انا في اسنان المنصورة

انا انهارده جبتلكوا موضوع غريب شويه
هكلمكوا عن
طب اسنان المنصوره (هههههههههههه)
دي احلي كليه ممكن تشوفها عنيك جمال ومنظر زي ما بيقولوا تبقي قاعد فيها المايا والهوا والوجه الحسن (بنات اسنان طبعا)
كليه طب اسنان المنصوره كليتي وانا افتخر واللي مش عاجبه ينتحر ويكتب غ قبره حاول ينحدي طب اسنان المنصوره وما قدر
ندخل بقي ف الجد
كليه طب اسنان المنصوره العلاقه طبعا
من اربع ادوار وهي ف الاصل كانت عباره عن مستشفي او بمعني اصح عيادات خارجيه
وكانوا طلبه اسنان الغلابه بيرموهم ف كل كليه شويه لحد ماستقروا انهم يحطوهم ف حته تلمهم
بتتكون بقي من اربع ادوار
الدور الاول ده شئون الطلبه والعيادات اللي بيشتغل فيها طلبه امتياز الغلابه برده والذي غالبا ما تظهر عليهم اعراض الشيخوخه
المبكره لانه شغال دراسه واجازه
اما الدور التاني ففيه شئون الطلبه برده فيه مدرج واحد اسمه مدرج شارون
وبترجع تسميته للدكتوره سميحه شارون
وده اصغر مدرج ممكن تشوفه العين متر ف متر تقريبا
اما الدور التالت فده فيه مدرجين والمعامل
والدور الرابع بقي عامل زي السطح بيعملو فيه معارض ومعامل برده
تطل كليه طب اسنان المنصوره ع كليه الطب البشري وعندما تنظر للمنظر من الجهه الخلفيه فانك بالطبع سوف تجد مستشفي الطوارئ(حاجه تفرح) ومن ان لاخر تسمع انين المرضي والذي اعتاد عليه الطلبه وهما بيسمعوا المحاضرات
كده اتكلمنا ع مكونات الكليه
ندخل بقي ع شرح مفصل لكل سنه من سنين الكليه
وده بقي اللي هقولوا الحلقه الجايه

انا داخله اعدادي اسنان المنصوره ان شاء الله
اما بقي نظام الكليه هبقي اشرحه ان شاء الله قريباااااا

ايه الجمال ده ياالاء لا بصراحه طمنتيني ع الااااااااااااخر انا خلاص غيرت رااي الي معهد فني تجاااري

ياه معهد فني تجاري حته واحده
ده انا بحسب الموضوع هيعمل اثر اكتر من كده
وتفكري تروحي زراعه قنا ج جنوب الوادي

السلام عليكم ورحمة الله وبركاته
كنت معدى من قدام المنتدى قولت أشوفك عاملين ايه يادكترة المستقبل ان شاء الله
تمنياتى ليكم بالتوفيق
فى رعاية الله
وسلام الله عليكم ورحمته وبركاته

السلام عليكم ورحمة الله وبركاته
كنت معدى من قدام المنتدى لقيتكم قاعدين قولت أسلم عليكم وأطمن عليكم
ازيكم يادكاترة المستقبل ان شاء الله
يارب تكونوا بخير
^_^فى رعاية الله ^_^
وسلام الله عليكم ورحمته وبركاته

ندخل بقي دلوقتي ع شرح مفصل لكل سنه من سنين الكليه
اعدادي اسنان ودي معروف اننا بناخدها في كليه علوم ومبنروحش كليتنا غير بس علشان ناخد مكافاة الثانويه العامه
وحتي الدكاتره اللي بيدونا تبع كليه علوم
اما اولي وتانيه ونص تالته ونص رابعه بيرمونا ف كليه طب بشري لحد مانتخرج من الكليه منفتكرش هو فين المبني اللي كنا بناخد فيه لانه ببساطه عباره عن اوضتين وصاله
نيجي بقي لدكاتره اسنان المنصوره (اخر الرجال المحترمين)ادب ايه واخلاق ايه تدخله امتحان الشفوي اقل كلمه يقولهالك
( وربنا لمعلقك ف السقف) ويقف الطالب مكتوف اليدين لانه ببساطه متعلق من رقبته
الشفوي بيبقي اكتر من نص الماده
اول عقده بتقابل طالب طب اسنان عندما يصل للفرقه التانيه بينام يا عيني وبيحلم
بمريض ياخده علشان يشتغل عليه (غلباااااااااان) ويقوم ويصحي ع كوابيس ان المريض اللي شغال عليه طول السنه ميجيش يوم امتحان العملي ويسقط الطلب لان الحاله مجاتش
لما بيوصل بقي لسنه تالته وبيبقي عنده اكتر من 8 مواد وكل ماده فيها حاله شكل لا وعنده ماده طب اسنان الاطفال ودي بتبقي مشكله
انه يلاقي الطفل المعجزه اللي هيرضي يقف ويستني قدام دكتور الماده وطبعا علشان يعمل كل ده بياخد الحاله لحد البيت وبيصرف عليه مواصلات وغدا ولو عنده ازمه نفسيه بيعالجه وكل ده
علشان يسلم اسنانه ليه
بالنسبه لدكاتره طب اسنان فهم بجد عالم محترمه جداااا بس فيهم عيب ااااااااااد كده
بيحبوا دايما يصفوا الدفعه يعني مثلا لما تبقي الدفعه فيها 230 واحد وده اكبر عدد
يعني الدكتور بيبقي متوصي من جهات عليا انه يسقطلوا بتاع 50 طالب علشان المعامل تكفي لحد
ماتوصل لسنه رابعه وتلاقي الدفعه وصلت ل 150 بالكتير
علشان الاجهزه مش كفايه
المره الجايه بقي هقلكوا نتايج الكليه
..................

بجد يا جماعه انا زهقت
عماله بكتب ف موضوع بقالي ساعه كامله
والاخر ميضافش

خلاص كده يا د \الاء العملية مش محتاجة

حلقة تانية ولاثالثة

Zzzzzzzzzzzzzzzzzzzzzzz

واضح ان د\ الاء مش محتجانا في الكلية

شكرااااااااااااااااا ع المعلومات دي
وانا برده قالولي انها محتاجه مذاكره ومجهود كبير
يعني المذاكره من اول يوم وبرده قالوا المفروض منراكمش حاجه
يعني اللي ناخده نذاكرة ع طول
ولازم برده نذاكر كل يوم حتي لو تعبانين فتبقي ع الاقل نقرا اللي خدناه
وطبعا اللي عنده اضافات ياريت يفيدنا