|
الله يكرمك متابع ان شاء الله
ربنا يوفقك |
بسم الله الرحمن الرحيم حملة (يلا بينا نكون فى ذمة الله) ازاى؟؟؟؟ لما نصلى الفجر !! ايه رأيك.. شعارنا: (صلاة الفجر فى قلبى) هدفنا: ممنوع اى مسلم ينام على صلاة الفجر سياستنا: هتصحى كام علشان يصلى ـــــــــــــــ ـــــــ ـــــــــــ ـ صفات المشترك: 1)مسلم بيحب ربه..انت بتحب ربك؟؟ 2)الايكون من المنافقين..؟؟ 3)يعلم ان الصلوات المفروضة 5 4)عاوز يشرب من الحوض وعاوزيشوف رسول الله ـــــــــــــــ ـــ ايه رأيك...؟ انت لسه بتفكر ؟؟؟ عاوز تنام؟؟؟ ربك لاينام!! مش مكسوف.. مشلول مات فى صلاة الفجر لو قلت لك يلا نلعب كرة.؟؟ هتيجى..صح؟ طب يلا نصلى الفجر.؟؟ هتيجى.... ليه هتفكر برده الاجابة: الشارع مظلم +والقبر اظلم بخاف.. +خوفك من ربك وانت بتتسأل على الفجر .. عاوز انااام.. +ولو مت هتعمل ايه؟؟ مافيش حد بيصحينى.. +ولو كرة.. بصلى لما بصحى +"ويل للمصلين الذين هم على صلاتهم ساهون" * * اسأل انابقى هو اللى بيصلى الفجر احسن منك فى ايه؟؟ +.....؟؟؟؟ ربك راضى عنك؟ +....؟؟؟ انت راضى عن نفسك؟ +...؟؟؟ ماعندكش ذنوب؟ +...؟ مستغنى عنها؟ +...؟ ـــــــــــــــ ــ هتفضل منافق ؟؟ تعبان.!!! عاوز تنام؟؟ ______ عاوز تحج ... عاوز رسولك يبشرك بالجنة.. عاوز تغسل ذنوبك.. عاوزوشك ينور.. عاوز.... كل اللى انت عاوزة هتلقيه؟؟ صلى الفجر وادعى.. |
الله علي الموضوع الجميل ده
بجد رااااااااااااااااائع وجميل جدا وفي ناس كتير محتجاه تصوروا ان ايه من الله بعتت ليا رساله علي الخاص وقالتلي ان اشترك في الموضوع ده وانا نسيت خالص فجاه كده وانا بقلب في الرسائل الخاصه لقيته وافتكرت اصل بعيد عنكم عندي زهايمر مبكر:d بس بجد كل الحلقات اجمل من بعضها هو انا لسه مقرئتهاش كلها بس انشاء الله هقرائها لان شكلها كده حلوه قوي بس بجد جزاكم الله كل خير علي الموضوع الرائع ده وانا انشاء الله متابعه وهشارك معاكم باذن الله وربنا يقدرنا علي فعل الخير يارب وجزاكم الله كل خير |
ما شاء الله
كالعادة حلقة رائعة وايمانية اكثر من اللى قبلها ومحفزة اكثر وكثر ربنا يكرمك حضرتك وجعله فى ميزان حسناتكم ومنتظرين الحلقة القادمة ان شاء الله |
(اشحن رصيدك) 26 (يلا بينا نصلى ) +السلام عليكم ورحمه الله وبركاته =وعليكم السلام ورحمه الله وبركاته +موضوعنا النهارده مهم جدا ويمكن هو الاهم فى حملتنا =يعنى اللى فات مش مهم +طبعا مهم ولكن لازم علشان نضمن انه يتقبل يبقى حلقه النهارده =ليه هيا بتتكلم عن ايه ؟؟ +عن احلى حاجه واحلى هديه من رب البريه =ايوه ياعم بتعرف تألف اشعار +لا بأمانه دى حفظتها من الشيخ محمد حسان =ربنا يبارك له بس ديما مكشر +لا ده كان زمان وكلامه اكتر من رائع كل شيخ وله طريقه المهم حلقتنا النهارده عن "الصلاه " هديه ربنا اعطاها لكل خلقه من البشر ولكن مين اللى عاوزها =بص معلش موضوع زى ده مهم جدا ولكن احنا عاوزين نتكلم بصراحه كل الحواجز اللى بيننا علشان اطلع كل اللى فى قلبى +بص انا عاوزك تفك خالص علشان ناخد اكبر خطوه فى طريق التغيير =ماشى فى الاول كده انا عندى كام مشكله +ماشى ناخدهم واحده واحده ونحاول نحلهم =ماشى اول واحده وهى المصيبه (الكسل ) كل لما اقول هصلى اكسل جامد اوى والاقى حاجه تشغلنى وماتخلينيش اصلى +بص مين يعرف عن نفسك اكتر انت ولا اللى خلقك =طبعا اللى خلقنى حبيبى +طيب ربنا عرض المشكله دى فى القران الكريم وقال سبحانه (واستعينو بالصبر والصلاه وانها لكبيره )وكبيره بمعنى تقيله بتخليك تكسل ونكمل (الا على الخاشعين ) يعنى الا الناس دول تقيله على كل الناس وخلى بالك ربنا ما قلش الا على المصلين لان فى ناس كتير بيصلوا ومش بيخشعوا وبالتالى ممكن يتعرض لموقف يسيب الصلاه بسببه ويكسل زى حضرتك =طيب مين هما الخاشعين دول ؟ +ربنا قال(الذين يظنون انهم ملاقو ربهم وانهم اليه راجعون) يعنى حسبينها صح عارفين ان حتى لو عصيته او اطاعته برده راجعله ورايحله يبقى من دلوقتى احسن وعارفين انهم رايحين لله الكريم الغفور التواب علشان يتكلمو معاه ولسه هنتكلم ازاى نخشع ونحس بالصلاه ونعيشها بجد =طيب وفى مشكله تانيه هى مش الصلاه بتنضف القلب وبتخليه ابيض طيب طالما القلب ابيض جاهز يبقى مش مشكله الصلاه +بص ربنا حبيبنا قال (ان الذين آمنو وعملو الصلحات ) ومافيش ولا ايه بتقول انا الذين آمنوا بس اذن ماينفعش ان انا اومن بربنا من غير ما اعمل عمل صالح =طيب ما انا بعمل اعمال صالحه +ومين قالك انها مقبوله ؟ =.....يعنى ايه ؟؟؟؟ +يعنى اول حاجه يوم القيامه وانت واقف ادام ربنا هيسألك عن الصلاه لو كنت بتصلى يبقى كل اعمال الخير مقبوله وكأن الصلاه واسطه لبيقت الاعمال علشان تتقبل ولو ماكنتش بتصلى يبقى ربنا يعوض عليك فى الاعمال بتاعتك كله هيبوظ وما ينفعش واحد يكون مليان ذنوب وتقول قلبه ابيض =طيب ما هو كل ابن آده خطا +جميل اوى وخير الخطائين التوابون والصلاه بتنضفك اول باول يعنى لو افترضنا ان الذنوب زى التراب علشان تنضف تعمل ايه ؟ =اخد دش +كام مره فى الاسبوع =يعنى مرة او 2 او 3بالكتير +طيب لو اخدت خمسه وتلاتين دش فى الاسبوع =ايه ليه حمله دش كل يوم +لا كل يوم 5 مرات بس بس هتنضف خالص من التراب قصدى الذنوب والذنوب بتجمد القلب =وكمان مشكله هو مش من اهداف الصلاه انها تصلحنى +ايون =طيب انما الاعمال بالنيات +طيب انت جعان =.......!!!! (يتبع) |
الجزء الثانى +طيب انت جعان =.......!!!! +جاوب =بصراحه اه +طيب انت عاوز تاكل =ايون +طيب شبعت ولا لسه ؟ =هو انا اكلت اساسا +انما الاكل بالنيات طالما انت نيتك انك تاكل خلاص يبقى لازم تشبع =مش فاهم +بص انما الاعمال بالنيات يعنى فى عمل وفى نيه =اه +يعنى ما ينفعش ما تكولش وتقول انا شبعت =اه فهمت يعنى الاول لازم اصلى وبعدين اقول انما الاعمال بالنيات وعلى اساسها هيقبل العمل او هيرفض +بالظبط وايه تانى من المشاكل =بالنسبه لى خلاص بس فى واحد صاحبى كل لما حد يقوله على الصلاه يقوله العمل عباده +بص اولا ده مش حديث ولا حاجه دى مجرد حكمه ولو افترضنا ان العمل عباده فالصلاه فريضه واحسبها انت =معلش افتكرت حاجه فى واحد اعرفه بيصلى وربنا بيكرهه اوى ديما الراجل ده عند مصيه اما ابنه مكسور او عربيته ادغدغة ديما فى مصايب +ده كده ربنا بيحبه اوى لانه عاوز يكفر عنه ذنوبه وعلشان الراجل ده يقول يارب ولسه قايلين واستعينو بالصبر والصلاه =صح كده اظن ما فيش مشاكل غير اخر واحده معلش ساعات بتكون الجو برد وبكسل اتوضى علشان الميه بتبقى ساقعه +تستحمل مين بروده ميه الدنيا ولا حراره جهنم فى الاخره =..... +والاسلام دين يسر انت ممكن تدفى الميه وتتوضى واتصرف وبطل كسل قلنا طب اقولك على حاجه عارف لو انت صليت اى صلاه فى جماعه مره واحده يتكتب لك وكأنك صليت 280مره =ايه ....كام ...ازاى ؟ (يتبع) |
الجزء الثالث +بص حبيبك النبى قال صلاه الجماعه افضل من صلاه الفد ب(27)درجه يعنى هنقول اقل حاجه 28 لانها افضل من واول ما الصلاه فرضت فرضت 50 صلاه يوميا ولما الرسول كلم ربنا علشان يخففها عننا بقت 5 صلوات يوميا وربنا قال ساعتها (يا محمد خمسه فى العمل وخمسون فى الاجر مايبدل القول لدى ) يعنى الصلاه الواحده بتساوى 10صلوات فى الاجر والصلاه فى جماعه قلنا ب 28 اضربهم فى بعض 28×10=280 واليوم الواحد لو صليت الخمس فروض يبقى 1400صلاه والحساب يوم الحساب =...ياااااااااااااه فعلا صح +انت عارف الحديث بتاع بناء الاسلام =اللى هو بنى الاسلام على خمس +بالظبط قولو كده =الشهاده واقام الصلاه و... +بس مش ملاحظ حاجه انك ممكن تشيل اقام الصلاه وتحط اداء الصلاه =مش هتفرق كتيير بس ده حيث ماينفعش اغير فيه +عارف بس افهم ليه اقام الصلاه وربنا قال(اقم الصلاه ....)و(واقام الصلاه ...)الايات =طيب ليه ؟؟ +لان الاقامه غير الاداء لان الاداء انت بتأدى حاجه وبتنزلها من عليك زى لاعب ادى كويس فى الماتش يعنى لعب كويس بس الماتش خلص خلاص اما اقامه الصلاه من يقيم الصلاه زى بالظبط لما اقولك انا هقيم عمارة هنا يعنى سواء سكنت فيها او حتى بنتها وسبتها هى موجوده يعنى لو اقمت الصلاه فى قلبك يعنى سواء وقت الصلاه او مش فى وقت الصلاه هى مأثره فيك بانها بتخليك تبطل معاصى وبالتدريج ومن غير ماتحس =هو مش الرسول صلى الله عليه وسلم قال من لم تنهه صلاته عن الفحشاء والمنكر فلا صلاه له طيب وانا قبل كده قعدت فتره صلى وماعملتش حاجه +ينفع واحد انت لسه مصاحبه من كام يوم تقوله على اسرارك وتاخد عليه وتغير فيه ويغير فيك زى واحد انت مصاحبه من سنه =لا طبعا +خلاص يبقى الصلاه لازم تاخد الاول عليها علشان تغيرفيك وثانيا الحديث ده ضعيف ثالثا ربنا قال (ان الصلاه تنهى عن الفحشاء والمنكر )يعنى مش انت اللى هتنهى نفسك واحنا قلنا قبل كده 4 على واحد حراااااام والاربعه (النفس الاماره بالسوء)(والشيطان)(والهوى يعنى المزاج) و(الحسد) عليك لوحدك والحل انك تستعين بربك وحده هو اللى هيعينك يبقى انت لازم تقربله بالطاعه والطاعه مش مضمونه الا بالصلاه والصلاه بنهى عن الفحشاء والمنكر يبقى انت هتقرب من غير ماتحس وهتبطل كتيييير اوى من ذنوبك من غير ماتحس لانك كل اللى هتعمله انك هتصلى بس =طب ازاى الصلاه هتغير فيا من غير ما احس ؟؟ +هات بلونه و كور بينج بونج وبارفان (ريحه,عطر)ورش على الكور من البارفان ده وحط الكور فى البلونه =ايه التشبيهات الغوريبه دى ؟ +ركز وانت ساكت حطيت الكور =انا هتخيل ...ماشى حطيتها بس الكور بتدخل بصعوبه + عارف دخلها بالعافيه =دخلهم كلهم +لو قلت لك ايه رأيك في الكور هتقول ايه ؟؟ =ريحتهم حلوه +دى وجهه نظرك ولكن الريحه دى مؤقته ومش اصليه (مصنعه يعنى) والكور واخد مكان كبر وحجم اكبر ولو ضغط على البلونه من بره هتلاقيها ناشفه =مظبوط وانت صح بس ايه الحل ؟ +الحل انك تخلى الكور وتحط من فوق ورد طبعا هتقعد تحط لحد لما الانبوله تتملى على الاخر لان لسه الكور تحت طبعا فى فرق شاسع بين الكور والورد يعنى الورد ريحته احلى ودائمه واصليه ومش واخد مكان خالص وحجمه صغنن جدا ولو ضغطت على البلونه هتلاقى انها طريه جدا طبعا انت هتبتدى تشيل الكور كوره كوره لانك سرحان فى ريحه الورد وكل لما تشيل كوره الورد يملا مكانهم وانت مش حاسس بأى فراغ لكن لو مفيش ورد وانت ماتعرفش مميزات الورد هتيجى تشيل الكور يجى واحد ماسك البلونه يقول سيبها ماهى ريحتها حلوه والتانى عامل نفسه فيلسوف ويقول بالعقل هتشيلها ليه مش مخسراك حاجه دى ريحتها حلوه والتالت يقولك كل الناس سايبه الكور هتشيها انت والرابع لو انت قاومت وشيلتها يقول ياااه قدرت تشيلها لوحك ويحسدك وترجع اسوء مما كنت =انا مش فاهم حاجه خالص +عارف بص البلونه (القلب )طريه فى الاصل الكور (الذنوب )كبيره وواخده مكان فى القلب ومنشفاه قوى البارفان (لذه الذنوب )مؤقته مجرد ما تخلص تنتهى الريحه (اللذه) والورد (الصلاه) ريحتها اصليه ودائمه دنيا واخرة ومش بتاخد مكان وبتخلى القلب بطبيعته طرى والناس اللى بتتكلم الاول (النفس الاماره بالسؤ) التانى (الشيطان) التالت (الهوى و المزاج ) الرابع (الحسد ) =اه فهمت يعنى الصلاه هتشيل واحده واحده وكل لما تشيل حاجه تملا مكانه بالورد +ايون بالظبط كده = اى خدمه +انت عارف الصلاه فيها ميزه غريبه اوى انها بتلم معظم العبادات فيها علشان كده اسمها ام العبادات =يعنى ايه ؟و يعنى ايه ام العبادات ؟ (يتبع ) |
الجزء الرابع =يعنى ايه ؟ +اول ما بتبدأ الصلاه بتقول الله اكبر (ده ذكر) وبتقرا قران ,وبتدعى , وبتمتنع عن الاكل (شبه الصوم ) ولازم تحافظ على وقتها (فريضه الوقت )وحاجات كتييير =اه صح +وافتكرت مشكله تانيه ان تارك الصلاه كافر =بس فى ناس بيقولو مش خارج من المله وناس بيقولو خارج +خارج ولا مش خارج انت ايه اللى يخليك تاخد اللقب ده اساسا =صح +عارف الحب من طرفين =احنا بنتكلم فى الصلاه ... +هو مش احنا قلنا هندردش مع بعض =ماشى بس فى الصلاه +احنا فى الصلاه =ماشى عارفه +عارف الحب من طرف واحد =عارفه بس خنيق اوى تقعد تحب واحد ويفضل حلقلك ومطنشك وفى الاخر تزهق والحب من طرفين زى العسل +طب الصلاه حب من طرفين =ازاى ؟؟ +ربنا قال قسمت الصلاه بينى وبين عبدى ولعبدى ما سأل =طب ازاى ؟؟ +لما بتدخل فى الصلاه وتقول الحمد لله رب العالمين ربنا يرد عليك ويقول حمدنى عبدى وكده واقرب ما يكون العبد من ربه وهو ساجد يدعى براحته =بص انت بصراحه اقنعتنى بالصلاه ولكن انا عاوز اخشع ...ازاى ؟؟ +سهله اوى احنا اتكلمنا عن عن الايه واستعينو بالصبر والصلاه ) =اه +وهقولك كمان حاجه انت عارف انت هتصلى لمين ؟ =لربنا +يبقى لازم تحط فى دماغك مين ربنا الكريم الغفور التواب الرحيم ثانيا لازم تركز اوى فى الصلاه وصلى كأنها اخر صلاه فى حياتك ثالثا حط فى دماغك الصلاه اما تدعي لك او تدعى عليك رابعا وى اللى هتسبتك انا لما بتدخل الصلاه ربنا بيقبل عليك بوجهه ما احنا قلنا (حب من طرفين ) ولكن اول ما تلتفت اوتسرح او تنشغل بحاجه تانيه ربنا يقولك (لخير منى ؟؟؟) (يعنى اللى انشغلت بيه ده احسن من ربنا) اظن مفيش اجابه فلازم تركز اوى وتخشع وتعيش وعاوزك تعيش اوى فى الصلاه عيش استمتع بأيات ربنا واستمتع بالايات يعنى الحمد لله رب العالمين )عصيته ومهلك ومن عليك بالصلاه وانت لسه بصحتك وانعم عليك ورزقك رغم معصيتك ليه (الرحمن الرحيم)فعلا رحمته وسعت كل شئ (مالك يوم الدين )ايوه على العظمه اكتر يوم بنخاف منه بأيده ينجيك ويطمنك او يبهدلك (اياك نعبد واياك نستعين )يارب بعبدك عصيتك بس بحبك ورجعتلك وهستعين بك يارب ومش هروح لغيرك لانك حبيبى (اهدنا الصراط المستقيم )يارب اهدنا للطريق الصح اهدنا للاسلام وللجنه (صراط الذين انعمت عليهم )الطريق اللى انت انعمت عليه للناس الكويسه والصالحه (غير المغضوب عليهم )اللى هما النصارى (ولا الضالين)اللى هما اليهود واقرا بالراحه لعلك تموت وانت بتصلى يبقى يا بختك والله وتقرا اى سوره او ايه تعجبك ودوقها وبعدين اركع وقول سبحان ربى العظيم 3مرات واستشعر يعنى ايه توطى وتحنى جسمك لله وبعدبن قوم اقف واركز فى مكانك يعنى اقف عدل وقول سمع الله لمن حمده ربنا ولك الحمد (احمده من قلبك ) وبعدين اسجد بشرط ان يكون فى 6 اعضاء على الارض الايدين والقدمين والجبهه والانف وماتفردش كوعك وتخليه يلمس الارض علشان كده غلط وقول سبحان ربى الاعلى خلاص يبقى فى الركوع سبحان ربى العظيم ووانت على الارض سبحان ربى الاعلى وادعى براحتك وباللغه اللى تعجبك وقوم اقعد واسجد كمان مره وقول سبحان ربى الاعلى 3 مرات وادعى براحتك وقوم كل ركعه على كده بس بعد كل ركعتين اقعد واقرا التشهد وافهمه انا عارف انك حافظه ولكن افهمه اولا ده كان حوار بين حبيبك النبى وربنا سبحانه وتعالى لما النبى دخل الجنه فى الاسراء والمعراج فالنبى قعد ادام ربنا القعده اللى بنقعدها فى التشهد وقال لله (التحيات لله والصلوات والطيبات ) فربنا حبيبنا قال لنبينا محمد (السلام عليك ايها النبى ورحمه الله وبركاته ) فالنبى رد وقال (السلام علينا وعلى عباد الله الصالحين )بص حبيبك والله لو انت مكانه ماكنت هتفكر غير فى نفسك النبى حتى وهو قاعد ادام ربنا حبيبنا بيدعيلنا وبيلقى علينا السلام والله بجد بنحبه فحمله العرش قالوا( اشهد ان لا اله الا الله وان محمد عبده ورسوله ) وبعد كده هتصلى على النبى الصلاه الابراهيميه وهى (اللهم صلى على محمد وعلى ال محمد كما صليت على ابراهيم وعلى ال ابراهيم وبارك على محمد وعلى ال محمد كما باركت على ابراهيم وعلى ال ابراهيم فى العالمين انك حميد مجيد )وممكن تبسطها وتقول فى الصلاه الابراهيميه (اللهم صلى وبارك على محمد وعلى ال محمد كما اصليت وباركت على ابراهيم وعلى ال ابراهيم فى العالمين انك حمد مجيد ) =طب مش المفروض اقول سيدنا محمد +حبيبك النبى قال لا تسيدونى فى الصلاه يعنى ماتقولش سيدنا محمد فى الصلاه لكن قولها بره الصلاه عادى =طب معلش انا مكسوف اوى من الطلب ده ياريت توضح للناس عدد الركعات والسنن المفروضه +بص كل الصلوات المفروصه هتصليها 4 ركعات الاالصلاه اللى قبل شروق الشمس بتبقى ركعتين ودى من رحمه ربنا علينا لان الناس بتبقى صاحيه من النوم وعاوزه تنام ولكنها فضلت ربنا عن النوم والصلاه اللى لما الشمس تغرب بتبقى 3 ركعات والباقى اللى هما الظهر والعصر والعشاء 4 كعات والسنن بقى 2قبل الفجر ودول خير من الدنيا وما فيها يعنى تصليهم كأنك كسبت الدنيا باللى فيها لا اسف ده احسن من الدنيا باللى فيها =طب اشمعنى دول +لانك بتبقى لسه صاحى من النوم وسايب النو علشان تقابل حبيبك فلازم ربنا يغلى ثمنهم وده كرم منه وقبل الظهر 4 ركعات وبعدها ركعتين بس وخلى بالك ممكن تصلى قبل الظهر 4 وبعده 4 وتاخد شهاده ضمان بأنك محرم على النار ومش هتدخلها يلا خد الشهاده انت ضامن عمرك ؟؟؟ والعصر راحه من السنن والمغرب ركعتين بس والعشاء برده ركعتين بس واحلى حاجه انها مفيهاش اى تعب ولا بهدله لانك لو صليت ال12 ركعه فى يوم واحد ربنا يبنى لك بيت فى الجنه =بيت فى الجنه ب 12 ركعه بس ...يابلاش +وانا كمان عندى فكره ايه رأيك نعمل مدينه سكنيه ليا انا بس كل كام يوم ابنى بيت وب 12 ركعه بس والله اوكازيون ربانى =اخر سؤال معلش +اتفضل =طب بالنسبه للصلوات اللى انا ماصليتهاش قبل كده هصليها امتى ؟؟ +انت نسيت انت بتصلى لمين ؟ =لربنا طبعا +طب وربنا من صفاته التواب والغفور والكريم يعنى مجرد ما انت تروح له وتتوب له يسامحك فى اللى فات =يعنى ما اصليش اللى عليا +تانى انت رايح تصلى للكريم التواب =ياااااااااااااااااااااااااااه على الكرم والعظمه بجد عيب اوى عليا ان الفتره دى كلها مبصليش واشكره على نعمه يارب يا حبيبى لئن احييتنى لارينك ماذا سأصنع يارب لو اديتنى العمر هتشوف انا هعمل ايه وهشكرك ازاى +ايوه كده هى دى الرجوله انك تضرب مليون عصفور بحجر واحد رضا ربنا وشفاعه حبيبك النبى وكوبايه ميه من النبى يوم القيامه واستجابه دعائك والناس تحبك والملايكه تحبك وتبطل ذوبك ومعاصيك من غير ما تحس كل ده ب 17 ركعه فى اليوم يا بلاش (حان الان موعد الاذان ) =طب يلا السلام عليكم ورحمه الله وبركاته علشان الصلاه +وعليكم السلام ورحمه الله وبركاته وابقى ادعيلنا |
يا جماعه اللى مشترك معانا فى الحمله ياريت
http://img22.imageshack.us/img22/1036/7amla.gif يا جماعه اللى مشترك معانا فى الحمله ياريت يحط البوستر ده فى توقيعه علشان نعمل دعايه للحمله والدال على الخير كفاعله واللى عاوز ينشر الحمله ينشرها الحمله دلوقتى منتشره على 27 منتدى وعلشان تتأكد اكتب على جوجل حمله هنتغير بجد وشوف النتيجه وياريت ما تحرمش نفسك من الاجر |
جزاك الله خيرا على الموضوع الجميل والهادف
وان شاء الله يكون في ميزان حسناتك ويكون رفعه في شأنك في الدنيا والاخره ( آآمين ) |
انا اول مرة اخد باللى من الموضوع من توقيع العضوة اية من الله
لكن لقيته موضوع اكثر من رائع ربنا يجزيك عنه كل خير انا حطيت البوستر في التوقيع زي ما طلبت جزاك الله كل خير |
الحملة دي جميلة جدا بس مش اي حد يقتنع بيها وربنا يوفقك فيه باذن الله وكلنا باذن الله معاك
|
انا بجد اول مرة اخد بالي من الموضوع ده بس بجد اكتر من رائع وربنا يجزيك كل خير ويجزينا جميعا ويوفقك ويوفقنا ويدخلنا الجنة ويغفر لنا ذنوبنا وانا ان شاء الله هاشترك مع حضرتك في الحملة ولك مني جزيل الشكر والاحترام والتقدير http://7amla
|
ممكن بعد اذن حضرات الاعضاء حد يقول لي ازاي اعمل توقيع لاني مش عارفة ولكم مني جزيل الشكر
|
يالله نتوب
اغفر متى مشى النبي على أطراف أنامله تعرفعلى الإجابة في قصة ثعلبة... كان ثعلبة بن عبدالرحمن رضي الله عنه، يخدمالنبي فيجمع شؤونه... وذات يوم بعثه رسول الله في حاجة له.. فمربباب رجل من الأنصار.. فرأى امرأة تغتسل وأطال النظر إليها فأخذته الرهبة... وخاف أن ينزل الوحي على رسول الله بما صنع... فلم يعد الى النبي ودخل جبالا بين مكة والمدينة، ومكث فيها قرابةأربعين يوماً... فنزل جبريل على النبي ... وقال: يا محمد، إن ربكيقرئك السلام ويقول لك أن رجلاً من أمتك بين حفرة في الجبال متعوذ بي. فقالالنبي لعمر بن الخطاب وسلمان الفارسي: انطلقا فأتياني بثعلبة بن عبدالرحمن،فليس المقصود غيره. فخرج الاثنان من أنقاب المدينة... فلقيا راعيامن رعاة المدينة يقال له زفافة... فقال له عمر: هل لك علم بشاب بين هذهالجبال يقال له ثعلبة؟ فقال لعلك تريد الهارب من جهنم؟ فقال عمر: وما علمك أنه هارب من جهنم؟ قال لأنه كان إذا جاء جوف الليل... خرجعلينا من بين هذه الجبال... واضعا يده على أم رأسه وهو ينادي: ياليتك قبضت روحي في الأرواح... وجسدي في الأجساد.. ولم تجددني لفصلالقضاء.؟ فقال عمر: إياه نريد... فانطلق بهما... فلما رآهعمر غدا إليه واحتضنه... فقال: يا عمر هل علم رسول الله بذنبي؟ قال: لاعلم لي إلا أنه ذكرك بالأمس... فأرسلني أنا وسلمان في طلبك. قال: يا عمر لا تدخلني عليه إلا وهو في الصلاة... فابتدر عمروسلمان الصف في الصلاة... فلما سلم النبي ...قال: يا عمر يا سلمان، ماذافعل ثعلبة؟ قال هو ذا يا رسول الله... فقام الرسول فحركه وانتبه... فقال له: ما غيبك عني يا ثعلبة؟ قال ذنبي يا رسول الله... قال أفلا أدلك على آية تمحوا الذنوب والخطايا؟؟؟ قال بلى يا رسولالله... قال: قل: ربنا آتنا في الدنيا حسنة وفي الآخرةحسنة وقنا عذاب النار قال ذنبي أعظم قال رسول الله : بلكلام الله أعظم ثم أمره بالانصراف إلى منزله... فمر من ثعلبةثمانية أيام... ثم أن سلمان أتى رسول الله ... فقال: يا رسول اللههل لك في ثعلبة فانه لما به قد هلك؟؟؟ فقال رسول الله : فقوموا بنا اليه... ودخل عليه الرسول ... فوضع رأس ثعلبة في حجره... لكن سرعانما أزال ثعلبة رأسه من على حجر النبي... فقال له لم أزلت رأسك عن حجري؟؟؟ فقال لأنه ملآن بالذنوب... قال رسول الله ما تشتكي؟؟؟ قال: مثل دبيب النمل بين عظمي ولحمي وجلدي... قال الرسول الكريم : ما تشتهي؟ قال:مغفرة ربي فنزل جبريل فقال: يا محمد إن ربك يقرؤكالسلام... ويقول لك لو أن عبدي هذا لقيني بقراب الأرض خطايا لقيتهبقرابها مغفرة فأعلمه النبي بذلك، فصاح صيحة بعدها مات على أثرها. فأمر النبي بغسله وكفنه... فلما صلى عليه الرسول .. جعليمشي على أطراف أنامله، فلما انتهى الدفن قيل لرسول الله: يا رسولالله رأيناك تمشي على أطراف أناملك. قال الرسول: والذي بعثني بالحقنبياً ما قدرت أن أضع قدمي على الأرض من كثرة ما نزل من الملائكة لتشييعه الانسان خطّاء... وخير الخطائين التوابون... فالواجب علينا أن نعودأنفسنا دائماً على التوبة النصوح... "اللهم أنت ربي... وأنا عبدك... خلقتنى... وانا على عهدك ووعدك مااستطعت... أعوذ بك من شر ما صنعت... أبوء لكبنعمتك علىّ... وأبوء بذنبى.... فاغفر لي... فإنه لايغفر الذنوب إلا أنت" أستغفر الله العظيم الذي لا اله إلا هو الحي القيوم وأتوب إليه أستغفر الله العظيم الذي لا اله إلا هو الحي القيوم وأتوب إليه أستغفر الله العظيم الذي لا اله إلا هو الحي القيوم وأتوب إليه أستغفر الله العظيم الذي لا اله إلا هو الحي القيوم وأتوب إليه أستغفر الله العظيم الذي لا اله إلا هو الحي القيوم وأتوب إليه "ربنا آتنا في الدنيا حسنة... وفي الآخرة حسنة... وقناعذاب النار" لاتحرم نفسك من ثواب نشرها... فعسى الله أن يذكر بهاناسياً أو يهدي بها عاصياً وقد تكون لك صدقة جارية...فى حياتك وبعد مماتك. لي ولوالدي ولجميع المسلمين |
'حديثقدسي 'تقشعرله الأبدان تتجلى عظمة الخالق.. في الحديث القدسي الشريف قال سبحانه وتعالى: ( يا ابن آدم جعلتك في بطن أمك. وغشيت وجهك بغشاء لئلا تنفر من الرحم .. و جعلت وجهك إلى ظهر أمك لئلا تؤذيك رائحة الطعام .. و جعلت لك متكأ عن يمينكو متكأ عن شمالك فأما الذي عن يمينك فالكبد.. و أما الذي عن شمالك فالطحال .. و علمتك القيام و القعود في بطن أمك .. فهل يقدر على ذلك غيري ؟؟ فلما أن تمّت مدتك. وأوحيت إلى الملك بالأرحام أن يخرجكفأخرجك على ريشة من جناحه. لا لك سن تقطع ... و لا يد تبطش.. و لا قدم تسعى .. فأنبعث لك عرقين رقيقين في صدر أمك يجريان لبنا خالصا. حار في الشتاء و باردا في الصيف . و ألقيت محبتك في قلب أبويك. فلا يشبعان حتى تشبع ... و لا يرقدان حتى ترقد ... فلما قوي ظهرك و أشتد أزرك . بارزتني بالمعاصي في خلواتك .. و لم تستحي مني . و مع هذا إن دعوتني أجبتك (و إن سألتني أعطيتك .. و إن تبت إليّ قبلتك ) ************ **** ارجو ان ترسلها (مره واحده) قال رسول الله صلى الله عليه وآله و سلم 'بلغوا عني و لو آية' |
يا جماعه جزانا الله واياكم الفردوس الاعلى ونتقابل هناك واحنا بنشرب من ايد حبيبنا ولكل الاعضاء اللى عاوز ينقل الحمله لاى منتدى اخر ينقلها يلا بقى عاوزين ايجبيه اكتر انقلوها علشان نتغير سوا و والحديث القدسى الاروع هو (انا عند حسن ظن عبدى بى ) يلا عاوزين ايجابيه انشرو الحمله |
اقتباس:
.. في الصفحة فوق الشريط الأزرق في لوحة التحكم و التعليمات و روابط سريعة .. إلخ .. .. اضغطي على روابط سريعة .. .. و منها اضغطي على تعديل التوقيع .. *ـــــ*ـــــ*ـــــ* .. و أحب أن أبدي اعجابي بـ هذه الحملة الهادفة .. .. و معكمــ من الآن بإذن الله تعالى .. .. و .. .. تمــ .. .. تعديل .. .. التوقيعــ .. .. جزاكمــ الله خيراً بما تفعلون .. .. في أمان الله .. |
يلا يجماعة ننشر الحملة معانا انا نشرتها على الفيس بوك وانشاء الله موسعها اكتر واكتر
|
1 مرفق
يا جماعة ربنا يخليكوا لأنكوا فعلا شباب صالحين تنفعوا الأمة ..:022yb4::022yb4::022yb4:
|
اقتباس:
ربنا يبارك فيك ويجازيك الجنه |
اقتباس:
طب لو احنا شباب صالحين يبقى انت ايه ;) كلنا لينا رب اسمه الله الرحمن الكريم يلا بقى عاوزينك معانا اشتغل وانشر الحمله |
16 الحلقة الثانية من حملة (يلا بينا نكون فى ذمة الله) ايه رأيك ..؟ لسه مش اوى.!! برده .. طيب ايه رأيك فى الجملة دى ("ربك ميز الانسان بالعقل وميزك بالاسلام فماذا فعلت") + حلوة بس مش فاكر.. طيب بلاش السؤال ده كام مرة صليت الفجر ..؟ +ايه.. مش فاكر..؟؟ طيب نقفل الصفحة دى ونفتح صفحة جديدة ========= ==== = يلا ننسى اللى فات ونبدأ من جديد ايه رأيك نعد كام مرة صلينا فيها الفجر فى المسجد...! +ياعم بقولك مابصليش الفجر اساسا الا لما بصحى وممكن ماصليهوش اساسا... ماليش دعوة باللى فات ونبدأ من جديد +ماشى.. انت بتصحى امتى؟ +يعنى ممكن 7 +ممكن9 +ممكن 10 +ممكن1 ... وممكن ماتصحاش خالص صح ولا ايه...؟!! +عندك حق .. +طب اعمل ايه.. قبل ما اقولك تعمل ايه خلى بالك حط نفسك فى الموقف ده "جالك تليفون ترن ترن بترد +الو.. # وعليكم السلام ورحمة الله وبركاته +مين معايا.. #ملك الموت... + بطل هزار واتكلم عدل.. # انا ما بهزرش .. # النهادة هجى اقبض روحك.. +...؟؟؟؟ #باليل... +مين معايا..مين معايا.. #... (المكالمة انتهت) انت قفلت السماعة ومش قادر تقف وبصيت علشان تشوف رقم الطالب لقيت.... مفيش رقم ولكن مكتوب "ملك الموت" دى اول مرة الاقى اسم مكتوب على الشاشة ============== بالله عليك هتعمل ايه..؟؟؟؟؟؟ +....!! معلهش خلينى اقولك بعض من اللى هيحصل مع معظمنا 1)مش هقول لحد علشان ميزعلوش اكتر خليهم يعرفو مرة واحدة 2)مفيش اكل ولا شرب و"لا نوم" هتقعد طول الليل صلاة وبس وتدعى يارب لاتجعل ملك الموت يقبض روحى قبل ما أصلى الفجر فى جماعة ========= === = صح كلامى ولا ايه..؟ +طبعا صح يعنى لازم تتزنق علشان تصلى من شوية كنت بتدعى انك تعيش علشان تصلى الفجر فى جماعة ودلوقتى ..؟ لسه ماتغيرتش..برده +ياعم انت خوفتنى بجد انا عايز اصلى.. +اعمل ايه..؟؟؟ ماشى يا سيدى.. خلى بالك من الاتى: 1)نام بدرى وبطل سهر 2)اتوضى قبل ما تنام على الاقل علشان لومت تبقى ميت متوضى وبكده تبقى ميت شهيد 3)قلل معاصيك؟؟ ======== === = |
.. الله .. .. كل حلقة أجمل من اللي قبلها .. .. شكراً جزيلاً يا محمد .. .. جزاكـ الله خيراً .. .. و جعله في ميزان حسناتكـ بإذن الله تعالى .. :) |
تمااااااام جميلة الله يبارك فيك..
|
"ازاى اعبد ربنا صح" الجزء الاول +السلام عليكم =وعليكم السلام ورحمه الله وبركاته +يا جامد بقيت بتخم =ليه !! +علشان بترد السلام كامل وبكده تاخد 40 حسنه كاملين =http://www.egycrazy.com/vb/images/smilies/204_3.gif +المهم ندخل فى موضوعنا كلامنا النهارده واحد من تلاته فى اسلامنا بس لا ننكر انه الاهم بس احب اوضح حاجه ان كل واحده من التلاته علاقه الاولى وهى عباده الله علاقتك مع ربنا والتانيه وهى الدين المعامله علاقتك مع الناس والتالته اللى هى انت عايش ليه وهى علاقتك مع نفسك بس التلاته نفعهم و الفايده بتعود عليك وندخل فى اول واحده وهى ازاى نعبد ربنا صح =ماشى يلا بينا +اولا من نعم ربنا العظيمه جدا علينا ان يوم القيامه وامام الميزان هتلاقى واحد ذنوبه كتيييير ومرة واحده هتلاقى زى حاجه تتحط فى كفه الحسنات هتخلى السيأت تتطير مع ان الحاجه دى حجمها مش كبير =هى ايه دى ؟ +دى كانت كلمه لا اله الا الله محمد رسول الله ومع قله كلمتها 7 كلمات بس ولكنها تكون الدين كله فيها =ازاىhttp://www.egycrazy.com/vb/images/smilies/385_4.gif !!! +اقولك بس نقسمها على جملتين الاولى لااله الا الله ودى انت كعباده بتوحدها لله والدين بتوحده للاسلام =ازاى +الجمله هى لا اله الا الله ومجبناش اى لفظ للاسلام +هو ربك حبيبك مش قال ان الدين عند الله الاسلام =احم ..احم ..صح http://www.egycrazy.com/vb/images/smilies/303.gif انت صح +نكمل احنا كده فسرنا الجمله الاولى والجمله التانيه محمد رسول الله +اسألك سؤال هو مش احنا مؤمنين بجميع الرسل =اه +طيب ليه الرسول بالتحديد اللى نذكر اسمه ليه مانقولش سيدنا آدم مثلا =لان هو ده اللى مكتوب على العرش +انا عارف وحاشا لله انى اكذب هذا الكلام بس ليه سيدنا محمد بالتحديد =.....!! +لان كل نبى من الانبياء جاء برساله محدوده لمجموعه من البشر واوامر محدوده لهؤلاء البشر ولكن الحبيب المصطفى جاء لكل الناس دى واحده والتانيه انه جاء بالدين كله وهو الاسلام وهو خاتم الانبياء وبكده يبقى هو الطريق الكامل والاصح الى تطبيق عباده الله = صح http://www.egycrazy.com/vb/images/smilies/271_3.gif كمل ياسيدى +ماشى يبقى احنا كده عرفنا معنى اشهدلا اله الا الله واشهد ان محمد رسول الله ولكن هيبقى فى سؤال هل اى واحد ينطقها تتحسب له وبكده هيبقى مفيش حد هيدخل النار وكل الناس على الجنه وبكده يبقى انا اعصى براحتى وابقى اقولها =مش عارف !! +قبل ما اجاوبك لازم تعرف ان قالها واحد اسمه عبد الله بن سلول =مين ده ؟ +ده زعيم المنافين وماكنش بيحب ربنا ولا الرسول وبكده يبقى هو عامل نفسه مسلم بس هو مش مسلم فى الاصل المهم هتتسجل لك امتى وهتشوف المشهد بتاع الميزان اللى قلنا عليه معاك ويحصل معاك لما تتطبق الكلام اللى انت قلته اللى هى الشهاده انك بتوحد الله فى العباده فى الجمله الاولى وبتشهد وبتستدل على الطريق اللى يهديك لربك =ماشى كمل +للاسف =ايه ...!!! اوعى تقول هتمشى +ماينفعش معانا وقت لازم نلتزم بالوقت =يا عم بقى ... +خلاص بقى الحلقه الجايه ان شاء الرحمن =ماشى +السلام عليك =وعليك السلام |
(انا عاوز ابطل ) +السلام عليكم =وعليكم السلام ورحمه الله +ايه الاخبار ؟ =الحمد لله +... =ممكن اقولك على حاجه +طبعا اتفضل =هو بصراحه موضوع محرج +ياعم ما تتكسفش احنا اخوات =بصراحه انا بتفرج على ... +ايه ...كرتون توم وجيرى =بجد ومش بهزر +ماشى يا عم شكلك مخنوق اتفضل =ماشى ..انا بتفرج على مواقع اباحيه +ده انت تحمد ربنا =http://www.egycrazy.com/vb/images/smilies/385_4.gif بقولك مواقع اباحيه يعنى انا زانى بعيونى +وانا بقولك احمد ربنا =الحمد لله ...على ايه بقى ؟ +لانك عايش لحد دلوقتى ومامتش وانت بتتفرج على الحاجات دى =الحمد لله +بس مش معنى كده ده شئ كويس لاءه دى مصيبه =عارف وعلشان كده عاوز ابطل +طب وانت ايه اللى مانعك =مش قادر والشيطان اقوى منى +اقسم بالله انت كذاب =ليه كده بس .. +لان انت تقدر وتقدر كمان تعمل اكتر من كده =لاء انا ما اقدرش +طب انت جربت قبل كده تبطل =كتير وكل مره افشل +امتى بعد لما اتفرج واشبع لذتى اقول مش هعمل كده تانى +شئ طبيعى جدا انك ماتعرفش تبطل واصحابنا عملو اكتر من كده اللى يحلف بالله ماهو متفرج واللى يقطع فيشه النت واللى ربنا يفضحه ويقول مش هتفرج واكتر من كده وفى الاخر بيرجع تانى ويتفرج =طيب يبقى انا كده مش هبطل +ليه..انت عارف ليه كل مره ترجع تانى =ليه ؟ +عشان كام حاجه .. انت واصحابنا لما بيعملو كده واللى يحلف واللى يتفضح واللى يقطع الفيشه كل دى عوامل خارجيه يعنى من الاخر لو انك عاوز تقاطعها من جواك من قلبك هتقاطعها وبدون رجعه بس افتكر كام موقف ومنهم ان ربنا شايفك وسترك كام مرة وافتكر ان ممكن تكون المرة الجايه هى الفضيحه ولو مااتفضحتش دلوقتى وماتبتش هتبقى الفضيحه بجلاجل يوم القيامه لما تمسك كتابك وتقف اما الميزان والناس كلها شايفاك وفلان عارف انك مش بتاع الحاجات دى وعلان عارف انك محترم وفى الاخر تطلع كلاها اوهام يعنى بمفهوم آخر الفضيحه جايه جايه بس لو ماتبتش =يعنى فى أمل ان ربنا يقبلنى +انت تعبان يابنى ... =ليه ؟ +انت مش عارف مين هو الله الله الله ربنا مش محتاجك انت اللى محتاجه وماتنساش الدعاء اللهم ان ذنوبى عظيمه ولكن عفوك اعظم فاعفو عنى وربنا مابينساش عباده ووالله يكفيك فخرا انه قالك عبدى ياااااااااااه لما ربك يقولك عبدى ادعونى استجب لك وانت تقول ربى اذنبت فاغفر لى ويقولك ربك عبدى قد غفرت لك يااااااااااه والله جامده جدا جدا وبعدين انتى مستنى ايه انت لازم تروح لحبيبك دلوقتى وتقوله ربى انا مهما اذنب واعصى وافجر اتوب اليك واتودد اليك واقسم بك لن اقوم حتى تغفر لى وربك يقول للملائكه علم عبدى ان له ربا يأخذ بالذنب ويغفر الذنب اشهدكم يا ملائكتى انى قد غفر له +وماتنساش ان كان فى رجل جاء للرسول والراجل كان كبير جدا فى السن وقال له يا رسول الله انى اسرفت عمرى على الغدرات والفجرات وفى روايه تانيه ان لى غدرات وفجرات وقال له الحبيب المصطفى الست تشهد بأن لا اله الا الله وانى رسول الله قال الرجل اشهد قال المصطفى ابشر قد غفرت ذنوبك وما تنساش ان من ترك شئ لله عوضه الله خيرا منها رغم انك كنت مذنب وربنا هيعوضك خير بس ارجع وبعدين اهم حاجه جوه =بس معلش الشيطان قوى برضه +استنى هو مين اللى خلقه =الله +خلاص ربنا قال ان كيد الشيطان كان ضعيفا وهوسبحانه اعلم منك وانت كمان ضعيف بخطوة راجل تاخدها انك هتبطل لله اولا هتلاقى الدنيا تضحك لك لانك بتحب ربنا واثبت لربك وهو اعلم بذلك واللى ربنا بيحبه .. =بيحبب فيه خلقه +صح وخليك راجل بجد وناشف على المعصيه دى وهتقدر والله هتقدر بس استعن بالله =طب والشهوه دى طبيعه فى الانسان +عارف بس انت بتنسى انا مش لسه مفكرك بالحديث انه من ترك شئ لله عوضه الله خيرا منه =اه +طب سيبها على الله مره تلاقى نفسك محتلم ومره تلاقى واحد صاحبك عاوزك فاتنسى الشهوه ومره هتلاقى تليفون يجى لك ويطول معاك وتنسى ومر اختبار وربك اسمه المدبر =ممكن اقولك على حاجه تانيه +ماشى ....بس يكون غير التوم وجيرى = http://www.egycrazy.com/vb/images/smilies/mosking.gifلاء غيره +اتفضل =انا بطلت اتفرج مش مهم انت تفرح ولا لاء ولكن الاهم ان ربنا يرضى عنى ويفرح بيا +ربنا يبارك فيك ويثبتك وخلى بالك =ايه +الوقت سرقنا =بسرعه قبل مانتضرب من صحاب الموقع السلام عليكم ورحمه الله +وعليكم السلام ورحمه الله ___________ وهنا كان نهايه المواقع الاباحيه لصاحبنا وطلع راجل بجد ودلوقتى عاوز اسألك انت هتاخد القرار ده امتى انت لسه هتفكر بقولك احمد ربنا انك عايش لحد دلوقتى يلا بقى خليك راجل وفرح ربك وفرح نفسك وسلام |
فين التفاعل يا رداله ويا بنتوتات
|
فى انتظار مشاركاتكم |
بجد انا مش عارفه اقول ايه
اسلوب جميل جداا في الحوار والمناقشه جزاك الله خيراا وجعله في ميزان حسناتك في رعاية الله |
السلام عليكم
جزاكم الله كل خير
وفعلا كل واحد عايز يتغير بجد للا حسن باذن الله |
جميلة جداً الحــلقة يا مــحـمـد ..
و كل حلقة أجمل و أجمل .. جـــزاكـ الله خــيراً .. في أمان الله .. |
بجد حلقات واسلوب جامدين جدا
جزاك الله خيرا وجعلك سببا فى هداية شباب المسلمين |
جميل جدا
منتظرين الحلقة اللى جاية بفارغ الصبر وكالعادة حلقات رائعة وجزاكم الله خيرا و هانتغير بجد |
مشكووووووووووووووووووووووووووووووووووووووووووووووو وووووووووووور
|
صدق الله العظيم اذ يقول فى كتابه الكريم " واذا سالك عبادى عنى فانى قريب اجيب دعوة الداعى اذا دعان " وصدق رسولنا وحبيبنا محمد صلى الله عليه وسلم اذا يقول " " لئن يهدى الله بك رجلا واحدا خير لك من حمر النعم " جعل الله هذا الموضوع وهذه الحملة التى ادعو الله ان تكون ناجحة وان تؤتى ثمارها مع شبابنا جميعا فى ميزان حسناتك يوم لا ينفع مال ولا بنون الا من اتى الله بقلب سليم زاردك الله هدىً اخى الكريم وتقبل منك صالح الاعمال |
|
|
|
|
|
جزاك الله كل خير
|
|
May allah bless you
|
بجد مش لقيه كلام اعبر بيه عن الموضوع المزهل الرائع انا مهما اقول مش هيكفى بس اللى اقدر اقولك
جزاك الله كل خير وغفرك من عند الله وربنا يجعله فى ميزان حسناتك ويباركلك فى اعمالك ويقوى ايمانك ويجزيك بكل خير بجد فكره مزهله ورائع جدا جدا وان شاء الله هنتغير كلنا للاحسن وربنا معانا كلنا وربنا يهدى كل المسلمين |
انتظرونا فى الموسم القادم قنبله |
اقتباس:
بداية هو الشعار ده رووووعة وماشاء الله عليك يا محمد فعلا فعلا يعني انا مش لاقية دعوة افضل من جزاك الله خيرا جزاك الله الجنة ياااااارب وان شاء الله مستنين الجديد وان شاء الله هانتغير بجد |
انا عاوزة اسال هل الحملة دي ليها موقع نشترك في الحملة منه ولو ليها ياريت تحط الرابط وشكرا ع الموضوع الجميل جدا ويجعله ف ميزان حسناتك |
اولا بارك الله فيك وان شاء الله لك احسن الاجر عند الله حتي لو الموضوع مش حقق المراد-لا قدر الله- محاوله رائعه ويكفينا الثواب ان شاء الله كلنا هننضم معاك
|
الف شكراخى على الحمله وربنا يوفقك فى دراستك وحياتك
|
| جميع الأوقات بتوقيت GMT +2. الساعة الآن 08:19 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.