مدير إدارة ابوصوير : لو انتوا رجاله خليكو قاعدين لآخر الشهر
 

مدرسة ابوصوير الصناعية
19 / 9 / 2011
اليوم الثانى للإضراب
- بداية اليوم الدراسى بشكل طبيعى ، توقيع المعلمين فى دفاتر الحضور ، الطابور وتحية العلم
- حضور ( شكرى ابوجازيه ) مدير إدارة ابوصوير التعليمية ويطلب من المعلمين الصعود للفصول :028ja7:
- لا استجابة ولا رد من اى معلم ولا تعليق للإضراب :p
- بعدما تيقن انه فشل حتى فى اسلوب الطلب صرخ قائلآ ( طيب لو انتوا رجاله خليكوا قاعدين كده لآخر الشهر :o)
- الراجل جاى يستفزنا وعايز يوقعنا فى الغلط ، لكن تم الاعداد النفسى الجيد لنا من خلال حوارتنا مع بعضنا بأن هذا متوقع حدوثه من زبانية النظام السابق والذين استفادوا منه بالجلوس على كراسيهم وسيقاتلون للبقاء عليها ( الهبره كبيرة يا جماعة اخر الشهر لازم يموت نفسه علشان يحافظ عليها ) ، المهم محدش برضه رد عليه ( مع انه عارف كويس اوى ان صنايع ابوصوير مبيعرفوش لا هوه ولا اى حد من رجالته ياخدوا حق ولا باطل من رجالة المدرسة :p )
- راح مخبط اكتر ليواصل الاستفزاز ( هربت منه ياجماعه) وقالنا هو انتوا بتفهموا اساسآ و كل ده حصل قدام الطلبة :006et4:
بالله عليكم ايه رأيكم فى المسئولين عنا ( انا رايى انهم بلح ) :d
- دخل شكرى ابو جازيه مكتب المدير فى انتظار وكيل الوزارة
- تم كتابة مذكرة بما حدث موجهه الى المحافظ و وكيل الوزارة ووقع عليها المعلمون
- الظاهر الخبر بتاع المذكرة وصل ليه شويه لقيناه طلع من المكتب :bosyht9: وجالنا ( حقكوا عليا متزعلوش منى انتوا زى اخواتى ) ( عمل قطة ) عرفتوا مين فينا الراجل .
- وصول وكيل الوزارة ( رفعت طنطاوى ) ومعاه ( مسئول الأمن فى المديرية ) !!!!!!!!!!!
- طلب الاجتماع مع السادة المعلمين
- بدأ فى الحديث : نفس كلام الوزير حرفيآ لا اكتر ولا اقل .
- بدأ يكلم على حافز الاداء ووسعت منه اوى وراح قايل لشكرى الناس تصرف الحافز ده انهارده او بكرة بالكتير اوى دى تعليماتى ليك وتنفذ .
- طبعآ كلام للإستهلاك اللوكال وبدأ المعلمون المشاركة فى الحوار
- سلمناه صورة مذكرة الاضراب وبعدين تكلم بعضنا وكل مايقوم حد يكلم بتاع الامن يسأل على اسمه واحد زميلنا قاعد جنبه
( فاكرينها لسه زى زمان ) زميلنا قاله بتسأل على اسمه ليه ملكش دعوه بأسم حد .:angry2:
- بيقولنا معدش فى امتحانات تانى نقوله الكلام ده مش مظبوط ونازل على موقع الاكاديمية علشان نترقى نتدرب وبعدين نمتحن وننجح وبعدين تقرير من مدير المدرسة وتقرير من الموجه علشان نتمم اجراءات الترقية يقولنا لأ مش مظبوط اسمعوا اللى بقولكوا عليه .
- طبعآ احنا على اتصال ببعضنا مع المدارس التانيه فى الادارة وخارجها الكل عامل اضراب وطنطاوى يقولك مفيش غير انتو بس اللى لسه عاملين اضراب ( وطنى وطنى ) لسه برضه اسلوب الكذب فى دمهم يا اخى وكل زمايلنا اللى راحلهم المدارس التانيه بيقولهم نفس الجمله ( يعنى كل الناس بقت حلوه وانتوا اللى لسه كخه :006et4: )
- طلب فض الاضراب مع وعد ببحث المطالب ورفعها ردينا عليه واحنا كمان هنبحث فض الاعتصام
قالنا هتبحثوا طلبى قولناله زى ما هتبحثوا طلباتنا ( ولع ) وسأل زميلنا اللى قاله الكلمه دى على اسمه الراجل قاله اسمه بالكامل سأله وكيل الوزارة انت مضيت على المذكرة قاله طبعآ دور على اسمه من بين الموقعين وعلم عليه :p
ثم فض الاجتماع الظاهر انه حقق هدفه بالحصول على اسم معين .
- طبعا المعلمين سمعوه رساله معينه ان زميلهم اللى اتاخد اسمه لو حصله اى حاجه لو حتى قرصته نموسه فى بيته وهو نايم مش هتعدى بالساهل
- بدأنا فى الاتصال بزمايلنا فى المدارس التانيه على مستوى الادارة والمحافظة ووصلنالهم اللى دار فى الاجتماع وابلغونا بتضامنهم معانا واتفقنا على حاجه : اى مدرس فى أى مدرسة هيتأذى بسبب الاضراب دلوقتى او بعدين هنكون راجل واحد والموضوع هيتطور من اضراب فى المدارس لاعتصام فى مكتبه هو شخصيآ (ماشاء الله والله اكبر علينا ) وتم الاتصال ببعض مراسلى ومندوبى الصحف فى الاسماعيلية ووضعهم فى الصوره
- مر اليوم ومضينا انصراف ومشينا وبكره يوم جديد انشاء الله

هذا رجل غير محترم

اضراب ادارة الل الكبير التعليمية
 

الله عليكم رجالة وربنا معاكم

اسمع ياسلام اخر كلام
 

قرر مدير اداره دمياط التعليميه عدم صرف الحوافز الجديده للمعلمين زاعما انه لايوجد فى الاداره معلم يستحقها لعدم اخذ النصاب كاملا باين الراجل ده عايش على القمر مش عارف اى شىء عن ادارته قال يعنى الفتات دى هى اللى هتحيينا باين عينه فيهم

بارك الله فيكم يا أبطال فرجال التل الشرفاء كما عهدناهم لن يتغيروا : الأصل وشيم الأخلاق

طبعا أنا أعرف تقريبا كل معلمي التل الكبير وأبو صوير وعلى اتصال دائم بهم والله معكم ومعنا نحن بإدارة الاسماعيلية

أتمنى الاتفاق على الخطوات التصعيدية

حسبي الله ونعم الوكيل

بارك الله فيك والله

الاخوان دايما مذبذبين فى أرائهم يعنى يولعوها ويقولوا احنا مش معاكوا

اليوم السابع بتاع نجيب سويرس

كويس
خليه يحول الميزانية وفورات
علشان يصرفوها على الموظفين في الديوان