![]() |
فيدونا ازاى نذاكر الفيزيا والعربى بكل فروعه :028ja7:
|
اول حاجه تكون داخل قوي في الانجليزي و العربي و اللغه التانيه و عامل حسابك انك تخلص في شهر 2 واهم حاجه تكون حاطط ليك هدف كبيير و متنساهوش وبعد كده خد الكتب بتاع المراجعه النهائيه بتاعات السنه اللي فاتت لأن كتب المراجعه النهائيه مبتنزلش في شهر 2 و بعد كده بعد ما تخلص المراجعه الجزئيه و ده يستغرق شهر و نص نبدأ في حل الامتحانات و هي دي اهم حاجه و تخلص في كل ماده ميقلش عن 25 امتحان طبعا بتركيز و تخلي المدرس يصححلك زي ما في الامتحان النهائي و ربنا يوفق الجميع ان شاء الله
|
نصيحة الناس تبدأ من دلوقتي تذاكر وتعتمد علي نفسها في فهم المعلومة واسأل المدرس في اي حاجة مش فاهمها حتي لو تافهه صدقني مجرد ما تسأل السؤال وتعرف الاجابة ((((عمرك ما هتنساها )))) بدون رغي كتير نيجي للمهم ..
في شرح علي اليوتيوب لكل الازمنة في اللغة الانجليزية بطريقة مبسطة هتفيدك جدااا علي اللينك دا https://www.youtube.com/watch?v=rlbF...453BIxknfoBiwZ ومعاني الكلمات احفظ كتيييير هتفيدك قدام في اللغة .. الفيزياء يا جماعة لو فهمتها مش هتحتاج جهد كبير ف الحفظ حل مسائل بايدك كتيير واعرف كل الافكار الي وردت في الامتحانات علي الجزئية الي انت بتزاكرها . ودا لينك ع اليوتيوب لشرح الكهربية من الصفر شرح اكثر من رائع في تعريف الكهربية وشدة التيار الكهربي وقانون اوم والترانزستور وانواعة وطريقة العمل كل فيديو لا يتعدي 27 دقيقة لو شاهدت كل يوم فيديو واحد فقط يكفي عشان تبدأ مع المدرس وانت عارف بعض المفاهيم الاساسية عن الكهربا والفيزيا https://www.youtube.com/watch?v=U_hw...i-CMNgmpybv7ei وبالتوفيق ان شاء الله |
اقتباس:
ولو عايز تحلل مسائل كتير يبقي كتاب الامتحان http://www.almoallem.com/banner/Phy_3S_0A.jpg ثانيا : شرح اليوتيوب للمهندس وليد عيسي مفاهيم اساسية عن الكهرباء والتيار الكهربي وقانون اوم بحيث لما تبدأ مع المدرس تبقي فاهم هو بيتكلم عن اية !! العربي بقا تقريبا كلة حفظ |
اقتباس:
|
اقتباس:
Stevaniii شكرا انت طمنتيني .... انا عارفه ان مجموعي في 1و2 ملوش علاقه بس عندي شك ان اللي جاب مجموع زي ده في 1و2 صعب انو يجيب اعلى من كده في 3 و معنديش اي امل بس ان اء الله خير... عموما حتى لو مجبتش مجموع هيبقى ده خير اكيد و الحمد لله و ربنا يوفقق في كليتك |
اقتباس:
مسائل كتاب الوزارة مهمة جدا خصوصا في الماده دي كل درس بيبقي علية حوالي 6 او 7 افكار للمسائل الامتحان مش بيخرج عنهم بصي حضرتك الديناميكا يعني حركة وطالما الجسم بيتحرك يبقي احنا بنتعامل مع مســافة وسرعة وعجلة (displacement , velocity .acceleration) وفي علاقة تربط الثلاثة مفاهيم دول ببعض وهي (((((( التفاضل )))) ديناميكــا يعني حركة بصي حضرتك للشكل ده http://www.faqs.org/docs/electric/Semi/03356.png الموضع ( position( لو معادلة من الدرجة الثانية(ص=س^2 - 2*س+3) مثلا يعني curve بالشكل دا لما افاضلة هيديني معادلة للسرعة الي هي عبارة عن خط مستقيم (ص=2س - 2 ) مثلا ولما افاضل السرعة هيديني العجلة (خط ثابت ) -2 وهكذا .... هي دي مسائل الديناميكا وكمان هتدرسي قوانين نيوتن للحركة (القانون الاول والثاني والثالث) هلخصه ليكي ببساطه لو عندي جسم يتحرك علي مستوي مائل بالشكل دا http://eschooltoday.com/science/simp...plane-kids.jpg الشكل دا اسمةproblem diagram دا شكل المشكلة علي طبيعتها علي ارض الواقع محتاج انا كمهندس ادرسها مع نفسي كدا واشوف هحلها ازاااي ؟؟ ابدا اعملها رسم كروكي او بمعني اصح اشوف القوي الي بتأثر ع الجسم دا وارسمها لوحدها في رسمة تانية خالص اسمها (free body diagram ) بالشكل دا https://cdn.kastatic.org/ka-perseus-...08b6ebcaad.png ابدا بعد كده اشوف القوي المؤثرة علي الجسم دا 1 - وزن الجسم عمــــــــــودي لاسفل (w= m *g ) ويساوي كتلة الجسم بالكيلوجرام مضروبا في عجلة الجازبية الارضية وتساوي 9.8 م/ثانية تربيع 2- قوة رد الفعل (normal force ) ودي بتكون عمودية علي السطح . 3- قوة الاحتكاك (friction force ) ودائما بتقاوم حركة الجسم واتجاهها عكس اتجاه الحركة وليها حالتين لو السطح ناعم (smooth surface) اذا قوة الاحتكاك مهملة ولو السطح خشن يبقا ليها قيمة واخدها معايا في الحسبان . http://static.newworldencyclopedia.o...e_body.svg.png اذا .......................... لو جمعت كل القوي دي مع بعض وحطيت الناتج في طرف ونساوية ب (m *a ) حاصل ضرب الكتلة في العجلة m * a يبقا هو ده قانون نيوتن التاني للحركة وقولنا ان العجلة دي تلات كلمات (معدل تغير السرعة ) يعني لو الجسم يتحرك بأقصــــــــــي سرعة معناها انة ماشي بسرعة ثابتة وبالتالي مفيش تغير ف السرعة يبقي الطرف اليمين في المعادلة عندي بصفر وكل المسائل هتلاقيها بالشكل ده ....... جسم كتلة (.....) يتحرك بسرعة منتظمة علي مستوي مائل بزاوية (كذا درجة ) ومعامل الاحتكاك للسطح (.........) احسب رد الفعل ....... ابدا افصل الجسم في رسمة لوحده واحط كل القوي المؤثرة علية واجمعها واساويها ب (m*a ) > سهلة جدا جدا جدا وايضا طاقة الحركـــــــــــــة .. وطاقة الوضع ...الي هي زي حركة بندول الساعة بصي حضرتك في فيديو روعة ل Walter Lewin بيشرح ميكانيكا وفيزيا بطريقة ممتازة انصحك تسمعي لية ولو نصف ساعة يوميا https://www.youtube.com/watch?v=4a0FbQdH3dY https://www.youtube.com/watch?v=q9IW...mCj9qhlFQ-As8e بالتوفيق واسف ع الاطالة |
http://news.mit.edu/newsoffice/sites...ges/lewin1.jpg
https://userscontent2.emaze.com/imag...cfe308cbb6.jpg https://3.bp.blogspot.com/-zFoY5OgTE...a0FbQdH3dY.jpg شرح الفيزياء والميكانيكا علي اللينك :d:d:d:d https://www.youtube.com/playlist?lis...mCj9qhlFQ-As8e https://www.youtube.com/watch?v=4a0FbQdH3dY |
Eng_Muhammed شكرا شكلها زي 2ث بالظبط و دي حاجه كويسه اوووى لان كانت 2 حلوه بس كانت المشكله في الوقت بس 3 طويله و اكيد مفيش مشكله الوقت دي بس عايزه اعرف الامتحان في الرياضه عموما بيجي صعب اخر السنه و لا ايه ؟؟
|
اقتباس:
|
اقتباس:
|
اقتباس:
وكتاب المعاصر كويس بردك بس قبل ما تذاكري من الكتب الخارجية تكوني حاله كل مسائل((((((( كتاب الوزاره))))))))))) ودليل التقويم فية مسائل صعبة بس ممكن تسألي المدرس فيها عشان تقفلي رياضة 2 بكل فروعها لازم تحلي مسائل كتييير علي كل درس يعني مثلا درس " طاقة الحركة وطاقة الوضع "في الديناميكا تحلي مسائل كتاب الوزارة علي الدرس ده الاول ولو خلصتي تحلي مسائل الملخصات ولو مسألة سهلة او عارفه حلها عديها ومتضيعيش وقت وشوفي مسأله غيرها تكون صعبة بحيث تجمعي اكبر قدر من الافكار .. بالتوفيق ان شاء الله |
اقتباس:
|
مادة الاحياء كنتو بتحفظوا الرسومات ازاى 😂
لان لما يكون فى اكتر من رسمة الموضوع بيبقى رخم شوية .. ! 💔 |
اقتباس:
سهله تتذاكر ليلة الامتحان |
[QUOTE=Eng_Muhammed;1065704408]كان علي ايامنا دفعة 2012 ثانوية عامة بنذاكر من كتاب المحاضر ودا كتاب كويس اوي مش عارف لسة موجود ولا لأ
وكتاب المعاصر كويس بردك بس قبل ما تذاكري من الكتب الخارجية تكوني حاله كل مسائل((((((( كتاب الوزاره))))))))))) ودليل التقويم فية مسائل صعبة بس ممكن تسألي المدرس فيها عشان تقفلي رياضة 2 بكل فروعها لازم تحلي مسائل كتييير علي كل درس يعني مثلا درس " طاقة الحركة وطاقة الوضع "في الديناميكا تحلي مسائل كتاب الوزارة علي الدرس ده الاول ولو خلصتي تحلي مسائل الملخصات ولو مسألة سهلة او عارفه حلها عديها ومتضيعيش وقت وشوفي مسأله غيرها تكون صعبة بحيث تجمعي اكبر قدر من الافكار .. بالتوفيق ان شاء الله ان شاء الله ... ليل التقويم ده بستلمه من المدرسه ولا بششتريه و بجيبه اول السنه و لا اخرها ؟؟ |
[QUOTE=radwa bakry;1065704820]
اقتباس:
والله علي حسب مقدرتك في حل المسائل ممكن مش تشتريه خالص اخر السنة افضل وقت المراجعه . |
نصائح للمزاكره ...
لكل مادة يكون في كشكول للمسائل والافكار المهمة علي كل درس مكتوبة بخط الايد وبالترتيب من اول السنة لان المعلومة الي بتتكتب بخط الايد وتبص فيها كل يوم قبل النوم عمرك ما هتنساها حتي بعد الثانوية ما تخلص وتدخل الكلية هتفضل المعلومات دي ثابتة .. الفيزياء مثلا اخدت اول درس الكهربية ابدأ اعملها كشكول ولما ارجع البيت ابدأ اكتب الي اتشرح النهارده اولا النظري : 1- التيار الكهربي هو ..... 2- شدة التيار .... 3- الامبير ... 4- الفولت ..... 5- القوة الدافعة الكهربية .... وهكذا ابدأ اعرفهم بناء علي الي فهمتة من شرح المدرس القوانين ... 1- v=IR >>> وهكذا اسجل كل القوانين التعليلات .. مش الفيزياء بس.. كل المواد نفس النظام امسك كل درس وابدأ اقسمها جزء جزء لحد ما المنهج يخلص .. مهم جدا المزاكره اولا بأول..وقبل النوم ابدأ تبص في المعلومات الي انا كتبتها دي واقرأها اكتر من مره . https://cdn.lynda.com/courses/143455...x480_thumb.jpg ثانيا :ادارة الوقت ... احد اهم اسباب النجاح والفلاح في الدنيا والاخره هي الاستغلال الامثل للوقت حاول تستغل كل دقيقة في اليوم سواء كان مذاكرة او حفظ . http://zedony.com/er/190300b6452a6ea...e6d82310c6.jpg كورسات د/ ابراهيم الفقي في ادارة الوقت اسمع كل يوم ولو 20 دقيقة بس هتسفاد كتير . http://www.taday.ru/data/2017/04/13/...-1-768x512.jpg ثالثا ودا الاهم .. هي السؤال بمعني انك تسأل المدرس عن كل حاجة انت مش فاهمها لان لما الطالب يسأل المدرس ويتناقش معاه ويطلب منه تكرار الشرح مره واتنين دا بردك بيثبت المعلومه عندك . |
اقتباس:
عادي اهم حاجه تبقى شبه الرسمة و البيانات واضحة وصح و الرسومات بتكرري فيها كل شوية ..ف الاخر هتبقي اجادتيهم احفظوها من كتاب المدرسة و خلوا بالكم من الكلام اللي بيبقى تحت كل رسمه متقلقش منها كلنا كنا بنستصعبها |
نصايح البشمهندس رائعة ياريت تعملوا بيها
____________ مجرد تنظيمة للي محتار ف تنظيم الوقت و خايف يذاكر مادة على حساب مادة -كل يوم ذاكر عربي - زائد مادة لغة (انجلس أو فرنش) - زائد مادة علمية (فيزيا أو كيميا) - زائد مادة من مواد التخصص (احياء او جيولوجيا) ، (رياضة بحته أو تطبيقية ) |
بالتوفيق يا حبايبي❤
|
جزاكم الله خيرا
انا عندى استفسار انا مدرستى الطلبه بيروحو لحد نص شهر12 تقريبا الترم الاول والترم الثانى لحد شهر 3 وبعدين بيغيبو بس انا عايزه اسأل هل دا كويس يعنى ولا انقل مدرسة تانيه بس والله المدرسه فيها مدرسين جزاهم الله خيرا مش بيسيبو حاجة غير اما تتشرح وشرحهم حلو جدا بس انا خايفه روح المدرسة اكون بضيع وقت انا هروح المدرسه مثلا الساعه 7 علشان المدرسة بعيدة شوية والطابور بيقف على 7:20 وهرجع الساعه 12 واروح الدروس على واحده على اما ارجع تكون جات اربعه هذاكر اللى اخدته فى الدرس طب كدا انا هراجع امتى اللى فات علشان انا ذاكرتى ضعيفه بشكل كبير شكرا ليكم وجزاكم الله خيرا |
انا من رايي تنقلي مدرسة تانية تكون متهاونه ف موضوع الغياب دا
الساعه بالنسبة ليكي مهمه جدا .. والطلوع والنزول الكتير بيتعب الجسم ..انتتي او اعدتي تذاكري فترة المدرسة هتحصلي احسن من اللي بيروحوا ربنا معاكي ياحبيبتي❤ |
لو سمحتم بما ان المفروض نذاكر من كتاب المدرسة عشان تبقى الاجابة نموذجية والكتب بتنزل شهر 10 لما المدرسة تفتح طب في الشهرين دول نذاكر منين ونعمل ايه ؟ غير ان المفروض نذاكر من مصدر واحد وهنبقي اتعودنا على المذكرة الى بنحفظ منها ؟ وكمان كتاب المدرسة شكله مش بيفتح النفس وكده ؟ واخاف احفظ من مذكرات الاساتذة ومتطلعش نفس اجابات المدرسة فأعمل ايه ؟
وانا لو جبت في العربي كتاب الرسالة والامتحان والانجلش ذا بيست وسنيور والفرنساوى جينيل والجيولوجيا الامتحان والاحياء الامتحان وممكن النفيس معاه والكيمياء الامتحان والوسام والفيزيا الامتحان والوسام ونيوتن والمثالي دول حلوين ولا ايه ؟ والكتب دى كده كتير ومش هعرف اخلصها ولا ايه ؟ ولما يكون معايا كذا كتاب للحل اعمل ايه ؟ وبالنسبة لامتحان الانجلش الي بيجي برا المنهج طب انا كده هذاكره ازاى ؟ وامتحان الفيزيا والمواد العلمية بجد المسائل بتيجي برا المنهج ولازم واحد ذكى يحلها ولا اعمل ايه واجمعهم ازاى ؟ |
ولو انا هروح في اول شهر لكذا مدرس عشان اجربهم بس واختار مين احسن للاسف دفعت لكله وادبست خلاص يعنى عندى كل يوم اربع مواد اعمل ايه في الشهر ده ؟ واذاكره ازاى ؟
والاحصاء دى ابتدتى اخدها امتى ؟ واخد درسين فيزيا عشان مدرس شرحه مش قد كده ومراجعته مهمة ولازم اروح واحد معاه ولا مروحلوش اصلا ؟ معظم المدرسين الى عندنا مش قد كده يعني اروح لحد بفهم منه جدا واذاكر واحل مع نفسي واسأله لان معظمهم مراجعتهم قليلة ولا اعمل ايه ؟ |
اقتباس:
المشكله دي كانت بتقابلنا بردو ... ذاكر المواد العلمية ومواد التخصص من كتاب الامتحان لانه بنسبة كبيرة جدا شبه كتاب المدرسة ...ولما كتب المدرسة تنزل لازم تراجع كل كلمه فيه وتشوفها شبه كتاب المدرسة ولا لا .. ولو شوفت سطر زيادة تكتبه في كتاب الامتحان . (لكن الحفظ من كتاب المدرسة كمصدر اساسي صعب شوية لان كتاب المدرسة معقد ) بالنسبة للادب والتعليق على النص لازم من كتاب المدرسة لان المذكرات عمرها مابتلم كل التفاصيل اللي الكتاب جايبها ..واللي بتيجي ف الامتحان |
هتاخد بالكتير تلات او اربع دروس ف الادب قبل كتاب المدرسة ما ينزل
احفظهم من المذكرات سؤال وجواب .. ولما يجي كتاب المدرسة .. هتلاقي نفس الكلام بس مفصل شوية فيه تفاصيل كدا المذكرات مذكرتهاش ..حاول تقرأه كتير من كتاب المدرسة وعلى مدار السنه عينك هتاخد عليه .. يعني حفظ الادب من المذكرات اجعله شئ مؤقت بس الشهرين دول |
ط§ظ„ط¹ط±ط¨ظٹ ظ‡طھط¬ظٹط¨ ط§ظ„ط±ط³ط§ظ„ظ‡ ط´ط±ط* ظˆط§ظ„ط§ظ…طھط*ط§ظ† ط*ظ„ .. ظˆط¹ظ„ظ‰ ط´ظ‡ط± 12 ظ‡ط§طھ طھط·ط¨ظٹظ‚ط§طھ ط§ظ„ط±ط³ط§ظ„ظ‡
ط§ظ„ط§ظ†ط¬ظ„ط´ ظ‡ط§طھ ظƒطھط§ط¨ظٹظ† ..ط*ظ„ ظپ ظƒطھط§ط¨ ظˆظ„ظˆ ط*ط¨ظٹطھ طھط§ظƒط¯ ط¹ظ„ظ‰ ط¬ط±ط§ظ…ط± ظ…ط«ظ„ط§ ط*ظ„ ظپ ط§ظ„ظƒطھط§ط¨ ط§ظ„طھط§ظ†ظٹ ط¹ظ„ظ‰ ظ†ظپط³ ط§ظ„ط¬ط±ط§ظ…ط± .. ط´ظˆظپ ط§ظ„ط³ط¨ظٹظƒط±ط² ط§ظ„ظ„ظٹ ظپظٹظ‡ ظ…ط«ظ„ط§ .. ظˆظ‡ظƒط°ط§ ..ظˆظپ ط§ظ„ظ…ط±ط§ط¬ط¹ط© ظ‡ط§طھ ظƒطھط§ط¨ ظƒظˆظٹط³ ظ†طµظٹط*ط© ظ…ظ†ظٹ .. ظ…طھط¹ط¯ط¯ط´ ظƒطھط¨ ظپ ط¨ط§ظ‚ظٹ ط§ظ„ظ…ظˆط§ط¯ ط؛ظٹط± ظ„ظ…ط§ طھط®ظ„طµ ط§ظ„ظƒطھط§ط¨ ط§ظ„ط§ظˆظ„ط§ظ†ظٹ ظˆ طھط*ط³ ط§ظ†ظ‡ ظ…ط´ ظƒظپط§ظٹط§ ظ‡طھظ„ط§ظ‚ظٹ ط§ظ„ظƒطھط¨ ظƒطھظٹط± ظˆظ‡ظٹطµظٹط¨ظƒ ط*ط§ظ„ط© ط§ط*ط¨ط§ط· ظ„ط§ ظ‚ط¯ط± ط§ظ„ظ„ظ‡ |
اقتباس:
معلش لو فيه ازعاج ممكن حضرتك تكتبي الكلام تانى للافادة ؟ |
انا بعتذر مش عارفة الكلام ليه وصل كدا
بالنسبة للكتب انا انصحك متجبش كتاب غير لما التاني يخلص .. لان هتلاقي الكتب كتير و انت مش بتحلها كلها ف ممكن يجيلك احباط لا قدر الله انا و صحابي كلهم اللي جابوا 98 و 97 كنا معتمدين على كتاب واحد ف المواد العلمية + مذكرات المدرسين واوراقهم اللي مش بتنتهي طيب انت بتحل ف كتاب مثلا ف مادة من المواد واسئلته بالنسبالك مش كفايا ..ف الحالة دي هات كتاب تاني وحل من الاتنين دايما والمواد دي زي الانجلش و ممكن الفيزيا |
العربي: هات الامتحان للحل ممتاز جدا + كتاب الرساله شرح اكترر من ممتاز لانه بيجيب مفردات كتير و ف النصوص بيجيب جماليات ومحسنات بعض الكتب مش بتذكرها (في المراجعه هات الرساله كتاب اكتر من رائع في المراجعه )
الانجلش : زي ما قولتلك هات كتاب و بنسبة كبيرة هتحتاج كتاب تاني زي ما قولتلك (ذا بيست وسينيور كويسين ) الفرنش : جينيال تمام اوي ..ف المراجعه بقا انصحك بميرسي باقي المواد العلمية : كتاب الامتحان شرح وحل ممتاز جدا و ف المراجعه كويس جدا |
اي سؤال باذن الله و هحاول ارد عليه عشان اقدر اساعدكم باي شئ ❤
|
بجد شكرا جدا
طيب انا كنت بفكر اجيب الامتحان والوسام كيميا عشان بيقولو ان الامتحان جيه صعب وكده فاتدرب على المسائل وبيقولو كتاب الوسام ممتاز اكتفي بالامتحان وخلاص ؟ انا كنت هجيب 4 كتب في الفيزيا بس لما حضرتك قلتى كده غيرت رأي فهجيب الامتحان بس وهحتاج معاه كمان واحد اجيب المثالي ولا الوسام ولا نيوتن ؟ الصراحة انا بميل للمثالي ايه رأي حضرتك ؟ وايه رأي حضرتك في كتاب واحد مجمع كل المواد اسمه 2500 سؤال ده ؟ وهل ذابيست احسن من توب ؟ واجيب في المراجعه اخر السنة أيه في الانجلش ؟ واجيب في المواد العلمية ايه ايام المراجعة ؟ ودليل التقويم اجيبه في اول السنة ولا اخرها ؟ |
اقتباس:
لو سمحتي أنا عندي تناقض ف موضوع الكتب ده بقول اتعامل مع كتاب خارجي واحد لكل مادة وبعد ما اخلصه ابدأ ف اللي بعده بدل ما اشتت نفسي وبرجع اقول كتاب واحد مش كفاية واهو ممكن السنة تخلص ومفتحش غيره فاجيب كذا كتاب احسن ايه الاحسن حضرتك؟ |
اقتباس:
|
هو انا مثلا لو عندى مادتين في اليوم مثلا هنقول انجلش واحياء المفروض لما احفظ الاحياء احل عليها وبعدين احفظ الانجلش واحل عليه ولا احفظ الانجلش والاحياء وبعد كده احل عليهم هما الاتنين مع بعض ؟
لان بالنسبالي الحفظ بياخد مجهود اكتر وكده فاخلصه الاول وبعد كده احل علي رواقة ولا ايه ؟ واكيد بيبقي عندى وقت للحل مش كده ؟ |
اقتباس:
كتاب الوسام عربي وكيميا وفيزيا فيهم مستويات عاليه . كتاب الامتحان لو اكتفيت بيه في الكيميا كويس جدا بس متسيبش سؤال واحد فيه منغير ما يتحل ... لقيت انك ماشي تمام فيه وبتخلص حل اسئلة الدروس اللي بتاخدها و حاسي انك عاوز تاكد حل على الدرس دا تاني .. هات الوسام و هيقابلك بعض النقاط الفنية اللي محتاجه فهم كويس ... الوسام ف الغالب مش بيتحل كله .. انت بتبص على الاسئلة اللي معدتش عليك قبل كدا اللي هي الفنيات دي والباقي هيبقا متكرر باذن الله |
بالنسبة للفيزياء : المستر كان دايما يقولنا الوسام فيه اسئلة كتير خارجه .. يعني بيخاطب مستوى عالي ف بيخرج عن المنهج شوية ..هو اكيد بيعلي تفكيرك و ذكائك بس انا من رايي بلاش تضيع وقتك فيه
بالنسبة للمثالي انا صراحة معرفوش بس المستر كان معاه كتاب الشامل ..بصراحه كتاب محترم كان بيجيبلنا منه اسئلة كويسة و مستويات عالية بؤدو وفيه ميزة مش في اي كتاب ..انه بيجيب اسئلة الدول العربية مساله كيرشوف بتاعت 2016 محدش عرف يحلها ابدا ..على الرغم ان فكرتها كانت بتيجي كتير ف الدول العربية .. مسالة الكهربية بتاعت 2015 كانت صعبة بالنسبة لناس كتير على الرغم ان الكتاب كان جايبها بالضبط .. وانا كنت بتابع دكتور اسلام على اليوتيوب قناته اسمها dr nephario هو ف طب بشري جامعة عين شمس كان رشح كتاب الامتحان والوسام والشامل و قال انه كان بيشتغل منهم (الامتحان فترة الشرح و الوسام والشامل مراجعة ) |
بالنسبة لكتاب الاول 2500 سؤال
هو كتاب ف كل مادة فيه 2500 سؤال كتاب بيكرر الاسئلة بشكل ممل جدا .. بيجيب سؤال على كل حرف وكل كلمه وبتبقي اسئلة تافهه ...ممكن يكون دا كويس لناس وسئ لناس تانية انا جبته في الجيولوجيا في فترة المراجعة ..كان حلو ف الجيولوجيا لانها مادة تفاصيل كتير و هو خدمني ف كدا ..دا غير انه بيجيب رسومات حلوة جداا في الجيولوجيا وبعض اسئلة التكات .. لذلك انا انصحك بيه في الجيولوجيا بس |
مجربتش ذا بيست بس اسمع انه كويس جدا وف مستوى الامتحان .. اما توب ف هو عالي شوية .. وعاوز حد متمكن من الانجلش
بالنسبة للانجلش انا جبت ياسرز نوتس ف المراجعة بس للاسف مش متوافر ف محافظات كتير ...وكان معايا توب استيودنت طول السنة بحل منه المواد العلمية مراجعة هات الامتحان شئ اساسي كل لما المادة راجعتها بدري وخلصتها كل ما هتحتاج تحل اكتر ف هتضطر تجيب كتاب تاني يعني مثلا الجيولةجيا خلصناها ف 2 فضلت احل ف الامتحان لحد شهر 4 جبت كتاب الاول 2500 حليته لحد شهر 5 بعد كدا حليت امتحانات شاملة اما باقي المواد كان معايا الامتحان و مذكرات مدرسيني بتاعت المراجعه وكانت كافية جداا دليل التقويم جبناه من اول السنه من المكتبات وحليناه وبعد كدا على شهر 4 الوزارة نزلت واحد تاني خالص روحنا نزلناه وحليناه ..يعني حلينا دليلين انا بنصحك استنى لما الوزارة تنزلوا رسمي او تنزلهم على صفحتها عشا متضيعش وقتك ومجهودك وفلوسك على الفاضي |
اقتباس:
|
بعد اذنك هو انا لو جالى كتب كتير بتاعت 2017 السنة الى فاتت الامتحان على نيوتن على كل الاسماء تقريبا هل اكتفي بيها ولل لازم اشتري طبعة 2018 خصوصا في الكتب الاساسية زى كتاب الامتحان ؟
|
مش ضروري تشتري ملخصات 2018 طالما عندك الكتب القديمة مش بتختلف كتير علي فكرة ..هو امتحان جديد بس بيضاف والباقي زي ما هو ..
|
اقتباس:
|
اقتباس:
|
اقتباس:
بالنسبة للاضواء .. سنتنا كان المنهج متغير تماماا،،، ف الكتب نزلت بسررعه جدا ..والكتاب كان فيه اخطاء كتير .. لكن اعتقد السنه دي ممكن يصححوا الاخطاء دي لانه كتاب قديم وليه وضعه توكل على الله وهاتهم طالما مدرسينك هيشتغلوا منهم |
نصيحة :
-محدش يأجل مذاكرة انهاردا لبكرا لو لقيت نفسك بتأجل اعرف انك هتبدا تمشي غلط تماما . -بلاش تمشي ورا اصحابك هنتعشى بعد الدرس ولا نجيب اكل ولا نتفرج على ماتش او غيره .. مش معناه انك تقفل على نفسك... بس الترفيه ف الوقت اللي انت تحس انك محتاج تفك فعلا ..يعني انت اللي تقرر ..او تعمله مكافأة لنفسك لو مثلا خلصت شابتر كذا انهاردا او مثلا قفلت امتحان كذا او مثلا ذاكرت 3 ساعات بضمير .. مش يبقا روتين عندك لان دي سنه مهمه . -النوم من 6 ل8ساعات متتنتزلش عنهم ابدا .. متخليش الحماس ينيمك 4 ساعات بس ..ومتخليش الخوف والرغبة ف الهروب من اللي وراك ينيمك 15 ساعه . هتندم -متغيرش المدرس من بعد شهر 10 و متاخدش درسين ف مادة -متخليش الخمول بتاع شهر 12 و1 يوقفك او يعطلك .. حارب نفسك وشهواتك و طبيعتك بكل قوتك . -اهم نصيحة لازم عشان تذاكر صح يبقا ذهنك فاضي و دا مش هيحصل غير لو عندك سلام داخلي .. صالح نفسك من جوا و خد نفسك بشئ من الشدة و خد عهد انك هتبطل اي حاجه غلط بتعملها ف حياتك و هتبقى دي نهايتها .. صالح والدك ووالدتك صالح اخواتك صالح زمايلك خليك محترم عشان تليق بالهدف اللي بتسعى ليه ❤ |
اقتباس:
|
بسم الله ما شاء الله
stevani شغالة نصايح الله أكبر وبشمهندس محمد برضه حاجة فلكية .. كنت فين السنة اللي فاتت :D أنا متفق مع 99% من الكلام اللي بيتقال هنا كنت حابب أدخل أرد على أي سؤال كده بس لو اتكلمت بعد الكلام اللي بيتقال ده منظري هيبقى وحش بالنسبة للي بيسأل عن كتاب المثالي فيزياء .. بحكم إني كان معايا الكتاب وحكم إني كنت باخد مع مؤلف الكتاب شخصياً أ.أحمد سليمان الكتاب كويس جداً ، بس فيه غلطات وعيوب شوية كويس في عرض النظري وفي مطابقة كتاب المدرسة .. وفي كمية المسائل المحلولة الموجودة في كتاب الشرح ، مسائل محلولة كتيرة جداً ، وفيه بعض المعلومات الزيادة الكويسة في الفيزياء الحديثة ، ولامم الوحدات المكافئة بطريقة رائعة للي عنده مشاكل فيها . الكتاب فيه غلطات مطبعية شوية كتاب المثالي أسئلة كويس وعادي بس مفيهوش - تقريباً- زيادات كتير عن كتاب الامتحان .. هو بس بيرص مسائل الامتحانات السابقة كلها ورا بعض بينما كتاب الامتحان بينقي ويحذف شوية .. فاللي حابب يجيبه يجيبه .. واللي حابب ميجيبوش عادي جداً . بس في المجمل كتاب كويس وجميل، الكتاب أحسن من المؤلف بتاعه :D ما كانش بيشتغل منه أساسا كتاب الشامل ماشفتوش .. كتاب الوسام ماشفتوش غير فيزياء |
اقتباس:
|
جميع الأوقات بتوقيت GMT +2. الساعة الآن 11:24 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.