بجد؟.

بس ع فكره انا موافق ان الواحد يمثل انه طيب قدام الناس مع انه مازال لئيم من تحت لتحت وده اللى يخليه اقوى من اللى حواليه

ده اسلوبى :p

على فكرة متنزلش نكت العيد
خلاص بجد العيد خلص...بقينا تالت يوم
ابقى تعالى السنة الجاية بدري بقى:d:p

waaaw thats not nice
ppl cant trust u this way
u r gonna make me change my picture for u

اولا مفيش حاجه اسمها ثقه بالنسبالى

ثانيا محدش هيعرف الاسلوب ده الا لو قلتله زى ماقلتلك كده فاهيبقى قبل مايعرف (ومش هيعرف) لعبه فى ايدى (غالبا) فيه ناس بحترمها ومش برضى العب معاهم اللعبه دى (بلعب لعبه تانيه غيرها);)

ثالثا مش فاهم انا ليه هخليكى تغيرى صورتك؟!!

!!!!!!!!!!!!!!!!!!!!!!!!!!!!!!!!!!!!!!!!
مش كويس اللي انت بتعمله ده...مش صح

واللي يخليني اغير صورتي...لان انا الstandard عندي ان كل الناس كويسة
والقليلين اللي مش كويسين او تفكريهم twisted (زيك مثلا)(no offence of course)...مش هايخلوني اشوف الناس كلها وحشة

بس...فــدلوقتي انت طلعت مش زي الصورة اللي انا حاطاها...فكان لازم اغيرها:d

لالا انا مش بعمل اى حاجه

قدام الناس محترم وكويس لكن فى الحقيقه بضحك عليهم مش اكتر لانى مش مضطر انى اثبتلهم اى حاجه لانى اقوى منهم

وده مش معناه انى مش محترم بجد طبعا لا انا بس فكرتى كلها فى القوه يعنى مثلا ممكن اى حد يبقى طبعه كويس ومحترم لكن عادى جدا زى كل الناس مزود على الهبل واحد مش اكتر

لاكن القوه واللمعان واكيد التحكم فى الاخرين (اكيد حاجه غريبه شويه)

بس لو حطيتى الكلام ده فى دماغك ودققتى فى اللى حواليكى هتلاقى شويه منهم بيضحكو عليكى وانتى مش واخده بالك (ولو مش لاقيه ناس من دى تبقى ساذجه لانه فيه طبعا)

وشوفى بقى انتى بتكلميهم ازاى وتحترميهم ازاى رغم اسلوبهم

القوه هى اللى بتعمل الانسان مش الاخلاق صدقينى:o

!!!!!!!!!!!!!!!!!!!!!!!!!
انا مش عارفة اقولك ايه بجد...كلامك غريييييييييييييييييب جدا
عموما نستنى نشوف بكرة لما باقي الناس تشوف الكلام ده هاتقول ايه

طيب نغير الموضوع الغريب ده بقى
عشان انت بجد كده قفلتني منك

اكيد طبعا انا قلتلك من الاول انك هتختلفى معايا من الاخر ناجح+اخلاق ومبادئ=حياه ممله ناجح+قوى+لؤم=حياه مسليه اكيد كله هيوافقنى فى دى

اسفه على تدخلى بس القوه ف ايه بالظبط ؟؟؟؟؟؟؟
قوة شخصيه يعنى ؟
وع فكره ممكن الواحد يبقى قوى باخلاقه واحترامه مش تحكمك ف الناس يعنى اللى هيديلك ده ومش لازم عشان ماتبقاش عادى زى كل الناس انك تبقى فيك الصفات اللى انت قولتها دى مكن تبقى مختلف ف حاجه كويسه .....
وطبعا اخر جمله دى مش موفقاك فيها تماما ده حتى (انما الامم الاخلاق ............)
والرسول(ص) بيقولنا (انما بعثت لاتمم مكارم الاخلاق)...................

وبتهيالى اللى بيعمل كده يبقى منافق ولا ايه؟

لكن هتبقى boring ^ ^

هو احنا عايشين ليه ؟ عشان نبقى محترمين وعندنا اخلاق ؟ ليه هو احنا هنعيش فور ايفير مثلا عشان نهتم بحاجه زى دى ؟ ده حتى لو على رايك انما الامم الاخلاق مابقيت ده دليل على اعتقادك ان الواحد هيعيش للابد ومش هيموت زى ما الامم ما هتبقى !!

ده كلام ع الورق وبس نظرى يعنى انما فى الواقع الناس كلها ماشيين بالنظام ده (اقصد الناجحين طبعا)

ع سبيل المثل لو واحده صاحبتك مثلا فى الشغل عرفت ان فيه دورات تدريبيه لزياده حاجه معينه زى المرتب مثلا والترقيه وكده بس انتى متعرفيش المنطق انها مش هتقولك عليها عشان تبقى هى احسن منك دايما وبالتالى اقوى منك (القوه اللى اقصدها هى التفوق على الغير) .........

الاقوى هو اللى يقدر يضحك على التانيين افضل !! لان لو التانيين جتلهم فرصه زى دى مش هيضيعوها يبقى ليه نبقى باقيين على حد مش باقى علينا ؟؟ هنبقى فاشلين بالتالى ومحبطين ومثيرين للشفقه وكل اللى حوالينا بيشمتو فينا مش اكتر ونرجع نقول هو اشمعنا احنا اللى بيحصلنا كده ....

ع فكره مش كل الناش بالانانيه دى والا خلاص باه تبقى الدنيا خربت
وبعدين يعنى ايه احنا عايشين عشان نبقى محترمين امال عشان نبقى منحرفين والله مش فاهمه وانت فاكر انك لو بقيت كده حتى لو ناجح هتبقى مبسوط ومزاجك حلو لا طبعا يعنى عمرك ماشوفت حد ناجح ومحترم طبعا فيه بس انت مش عايز تشوف غير الناس اللى انت بتقول عليهم دوول اللى م بيعملو حساب لحد .......
طب انت لو كده او عايز تبقى هل هتبقى راضى عن نفسك ؟؟؟؟؟؟؟؟؟؟؟

محدش بجد هيهتم اذا كنتى كويسه واللا لا كل واحد همه على نفسه محدش هيجازف بحاجه عشان حد ده مش منطق

ليه ببساطه كل واحد يبطل يبقى ساذج ويعيش يعمل الحاجه اللى بيحبها ؟

بالنسبه لسوالك ;);) بتحرجينى اكيد لكن مش هكدب عليكى (طبعا راضى عن نفسى) :rolleyes::rolleyes::rolleyes:

ليه لا ؟؟ ليه لازم الواحد يبقى عنده اخلاق مع الناس فى مقابل انه يضحى بكل اللى عايزه وعايز يحققه لمجرد ان محدش يقول عليه منافق او مش كويس تفتكرى حد هيهتم بحاجه زى كده؟ زى ماقلت كل واحد همه الاساسى على نفسه

وايوه الدنيا غابه بس مخربتش

ليه هتضحى بكل اللى انت عايزه يعنى مينفعش تبقى عندك اخلاق وف نفس الوقت ناجح ولا هو لازم واحد م الاتنين
ولما تبقى الناس بتقول عليك منافق ومعندوش اخلاق ميفرقش معاك ازاى دى صورتك قدام الناس
كل ده وراضى عن نفسك لا فعلا صورتك بالنسبالى اتغيرت جامد :excl:

اولا لعدم سوء الفهم انا مش كده ومش بتكلم عن نفسى ومش بستخدم الاسلوب ده لكن مجرد مؤمن بيه وبالمبدا نفسه وفى المستقبل لو حاجه احتاجت منى انى استخدمه هستخدمه وانا متقبل بشده حاجه زى كده مش اكتر

ثانيا انا عارف ان موضوع الاخلاق والمنظر قدام الناس راسخ عندنا فمش هتفهمينى لكن عمرك سالتى نفسك انتى ليه خايفه على شكلك قدام الناس رغم انك مقتنعه باللى بتعمليه واللا مكنتيش تعمليه ؟؟

مثلا كلنا غشينا فى الامتحانات ولو احنا فى الكليه دلوقتى وقدمنا فرصه اننا نغش او نسرب الامتحان هنعمل كده

فين الاخلاق بقى ؟ فين شكلنا قدام الناس ؟

قولتلك محدش بيهتم غير بمصلحته الشخصيه ولو الاعتقاد بالاخلاق والمبادئ صادق كنا عملنا بيه على طول :d

وعلى فكره كتطبيق لكلامى : " لا فعلا صورتك بالنسبالى اتغيرت جامد " : اكيد لسه مفهمتيش ان الصوره والشكل قدام الناس مش مهم اوى كده كاختبار اسالى نفسك سوال بسيط : هو انا فعلا مهتمه بشكله قدامى يبقى ازاى واللا مهتمه بجد بانى ابقى احسن منه وميبقاش احسن منى عشان شكلى قدام نفسى انا وتحقيقى لذاتى ؟؟ ;):p


وبالنسبه للنجاح فانا مش اقصد طبعا النجاح النسبى اى حد ممكن يبقى ناجح انا اقصد انه يبقى فريد من نوعه او حاجه عظيمه ومشهوره مش مجرد نجاح وخلاص وده طبعا مش ممكن هيتحقق الا لما يبقى فعلا احسن من اللى حواليه :cool:

وسورى على وجع الدماغ ده بس انتو اللى بتنكشو :d:d