
هى الخطة دى يعنى مجرد بس اكتب عناوين او عناصر البحث بس كدة؟؟؟؟؟؟؟؟
مش عرفة بس هو كدة بدرى و اللا متأخر واللا كويس؟
ازاى بس؟ ده احنا دلوقتى فى الخامس اظن يعنى الأسبوع الجاى
لا اظن
بصوا هو دكتور مروان قالنا ان الميدترم فى اللايحة المفروض يكون فى الاسبوع التامن يعنى فى اسبوع 20/11
بس انا ليا سؤال
هو امتحان نظرى العملى اللى انا حمتحنه الاسبوع الجاى ان شاء الله ده ايه؟ ميد ترم؟ معقولة؟ هو احنا لحقنا؟
يلا بالتوفيق ان شاء الله

:039uw8:انا طالبة اولى بيو لوجى ومادة genetics تعبانةجدا فيها لو ممكن حد يساعدنا
انتو بجد جروب جميل جدا

بسم الله - السلام عليكم ورحمة الله وبركاته
اولا الحمد لله ان الامتحان طلع سهل ويارب عقبال باقى الامتحانات
ثانيا الدكتورة بتاعت الthermo قالت ان امتحانات الميد ترم هتبدا من يوم 21 الى 25 وعليه تقريبا 20 درجة
ثالثا سؤال معلش ........حد خلص المقال ؟
انا اصلى عملت صفحة ومش كامله
وشكرا وفقكم الله وجزاكم الله خيرا

يعنى صح كدة الحمد لله الامتحانات فى الاسبوع اللى حيبدأ من 20 او 21 نوفمبر
شدوا حيلكم بقى احسن احنا قربنا اوى يعنى 17 يوم
ربنا يستر ان شاء الله

انا الحمد لله الى حد ما قربت اخلص البحث بتاع تاريخ العلوم بس لسا حورى الدكتور الخطة ان شاء الله بكرة

هى الخطة دى مجرد اكتب العناصر و بس كدة و اللا فيه حاجة تانية؟؟؟؟؟؟؟؟

انا سمعت كده بردوا بس تقريبا اكيد لان عميد كلية حقوق قالهم كده واحنا مواعيد امتحانتنا بتبقا الي حد ما متقاربة

انتي اجمل يا قمر وبالنسبة للgenetic انا من رايي تذاكري من المحاضرات لغيت مينزل الورق تقريبا امال وهبي بتديكم لو هيا اكتبي وراها كل حرف وباذن الله الامتحان مش بيخرج عن المحاضرة ودكتور ايهاب طبعا بينزل ورق هتقوليلي ورقه معقد جدا وشكله صعب هقولك اقريه كذا مرة وبالنسبة لل life cycle احفظي البيانات اللي عليها يعني افهمي اللي مكتوب بس الامتحان بيجي اكمل واختيار من متعدد وصح وغلط وكان جينا ال life cycle بيانات من ع الرسم وحاولي اللي تخديه تقريه مرة واتنين وتلاته بلاش تسبيه وياريت بجد متفوتيش محاضرة حتي لو مش بتفهمي من حد احضريله ده هيفيدك كتير جدا جدا جدا وتقريبا كان حد تاني بيديكم جزء تالت بس مش فاكرة ممكن تقوليلي اسمه واقولك تعملي ايه ربنا يوفقك يا قمر ولا محتاجة اي حاجة قوليلنا وباذن الله نساعدك:d

وعليكم السلام ورحمة الله وبركاته .بالنسبة للامتحان فاقل كلمة يتوصف بيها انها سهل جدااااااااااااا وبالنسبة للمقال انا معملتهوش اصلا بس اللي سمعته انا الدكتور رافض مبدا اننا نعمله انجلش خالص ووافق الحمد لله اننا نعمله من موسوعة من ع النت زي ويكبيدياوغيرها بس المهم يكون بالعربي وخطة المقال يعني العناصر بس ومش لازم اصلا نوريهالوا

[quote=Nogha;1717180]يعنى صح كدة الحمد لله الامتحانات فى الاسبوع اللى حيبدأ من 20 او 21 نوفمبر
شدوا حيلكم بقى احسن احنا قربنا اوى يعنى 17 يوم
ربنا يستر ان شاء الله

انا الحمد لله الى حد ما قربت اخلص البحث بتاع تاريخ العلوم بس لسا حورى الدكتور الخطة ان شاء الله بكرة

هى الخطة دى مجرد اكتب العناصر و بس كدة و اللا فيه حاجة تانية؟؟؟؟؟؟؟؟[/quot لا كده تمام يعني بس تعرفيه هتكتبيه عبارة عن ايه وبس

وكمان فيه كويز thermoالاسبوع الجاي بعد ما الدكتور اكتشفت فشلنا الاسبوع ده

هى الخطة دى مجرد اكتب العناصر و بس كدة و اللا فيه حاجة تانية؟؟؟؟؟؟؟؟[/quot لا كده تمام يعني بس تعرفيه هتكتبيه عبارة عن ايه وبس[/quote]
معلش سؤال هى ايه الخطة دى بالظبط ؟عشان انا لما حضرت وسجلت الدكتور متكلمش عنها اصلى سجلت فى الاخر

يا جماعة هو مفيش حد فيكم واخد اثار خالص

معلش سؤال هى ايه الخطة دى بالظبط ؟عشان انا لما حضرت وسجلت الدكتور متكلمش عنها اصلى سجلت فى الاخر[/quote]
الخطة يعني تكتبيله عناصر المقال اللي انتي كتبتيه يعني مثلا كتبتي اول حاجة تعريف الانزيمات تاني حاجة التخصص في الانزيمات وهكذا وكمان تكتبيله مصدره يعني جايبه الكلام ده منين من كتاب او موسوعة او موقع ما كده يعني وع فكرة في النهاية هو مش هياخد الورقة دي بس هو عامل الخطة دي يعني علشان منعملش مقال مثلا وفي الاخر ميعجبوش يعني مثلا نجيب مقال بالانجلش وهو طلب عربي او نقلينه من منتدي ونكتبله اسم المنتدي وهكذا يعني لتفادي الاخطاء بس

بفكر اضيفها لأن دكتور الاقتصاد مش بييجى خالص من اول السنة حتى منعرفش شكله و منعرفش حتى دكتور و اللا دكتورة
بفكر احذف المادة دى و احط بدالها آثار بس مواعيدا ايه و فين؟
عالعموم فيه واحدة صحبتى وخداها حسألهالك انهردة و ارد عليكى ان شاء الله
انا سمعت انهم اشتغلوا محاضرة
حسألك و ارد عليكى ان شاء الله

يا كيميائين و فيزيائين .... ازيكوا كلكم عاملين اية !!

بالله عليكم اللى حضر محاضرة تاريخ العلوم الاسبوع دة يقولى

حبيبى طاميش هااااا

قال اية فـ المحاضرة

حبيبك طاميش ;) مقالش حاجة ف المحاضرة يا كريم و قعد يرغى كالعادة طبعا و كمان مخدش الغياب
متقلقش و مش لازم تحضر الاسبوع ده لانه بيمشى المجاميع كلها على نظام واحد
لما نشوف اخرتها معاه ايه :bosyht9::stickjo4:

شكرا جدا يا نونة

الخطة يعني تكتبيله عناصر المقال اللي انتي كتبتيه يعني مثلا كتبتي اول حاجة تعريف الانزيمات تاني حاجة التخصص في الانزيمات وهكذا وكمان تكتبيله مصدره يعني جايبه الكلام ده منين من كتاب او موسوعة او موقع ما كده يعني وع فكرة في النهاية هو مش هياخد الورقة دي بس هو عامل الخطة دي يعني علشان منعملش مقال مثلا وفي الاخر ميعجبوش يعني مثلا نجيب مقال بالانجلش وهو طلب عربي او نقلينه من منتدي ونكتبله اسم المنتدي وهكذا يعني لتفادي الاخطاء بس[/quote]
الله على تضييع الوقت . المهم النهاردة لما حضرت قال ان المقال يتسلم يوم الخميس اللى جاى للى سجلوا بدرى واللى سجلوا متاخر يسلموه الخميس اللى بعده افهم ليه الخميس مش عارفة:blush: واللى مسجلوش خالص هيطلب بعد كده Report هما هتكون ليهم حاجات تانية مضاعفة هيطلبها منهم بالتحديد اكنه عقاب يعنى:abdoog8:
وشكرا جدا على الرد يا kareem

بمناسبة الحذف والاضافة انا روحت من كام يوم شئون الطلبة قالوا ان خلاص مفيش لا حذف ولا اضافة ليه معرفش
فمتتعبيش نفسك

broken heart
انا سألتلك صحبتى على محاضرة علم الآثار و طلع انها ليها معادين
السبت من 6 الى 8
و الاربع من 2 الى 4
و الاتنين فى الشاطبى
محاضرة الاربع فى مدرج 4 اما محاضرة السبت فهى مش متأكدة بس تقريبا برده فى مدرج 4
بس اليومين فى الشاطبى

شكرا جدا يا قمر معلش تعبتك معايا

و لا تعب و لا حاجة يا قمر تعبت فإيه يعنى لسانى وجعنى مثلا و انا بسأل صحبتى هههههههه ما احنا طول النهار كلام ملوش لازمة لوك لوك لوك ادى حاجة لها لازمة ههههههههه
تعبك راحة يا قمر

بعد ايه بقي يا كريم خلاص اللي راح راح :)وبجد بجد كتر خير بتوع جيولوجيا كلها داحنا مادة بس وبجد جالنا شلل من تصرفاته

ولا يهمك يكفي تعب حضرتك معانا في المقال ده بجد ساعدتنا كتير ربنا يكرمك وبجد ربنا يكون في عونكم جميعا ويصبركم ويصبررنا عليه.........يا خوفي ليقرا الكلام ده:o

يا لهوى ده انا من مادة و مش قادرة استحمله ما بالك بتوع جيولوجيا

يا ريته يقراه يمكن يحس شوية بينا
بدل الوقت اللى بيضيعهولنا فى حكاياته و مغامراته مع البراكين و خلافه
ربنا يعيننا عليه

السلام عليكم
والله وحشتونى ياحبايبى
الحياة فى الشاطبى جميلة جدا جدا
وانا سعيد انى فى علوم اسكندرية
انا الحمد لله دخلت علوم جيولوجيا

هههههههه طيب الحمد لله انا كده في السليم هتطلع مين دي بروكن هارت:wacko: الحق بقي بسرعة غير اسمك احسن ده بيقعد ع النت كتيرررررررررررررررررررررررررررررررررررررر:d

وعليكم السلام ورحمة الله وبركاته .الحمد لله انك مبسوط في الكلية بجد كليتنا اجمل كلية بكل ما فيها حتي بتعبها .ربنا يوفقك

بطلي الشجاعة دي يا نونة احسن يكون مراقبنا:slap1qk6:

لازم يكون فيه كبش فداء
:d:d
و انا مستعدة اكون انا اول الضحايا بس نخلص من اللى احنا فيه ده و الله حراااااااااااام

و عليكم السلام
الحمد لله انك سعيد و ربنا يسعدك ان شاء الله كمان و كمان فى الدنيا و الآخرة
و طبعا مفيش احلى من كليتنا علوم و لا احلى من جامعتنا اسكندرية
يا بختنا كلنا

مبرووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووك لمصرر وباذن الله نكسبهم في السودان:av4056bb7jp3::av4056bb7jp3::av4056bb7jp3:: av4056bb7jp3::av4056bb7jp3:

كل سنة وانتم طيبييييييييييييييييييييييييييييييييييييييين .عيد سعيد عليكم باذن الله:av4056bb7jp3::av4056bb7jp3::av4056bb7jp3::av4 056bb7jp3::av4056bb7jp3::av4056bb7jp3::av4056bb7jp 3::av4056bb7jp3::av4056bb7jp3::av4056bb7jp3:

و انتى طيبة يا بروكن و عيد سعيد عليكى انتى كمان


و انت طيب يا فوكس
المفرمة كانت جامدة اوى المرة دى بس الحمد لله تقريبا عدت و مش فاضل غير تاريخ العلوم بكرة ربنا يستر و طميش ميفضلش يخترع
فى امتحانات كانت شغالة و امتحانات لا
ربنا معانا و يعدى الترم ده على خير

الحمد لله ان الأسبوع ده عدى و انا لسا عايشة و الله فضل من ربنا
الامتحانات كانت بشعة
ايه دههههههههه؟؟؟؟
الحمد لله


كل سنة و انتم طيبين و ان شاء الله السنين الجاية نبقى فى عرفات
قولوا آميييين

فعلا يا nogha الامتحانات كانت بشعة جدا جدا جدا انا مش فاهمة كانوا بيعملوا فينا كده ليه وحلوة اوى حكاية امتحانين فى اليوم انا مش فاهمة مسمينها علوم على ايه على ما اتعقد المفروض الناس اللى فيها يكونوافيها يكونوا بيفهموا كويس .ما علينا. وياسلام على التنطيط اللى الواحد كان فيه امتحان فى الشاطبى واللى فى طريق الحرية وسبحان الله حتى امتحان تاريخ العلوم نقلوه الشاطبى طيب احنا نعرف منين انه اتنقل نفتح البخت
على العموم الحمد لله الواحد ارتاح من الاسبوع المميت اللى كنا فيه ويارب يقوينا عليهم بعد العيد
وكل سنة وانت طيبين جميعا نصيحة من اختكم اتفسحوا على قد ما تقدروا علشان هنرجع لحرقة الدم تانى بعد العيد

امتحانين؟
تعرفى ان فيه وحدة صحبتى كان يوم الاربع عندها 3 امتحانات
لأ
و فيه وحدة صحبتى تانية قدرها انها كان عندها يوم الأربع 4 امتحانات و الاربعة اوحش من بعض
فيزيا حيوى
كيميا thermodynamics
ميكروبيولوجى
تاريخ علوم

تخيلى كيميا معاها فيزيا ده حتى ال2 ميمشوش مع بعض و الميكرو كان فى محرم بك من 10 ل 11 و الامتحان اللى بعده كان فى الشاطبى من 11 انتو متخيلين؟:040vk0:
بطلوا دلع يا جماعة بقى الله
ما هما ال3 كليات فى شارع واحد
فردة كعب
يا دوبك
تموتوا فى الدلع
منهم لله
تعرفى ان حتى الفسحة و الله ما ليا نفس اتفسح
هو بس علشان ابقى عملة حسابى
عندنا ايه بعد العيد هل فيه امتحانات تانى؟ اصلى فعلا و الله مش مركزة
صحيح
هو العملى حنمتحنوا امتى؟

السلام عليكم و رحمة الله و ربركاته
ازيكم يا جماعة عاملين ايه
يارب الكل يكون بخير
بصوا
انهردة فيه ورقة اتعلقت فى محرم بك عند شئون الطلبة مكتوب فيها ان العميد هو و رؤساء الأقسام حيعملوا اجتماع لمناقشة طلبة المستوى التانى فى المشاكل اللى واجهتهم اثناء الدراسة و حلولها و كدة
حتكون يوم الخميس ان شاء الله 10/12 يعنى الخميس الجاى بمبنى الكلية بالشاطبى فى مدرج 1

انا قلت اقولكم و بصراحة انا حسة انه الاجتماع ده مهم و حيتكلموا عن المشاكل و كدة و هى كليتنا دى فيها ايه غير المشاكل
يعنى

انتو ايه اخباركم؟ و المذاكرة؟ طبعا شغالة اكييييد؟ ههههههههههه
ربنا يوفقنا كلنا ان شاء الله
و السلام عليكم و رحمة الله و ربركاته

من زمان مدخلتش المنتدي عملين ايه وعملتوا ايه في سنه اولي

اي حد واقف معاه اي حاجه في اي ماده يقلي بس

ممكن اساعده

انا الحمد لله بفضل الله من غير ما حد يحسدنى يعنى
واقف معايا كللل حاجة فى كل المواد
الاحصا رايحة فى داهية
و s p lock elements رايحة فى داهيتين
و الثيرمو الحمد لله تراوة
اول مرة فحياتى بجد احس بالتوهاااان :romarioxp6:و عدم فهم اى شىء فى الا شىء

بس اهم حاجة
اوعو حد يحسدنى:mad:
ما شاء اله الله اكبر

ازيكم يا جماعة
و الله يا جماعة انا حاسس بضياع جامد اوي و حاسس اني دخلت منطقة الخطر و لازم ارفع درجة حالة الطوارىء الى الون البرتقالي.
معلش يا جماعة عايز اسألكم على شوية حاجات لاني منفض للحضور لاني بحاول الم نفسي في مادة الرايضة لاني ضايع فيها و لا افقه شيئا.
مادة الاقتصاد ايه ظروفها و دكتورها و كتابها و وقها؟ انا مش عارف اي حاجة عنها و كمان عملت مصيبة اني محضرتش الميدترم.
المقال التاني بتاع تاريخ العلوم نسلمه امتى؟ و يا ترى لسه بياخد غياب؟
هو الديناميكا الحرارية خلصت عند شابتر تلاتة كده؟ و بعدها قاعدةالصنف؟
معلش يا جماعة اصل انا تايه بسبب اني باحاول الم نفسي.
مع اني و الله عندي مشكلة اني مش عارف اذاكر كويس .. حاسس اني بذاكر سلق بيض.
سلام عليكم..