|
اقتباس:
دي fact علي فكره لما المصحح بالذات في مستوي العربي يشوفه كاتب كتير بيديله من وسع:av4056bb7jp3: |
انا ان شاء الله عربى
لانى الانجلش مبعرفش ألف فيه مع انى لا بحب العربى ولا الانجلش بس اللى نعرفه احسن من اللى منعرفوش وكمان ببا مدرس عربى وهيصة بقا ... |
ربنا يوفقك :)
|
اقتباس:
يعني انتوا هنا رايحين تانية ولا اولى..........؟؟؟؟؟؟؟؟؟؟؟ |
دا الجروب القديم يعنى الناس اللى كانوا فيه قبل كدا رايحين تانية اما احنا عملنا واحد جديد دلوقتى للى رايحين اولى
|
اها
عموما انا رايحة تانية بردو بس لقيت ان كل الناس بتدخل في حياة كل الناس بطريقة تدايق كل الناس:p وتانية بيدخلوا جروب اولى تالتة بيدخلوا جروب تانية عادي يعني:d فحبيت اتأكد عموما ايا كانت السنة الي انتوا فيها ربنا يوفقكم;) |
شكرا ع الملتقى
|
هو بصراحة انا جبت ميرسى شرح بس مكنتش بفتحه وجبت مراجعة كويس بسس برده مكنتش بفتحه والمسيو كان جبلنا فى المراجعة برافو وبصراحة كان حلو حتى هو بقى شغال منه السنادى |
nice groub...
|
هقول على حاجة ممكن ميوافقش عليها الكل بس دا الواقع الصريح عشان كدا بلاش نرفضه
الثانوية العامة 99ف المية حفظ و1في المية فهم أي والله حتى الفهم اللي ف الرياضة لو جيت تقارنه بحفظ بقية المواد مايجيش جناح بعوضة من الآخر كدا يا دكاترة شعارنا هو : احفظ × الزق حاجة كمان بئا مهمة زيها زي الحفظ هي حل أسئلة كتيييييييييييييييييييير على قد ماتقدر حل حل حل حل إن شاء الله تخلص كتب الجمهورية على فكرة الحل اهم من المذاكرة نفسها كمان عشان بيعديك على كل صيغ الأسئلة ويعرفك إن السؤال ممكن يتلف بمليون طريقة والحل نفسه في الآخر يعني ماتفتكرش اللي دخلوا طب وصيدلة دول حااجة ابهة يعني دول يادكاترة من الآخر حفيظة لا عندهم عقل اكبر من عقلك ولامخ زويل ولا حاجة وصدقني حتى لو شغلوا مخهم على الاقل بنسبة 1 او 2 في المية الفهم ميجيش حاجة قدام الريس --> الحفظ وكتابك في راسك تعرف خلاصك حاجة تزعل اه بس دا تعليمنا ولازم نسايسه احم اقصد نسايره خلاصة الكلام بئا كتابك في ايدك عقلك في مخك ودح يا تلميذ وحط ف دماغك انك طااالب ثانوية عامة عارف يعني ايه طالب يعني من الاخر للاسف زي اللي بيشحت كدا يعني حضرتك رهن اشارتها كل حاجة عايزاها منك تعملها حتى لو اتكلفت ايه هو دا الحل الوحيد >>دا الاخذ بالأسباب بعد التوكل على الله عز وجل طبعا كمان المنافسة دي مهمة جدااااااااااا صدقني احلى حاجة ف المجاميع المنافسة لما تشوف حد اشطر منك لازم تغير منه هو احسن منك ف ايه عشان يبقى كدا انتوا الاتنين بتاكلوا وبتشربوا وبتنامو هو مش من المريخ يعني حاجة أخيرة وأعتذر للتطويل اوعى دوامة الحياة تنسيك ربنا عز وجل ربنا حبيبك اللي بيديك وبيديك كتيير اوي يا أخي دا انتا غرقان ف نعمه الحمدلله عاتيك صحة ودين وقدرة وقوة ابقى اشكره كل يوم واتاسفله وقوله يارب سامحني انا مقصر ف حقك يارب وخلي نيتك من مذاكرة ترضيه سبحانه وتعالى علاقتك بربنا اهم من اي شيء مش ف الثانوي بس ف كل حياتك اوعى تاخر الصلاة وتقول معلش اصلي بذاكر ارمي الكتاب من ايدك وارمي نفسك بين ادين ربنا في الصلاة الصلاة احلى لقاء هتعيشه ف حياتك اسفة مرة تانية شكلي كدا مش خدت بالي وكتبت موضوع تعبير :)))) أسيبكم في أمان الله ربنا يحفظنا وإياكم |
اه معلش نسيت حاجة
بلاش شغل الخباثة اللي الطلبة بتعمله وبتخبي المعلومات على غيرها ساعد غيرك ربنا يساعدك ربنا حطه في طريقك عشان تساعده اوعى تقول لربنا لا... مش معنى كدا انك تغششه ف امتحان اخر السنة !! وشكرا |
اقتباس:
معلش يعنى بس انا معترض على رايك اعتراضا معروضا جامد يعنى يعنى انت مكتوب انك فى علمى واكيد عندك الحاجات الغريبة اللى بيسموها رياضيات وكيمياء دول اوعى حد يقولى انهم بعتمدوا على الحفظ:022yb4: يعنى لما يكون فى حساب المثلثات اول وحدة عبارة عن خمس قواعد انت لو حفظتهم والله مش هتعرف تحل لازم تفهم ازاى تستخدمهم وازاى الاسئلة بتيجى عليهم مش بس الحفظ يعنى الانجلش يعتمد اعتماد كلى وجزئى وشوية حاجات فوق بعض على اسلوبك انت فى الكتابة واستخدام التعبيرات الديتش او الفرنش مش عارف والله بعتمدوا على ايه:p العربى البلاغة والنحو بيعتمدوا اعتماد كامل على الفهم مش الحفظ والتعبير بيعتمد على اسلوبك يعنى من الاخر ثلت مواد من اصل خمسة معتمدين على الفهم ونص العربى كمان معتمد على الفهم ولا ايه رايك:stickjo4: |
الفهم يا جماعة هو الاساس برغم كلام كل الناس
لان الواحد لو حفظ ممكن ينسى بس انت عمرك سمعت عن واحد فهم وبعد كده مفهمش:d اهم حاجة تفهم اللى المناهج بتقوله |
انت بتحفظ علشان تكتب
و بتفهم علشان تحل مسائل و أشغلة تشغيل الدماغ و الأسئلة الملتفة حفظ + فهم = تفوق ماينفعش واحد منهم بس لازم تمشى الأثنين |
اقتباس:
بالنسبة للانجلش احنا بنحفظ قطع تعبير وبتحفظ الكلمات وبنحفظ القواعد وشوية فهم اما العربي القراءة والقصة حفظ الادب حفظ يمكن البلاغة والنحو بس اللي فهم بس حتى البلاغة نفسها فيها اللي يتحفظ زي سر جمال المجاز او الكناية عندك الرياضة انا مقلتش حاجة انا اقصد لازم تحفظ القووانين وتفهمها تعتبر الرياضة فقططط!!! اما بئا الاحياء حفظ× حفظ ماعدا الوراثة والمسائل وفهم بسييييييط اما الكيميا بئا الى الان كل صحباتي بيقولولي اول باب حفظظظظظظ وتاني باب حفظ وفهم\الكيميا اساسا 50فهم 50حفظ اما الفيزيا بئا هي اللي كلها فهم ف فهم الفلسفة حفظ علم النفس حفظ الاقتصاد حفظ ماعدا الاحصاء اللي فهم وبالنسبة للفهم فللأسف معتقدش اي مصصح هياخد باسلوبك اقرا حتى رد واحدة فوق كاتبة نقصت 10 درجات عشان اجابات صح بس عشان كتبتها بأسلوبي مش بالنص بتاع نموذج الاجابات ها ؟ ايه رايك بئا ؟؟ |
| جميع الأوقات بتوقيت GMT +2. الساعة الآن 12:54 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.