|
يا جماعة انا لى راى بسيط جدااا
مادام فى شك ان الاغانى حرام خلاص مش عاوزين بقى نقاش كتير سيدنا النبى امرنا بإجتناب الشبهات و موضوع الغناء ده فيه كلام كتيير اوى بين محرم ومحلل ومادام فيه نسبه 1 % انه حرام خلاص بقى الموضوع يخلص ده مجرد رأى |
بصى انا كنت يوميا الهاند فرى ف ودنى على طول اغانى عربى وانجليش وفرينش والكومبيوتر والموبايل مفيش فيهم سبيس عشان احط حاجة اصلا وكنت باسرح ف دنيا تانية مع الاغانى اللى باحبها لكن كنت دايما حاسة بالذنب حاسة ان الوقت اللى باضيعه ف الاغانى .. حتى لو وقت فراغ ممكن اسمع فيه قرآن اسمع اى حاجة تانية غير الاغانى وبرضو ماكنتش عارفة ابطلها لانها بقت عادة وبجد كنت باخجل من نفسى جدا لما الاقى جروب اصحابى مشغلين اغانى وبيغنوا والاقى نفسى فاكرة كلمات الاغنية وعارفاها كويس بس لما اسمع قرآن ابقى كأنى باسمعه لاول مرة ومابطلتهاش غير من فترة قريبة جدا بعد ظروف وفاة جدتى عشان حسيت ان انا كمان ممكن اموت ف اى لحظة ومش هاقدر اقابل ربنا كدة واضح ان كل حد فينا لازم تحصله حاجة توجعه اوى عشان يفهم ان اللى هو فيه ده غلط !! جزاكى الله كل خير على مواضيعك الاكثر من رائعة وجعله بميزان حسناتك اقتباس:
معاكى حق الاصحاب ليهم اكبر تأثير على الانسان ويا اما يشدوه للصح او للغلط اقتباس:
اقتباس:
لانهم بيكونوا عايزين اى كلمة تحلل اللى بيعملوه واوقات مش بتفرق معاهم اصلا يلا ربنا يهدى بس بجد يا رييييت نجتنب الشبهات مش يبقى فيه كذا دليل انها حرام ونمسك ف كلمة حد قالها ولو من غير دليل احنا بنعمل حاجات كتيرة اوى غلط مش ناقصة بقى !! --- ويا ريت ناخد بالنا من كلامنا عشان انا عارفة كويس تأثير الحاجات دى لان كتير كنت باشوف مواضيع تحريم الغناء وكنت بادور على رد واحد يقول انها مش حرام وبامسك فيه ومش باصدق غيره او على الاقل اقول ادينى باسمع لحد ما اتأكد انها حرام وده اللى بيحصل مع كل الناس وعن أبي هريرة رضي الله عنه عن النبي صلى الله عليه وسلم قال: (إن العبد ليتكلم بالكلمة من رضوان الله لا يلقي لها بالاً يرفعه الله بها درجات، وإن العبد ليتكلم بالكلمة من سخط الله لا يلقي لا بالاً يهوي بها في جهنم) وآخر حاجة عايزة اقولها ان لما حد بيبطل يسمع اغانى بيحس براحة نفسية كبيرة اوى لو الاغانى مش حرام مكانش هايحس بالراحة دى ربنا يهدينا جميعا |
جزاك الله كل خير على الموضوع الاكثر من رائع
تسلم ايدك |
بصي.يا سكر..انا معاكى تماما ف كل كلمه قولتيها... بجد ربنا يجازيكى خيــــــــــــر.. ويثبتك... *** عارفه انا كان بتحصلي الحكايه دى برده وخصوصا لوكنت راكبه اى مواصله وسمعت .... بس حاولى متركزيش ف الكلام ..واشغلى نفسك باى حاجه.. خلى لسانك دايما ينشغل بذكر الله وخصوصا ف المواقف الى زى دى.. لان ربنا وحده هو اللى يقدر يكرهك ف الموضوع ده.. عارفه هتبقي بتسمعيها وبجد والله قرفانــــــه ..لانها بتفكرك بايام المعاصي والتوهان.. والبعد عن الله.. وكفايه ان ربنا بيكرهها... فهتكونى من جواكى مش طايقاها.. وحاولى تشغلى عقلك بالذكر زى مقلتلك.. انا بقيت بعمل كده والحمد لله اتخلصت من الموضوع ده تماما..وكمان لو حد اتكلم عن مغنييين قدامى اوعن اغانى مبحاولش افتكر ..وبتجاهل الموضوووع **وفعلا الصحبه ليها عامل كبييير جدا.. شوفى لو انسانه كويسه ومتدينه مصحباها..مستحيل تجبلك سيره اغانى او تغتاب او تتمنالك شر..ابدا لانها هتعملك لله مش عايزه منك حاجه..لكن التانيه بقي.. عدوتك بجد والله ..ف الدنيا والاخره... اسمعى ربنا بيقول ايه (الاخلاء يومئذ بعضهم لبعض عدو الا المتقين..) الاخلاء يعنى اللى كانو اصحاب ف الدنيا بس مش على طاعه ربنا... وانصحك تسمعى لشيوخ كتيير ومحاضرات وحاولى تحوطى نفسك بجو ايمانى..عشان متسبيش فرصه للشيطان يرجعك تانى.. فاهمه قصدى..يا سكر:)؟؟ وحاولى تبصي حوليكى وتدورى عن اخت متدينه وتتكلمى معاهاوتصحبيها.. بجد هتلاقي فرق فظييييع ولو ربنا حس منك بصدق في رغبتك هيعينك وييسرلك الخيـــر..:) **بجــــــــــد *(انــــــــــى احبك في الله) |
اقتباس:
شكرا ليكى بجد على النصايح الجميلة دى وعلى كل حاجة جزاكى الله كل خير وجعله بميزان حسناتك ( احبَكِ الذى احببَتِنى فيه ) :) |
شكرا للموضوع المتميز
وجزى الله كاتبه كل خير ولا يهم أي الغناء حرام وأيه حلال يكفي الشبهة ومن يتق الشبهات فقد استبرأ لدينه وعرضه شكرا |
موضوع جميل جداً ربنا يهدينا أجمعين جزاك الله خيراً |
السلام عليكم ورحمة الله وبركاته
جزاكم الله كل خير و نفع بك وبامثالك المسلمين ورينا يجعله فى ميزان حسناتك وبجد الموضوع حلو قور ومهم جدا |
| جميع الأوقات بتوقيت GMT +2. الساعة الآن 07:01 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.