بوابة الثانوية العامة المصرية - موضوع المليون رد........!!!!][ التحدي ][

بوابة الثانوية العامة المصرية (https://www.thanwya.com/vb/index.php)

- أرشيف المنتدي (https://www.thanwya.com/vb/forumdisplay.php?f=513)

- - موضوع المليون رد........!!!!][ التحدي ][ (https://www.thanwya.com/vb/showthread.php?t=223148)

اقتباس:

المشاركة الأصلية كتبت بواسطة just imagine (المشاركة 2417877)

طب انا بقا هقولكم حاجة تردلنا اعتبارنا شوفو الفرق بين الولد والبنت فى الميكروباص:022yb4:
أولا :- طبعا وانتا بتوقف الميكروباص وياسلام لو مافيش مكان لو انت بنت يادوب تبصي بس بصة استعطاف لأي بأف قاعد هايقوم ينط يعد في ضهر السواق عشان تعدي انما بقا لو انتا ولد شوفلك اي حتة اترزع فيها او انشالله تتشعلق مانتا اساسا مالكش أهل يخافو عليك

ثانيا :- طبعا وانتا ...طالع كتير مننا ممكن يخبط راسه في الباب طبعا لو كنتي بنت هاتلاقي اللي بيقولك خير حصلك حاجة ؟؟؟ من كل الركاب وممكن طبعا تلاقي اللي ممكن يقوم يضرب السواق انما بقا لو كنت ولد... اسمع بقا اللي يضحك عليك واللي يقولك ايه اتعميت ؟؟ .. يا لطخ تستاهل شوف كنت بتبص فين والكلام دا طبعا

ثالثا :- وانتا بقا بتقفل الباب وطبعا السواق بيقولك اقفله بالراحه كأنه هايتكسر في اديك مانتا بقا رامبو طبعا لو كنتي بنت وبتقفلي بالراحه خالص وممكن الباب مايتقفلش يقولو شوفو الرقة حتى الباب مش هاين عليها تخبطه بالجامد وياعيني عليك لو كنت ولد والباب ماتقفلش .. ايه ياعم النايتي مش قادر تقفل الباب اتفو على دا جيل .... ولو قفلت الباب بالجامد بقا لو كنتي بنت طبعا هايقولو معلش اكيد متعصبة شوية ربنا يعينها على اللي هيا فيه انما لو كنت ولد : ايه الطور دا خلاص ياعم عرفنا انك فاندام بس بالراحه ع الباب

رابعا :- طبعا ممكن يجيلك تليفون وانتا قاعد في الميكروباص لو انتي بنت وانتي بتقولي الو ياسلااااام الله يا جماعه على صوتها شوفو الرقة يابخته المحظوظ اللي بيكلمك ولو معاها موبايل معفن ياسلام ع التواضع انما بقا لو كنت ولد اللهي يجيلك ضربة انتا واللي بيرنلك دلوقتي وطي ياعم صووت ام صوتك صرعتنا والله عرفنا انك معاك زفت موبايل ولو الموبايل معفن .. وكمان بتتعايق بموبايل معفن امال لو كان موبايل عدل شوية كنت عملت ايه

خامسا :- لو انتا بقا طالع والسواق مشغل اغنية بيئة ومعلي الصوت بقا وانتا عايز تتكلم في الموبايل طبعا لو انتي بنت القانون بيديكي الحق الكامل انك تقوليله وطي الكاسيت او اطفيه ( قانون ساكسونيا طبعا) انما لو ولد هاتلاقي السواق من غير ما يرد عليك يادوب يبصلك بصة بقرف ويلف وشه تاني ويعلي الصوت كمان ويفضل يبرطم بقا انتا هاتشترينا بأم النص جنيه اللي هاتدفعه

سادسا:- طبعا بقا انتا وصلت الحمد لله بعد القهر والتفرقه العنصرية اللي اتعرضت ليه طول الطريق عايز تنزل بتقول للسواق على جنب وطبعا لايمكن هايسمعك ماهو مشغل الاغاني ومعلي الصوت على اخره طبعا لو انتا ولد هاتقول مرة واتنين وعشرة وينزلك بعد الحتة اللي انتا عايز تنزل عندها بشارعين تلاته وطبعا هايقولك ماسمعتكش مانتا اللي صوتك واطي زي البنات انما بقا البنت يادوب كل اللي هاتعمله انها توشوش نفسها على جنب وكأنها بتكلم نفسها هاتلاقي بقيت الاربعتاشر نفر اللي قاعدين في الميكروباص بصوت واحد بيقولو للسواق على جنب ..... انتا اطرش ؟
هههههههههههههههههههههههههههههههههههههههههههههههه:a v4056bb7jp3:

هههههههههههههههههههههههههههههههه
حلوة اوي

طبعا البنت ليها قيمتها بردك:av4056bb7jp3:

والله تلت تربع البنات عاوزين الحرق هههههههههه الي بيعملوه في الولاد

اقتباس:

المشاركة الأصلية كتبت بواسطة just imagine (المشاركة 2417893)

طبعا البنت ليها قيمتها بردك:av4056bb7jp3:

هههههههههههه هيا دي كده اسمها قيمتها
دي اسمها بلطجه ياماما
دا بيدل علي ان الرجاله غلابه

اقتباس:

المشاركة الأصلية كتبت بواسطة free_love202 (المشاركة 2417896)

والله تلت تربع البنات عاوزين الحرق هههههههههه الي بيعملوه في الولاد

لالالالالالالالالالالالالالالالالالالالالالالالا معلش كده بقا انت بتغلط احنا بنقول الحاجات دى علا سبيل الهزار فلو سمحت اختار الفاظك

اللهم اغفر لنا وارحمنا اللهم حبب الينا الايمان واجعلة نور في قلوبنا.

والله مش احنا اللى بنروح نقول لبتوع الميكروباصات يعملو كده وبعدين منتو واخدين حقكوا وزيادة فى كل حاجة ادونا فرصة بقا دانتو جيل غريب اعوزو بالله

ايه يا جماعة ده هذار
متتعركوش
يلا سيبكو من الموضوع ده واختارو موضوع حلو

ايه يا بنات انتو رحتو متدافعو معايا عن حقكو !!!!!!!!!!!!!!!!!!!!!

استغفروا الله.

ههههههههههههههه جيل غريب ازاي
احنا الي فينا احمد زويل ونجيب محفوظ وفاروق الباز
مش دول رجاله برضوا؟

ياريت يا جماعة نقفل على الموضوع دة عشان بمكن ينتهي بزعل ياريت نفتح موضوع مفيد .

لا بجد يا لولو اصل الموضوع ده غايظنى جدا تلاقى الولد من دول فاهم انو صح واحنا ياعينى اغبيا مش بنفهم مع البنات دلوقتى هما اللى عادو ازكى واشهر وانجح بكتير وبرده فاكرين نفسهم ال ايه يعنى عملة نادرة بجد مش دى حاجة تغيظ

أوك حد يقترح موضوع
علي فكره انا بهزر اصلا

اقتباس:

المشاركة الأصلية كتبت بواسطة dina ali mahmoud (المشاركة 2417925)

ياريت يا جماعة نقفل على الموضوع دة عشان بمكن ينتهي بزعل ياريت نفتح موضوع مفيد .

كنت لسه حقول كده
علي فكرة مفيش حد افضل من حد الا بالتقوي
ياريت ننهي الموضوع ده
ونتكلم فحاجة تانية