|
لالالالالالالالالالالا ريما مبينة نفسها بريئة زى اسمها:d ....................... اول يوم قضناها موبايلات انتى فين ....وقعدت اغلس عليها لما عرفت انها راكبة المترو وانا زيها قلتلها يبقى احنا مع بعض طلع الفرق بينى وبينها 6 محطات:d وانا بفضل قاعدة فى المترو 21 محطة ان لما تكن 23 محطة وكنت قاعدة هبقى عاملة زى مومياء نفرتيتى:mellow: الناس كلها داخلة خارجة داخلة خارجة وانا الوحيدة اللى ثابتة على حالى مبتغيرش الكرسى متغيرش قاعدة عليه 45 دقيقة فا طبعا خلاص طهقانة وانا وريما موبايلات والشبكة موبينيل فى اليوم ده كانت (ربش اوى):d كانت واقعة بطريقة غبية بمجرد ما اقول احم...يفصل على طوول:( ........................... المهم المترو وقف وكلمت ريما ولا اقول (براءة) علشان دى هتطلع زى اسمها:rolleyes: قلتلها استنينى قدام الجامعة بعد كده قلت لالا منتعبش البنية كلمتها تان قلتلها خليكى جوة انا هجى عند الكلية اتفقنا وكده ........ كان معايا واحدة عرفتها من المترو عمالة تبصلى تبصلى قلت معجبة بقى:lol: كلمتها ومشيت معاها لغايت ما وصلت لجوة قلتلها بيتك بيتك:d هى طلع عندها محاضرات فى سنة تانية فمشيت (يتبع) |
(-2-) رحت هناك عند الكلية بتاعتنا وما ادراكوا بالطريق الجامعة عندنا عاملة زى الكلمات المتقاطعة المكان اللى تمشى فيه مرة استحالة تمشى فيه تان مبيتعرفش اصلا ويا سلام بقى لو تهت هناك وسالت واحدة زى حلاتى رخمة اوى:mellow: ................ كل ما امشى الاقى طلبة تسالنى هو فين كلية سياحة وفنادق انا قلت فى نفسى هى الجامعة كلها سياحة وفنادق ولا ايه:huh: قمت مرخمة عليهم وقلتلهم امشوا كده <---------- ---------------> معرفش بقى هما فهموا ازاى الاسهم لاقتهم بيشكرونى اوى:d وانا من جوايا بفرح اوى باول يوم كلوا بيبقى ماشى عامل زى الكتكوت التايه:huh: وانا ببقى غلسة اوى بتوههم:lol: بس مش اى حد لو اعرف المكان بقول غير كده بغلس وهما مش واخدين بالهم اصلا (لانهم مخدوش بالهم من اتجاه ايدى):d المهم وصلت للكلية بتاعتى وانا وريما رنات هى عرفتنى انا معرفتهاش لانى كنت فاكرة انى هشوف واحدة بقى 13 سنة زى الصورة اللى شفتها:lol: سلمت على بنات اعرفها واحدة منهم عملت لاسمى (شو) لاقيت شغل اطفال رهيب زينب زينب (5 مرات) والله الطلبة كلها لاقتهم بيبصوا مين زينب:mellow: انا اتكسفت اوى عملت نفسى مش واخدة بالى لاقتها قامت قايلالى ايه مش واخدة بالك منى الطلبة كلها بصة قلتلها انتى تعرفينى ؟؟ انا مش زينب النمرة غلط متحاوليش مرة اخرى وهزرت بعد ما اتفضحت:mad: ولاقيت واحدة جت ورايا بتقولى ايه مش شايفانى كل ده طب مش سامعة الرنة بتاعتك وانا شغالة كنسلة انا قلت مين دى:mellow: معجبة باسمى دى ولا ايه ؟؟ بدات اشبه عليها لغايت ما عرفت انها ريما بقى بسرعة وسلمنا على بعض فعلا زى ما هى قالت وكان معاها بنات سرحتهم ومشينا انا وهى (يتبع) |
اقتباس:
|
اقتباس:
|
(-3-) ببص انا وهى على الجدول لاقيت ناس غريبة 4 واقفين عاملين زى السلم الموسيقى:mellow: واقفين بترتيب طولهم من الاطول والاضخم الى الاقصر والمسلوع:d انا شفتهم اتخضيت:huh: غير كده الطلبة هناك طوووووووووويلة اوى تلاقى 7 طوال واقزام حواليهم والمنظر العام مش ظريف وعلشان اوصل للجدول لازم عملية انتحارية حد يفجر نفسه علشان الامم دى تبعد وتخلص حبة (كان نفسى كده حد ابن حلال زى اسلام (المرشد) يشخط شخطة يخليهم يختفوا):d انا وريما بصينا لبعض مفيش امل انه يتنقل ده علشان يتنقل ونعبر وسط التتار ده محتاجين سلم مطافى ولا قمة الاهرامات علشان نشوف شكل الجدول بس مش يتنقل كمان:mellow: وانا وهى اصلا كنا مكسلين نقلناه فى الاخر فيديو:d احدث طريقة فى تسجيل الجدول:mellow: المهم سرحت انا وهى بقى فضلنا نمشى مع بعض ونرغى وماشيين ورا جروب كده بيدور على المعمل وانا وهى شغاااااااااال (رغى) مبيفصلش:d كاننا نعرف فعلا بعض من 20 سنة (يعنى اكبر من سنى وسنها):d شخصية مرحة جداااا ولذيذة اووووووووووووووووى:wub::wub: المهم بعد ما لفينا كتيير ودخلنا بقى المحاضرة اولا مفيش دكاترة بتعبرنا كلوا كان لسه نايم محدش بيفكر انه يصحى المهم انا وريما قاعدين جنب بعض ريما بقى عملت ايه؟؟ لسه بعمل الموب (صامت) لاقتها عرفت اول مدرجين من قدام واول مدرجين من ورانا:o كل ده فى 10 دقايق بس انا بصتلها استغربت طبعا اللى بيتعرف عليها انا كمان معاها واتغلنا رغى مع اللى عرفناهم وهى مكتفتش بيهم لسه كانت بتكمل باقى المدرج:d لولا بقى ان فى واحدة قالت ان بتوع قسم الفيزيا مش مكانهم هنا كانت عرفت المدرج كله وطلبة علوم كلهم اللى معانا واللى مش معانا:huh: خرجت انا وهى ورحنا للمعمل تقريبا هو يقال عليه معمل دخلت انا وهى وواحدة عرفناها من المدرج السابق قعدنا عادى على البنش لاقيت ريما واخدة الكرسى بتاعها ورايحة تقعد على البنش بتاع المعيدين:mellow: وتنده عليا انى اققعد جنبها...ابدااااااااا فى الاخر هى اخدت الكرسى بتاعى وقعدتنى جنبها والمعيدات اشتغلوا رغى وفتحوا على السابع مع البنات وريما كل شوية فى النص تنط بسؤال :d وتنام بعدين تقولى انا عاوزة انام اقولها (مى توووووووو):( جت واحدة صحبتها ودخلت هى مش عارفة ان اللى واقفين دول معيدات قامت معدية من وراهم وعدت من على البنش بتاعهم:d (يتبع) |
(-4-) قعدنا نتريق عليها هى فعلا مكنتش عارفة انهم معيدات فضلوا يرغوا يرغوا خلص المعمل الظريف بعد رغى والله كنت هصدع لانى مش كنت مركزة فى اى حاجة المعيدات كانت بتقولها وانا وريما كابس علينا النوم وعاوزين نرغى كتيير (دى كانت وظيفتنا فى الحياة):d مشينا من المعمل ورحنا للمدرج تان بس واحد جديد الطلبة كانوا عاملين هجوم (ولا كان فى حد بيوزع هدايا ولا لحمة):d الولاد والبنات زحمة بشعة وفعلا مفيش اى ولد مثلا يشوف بنات رقيقة(اللى هو احنا):mellow: يقول مثلا عدوا ...اتفضلوا لا دول بيزقونا علشان يدخلوا يحجزوا (ولا كانهم داخلين اتوبيس):huh: المهم انا وريما فضلنا نبص لبعض عاوزين ندخل والباب اصلا ضيق اوى ميدخلش منه غير فرد او فردين (بس مسلوعين)^_^ ريما قالت مش هنفضل كده هى مسلوعة اصلا لاقتها بتخترق وانا ماسكاها لغايت ما دخلنا فعلا جوة اتنين صحابها (بقوا اصحابنا) قعدوا قدامنا وانا وريما مع بعض وراهم انا وريما شغالين رغى (وظيفتنا فى الحياة)^_^ قاعدين نرغى كتيير ....اللى قدامنا قالولنا بسسسسسسسسسسسسسسسسسس:mad: ايه ........... رغى رغى رغى اهدوا شوية اييييييييييييييه ده .... اللى جنبى ولدين واحد حط ايده على ودنه والتانى حط راسه على البنش والكشكول فوق راسه ..... اللى ورانا لاقتهم بيقولوا الصبر من عندك يااااااااااااااارب الرحمة من عندك !!!!!!!!!!!!!!! شككونا بجد ان احنا رغايين:mellow: مع اننا متكلمناش فى اليوم ده غير اليوم كله:d كل ما نمشى فى حتة نفضل نتكلم بجد ريما شخصية ظريفة جدااا:wub: وانا مرتاحة معاها فى الكلام وكاننا اصحاب من زمان اصلا:wub: المهم فى المحاضرة مدخلش الدوك. كالعادة ودخلولنا اتحاد الطلبة 4 شباب واحد منهم خطب خطبة الجمعة:d التان اللى عاوز اى حاجة ساقعة بيبسى:d (كان بيقولنا يعنى اللى عاوز يعرف اى حاجة عن الاقسام يقول) التالت كان بيصلح المكرفون لان التان صوته كان مسلوع اووووووووى والرابع مش عارفة تقريبا كان بيوزع ورق علينا (يتبع) |
اقتباس:
|
(-5-) المهم خرجنا من المحاضرة اللى ملهاش اى معالم اصلا وكالعادة . . . . . . قعدنا نرغى:d واللى كانوا ماشيين معانا قالولى انى رغاية اوووووووووووى:( (هو انا كده)؟:mellow: قعدت انا وريما على جنب كده فى حتة ضل كان قدامنا بنااات وولد من على الحرف وجروب ولاد على بنات مع بعض على الجنب التان انا وريما شغالين رغى فوجئت ان البنات اللى قدامنا متابعين الحوار كله:mellow: والله كانوا بيبصوا على بقى انا وريما واحنا بنتكلم علشان اللى ميسمعهوش يترجموه عن طريق طريقة كلامنا والولد برضه كان متابع الحوار الجروب الكوكتيل اتنين منهم فضلوا يبصولنا والغريب اللى مش فاهماه يمكن يكون تبع التطور ولا حاجة ان اللى بيبص بيبص من تحت لفوق (مش عارفة بقى ايه الحكمة فى كده) واللى بيبص خلاص بصة ودور على حد تان بقى لأ دى كانت كاميرات فيديو مش صورة وخلاص وبرده من تحت لفوق انا اتكسفت قعدت اقول فى نفسى هو احنا فينا حاجة غلط ولا ايه؟:mellow: تكنش الصورة عندهم معكوسة مش عندهم تجميع شبكية زينا:d .............. وفضلنا بقى نتكلم كتيير وننم على المنتدى والاعضاء الحلوين:d (اوعوا حد يسال مين علشان احنا مش هنقول):cool: جم البنتين اللى بيمشوا معانا وشافونى بتكلم لاقيت واحدة شخطت فيا:mellow: قالتلى زوزو الرغاية افصلى انا صدعت منك (ازاى بقى وهى مكنتش بتمشى معانا):huh: وعالم فضولية اوى. . . . . . عاوزة تعرف احنا بنتكلم فى ايه؟:rolleyes: ........... اااااه نسيت فى المعمل انا وريما قعدنا نتريق اوووووووووى لما لاقيت المعيدة بتقول:: هتجيبوا يا حلوين القلم الرصاص والاستيكة والكالكوليتور (الالة يعنى):d والمقلمة والحاجات دى اللى هيجيى وحاجة ناقصة منه ميدخلش انا سمعتها بتقول القلم والاستيكة ومقدرتش اسكت قعدت اقول والزمزمية والسندويتشات والدريل :d (اصل فى واحد رخم اوووووووووووووى اتريق عليا وقالى كده):mad: ومكنش عندى اى رد غلس عليه لما قالى كده (اول مرة ما الاقيش رد):huh: مش فاكرة بقى تقريبا قعدنا نلف على اصحاب ريما علشان المدينة الجامعية وملحقناش نسلم على بعض سلام حار (بالشطة والفلفل):d هى شافت التاكسى طارت يا دووب سلمنا كده اى حاجة ومشينا وكانت معاها صحبتها (يتبع) |
(-6-) انا بقى يومى كان تكملته جمييل ركبت المترو وطبعا 23 محطة المهم نزلت فى نفس المحطة اللى ركبت منها ورجعت فى نفس الخطوات اللى رحت بيها للكلية المهم لاقيت اتوبيس مكتوب عليه . . . . . . . (منطقتى يعنى) سالت واحد كان واقف برة قلتله هو الاتوبيس ده رايح . . . . . ؟ قالى اه اركبى دخلت الاتوبيس سالت الناس : يا جماعة. .الاتوبيس ده رايح . . . .؟ قالولى اه اركبى قلتلهم ما انا راكبة هركب فين تان:d المهم لا قيت الاتوبيس بيفضى والطريق مش هو اللى انا كل مرة بشبه عليه قلت هو مش ده رايح . . . . . . ؟ لاقيتهم بيقولولى لا:mad: عارفين ترافل بقى لما حد بيضايقها بكون باردة شوية المرة دى لالالالالالالالالالا والله لو اقدر اولع فى الراجل والاتوبيس كنت عملتها زعقت فيه هو اتاسفلى على المعلومة الغلط:mad: طلع انه نزلنى فى قصر النيل يعنى مش طريقة خالص قلتله يعنى انت هتكمل تروح فين قالى هقف فى المحطة خلاص علشان اجهز الفطار قلتله اه يعنى انا مدعوة انى اجى افطر:mad: نزلنى هنا هو نزلنى عند المحطة وقالى اركبى كذا وهو هيوديكى للبيت قلتله اللهم انى صائمة :mad: ومشيت طبعا عقبال ما لفيت وعرفت انا فين وهمشى ازاى لاقيت اتوبيس مكتوب عليه . . . . . . سالت الاول هو الاتوبيس ده رايح . . . . قالولى اه قلت مش مصدقة المهم السواق هو اللى قالى بنفسه انا رايح . . . . اركبى المهم ركبت واحد قعد جنبى قلتله لو سمحت: هو الاتوبيس ده رايح. . . . ؟ قالى اه انا رايح كمان...(بصيتله وقعدت اضحك بس مع نفسى طبعا ..اممممم اتريقت عليه):d قلتله طويب.... مكملتش 5 دقايق قلتله لو سمحت: هو الاتوبيس ده رايح. . . . ؟ قالى اه ما انا قلتلك انا رايح قلتله طويب بتاكد بس مكملتش 5 دقايق قلتله لو سمحت:هو الاتوبيس ده رايح. . . . ؟ قالى والله العظيم والله العظيم والله العظيم وربنا راااااااااااااااااااااايح قلتله خلاص ما انا عارفة انه رايح بس بتاكد:d (الراجل ولع شد شعره منى خلاص..لاقيته مشى ركب اتوبيس تان:d وواحد تان قعد) اشتغلت نفس الاسطوانة بس حظه مطولش معايا كتيير لان ماما طبعا لما عرفت انى تهت..كملت معايا موبايلات سبب انى كنت بعمل كده انى جالى شك رهيب من ساعة ما الاتوبيس الاول توهنى المهم: وانا نازلة خلاص لاقيت واحد قاعد على الحرف ونازل معايا بيقولى لو سمحت::هو الاتوبيس ده رايح . . . . ؟(وهو مبتسم) بصتله (ابتسامة السذاجة)...قلتله اتريق حضرتك ونزلت (مش معقولة يعنى ههزر معاه طبعا و غير كده هو اصلا كمان عامل زى الديك المنفوش):d امممممممممممممممم هبقى اكمل بكرة بقى لحسن انا تعباااااااااااااااااانة اووووى تصبحوا على خير :) |
زينب إنتى رغاااااااااااااااااااااااااااااااااااااااااااااااا اايه أوى :d |
مش مهم المشرفين يثبتولنا الموضوع
احنا نقدر نثبت الموضوع بنفسنا عن طريق المشاركات :) وان شاء الله زى ما انتى قلتى نحاول نتابع اوك يلا بقى بالمرة احكى على اللى حصلى انهاردة بداية طبعا صحيت من النوم الساعة 6 ونزلت من البيت على 7 الا ربع المهم غيرت طريقة المواصلات وروحت الكلية على 7.20 لقيت بقى الجامعة فاضية ومفيش حد ماشى توقعت طبعا ان الكلية هى كمان فاضية قلت ادخل بقى الكلية احجز مكان قدام فى المدرج بدخل لقيت امة لا اله الا الله كلها جوااا بنقولهم في ايه يا جماعة قالولنا فى محاضرة كيمياء هتبدأ دلوقتى حضرت وخلاص وبردو قعدت ورا :( المهم طلعت المادة هيدرسهالنا 3 دكاترة الاولانى قعد يكلم كتير وكالعادة محدش فهم منه حاجة فانا بقى توقعت ان الاتنين اللى جايين هما كمان هيرغوا كلمتين ويروحوا رحت نفضتلهم وخرجت مع صاحبى نقضيها بره المهم رجعت بعد ما المحاضرتين خلصوا رجعت لقيت الناس بتتكلم عن بويل وشارل بنقول هو فى ايه هو حد شرح ولا ايه قالولنا اه :( قالولنا الدكتور التالت شرح محاضرة بس التانى قعد يرغى زى الاولانى :) المهم نقلنا الكلمتين والحمد لله طلعت حاجات سهلة من بتوع السنة اللى فاتت :) وبعد كده رحت انا وصاحبى على عملى الجيولوجيا لقينا راجل محترم كده قاعد طلع انه معيد قعد يقولنا من المحاضرة اللى جاية هاتوا قلم وكشكول سلك والوان قلناله ليه قلنا انا هديكم مادة اسمها خرائط طبوغرافية تبع بردو عملى الجيولوجيا بس الراجل طلع عنده ضمير وشرحلنا من اول محاضرة وخد اكتر من ساعة يشرح وبعد كده قلنا العملى الجاى بعد العيد احنا طبعا لما صدقنا وقومنا خلعنا وروحت نمت وصحيت على الفطار وبعد الفطار ذاكرت الكلمتين اللى خدناهم وطبعا قبل المذاكرة صليت المغرب وفى نص المذاكرة صليت العشاء وخلصت مذاكرة الكلمتين دول وجيت على المنتدى على طول :) |
والله اناريحت نفسى وقلت مش رايح الا بعد العيد
|
طيب يا جماعة اهو بقي عندكوا روايتين اهو :d
|
احنا بقى فضلنا كده مع نفسنا طول اليوم بس اخدنا محاضرة ميكانيكا ربع ساعة
خدنا فيها المتجهات .. بيقولوا انها كانت عندنا فى الميكانيكا باين :mellow: والدكتورة شكلها كويس بس غاظنى اوى انها بتقولنا طبعا الميكانيكا امتحانها كان سهل اوى السنة اللى فاتت :rolleyes: كنت هقوم اضربها :mellow::( هو احنا لو كنا قفلنا الرياضة مش كان زماننا دلوقتى فى هندسة :d |
ازيكم يا جماعة معلش انا اتاخرت شوتين
انا هحكى عن اليوم التالت ليا اول حاجة صحيت 8.5 كدة نزلت من بيتنا على 9.5 كدة لاكاعة بقى عقبال ما اصحى بقى انتوا عارفين بقى اسد بيصحى :d رحت لصاحبى انا بقى اعتقد انة هيشكت فيا بقى علشان اتاخرت لاقيتة لسة نايم طبعا اتنرفزت جدا :mad: المهم لبس بسرعة ونزلنا على 10 كدة قولنا بقى اية نركب تاكسى علشان احنا متاخرين ركبنا وقلنا للتاكسى بوابة حقوق هى كدة بوابة الجامعة مشهورة بكدة اللى على المشاية عل شان كدة حقوق انظف كلية يعنى:lol: http://www.mans.edu.eg/univphoto/entrance/enter-008.jpg على فكرة هتلاقى اتنين ماشين فى الجامعه اللى عليهم الكلام دة دة انا وصحابة مفتاح:d اللى هى البوابة دى يعنى بس طبعا محدش بيدخل من الحتة النظيفة دى لا فى كدة على اليمين من برة بوابة كدة صغيرة بندخل منها كانت 10 وربع كدة دخلنا احنا قولنا اساسا للتاكسى بوابة حقوق وهو نزلنا هنا وانا مش دراسها من هنا اوى قلنا نخليها على الله ومشينا لاقينا تجارة محتلة نصف الكلية وبعدين لاقينا الكلية http://www.mans.edu.eg/univphoto/entrance/enter-001.jpg صورة اوضح للبوابة http://www.mans.edu.eg/univphoto/facs/facs-014.jpg ايوة هى دى بقى الكلية بتاعتى على فكرة الزرع اللى انتوا شايفينة دة جميلة جدا وكمان فية ابو قردان http://www.mans.edu.eg/univphoto/facs/facs-016.jpg ودى بقى صورة تانية بردة للكلية http://www.mans.edu.eg/univphoto/facs/facs-015.jpg انا بقى عاوزكوا تركزوا فى الصورة دى بقى بالذات شايفين الاعمدة البنية دى فى بوابة كدا فى وسطهم دى بقى بتاعت الدكاترة بس احنا بقى بندخل من اى بوابة وخلاص على فكرة انتوا شايفينها وحشة بس هى حلوة بقى فية يفطة دلوقتى ملونة كدة يعنى بيرحبوا بينا بقى وكان فية بردة سجادة برة بردة ونزلة على السلالم والورق اللى كان على الاعمدة اللى متقطع دة عملوا ورق تانى خليكوا بقى معايا فية بقى جنب الاعمدة شبابيك وفيها ورق كدة دى بقى اسماء الطلاب الجدد والقدام يعنى وهتلاقى كدة خرم كدة جوة الشباك دة واحد من الشئون المهم بقى روحت سالتة انا وصاحبى امتى التسجيل قالى لسة لما تشوف المرشد بتاعك قولت امتى قالى لبكرة لبعدة شايفين بقى الرصيف اللى تحت الشبابيك المهم كان ملاين بنات بس كان فية شوية صبيان قاعدين فى الاخر قعدنا معاهم وبعدين زهقت من الشمس والجو النار خدت بعضى انا وصحابى وروحنايعنى كل اللى قضيتة النهاردة كان نصف ساعة الحمد لله http://www.mans.edu.eg/univphoto/entrance/enter-009.jpg بصوا بقى دى بقى الكلية بس من نحية الجلاء شايفين شارع طويل كدة وكلة عربيات دا بقى روحنا منةمتورجل الحمد لله كان يوم ظريف قصدى نصف ساعة كانت ظريفة يالابقى بااااى روحت على الساعة 12 كدة صليت الظهر ونمت وبعدين صحيت على صويت ماما وهى بتشخط فى اختى الصغيرة علشان وقعت طبق السلطة بعد ما ماما خلصت منة انا بقى صليت العصر ولميت السلطة اللى وقعت بصراحة اول مرة ماما تصعب عليا النهاردة بس انا بردة ساعتها ومنها لله اختى الصغيرة بصراحة مهما ما بتعمل الكل بيموت فيها وبعدين هى مش فاهمة حاجة انا حبيت اعيشكم معايا اليوم علشان كدة انا حبيت انه يكون بالصور معلش يا جماعة بقى انا بكتب الموضوع وانا بتسحر وبكرة حاسس انة يوم مش جديد اكيد زى النهاردة يالا بقى علشان الحق اشرب واصلى وانام |
اما انا فحكايتى قصة:lol:قلبت معايا ايهاب توفيق
ام هند انا صحيت الصبح لقيت الموبايل بيرن يرن يرن صحيت لقيت امير صاحبى بيتصل :oافتكرت انه قالى هستناك على المحطة عشان نروح الكلية عشان عندنا محاضرات بدرى رحت رديت عليه قلتله انى نازل فى الطريق مكنتش لسة لبست اصلا:dالمهم لبست بسرعة وظبطت نفسى عشان كان عندى رانديفووو بعد الكلية:p ورحت للواد متاخر طبعا بس الحمد لله لقينا مواصلات علطول ووصلنا الساعة سبعة ونص كان عندنا محاضرة كيميا الساعة 8 الصراحة مرضتش ادخل المدرج من دلوقتى بحس بالملل من القعدة بس غصب عنى دخلت عشان لو مكنتش دخلت مكنت هلاقى مكان:mad: دخلنا اول دكتور اسمه فخرى عبد العظيم البثيونى وانا كانت ضاربة معايا كوميديا سمعت اسمه من هنا حطيت الكشكول عبى وشى وفضلت اضحك:lol: قعد يرغى شوية ومشى جالنا تانى واحد عمل فيها شيخ الازهر وقعد يقول البنات فى ناحية والولاد فى ناحية وهو اصلا ماشى بعكاز وظروفه صعبة المهم فى الاخر طلع بيدى كيميا برده بس فرع تانى وطلع اسمه فتحى الشحات والكوميديا شغالة برده قعدت طول المحاضرة اضحك:lol:وقعد يهجص ويوقل علوم عين شمس معروفين فى العالم وحركات مشمئزة كدة جالنا الدكتور التالت ده راجل خنيييييييييييييق اوى اوى اوى اوى مش لظيظ ابدا شرح من اول محاضرة وقعدت اكتب وراه بويل وشارل والكوميديا راحت الله يخرب بيته:mad:اسمه ماجد سفيق(شفيق) كان عندى محاضرة استاتيكا بعدها بس قفلت رحت خارج بره قعدت اسمع اغانى المهم طلع الدوك مداهومش حاجة قلت احسن بس رحت مروح بيتنا صليت الضهر ونمت وصحيت على الفطار ونمت تانى :lol: |
اقتباس:
انا مرحتش يوم الاتنين هو مين هنا بيولوجي هو كلكم فيزيا ولا ايه ؟؟ |
اقتباس:
هههههههههههههه الحمد لله طلعت مش لوحدى اصلى كنتعمالة اضحك الناحية التانية وكنت مرعوبة احسن حد فيهم يحرجنى بس ربنا ستر وما خدوش بالهم اصلا يا محمد بتاع الاستاتيكا شرح انتوا بأه اللى مشيتوا ده كويس انه ما خلصش الباب الاول ادانا المتجهات كده عادى وبعدين دخل فى جمع المتجهات وبعدين دخل فى الضرب قالنا هما 5 انواع وشرح منهم 2 وللاسف وقت المحاضرة ما كفاش يا عينى انه يكمل |
اقتباس:
انا خلصست كل اوراقي والجدول وعندي 3 ايام اجازة:d:d س متوسط الدراسة 8 ساعات :eek::eek: واي استفسار عن علوم القاهرة انا في الخدمة |
بسم الله ماشاء الله
الموضوع كل شويه عمال يشتعل ;) استمروا بقا استمروا بس ايه دا يارحمه دا انتى وسوستك طلعتو شعانــيـن خالــــص :p ارغى بقا عن يومى بتاع امبارح :) يوم كان مستقر وحلو الى حد مش قليل كنت حالفه بالتلاته انزل بدرى عشان اقدر اقعد قدام واسمع الدكتور فجهزت بسرعه بس مش اوى واخدت اختى معايا فى التاكسى وصلتها للمدرسه كان عندها ازاعه والباص هيتاخر وهى اللى هتقول المقدمه فقولت اعمل حسنه بعدين طلعت ع الجامعه ودخلت من الباب الرئيسى عشان امشى خطوتين واوصل للكليه عشان لسه فى سلااالم مستنيانى وهيتهد حيلى :( بس يادوبك اول ما حودت ورايحه لكليتنا لقيت صحابى بتوع هندسه فى وشى :o سلمت عليهم وكدا وبعدين عرفت انهم معانا هياخدو المحاضره بتاعت الرياضه التطبيقيه :mellow: طلعت انا وواحده صحبتى منهم وانا مخنوقه وحاسه انى مش هقدر اقعد عند الباب اساسا :( بس دخلت وبصيت للى فى المدرج وانا لاويه بوئى شفت صحبتى اللى فى طبيعه معايا بت جدعه جامد ... لقيتها حاجزه مكان ليا انا وصحبتى التانيه اللى فى طبيعه بردو واماكن لصحابنا اللى فى هندسه قعدنا فى البنش الاول وقعدنا مستنيين الدكتور واتارى الدكتور مسافر ودا اللى عرفته بعد ماروحت البيت .... بس واحنا قاعدين فى المدرج كان عندنا امل وخايفين نطلع ويدخل الدكتور يشرح من المحاضره الاولى لان معانا بتوع هندسه المهم المدرج كل شويه كان بيتملى بيتملى ومش كنت قادره ابص ورايا لانى حاسه طبيعى بالازمه كنت حاسه اننا فى سوق لحد ما فكرت اقوم اطلع اشم هوا بره بمجرد ما قومت وبصيت لورا حسيت ان المدرج هيتفزر :mellow: ومش عارفه هطير فوق دا كله واطلع ازاى :mellow: ولو طلعت من باب المدرج الرئيسى اللى بيدخل منه الدكتور وحصل ان الدكتور دخل مستحيل اعرف ادخل من الباب اللى ورا استسلمت للامر وقعدت اخيرا وبعد شويات دخلنا الدكتور والكل كان طاير عايز يسقف ويصفر المهم قال انه دكتور الحاسب الالى ^_^ الكل هاج والراجل اتفزع وانا فضلت اضحك :lol: شاف الجدول بتاعنا وبتاع هندسه وارتبك وهو نفسه مش فاهم ايه اللى جابه ;) راح طردهم بالزوق وقال ممكن بتوع هندسه يتفضلو :p ويااااااااااه بعد ماهوووونا ،،،، المدرج هِـــــــدىىى :rolleyes: بدا المحاضره وعرفنا نظام دراستنا للحاسب وقال اننا مش هناخد المقدمه بتاعت الحاسب وازاى نعرف نشتغل عليه وكدا لاننا كليه مختصه دا هيدرسوه الكليات الغير مختصه مكنتش مركزه اوى فى الحته دى لانه اساسا توهنا <_< بس اللى فهمته يعنى اننا هندرس فكرة الحاسب الالى وطريقة عمله بطريقه علميه المهم مهدلنا بقا لطريقة عمله وكدا وقال انى دى بدايه بس لمحاضرة بكره ومش عارفه ايه اللى خلاه ينحرف و اتكلم تقريبا عن الجبر فى رياضه 2 :mellow: انا بلمت :mellow::mellow: واما نشوف بقا انهرده واانا طول المحاضره معلقه راسى لفوق اخر ما تعبت حطيت ايدى على خدى وبصيت فى ناحيه تانيه خالص بس المهم ودانى كنت سيباها عند الدكتور ... ماعلينا خلصت المحاضره اللذيذه _بتكلم بجد مش تريقه كانت لطيفه فعلا :)_ على خير لقيت صحبتى اللى جنبى نعست سبتها وطلعت من المدرج مع التانيه واحنا نعتقد ان علينا لسا محاضرة الرياضه البحته... نزلنا نشوف ايه النظام لقينا بتوع هندسه وواحده نعرفها معيده وواحده من علوم بيولوجى وكدا وفضلنا نرغى شويه بس :rolleyes: وبعدين فى الاخر طلعنا تانى وفهمنا تقريبا ان الجدول غلط لتانى مره ومفيش محاضرة بحته صحابى مشيو وانا قعدت مع دكتوره فى الجامعه عرفتنى على النظام واتمشينا فى الدور وعرفتنى على دكاتره وكدا ... وبعديها عتقتنى ونزلت وروحت ... ومش فاكره حاجه تانى اقولها :) |
انا صعب ارد كده ع كل
عيشوا حياتكوا فى الموضوع يا جماعة :d وسام انا كنت ف اول يوم لابسة لبنى فى موف والجيبة كانت عبارة عن الوان الطيف العسرة اكيد ةشفتينى بقي متنكرييييش والبت زينب كانت لابسة جيبة جينز وبلوزة لبنى افتكرى يا سوسو :d نورال .. احنا اخدنا بردو فكرة عن المتجهات زيكم :) بس مفهمناش اى حاجة :d يونا بجد والله اسلوبك لذيذ جدا كملى كملى :p يونا يلاااااااااااااااااااااااااااا احكى :d |
امم نرجع بئا للموضوع النهارده بئا حصلى موقف بايخ شوية دخلت مدرج غلط وحضرت المحاضرة مع ناس ودكتور غريب اول مرة اشوفه والناس كلها غريبة وحاسس ان مفيش الفه ولا ود بينهم حسيت ان فيه حاجة غريبة المهم فين وفين على بال ما عرفت ان الناس دى اكبر منى بس واليوم كان طبيعى كانت حتت محاضرة لا طلعت ولا نزلت ويخرب بيت التأليف:d اها نسيت اقولك الموضوع مثبت وياريت بلاش مشرف يفك تثبيته مش كل ما اثبت موضوع المشرف يفك تثبته :rolleyes: |
يلا بقى نصيبنا كده هنعمل ايه اهى بردو علوم احسن من غيرها :)
على العموم يا ستى بداية طبعا صحيت الساعة 6 ونزلت على 7 بس المره دى خدت نفس طريقى الاولانى فى المواصلات :) ووصلت على 7.40 و كان علينا اول حاجة عملى فيزيا فضلنا ندور انا والواد صاحبى محمد على معمل الفيزيا فى الاخر لقيناه :) بس المعمل كان مقفول ف استنينا بره على امل ان المعيد يجى ويدينا المحاضرة المهم شوية كده ولقينا بقية قسم الجيوفيزيا جيهم وقعدنا نحكى ونتكلم عن الكلية :) المهم طلع معانا واد ساقط وقعد يحبطنا ويقولنا جيوفيزيا دى اكتر قسم متعب وهتاخدواا مواد كتيرة وصعبة وملكمش ايام اجازة غير الجمعة وهيطلعوكم كل فترة للمقطم تدوروا فى الصخور وقعد يقولنا شغل البترول ده قليل فى مصر ومتصدقوش الكلام انكم هتجيلكم عقود عمل وانتوا بتدرسوا وقعد يرغى جاب للواحد اكتئاب المهم انا وصاحبى طبعا نفضناله وحسينا انوا بيقول كده علشان هو ساقط :( فضيلنا مستنين وفى الاخر سيبناهم ومشينا لان المعيد ماجاش و الوقت ده كان عندنا فاضى من بعد العملى 3 ساعات فطبعا لازم نستنى علشان عندنا حقوق انسان على 1.20 المهم الواد صاحبى كان عايز يروح يقابل بنتين وقالى تعالى معايا بس انا نفضتله وقلتله روح انت لوحدك :mad: بس تقريبا كده كان زعل ومشى لوحده بس بعد كده كلمنى عادى انا بقى بقيت لوحدى قعدت افكر اعمل فى ال 3 ساعات دول قمت اتصلت بواد صاحبى تانى قالى انا جاى الكلية دلوقتى فا استنيته وقضيناها طبعا كالعاده صاحبى التانى ده كان بيولوجى وكان عليهم محاضرة الميكروبيولوجى وحاجة تانيه زيها كده مش فاكر اسمها ف قالى تعالى معايا والنبى احضر معايا المحاضرة فرحت معاه لحد ما محاضرة حقوق الانسان تيجى المهم الراجل الدكتور طلع عنده ضمير وقعد يشرحلهم شوية وطبعا المدرج كان هينفجر من الناس واللى قاعد برجل واحدة واللى طاير فى الهوا فانا طبعا اتخنقت من الجو ده واستنيت لما المحاضرة الاولانية خلصت وقلت لصاحبى التانى هستناك تحت لما تخلص المحاضرة التانيه رن لى على الموبايل :) و قعدت شوية فى ممر علوم لحد ما صاحبى التانى ده خلص ورنلى ورحنا على المدرج نحضر محاضرة حقوق الانسان :) وكالعاده الدكتور اتاخر اوى وتقريبا كده مكانش جاى لان الساعة كانت 2.10 ولسه ما جاش والمحاضرة كانت الساعة 1.20 فلقينا الناس بدأت تمشى رحنا مشينا احنا كمان :) المهم طلعنا ملقيناش الميكروباص واقف رحنا خدنا تاكسى وقلنا بقى نفكها شوية بدل الميكروباص الخنيق :) و روحت على العصر ولسه حتى قبل ما انام صليت الظهر والعصر وجيت على المنتدى وبس :) |
اقتباس:
هههههههههههه هوا اسلام فى كلية ايه انتا مش خلصت ياعم ولا ايه |
اممممممممم وصلنا لفين ... مش فاكرة ارغى من جديد:d ............... امبارح بقى كان عندنا محاضرة (ميكانيكا) وانا بموووووووت فى حاجة اسمها رياضة:mellow: والجمال بقى كله انى علمى علوم مش رياضة والدوك. اللى دخلت دى كرهتنى فى نفسى والله (كانت عاوزة اسامة بن لادن يعمل عملية ارهابية علشان يريحنى منها):d المهم عرفت ان فى علمى علوم موجودين وكتيير (مش اوى) هى شافتنا وكانها شافت عفريت العلبة:o ايه ده..ايه ده لالا مينفعش انتوا عارفين ان فى رياضة ؟؟ داخلين هنا تعملوا ايه ؟؟ (والله كان نفسى ارد عليها اقولها داخلين سينما ولا داخلين نتفرج على حضرتك):rolleyes: بس قلت مش من اولها بدل ما اتوقف خالص:d .. .. .. .. قعدت بقى تشتغل على الاسطوانة دى كتيير لغايت ما كرهت نفسى قامت قايلة: لالا يا جماعة انا مليش دعوة بالنسبة لعلمى علوم هما بقى يفتحوا الكتاب بتاع الثانوية العامة ويشوفوا الامثلة ويراجعوا القوانين مع نفسهم (قال يعنى انا لو شفت الفهرس هفهم حاجة اصلا):huh: اومال الامثلة بقى هعمل فيها ايه؟؟ هخترعلها اجابات نموذجية:d هى فضلت المحاضرة كل ما تيجى تشرح حاجة تقعد تسال الطلبة هنستخدم قانون ايه؟؟ وانا طبعا اول واحدة كنت بجاوب:rolleyes: انا وريما قاعدين جنب بعض اسالوها انى افهم حاجة وانا بكتبها حتى مش فاهمة وعندت مع نفسى انى مفهمش:d واحلى حاجة ان المحاضرة اخرها 15 دقيقة وخلصت |
ازيكم يا جماعة عاملين اية ازيك يا رحمة وزينب ورحاب انا متابعة الموضوع من الاول على فكرة ابن خالتى هو اللى عارفنى علية اللى هو يارب غفرانك اسمه الحقيقى محمد على فكرة يومى بيبقى زى يومة علشان احنا فى جامعة واحدة المنصورة وفى علوم والله كان نفسى نبقى مع بعض ;)
يومى بقى بصى انا روحت وشوية بنات اصحابى الجامعة النهاردة وروحنا اتفسحنا شوية وعدينا على شوية بنات كدة فى كليات مختلفة يعنى اليوم كان صياعة :d بس بصى اول اسبوع عندنا دة مش فية محاضرات خالص علشان كدة بفكر ان انا مش راحة:rolleyes: بصى للاسف ماما فاصلة النت خالص عندنا :mad:علشان عندنا 2 ثانوية واحد تالتة والتانى اولى والاتنين فاشلين على الاخر فماما بتربيهم :) بصى انا هبقى شارك معاكم لما اخواتى مش بيكونوا فى البيت ماما بتخلنى افتحة او ممكن اشارك بردة من عند محمد المهم هبقى متابعة بقى علشان تعذورنى وشوفتى الظلم اللى انا فية اهى اهى سلام كبير ليكى يا جميل على فكرة انا هنا مش هناء اوعى تلخبطى هنا اوكية باااااااااااااااااااااى بقى يا عسل |
(-2-) ريما قاعدة جنبى وهى كمان كانت زى حلاتى بس هى كانت مش فاهمة حاجات (هى علمى رياضة) المهم انا فاكرة انها كل ما تشرح حاجة انا كنت عاملة زى الايموشن ده :huh: . . . . خلصت المحاضرة بسلام اول ما قالت خلاص انا قلت لريما ياللا يبنا انا لو كملت البنشات اللى احنا بنكتب عليها هتحترق من كتر غضب الالهة اللى جوايا:mellow: فضلنا نلف كتيير وكالعادة انا وهى وظيفتنا فى الحياة (الرغى) مش هفضل اقول بقى ان ريما دى احسن شخصية بجد انا عرفتها:wub: اليوم مكنش طوييل او محصلش فى حاجة اوى . . . . وانا مروحة كان فى كوبرى فوقيا وانا واقفة تحته (توضيح):d المهم كان فى عاصفة كل شوية تنزل عليا رملة بس الحبيبة كانت حجم عائلى:d قررت ابص فوقيا اعرف ايه ده طلع الكوبرى بيفكر انه يقع:mellow: كل ما عربية تعدى عليه يوقع حاجات قلت الكوبرى بينسف نفسه ولا ايه:huh: الناس سمعتنى(مش هقول طبعا اتقالى ايه):d (مع انى كنت عاملة صوتى على بروفيل (صامت)):mellow: وركبت الاتوبيس ونزلنى قبل بيتنا بمحطتين:mad: ضحك عليا (كداااب) وطلع كوبرى وانا المفروض مش تبع الكوبرى (مش عارفة ليه الناس دى بتعمل معايا كده ليه) (قعدت اقول يارب يقع من فوق الكوبرى . . . . ولو موقعش الكاوتش ينفجر . . . . ولو منفجرش البنزين يخلص) المهم انتقام وخلاص |
عايزين نجمع القصه دى يا ترافل ونعملها يوميات رحمه وزينب
هههههههههههههه استمرى كملى الحكايه احنا سامعين :d |
اقتباس:
باااااااااااااااااااااااى يا قمر |
اقتباس:
|
زينب وفرت عليا كتير اوى الحمد لله :d
بس بفكر احكى بردو |
اقتباس:
يارب ميكونش زى المؤرف بتاع الاحصا ده راجل غريب مريب |
ابدأ احكى انا بقي
بســــــــم الله اولا صحيت 6 تقريبا جهزت ف ساعة الا ( وده طبعا رقم قياسي ) :d نزلت من البيت 7 الا ربع كده الحمد لله المواصلات كانت ميسرة وصاحبتى اللى نزلت معايا هرتنى كلام افسادى :d عمالة تسألنى هتدى نمرتك لولد ؟ طيب هتمشي مع ولد لوحدك؟ طيب طيب طيب لحد ما فى الاخر قالتلى كفاية يا معقدة :p وانا فى المواصلة التانية زينب كلمتنى بتقولى انها وصلت الجامعة انا بشرتها انى لسه مركبتش المترو (17 محطة) اساسا :p ربنا يكرمها البنية كان عندنا محاضرة الساعة 8 وانا وصلت الساعة 9 الا ربع كده باب الجامعة وهيا كانت مستنيانى :rolleyes: طبعا هى استقبلتنى استقبال جامد جدا .. بصراحة انا كنت خايفة على نفسي منها :d المهم رحنا ندور ع المدرج بتاعنا ودخلنا المدرج وفضلنا قاعدين شوية بس مكناش عارفين نرغي براحتنا خاااالص لان كان فى عيال بايخة ورانا قمنا غيرنا المدرج ورحنا قعدنا فى ركن بعيد هادى بعد كده فضلنا فترة نرغى نرغى و خرجنا من المدرج رحنا جبنا كرت شحن ليا :d ورجعنا تانى وبردو لا جديد المهم بقي قاموا اتحاد الطلبة جولنا تانى وفضلوا يتكلموا معانا و بعد كده الدكتورة دخلتلنا وفضلت تتكلم شوية كده فى الاول وتختبر معلوماتنا العلمية وطبعا احنا برفكت اوى مقولكوش يعنى :rolleyes: والاولاد اللى كانوا ورانا الحمدلله مهمدوش نازلين تريقه تريقه واحنا كنا بنحاول نمسك نفسنا من الضحك بس ......... :mellow: بعد كده الدكتورة قالت اللى عندو اسئلة وكده زينب عملت فيها ماتريكس مان و رفعت ايديها بقي اوعى :cool: الدكتورة قالتلها اتفضلى قامت زينب واقفة وفاردة طولها وقالت للدكتورة حضرتك قلتى فى 3 حالات للمادة ؤمال البلازما راحت فين :cool: الدكتورة قالتلها لا دى حاالة خاصة وكده .. وقامت مكملة بتسأل زينب انتى عارفة ايه البلازما دى اساسا ؟؟ زينب تنحت و........................ مش هوصفلكم المنظــــــــــــــــــــــــــــــــــــــــــــر ههههههههههههههههههههههههه :d:d (ادينى فضحتك يا سوستى علشان تهددينى براحتك) :p المهم الدكتورة فضلت تقولها يعنى بتتكلمى عنها ومتعرفيهاش وبتاع :p المهم قامت الدكتورة قالتلنا نعمل بحث ع البلازما يعنى زينب لو كانت قعدت ساكتة مكناش اتعاقبنا بسببها :mad: المهم واحنا فى المحاضرة انا كنت بكلم زينب بسمع 10 ورايا يردوا عليا وكذلك هى .. حاجة ظريفة جدا :mellow: بعد ما الست الدكتورة مشيت سألت البناتيت اللى جنبي عندنا حاجة تانية قالولى لأ روحى المهم صاحبتى اللى بتروح معايا مكانتش فاضيالى بقي البنية كانت بتشوف مصالحها ;) ركبت انا وزينب المترو و نزلت انا قبلها بشوية ودعتها و انطلقت الى بداية رحلة العذاب فى المواصلات ارخم حاجة فى المواصلات بصراحة انى مقدرش اقعد غير جنب الشباك وطبعا الشمس كل يوم بتبهدلنى :( حاسة ان خدى الشمال لونه هيتغير عن اليمين :d والحمد لله حاولت احافظ عليا صاحية بانى حطيت سماعات الموبايل فى ودانى وعليت الصوت ع الااااااخر :rolleyes: واول ما وصلت اكتوبر الحمدلله اخدت تاكسي نزلنى عند بيتنا بس وطلعت روقت اوضتى علشان ده كان شرط ان بابا يدخلى وصلة النت للكمبيوتر بتاعى ودخلت المنتدى شوية وبعدها خرجت علشان انام :rolleyes: بس كده :d |
لأ شكله زى بتاع الاحصا يا محمد
ما هى نفس المواصفات تقريبا حسب ما سمعت يعنى ان بتاع الحصاء خطه صغير ووحش وده كده |
اقتباس:
ناس اكبر منك ولا اصغر منك :p -------------------------------------------- اقتباس:
احنا تويسيين الحمدلله :) ازيك انتى :) اقتباس:
حتى انا وصحبتينى كمان ;) كل يوم بين المحاضرات بنتمشى شويه ونروح لكليه شكل بنسلم على اصحابنا فيها ونكمل تمشيه ونرجع لكليتنا تانى او نعدى عليهم قبل مانروح ... اقتباس:
اقتباس:
ربنا يوفقك ويوفقهم ويوفقنا جميعا :) واهلا بيكى ياهنا معانا هنستنا مشاركاتك معانا فى قسم كلية العلوم هنا :) |
هو عمتا قسم كلية علوم محتاج مشرف عليه
اللى شايف نفسه يقدر يسد يتفضل يرشح نفسه النهارده بئا انا مرحتش للاسف راحت عليه نومه يخرب بيت التأليف |
النهاردة كان يوم جاااااااامد جدا
هحكي بليل باذن الله :d |
انا انهرده مش رحت الكليه عشان كان عندنا بس محاضرة لغه والدكتوره كان عندها نيه مبيته انها مش تجى بس انا لسا مش حكيت عن اللى حصل امبارح ;) ححكى باذن الله بس بعد الفطار بعد مااسترد عافيتى :) |
سوستى انا مكسلة اكتب مع ان النهاردة يوم تاريخى :d
|
رحاب تخيلى وانا بقرا ردك عمالة اسال يا ترى مين ده اللى اتلخبط فى اسم البنية :d
يهام مين دى صحيح معلش اصلى كنت صايمة ههههههههههه يلا يا وسام احكى انتى اكيد شفتينا احنا تقريبا اتشهرنا :p |
امممممممم ارغيلكوا فى امبارح لسه دخلتلنا دوك/ فى الكيميا (هى كانت كيميا ولا فيزيا؟):mellow: شكلها كانت كيميا:d (انا لسه صاحية) المهم الدوك/ دى بجد ممتازة جدااااا بتتكلم عن المنهج الاول من زمان وبستطه وبعدين هى قالت انواع المادة 3 : صلبة. . . . سائل. . . . غاز (انا فاكرة انى خدت فى الفيزيا انهم 4) المهم الدوك/ عمالة تقول هما كده صح ولا فى حاجة ناقصة او زايدة؟ انا عمالة اقول فى نفسى ايوة فى . . .حالة البلازما:rolleyes: اسال ريما تقوم قايلالى انا بكره الفيزيا متجيبيليش سيرتها انا رياضة بس كل ما اقولها انا بحب حاجة الاقيها بتكرهها زى العضوية فى الكيميا بحبها ...هى بتكرهها الفيزيا بحبها ... هى بتكرهها هى بتحب الرياضة انا بولع منها:d المهم مش عارفة اسال الدوك. (مكسوفة):mellow:. . واللى زود كسوفى ان اللى بيكح بس المدرج كله بيلف يتفرج عليه:d وقعد ورانا شلة ولاد بس ايه. . عالم رزلة دول لو قعدوا ورانا تانى انا كده ضمنت انى هتطرد المحاضرة الجاية:mellow: لانى مش ضامنة انى اسكت (سبحان اللى كتمنى المرة اللى فاتت) واحدة وقفت تجاوب على سؤال للدوك. هما قعدوا يتريقوا ولما هى جاوبت غلط قاموا قالوا :الاجابة خاطئة لا تحاولى مرة اخرى اترزعى:mellow: (مش عليا انا لسه دورى مجاش):d المهم لاقيت بقى البنات والولاد بيسالوا الدوك. ينفع يسالوها فى المحاضرة عادى ولا لأ وايه نظام الكتب وكده انا عاوزة اسال مليش دعوة (فى حكاية حالة المادة دى) المهم كل ما ارفع ايدى انزلها تان..(عملت الحركة دى 5 مرات) وريما طالعة فى دور عادل امام فى فيلم الارهاب والكباب:d كل شوية تقولى يا بنتى قومى وتشجعنى علشان اقوم وتتريق عليا:( المهم قررت انى ارفع ايدى فا هى شاورت عليا انا شفتها وهى بتقولى اتفضلى سكت كده وكانى مسمعتش ونزلت ايدى (كانى كنت بجرب نظرية رفع القلم):d بس طبعا قمت خلاص المهم قلتلها: حالات المادة ثلاثة(.. . . ..) ينفع ازود عليهم حاجة رابعة اللى هيا حالة البلازما؟؟ هى شرحتلى بقى وقالت فى الاخر تنفع تبقى حالة رابعة ومتنفعش علشان هى بتنتج فى ظروف خاصة فى وسط خاص (مع ان اصلا فى كتاب الفيزيا ثانوية عامة واتحدى فى الباب التالت ...حرارة الفصل الثامن والسادس) (والموائع ..الفصل الرابع) واراهن اى حد على مورو ان طلع كلامى غلط:) المهم الدوك. اتكلمت معايا وناقشتنى وكده وانا قعدت (المدرج كله كان بيتفرج عليا وانا قايمة اصلا عاملة زى الارنب مترددة اقوم ولا مقمش) |
ايه يا حاجة ده
كملى فين حتة لما المدرج ضحك عليكى هههههههههههههههههههههههههههههههههههههههه :d |
اقتباس:
|
كل ده ميجيش حاجة جنب اللى حصل النهاردة
يلا يا سوستى عاوزين ندخل فى الحاجات الجااااااااااااااااااااامدة :d مع زوزو و ريما مش هتقدر تغمض عينتينك :rolleyes: |
(-2-) اول ما الدوك. قالتلى اتفضلى وهى فضلت تشرح انا على طوول قعدت المهم لاقتها بتقولى حيث انك فتحتى الموضوع ده عرفيلى ايه هى (حالة البلازما) انا سمعت كده:huh::huh::huh::huh: قلت لفسى (هه!!) ريما سمعت كده فضلت تضحك وانا بصيت اتكسفت اوى المدرج كله قعد يضحك اصلا ولاقيته بيبصلى (يا كسوفى بقى):mellow: هى ضحكت وقالتلى خلاص يبقى هنعمل سيرش على (حالة البلازما) وكده بقى سيرشين اول ما المحاضرة خلصت سمعت الحلو كله:d تريقة:mellow: خلصت الغلاسة بتاعة اليوم ده مش فاكرة بقى فى ايه تان حصل المهم انى وانا مروحة تهت:d مش فاكرة بقى فى ايه تان فى اليوم ده |
اقتباس:
ليه يعنى هو النهارده كان 6 اكتوبر و انا معرفش :d و انا بقى هبقى اكتب ان شاء الله بس لما ابقى اعرف حد هناك يلا بقى عايزين نعرف تاريخى من ناحيه ايه :rolleyes: و صحيح انا عايز المحاضره الى خدناها انهارده اصلى جيت متاخر و ملحقتش غير اخر ربع ساعه |
ده احنا خدنا ىشوبة تهزييء من هنا للصبح فى محاضرة التحليل الرياضي :mellow:
بس العميد كتمهوملى الحمد لله :d انا وزينب منقلناش حاجة كنا قاعدين نسأل بس :d |
بصراحة يا جماعة بجد الى حصل امبارح لازم يتحكى ويتسجل
لانه بجد كان يوم غريب فعلا ايه اللى حصل ؟ نبدأ بسمــــــــــــــــ الله نزلت من البيت 6 وربع كده تقريبا كنت لوحدى لان صاحبتى نفضت لكليتها المهم ركبت المواصلات العادية و ع 7 ونص كده كلمت زينب اشوف هى فين كنت ساعتها فى المترو وكان المترو ماشي مش واقف :rolleyes: المهم بقولها انتى فين قالتلى الملك الصالح قلتلها ايه ده انا مار جرجس ده فرق محطة واحدة المهم واحنا بنتكلم موبايلى فصل شحن المهم قامت زينب كلمتنى وكان ساعتها المترو واقف بقولها انتى فين دلوقتى قالتلى مار جرجس قلتلها ما انا كمان طيب انزليلى المهم بعد الحوارات الطويلة دى فوجئت بانها نازلة من الباب اللى جنبي يعنى كانت معايا فى نفس العربية فى نفس المترو :mellow: :d المهم فضلنا نتمشي شوية وركبن المترو تانى والحمد لله كنا واقفين ع الباب والمترو فتح مرة وانا مش واخدة بالى وكنت هقع بجد :( والسوسة زينب معرفش لقيتها فجأة فتحت فى الضحك لمدة محطتين تلاتة قدام :(:mad: المهم دخلنا الجامعة واحنا ماشيين كنا عاوزين نعدى من مكان معين بس للاسف كان الرصيف عالى شوية ..(مترين مثلا ارتفاع كده :rolleyes: ) معرفش ايه خلانا نفكر ننط :d انا لسه ببص لتحت :rolleyes: لقيت تشجيع رهيب من الناس اللى حوالينا :cool: طبعا بقي مقولكوش انا النط ده عندى حاجة سهلة انا اصلا لاعبة فنون قتال سابقا :p المهم قعدت ع الرصيف ده وقمت نطيت بالراحة كده ( نظام بنات بقي :rolleyes:) معرفش زينب بقي الموقف اخدها اوى ولقيتها بتنط وهيا واقفة الحمد لله انها نزلت سليمة متكسرتش :p (ولسه يا سوستى :d) احنا نطينا من هنا والله اكبر ع التعليقات اللى سمعناها :mellow: _ جامدة اوى النطة دى على فكرة _ _ _ وانا ماشية مكشرة بالعافية وبحاول ع قد ما اقدر اعمل نفسي مش سامعة لأن العيال كانوا عمالين يضحكونا :( ابص جنبى الاقي الهانم بتجر رجلها اساساا بالعافية من االضحك والله العظيم انا كنت ماشية ماسكة نفسي بالعافية وكل ما ابصلها خلاص بجد بحس انى ممكن اضحك ع ضحكها ده فى اى لحظة بس والله ما كان ضحكها ضحك مياعة العيال دى كانت فظيعة بجد انا مش عارفة كنت مكشرة ازاى :p (واقفة جنبك اهو ):d بس وبعد كده رحنا المدرج بتاعنا :) يتبع |
باقي اليوم
.......... الدكتور دخل وفضل يرغى يرغى وجه ع حلول المسائل الحمد لله الحمد لله انا وزينب قمنا معاه باحلى واجب :d اجمل حاجة فى الموضوع انه كان مش فاهم احنا بنسأل فى ايه بس والله العظيم وبحلف العيال اللى مكانتش بتسأل دى كان نصها قاعد مش فاهم حاجة المهم كل ما نسأل سؤال نسمع تعليقات البنات السخيفة جدا _ ايه ده هما بيسئلوا ليه ما الشرح واضح ؟ _هما ليه عاملين مشكلة من لا مشكلة؟ ولما المحاضرة خلصت بنات كتير جم قالولنا يخربيت الغباء اللى كنتوا فيه طبعا انا اتضايقت جدا و محدش من المتخلفين دول فهم اصلا انا كنت بسأل ف ايه انا دماغى راحت بعيد جدااااا جدااااااااااااا عن التفكير المحدود اللى ف امثلة الدكتور وطبعا كالعادة النظرات الجميلة جدا من بنات دفعتنا والبصات اللى من فوق لتحت عينى عينك حاجة بجد تفرق المهم انا لما لقيت الموضوع قلب بانه كله عمال يقولنا يا اغبيا اخدت زينب وقلتلها عاوزة اسأل الدكتور فى حاجة رحتله وقلتله ممكن اسأل حضرتك سؤال قاللى اتفضلى قلتله هو احنا اغبيا ؟ :mellow: قالى لالالالالالالالالالالالالالا ليه كده قلتلوا كله عمال يقول علي اسالتنا غبية الدكتور نفى التهمة عننا الحمد لله الحمد لله وخرجت الى حد ما راضية عننا مع انى كنت فعلا زعلانة من البنات بيعملوه معانا مع اننا مش بنضايق اى حد يتبع |
انا وزينب طلعنا بره المدرج
ومعرفش بجد ايه التوهان اللى كنا فيه ده فضلنا نتمشي كتير جدا وتقريبا كنا نسينا احنا جايين الكلية ليه .. شوية بسالها فين بتوع علوم قالتلى العميد عاملهم محاضرة قلتلها واحنا واقفين هنا ليه بقي :mellow: المهم اتصلت بصحابنا الندلين قالولنا ان العميد موجود وانه هيبدأ وكده المهم 10 دقايق وكنا هناك دخلنا لقينا مكان فاضي بس على البنشات الى ع الجنب الاجتماع ده كان مسلى لدرجة انى حطيت راسي ع البنش صحيت بعدها بربع ساعة كده الغريب انى صحيت لقيت زينب عمالة تتكلم معرفش كانت بتكلم مين :d ولما قلتلها . انتى بتقولى ايه ونووية ايه :huh: قالتلى ده الدكتور اللى قال قلتلها ع فكرة انا كنت نايمة :d لقيتها سكتت شوية وقالتلى .. بجد :mellow::d المهم قعدت تحكيلى عن اللى اتقال وكده :cool: وشوية بعد العميد ما خلص رغي هو ورؤساء الاقسام فتح باب الاسئلة اللى كانوا موجودين طلاب علوم حلوان كلها بال3 شعب بتوعها :d الاسئلة الحلوة من الطلاب الحلوين اخذت تتوالى :rolleyes: وانا رفعت ايدى معرفش ايه الجرأة دى :mellow: ده احنا كنا معديين ال 500 واحد ودى ناس كبيرة مبتهزرش :( اول ما العميد قالى اتفضلى حسيت ان نفسي الارض تنشق وتبلعنى :rolleyes: اخدت نفس وسالنى عن اسمى قلتله رحمة قالى اسمك جميل وكده :cool: قلتله انا كنت عاوزة اسأل سؤالين قاللى اتفضلى :) قلتله السؤال الول عاوزة حضرتك تجاوبنى بس ب( آه) او (لأ) قالى فيها احراج ولا ايه :d قلتله لا لا لا عادى :rolleyes: المهم كل ما اسأل السؤال يقوللى على صووووتك لحد ما قالى انزليلى هنا احسن معرفش ايه خلانى اتشجع اوى والبنات اللى جنبي قامت بقي ونزلتله :cool: لقيته بيديلى الميكروفون وبيقولى بعد ما نزلتى ده كله يا ريت تاخدى الميكروفون بالمرة :d انا اتخضيت طبعا ورجعت لورا ( ميكروفون ايه يا عم بلاها اسئلتى انا غلطانة :d) قام قاللى خلاص اتكلمى :rolleyes: قمت قلتله _ بما ان حضرتك وكل الاساتذه اللى قاعدين دول كنتوا متفوقين .. هل يا ترى كنتوا بتسألوا الدكاترة بتوعكوا وناس تتريق عليكوا وتقول ايه الاغبية دول العميد قاللى ااااااااه :d قمت جريت ع البنش بتاعى بسرعة بسرعة :mellow: وقام العميد قالهم زميلتكم سألت سؤال مهم جدا وقالى تحبي اقوله لزمايلك :rolleyes: قلتله ايون ايون :d قام بقي كبس العيال العبيطة كلها اللى معانا فى الشعبة اللى اتريقوا علينا فى المحاضرة الصبح وقالهم .. زميلتكم بتسأل كذا كذا وقام قالى انتى مش غبية ابدا ومفيش سؤال اسمه سؤال غبي واصحابك اللى اتريقوا دول هما اللى اغبيه لأنهم مش فاهمين سؤالك اصلا ووووووووووووووووووو كنت هاين عليا اطلع للعيال لسانى بس قلت احتفظ بالبقية الباقية من عقلى :rolleyes: بس اول ما خلص فضلت ادعى ميفتكرش انى كنت عاوزة اسأل سؤال تانى وزينب رفعت ايديها والحمد لله العميد قومها وبعد كده قالها استنى رحمة كان عندها سؤال تانى :d انا بلمت :mellow: ووقفت وقلتله انا عاوزه اعمل حاجة بالكلية بتاعتى وكده وعاوزة احقق انجاز و و و و من الاخر عاوزة اخد نوبل :d يا ترى اقدر اعمل ده امتى قالى من النهارده قلتله وانا مستعدة :cool: بس وفضل يقوللى انضمى لاسرة العلوم واجتهدى و و و و وقالى كلمة جامدة جدا قالى وهبقي اسأل عليكى وهتابعك هييييييييييييييه :d عميد الكلية سخصيا عرفنى :p المهم بعد كده زينب قامت وسألته عن اذا ما كانت عاوزة تبقي معيده تجيب امتياز فى الاربع سنين وكده فضل يرغى كتير وقالها لا وبتاع ومعرفش ايه وفى نص الكلام قالها كذا كذا زى رحمة :d مش فاكرة الجملة بس فاكرة انه ضرب بيا مثال :cool::cool: زوزو قعدت واول ما خلص الاجتماع ده واحنا ماشيين بنات تقولنا ايه الجرأه دى وبتاع وبنات تانى بيستلمونا من تحت لفوق و بقرف بس كده وروحنا انا تعبت زينب ابقي كملى :( |
| جميع الأوقات بتوقيت GMT +2. الساعة الآن 05:32 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.