يا جمااعه انا في حاجه حصلتلي :(

انا كنت بذاكر كتير جداا وكنت علي الاقل بذاكر 8 ساعات في اليوم وواخدها جد جدا في الاول وكل امتحان كنت بقفله وكنت سابق كتير في المواد وبحل كتير اووووووووي وكانت الحياه جميله والدنيا لطيفة

مره واحده لاقيت نفسي مشغوله بالبرمجه وتصميم المواقع والجو التقني دا :( ومبقاش ليا نفس للمذاكره بقي كل وقتي في تصميم المواقع وبس :( حد يقولي اعمل ايه الله يخرب بيت الشات اللي عملته :d اكيد دي كانت البداية

بصراحة مقدرشى افيدك لانى انا كمان شبه ضايعة :022yb4:

في في القراءة درس اسمه القدس مدينه عربيه
حد اخده ؟؟

.... اه، انـا

الله يعينك
متفتحيش الموقع دا https://alihamdi.com/

مش فاهم الموقع دا بتاع ايه بالظبط انا دخلت عليه مفهمتش حاجة :o:o

لأ دا موقع كورسات تصميم مواقع
كنت بدخل عليه في الاجازة الي فاتت دي
تصميم المواقع دا ادمان بمعنى الكلمة انا نزلت الكورسات دي اه بس الحمد لله مبقتش اسمعها دلوقتي خالص.
...
متعرفش مستر أبو السلاطين هيشرح ايه النهاردا ؟ مقالش الحصة الي فاتت هيشرح ايه الحصة الجايه صح ؟

الحديث دا جميل أوي :
"احرص على ما ينفعك واستعن بالله ولا تعجز وإن أصابك شيء فلا تقل: لو أني فعلت كان كذا وكذا، ولكن قل: قدر الله وما شاء فعل، فإن لو تفتح عمل الشيطان"


انا طابع الحديث دا بالخط العريض وحاطه عندي .



أعرفـ(ي) أن الحاجات دي مش هتنفعك خالص في الثانوية بل على العكس :slap1qk6: ، دا غير انها ادمان في حد ذاتها وانا مجرب .

و استاذك شرحه علي انه حاجه مهمه و قضيه وطنيه ولا فهمهولك بس عشان تعرف تحفظه ؟؟

لأ عشان اعرف احفظه .
ولو مثلا " علي انه حاجة مهمة و قضية وطنية" يبقى ايه الفرق ماهو كدا كدا هيتحفظ .

في فرق كبيـــــــــــــر
بس احنا اللي بقينا مش فاهمين حاجه
في تعليم بايظ ومدرسين فاشلين وحياتنا اللي ملهاش اي لزمه
متاخدش انت في بالك انا اصلي بقول كلام فاضي ملوش لزمه

انا رغم انى ماعرفشى الدرس بيقول ايه لانى فى ازهر بس حاجه مملة جداا ان الدرس محطوط عشان يفهم الطالب حاجه معينة ويعلمه حاجه فاحنا نهتم اكتر بالدرجات لحد مانتخرج عقول فاضيه كل همها الحفظ فقط اللى بيتبخر بعدها بكام سنه ويفضل معانا جهل ملازم الواحد طول عمره وده طبعا لو الواحد اعتمد على المدرس او حتى المناهج لازم هو اللى يدور ويثقف نفسه وينميها وه طبعا لو قولتيه لحد فى مصر وفى الزمن ده هايبقى اللى بيتكلم مجنون لاننا اهتمينا اكتر بالدرجات ونسينا احنا بنتعلم ليه اصلا اسف للاطاله بس حسيت ان مشكلتك مرت عليا كتير وفى مواد كتير وكان الرد (( ياعم طلاما مش فى المنهج ولا بتيجى فى الامتحان مش عاوز اعرفها ))

للأسف مش قدامنا غير التعليم البايظ والمناهج الفاشلة عشان يكون لينا قيمة في البلد دي
ايه فايدة وصف السلم الي كان بيطلع عليه طه حسين (في الجزء الثاني) وايه فايدة حفظ دروس العربي كلها بالحرف عشان الواحد يدخل كلية عملية زي الطب أو الهندسة مثلا ؟؟
وفي الآخر يقولوا في أي وظيفة "شرط إجادة اللغة الانجليزية".
ها .. علمنا ايه بوصف سلم طه حسين دلوقتي #_#

:frown:

ملهاش لازمة بس خدول بالكم كتر الجلام السلبي " ملوش لازمة .دماغ فاضية .. مش هيفدنا " كل الكلام دا بياثر بالسلب علي مساوي التحصيل هل بعد مهنقول كدا المنهج هيتغير او هنحفط ؟ بالعكس زا بيكون ليه اثر سلبي

يا جماعه انا عارفه كويس اوووي ان التعليم فاشل جدا وان كل تفاصيل قصه طه حسن ملهاش اي لزمه
و عارفه ان كل الناس بتجبرنا نحفظ و خلاص و مستنيه اليوم اللي اخلص فيه من الثانويه عشان اعلم نفسي
بس سؤالي في الاصل كان الهدف منه اني اعرف كل المدرسين فاشلين و سطحيين اوي كدا و مفيش عندهم قيم يعلموها لنا لدرجه ان الدرس الوحيد اللي بيتكلم عن اهل فلسطين و اسرائيل يشرحوا بالسطحيه دي من غير ما يحاولوا يوصلولنا اي حاجه ليها معني تخلينا نحب نحفظ الدرس و ندور علي معلومات اكتر عنه

انا اول امبارح شوفت فيلم وثائقي عملته بنت اسرائيليه عن التدريس في فلسطين و اسرائيل بصراحه اتقهرت
لكم ان تتخيلوا طريقه التعليم في اسرائيل و المرسين وهم بيغرسوا في طلابهم اكاذيب علي انها حقيقه لدرجه ان الطلاب خارجين من الحصه بيقولوا احنا هنموت عشان اسرائيل
و لكم ان تتخيلوا طفل اسرائيلي بيقول و هو فرحان اوي و منشكح انه بيئذي المسلمين و بيخليهم يعطوا لما بيكسر شجر الزيتون بتاعم
و لكم ان تتخيلوا اطفال فلسطين وهم بيكتبوا رسايل ليهود العالم بيترجوهم انهم يوصوا اسرائيل تخف العذاب عنهم


طولت اوي في الكلام انا اسفه
بس بجد كرهت اوووي السكوت وكرهت التعليم وكرهت الشعب اللي انا منه
وكرهت اكتر نفسي لاني كنت ناسيه الاطفال دول