|
احم احم ايه يا جدعان الحوارات الجانبيه دي انتوا مضطهدين الردود ليه يعني لو كان واحد دخل وقال ياساتر علي العضو دا مش بينزلي من زور كان هيعجبكوا الحال واحد محدش شاف منه حاجه وحشه اطلع انا القطط الفطسانه فيه ليه :d ومش شرط ان انا وانتا نكون اصحاب او عارفين بعض من خمناشر تمناشر سنه عشان اقول رائيي فيك بصرراحه وبعدين مفيش وجهه نظر كامله او صحيحه تماما في الدنيا لكن في وجهه نظر بيتوافق عليها او لا لما علي قيم ايمن قيمه من خلال صحوبيته ولما اسلام قيم ايمن قيمه من خلاص مواضيعه وردوده في المنتدي وحكايه المواضيع دي ممكن موضوع يعجبني وموضوع ميعجبكش غيري دي حاجه نسبيه منظرين استاذه رانيا:d |
رد احمد رضا
تم الرد بواسطة ايمن ذات نفسه رد (عروبة) مش عارف ليه حاسس انك فنكوشة :D اقتباس:
بس تخيلي نفسك مثلا مثلا في الجامعة وبياخدوا استفتاء على الدكتور ناصر ((( انتي متعرفيهوش))) هتقولي ايه الله دكتور عظيم وعالم مبدع وبفهم منه وما شاء الله امتحاناته حلوة ولا .......... هنا بالظبط ((( الدكتور ايمن))) بيقيمه ناس جات قالت ايوة صح عندك حق:D طب هما عرفه منين اما ايمن ميعرفهومش اساسا انتي لو مكانه وواحد قال (عروبة مستفزة في تصرفتها ومعاملتها(((مش قصدي على ردك خالص والله)) وواحد بعده قال ايوة ايوة عندك حق والله فعلا انت ايه ردك فعلك لو متعرفيهوش وش هتقولي ايه ده مين ده اللي قال كده انا معرفوش يبقى هو عرف منين ؟؟؟؟!!!! وبزمتك حد هيقول يا ساااتر :) مش هتبقى كده هتبقى مميزات * * * عيوب * * * وانا برضو مقولتش اطلع فيه القطط الفطسانة ....... وبعدين انتي قلتاي في وجهة نظر بيتوافق عليها ولا لأ لو تاخدي بالك كل الردود اللي قبلي كانت وجهة نظر متوافق عليها من جميع الأطراف محدش فكر يقول "احب اعدل حاجة في تقييمك ل فلان" واما اسلام قيم ايمن ... عايزك تاخدي بالك ان اسلام قال برضو انا اتكلمت معاه فترت قليلة ومن خلالها عرفت ..... يعني قيمه من خلال مواضيعه و وكلامه معاه عل الميل .... ومنتظرين استاذة رانيا واوعدكم مش هفتح بقي على تقييمها عشان معرفهاش اساسا:D |
اقتباس:
ومين قال يا ايمن ان انا قولت محدش يعلق عليها ابدا :) انا مقولتش كدا إطلاقا الحكاية دي تحصل اما يكون طوب الأرض حتي بيكرهك ومش معقوله واحد منبوذ من كل الناس يعني لاء فيه ناس هتدخل تقول اه عندك حق لانها متوافقه في الرأي فيها ايه يعني معرفش واللي عايز يقول سلبيات يقول هو احنا قولنا متقولش ولا هوا مثلا خايف منك او من غيرك لاء ياعم انتوا اللي بتقولوا متردوش مش انا ومحدش يقولي الكلام ده برا الموضوع ومشرف لطيف يجي يحذف الكلام ده عشان ده لتطوير اسلوب التقييم ومسألة الرد عليه :) وبعدين يا ايمن علي فكرة انا مش بتكلم عليك معظم كلامي عن الشخص اللي مش موجود بس :) |
يا جماعه انا كل اللى اقصده و اسلام يقصده و على يقصده
ان يكون التفاعل اقوى و اكتر من كده انا مقلتش ان الناس متقولش مش موافقه الرأى بس اللى يقول موافق يكون فعلا شايف انه موافق مش موافق مجامله و يكون فى نقد بناء عادى مفهاش حاجه يعنى اسلام بيقيم لوحده لازم نساعده باراء كويسه عشان حتى متبقاش وجهة نظر شخص واحد بس لكن الموضوع عباره كده عن تقييم لاسلام و كله يرد من غير تفاعل كويس و نقيم العضو اللى بعده مقولناش متردوش لا نرد بس يكون فى تفاعل اكتر اسألو انتو اسلام و شوفو رأيه كده هوا نفسه زهق لانه حاسس انه بيتعب و مفيش تفاعل معاه فهمتنى يا واد انت و ساره؟ |
معكم محمود elma7et من استاد ثانوية الدولى :D
اسمحولى اعلق على النقطة اللى ناقشوها الشباب يا جماعة دلوقتى ايمن من الاعضاء القدامى فى المنتدى كام واحد من اللى موجودين حضره انا واسلام وعروبة واحمد رضا والسادات ومصطفى مثلآ ,,,, و2 او 3 كمان يعنى وبس غير كده كلهم جداد ما حضروش ايمن زمان طيب يعملوا ايه لما يدخلوا الموضوع مثلآ ... اكيد ها يقولوا التقييم جميل وايمن عضو كويس لانهم ما يعرفوش حاجة عنه غير من الكلام اللى اسلام كاتبه اساسآ رأييى ومستنى النقاش من اى حد ومرحبآ بيك يا جامبو مرة تانية معنا :p |
اقتباس:
كنت بتكلم علي اساس طريقة العرض بتاعت اسلام انما مش بتكلم عن شخصية ايمن وعلي العموم يا جماعة حصل خير وكباية الشاي بحليب دي عندي:D ومنور يا حج جامبو :) |
اقتباس:
أنا من الناس إل حضروا أيمن ومتفقة مع تقييم إسلام |
طب بس خلاص واي رد يكون لإسلام في حدود التقييم الجاي ان شاء الله
شكرا :) |
برده محدش فاهمنى
اولا يا محمود بالنسبه للناس اللى ميعرفونيش انا مقلتش حاجه يعم محمود اصلا الناس مش بتقول التقييم جميل و ايمن عضو كويس لا بيقولو الكلام صح و احنا متفقين معاك طيب عرفو منين مادام ميعرفونيش:d المهم مش دى النقطه انا قصدى اقول ان الحمل كله ميبقاش على اسلام قصدى اقول ان يكون فى اراء ايجابيه على كلامه عشان هوا نفسه ميزهقش و انتو لو سألتوه هيقولكو كده و بالنسبه لعادل يمكن انا برده معرفكش اوى بس انا عارف انك كنت بتتكلم على اسلوب العرض عشان انت اساسا مقلتش اذا كان التقييم صح ولا غلط و حنان حضرتينى ماشى بس فى نقط معينه فى التقييم لو انتى شايفه انها صح يبقى متعرفنيش اساسا المهم يا جماعه خير انا كل الحكايه بس قصدى ان يكون فى تجاوب مع اسلام عشان اسلام بيدخل يقول التقييم و كله يرد حلو و كويس و العضو اللى بعده و بجد حقه انه يزهق انا و الله همى على الموضوع بس عشان شايفه انه فكره حلوه و من احسن المواضيع الل موجوده و مش عايزه يبوظ حصل خير يعم احمد بس خلاص الموضوع ده خلص خلاص بقى انا مش متعود اعارض كتير لمجرد انى عايز اعترض و خلاص انا بس وجهة نظر كانت عندى و كنت عايز اوضحها حبيبى يا احمد و الله:d |
يا كل ده اتقال عشان انا علقت مجرد تعليق على كلام اسلااام
كله نطق دلوقتي :d:d ما علينا عل العموم انا و اسلام وايمن عايزين نوصل لهدف واحد او اتنين يمكن يبقوا تلاتة وانا بكتب هنشوف ناو *يكون في تفاعل مع تقييم اسلام في العضو المختار *يكون رأي اكتر من شخص في العضو هو هو عشان منبقاش واخدين الشخص من جانب احد *مش كل اللي يرد يقول ايوة فعلا صح (للمرة المناشر اقول) اللي يرد يوضح رده يبقى على ايه هل على طريقة التقييم ولا على الكلاام اللي اتقال في التقييم ملحوظة::d اقول يا ويلكم بيك يا ماحت تاني و ياريت يا Dr Zomba كوباية الشاي بلبن سكر زيادة :d ههههههه وخلاص يا ايمن انسى دي الرد الرابع ليك وتقول في نفس الكلام والناس مش قادرة تفهم مقصودك نستنى بقا التقييم على استاذة رانيا حسن |
هههههههههههههههههههههههههههههههههههههههههه
بجد ضحكتوني اوي وانا ورايا بلاوي في الكلية :d كل الكلام ده يااااااااااااااااااااااااااااه على العموم كلام ايمن هو وجامبو ويا مسهل اقتباس:
كلمة اخيرة يله يا اسلام كمل بس لما هتقيم استاذة رانيا بعد كل النقاش ده محدش هريد عليك في تقييمك للاستاذة رانيا الا المدرسين بس :d |
ههههههههههه لاء يامغترب انا هرد وأقول تقييم جميل لشخصيه اروع والله ومش هغير رأيي لان لو عملنا اللي بتعملوه ده وقولنا مثلا تعليق علي التقييم يبقي احنا اهملنا الشخصيه اللي بتتقيم وبقي اسلام هو البطل والانظار عليه هوا بس - وهو مش عايز كدا - ولو متكلمناش غير في اللي نعرفه يبقي اسلام هيلاقي ردين بالكتير :D واي كلام في الموضوع ده تاني من اي شخص هحذف الردود دي كلها :) وياريت يا اسلام تدخل متردش وتقيم علي طول :rolleyes: |
بسم الله الرحمن الرحيم قم للمعلم وفه التبجيل كاد المعلم ان يكون رسول الأستاذة رانيا ربما لا يقتصر دورها على الأنشطة التعليمية داخل المنتدى ولكن هى من القلائل الذين يشاركون ويبدون أرائهم فى مختلف شئون المنتدى وهذا الامر موجود ولكن فى بعض المدرسين ولكني هنا أيضا التمس لهم العذر فكثرة أعمالهم ربما لا تسمح لهم بالمشاركة فى الأقسام الأخرى عكس الأستاذة رانيا التى تجدها تشارك فى العديد من الأقسام وتقدم الأفكار وتناقش وترد على كثير من الموضوعات لكن يلاحظ عليها عندما تطرح فكرة تجدها ومع اول اعتراض تتنازل عن الفكرة نهائيا ولا تتمسك بها واكبر دليل على ذلك موضوع العيادة النفسية الذى فشل بعد ان تنازلت هى عن الفكرة الخاصة بيه ولو انها أصرت عليها وشرحت موقفها لربما كان القسم قد راء النور الأستاذة رانيا لا تشعر انها مدرسة بالموقع ربما هذا بسبب قلة مواضيعها فى القسم التعليمي لكنك تجدها حاضرة فى مختلف الأقسام تصول وتجول فى كافة المواضيع الردود بشكل عام تجد منها ما هو جيد وما هو تقليدي معظم مواضيعها تجدها فى الركن الديني بشكل خاص اللهم الا قليل فى الركن الادبى والبعض فى الركن التعليمي لكنه بالنسبة للقب مدرس يبدو بالقليل جدا ومن أفضل مواضيعها ايه رأيك فى الزواج العرفى ؟؟؟؟؟؟ !!!!!!!( وهو عبارة عن موضوع نقاشى يتم من خلاله مناقشة مشكلة الزواج العرفى ومعرفة أراء الشباب فيها زمان كان الطلبه بيتمنوا ان المدرسين يشرحوا ليهم فى المدرسه أما الان .... !!!!!!!!! وهو يتناول مشاكل الطلاب مع المدرسين وكيف تغير الحال هذا بجانب بالطبع الموضوعات الخاصة بيها فى القسم التعليمى وهناك العديد من المواضيع الجيدة لكنى اجد ان هذان الموضوعان يمتازن بالمناقشة الجادة بدخلهم لهذا اعتبرتهم من افضل المواضيع الخاصة بها تلخيصا لكل ما سبق تكتشف أن الأستاذة رانيا تشعر انها عضوة أكثر منها مدرسة فهى رغم انها مدرسة بالموقع الا أن الأقسام الفرعية تأخذ منها اهتمام اكبر ربما لانها اجتماعية بطبعها لكنها رغم كل هذا تستطيع إحداث توازن بين كل من عملها التطوعي فى القسم التعليمي ومشاركاتها الطلاب فى باقي الأقسام والردود يغلب عليها الطابع الدينى ومنها الكثير الذى يمتاز بالطابع النقاشى وحاورة صاحب الموضوع هذا بجانب بعض الردود التقليدية أعرف انى قد اغفلت الكثير فى شخصية الأستاذة رانيا لكنى رغم كل هذا قيمت كل ما كان ظاهر امامى ورايته بكل امانة وشافيه الرجاء بعد قراءة التقييم إفراد السلبيات فى ذلك التقييم وإذا ما راء احد الأعضاء انى قد أغفلت شىء الرجاء التفضل بتكملته وشكرا |
اقتباس:
اقتباس:
http://www.thanwya.com/vb/showthread.php?t=38669 ____________________ ولا ننسى عندما تبدع فتقول اقتباس:
وبجد شخصية محترمه جداً وربنا يوفقها اقتباس:
|
فعلا يا اسلام استاذه رانيا عضوة اكتر من انها مدرسه
ولكن ده مش تقليل من شأنها ده توضيح لتواضعها واجتماعيتها ومشاركتها في جميع الموضوعات من ادبيه ودينيه ونقاشيه ماشاء الله وانت عرضت اللي انت شايفه قدامك فعلا لانك متعرفهاش معرفه شخصيه ولكن العين تدرك نصف الحقيقة واكيد المنهج التفكيري بيبان من خلال الموضوعات شكرا علي التقييم الرائع يا اسلام للشخصيه الأروع :) |
| جميع الأوقات بتوقيت GMT +2. الساعة الآن 02:21 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.