|
الى القنديل الذى اضاء لي الحياة ومازلت احيا بنوره الى من علمنى كل شىء الى ابى رحمة الله عليه لكم تمنيت ان تكون معى ارجو منكم قراءة الفاتحة
|
ربنا يرحمه ويغفر له ويسكنه فسيح جناته اللهم امين
|
يا ابنى ويا ابنتى انتم عمالين تشكروا على الموضوع ونسين حاجة مهمة جدااا الاخ او الابن كاتب المشاركة يدعوكم تقولوا لنا انتم عاوزين اية بجد مننا واعطونا تصريحات منكم او حتى تلميحات باللى نفسكم نعملة لكم سواء مادى او نفسى او معنوى المهم تتكلموا بصراحة وبصدق مهما كانت طلباتكم معقولة او غير معقولة المهم نحاول نفهم بعض بجد
انتم هدفنا الوحيد فى الحياة وانتم املنا بعد ربنا سبحانة وتعالى اكتبوا قولوا اللى جواكم ووتتمنوة مننا |
ليه يا امي0 نفسي احكيلك وافضللك نفسي اقولك ع اللي ف قلبي0 ليه دايما بعيده عني0ليه دايما انا بعيده عنك0كنا زمان0واه يا زمان 0 دايما احكيلك وتحكيلي0بتقوللي الدننيا والزمن والظروف0 بلاش نظلم الزمن ونرمي حمولنا عليه0
|
الله عليك تسلم عينيك
|
موضوع اكثر من رااااااااائع من مواضيع حضرتك الرائعةوبجد حلوووووووووووووووووووووووووو اووووووووووووووووووووى
|
بارك الله فيك
|
انا بقى مشكلتى ان مفيش حد فاهمنى فى البيت خالص ماما ليل نهار تتخانق معايا وبنتخاصم كتير انا وهى هى اصلا مش بتحبنى زى بقيه اخواتى لدرجه انها تقعد تدعى لاخواتى وتنسانى انا عمرها منصحتنى نصيحه ولا حتا اقعدت تتكلم معايا زى اى بنت ومامتها بس هى بتعامل اخواتى كويس جدا انا مش عارفه هى بتعمل ليه كده والله انا مامقصره معاها فى اى حاجه اى حاجه فى البيت انا الى بعملها وبرده مش عاجب ولو حد من اخواتى حتى رتب السرير بتاعه تقعد تدعيله اليوم كله بصراحه انا تعبت ونفسيتى بقيت زفت حد يقولى اى حاجه ارقق قلبها ليا شويه لانى بصراحه بخاف اوى من عصيان الوالدين ودى حاجه ماثره فيا اوى وارجوا الرد وانا فى انتظار ردودكم ليا وسورى طولت عليكم كتير
|
اقتباس:
حقولك مثال يفهمك لو طائر عنده ثلاث اولاد ووجد ان فى واحد منهم بيطير لوحده وبياكل لوحده وقدر يعتمد على نفسه بسرعة فبيكون بشكل طبيعى اهتمامه بباقى الطيور اكثر لانه يريد ان يتعلموا سريعا ما تعلمه الاول حتى يستطيع كل منهم ان يعتمد على نفسه ...وقد يستخدم بعض الثناء لاحدهم عندما يجد انه قدم تقدم ولو خطوة بسيطة فى اعتماده على نفسه فى حين انه قد لا يبدى اهتمام بالطائر الاول الذى تعلم بمفرده لانه يراه لا يحتاج اليه فى شىء وهذا ما حدث معك من الواضح انك تستطيعين ان تعتمدى على نفسك فى كثير من الاشياء لدرجة وصلت والدتك بشكل ظاهرى ليس اكثر انها تبدو مهتمة بباقى اخواتك ولكن بداخلها كلكم عندها سواء ومعزة واحدة (بفتح الميم) :d نعمل ايه بقى علشان نعالج الاحساس اللى وصلك دة ....هاتى ماما وخليها تقرأ كلامك وردى عليك او قولى لها هذا الكلام وانتم لوحدكم وشوفى ردها ايه ..... اكيد هتضحك او هضمك ليها وعلى فكرة كلنا فى الهوا سوا حقولك حاجة انا لما اخد البكالوريوس قلت لوالدى اول ما شفته ...تخيلى قالى ايه ....قال لى طيب :d قلت يمكن مش فاهم ولا حاجة :o اقول له حاجة تخليه يسخن معايا شوية قلت له ان شاء الله انا قدمت على دراسات عليا ....لاقيته بيقولى طيب :d قلت خلاص ما فيش فايدة انا ادخل انام احسن :blush: الطريف بقى ان بعد كام سنة من تخرجى لاقيت والدتى بتسألنى هو انت مدرس ايه :d انا قلت الناس دى اكيد نسيتنى :bosyht9: وبعد كدة فهمت فين المشكلة .... نفس اللى حصل معاكى كانوا عارفين انى باعتمد على نفسى علشان كدة كانوا مركزين مع اخواتى اكتر ودة شىء طبيعى ....بس اللى مش طبيعى انهم نسيونى :angry2: اتمنى انك تكونى فهمت الموضوع وحاولى تاخد الشق الاجابى منه بانك عندك مقومات تجعلك مسئولة عن نفسك وابقى طمنينى وصلت لايه |
بجد كلام صح الصح استاذ محمد سرور
بارك الله في حضرتك |
بجد موضوع رائع جدا
وان شاء الله هيكون ليه صدى واسع جدا فى المنتدى شكرا لحضرتك دمت فى رعاية الله |
موضوع جميل يااستاذ محمد
بس ياريت تضع العضويات فى الموضوع علشان لو حد عاىوز يحط مشكلة مايبقاش فى حرج وجزاكم الله كل خير |
موضوع فوق الممتاز حقيقى يا مستر بس طلب صغنن خالص ممكن حضرتك تحط الباسورد مع العضوية هنا علشان مايبقاش فيها حرج من اللى هيستخدم العضوية و جزاك الله كل خير |
تم تعديل الموضوع و وضع الباسورد و تم تثبيت الموضوع كمان :078111rg3: جزاك الله كل خير يا أستاذ محمد |
فكرة أكثر من رائعة يا أستاذ محمد حضرتك مبدع فى كل شىء والله :d |
مش انت بس اللى اتعرضتى لقله معرفه الوالدين بالتربيه الصحيحه
واللى يعبش ياما يشوف اعتمدى على نفسك |
اقتباس:
ابقى خلينا نشوفك :romarioxp6: اقتباس:
وفى ظل ظروف الحياة حاليا بقت ضغوط كتير على الاباء وان شاء الله لما ربنا يرزقك باولاد هتقول يا ريتنى اقدر اعمل جزء من اللى عمله والدى ووالدتى معى |
حلوة اوى الفكرة دى استاذ
يارب بس الكلمات تأثر |
بصراحة يامستر كان نفسي أسأل سؤال بجد هموت وسأله اقتباس:
(1) يعني أب وأم مش كانوا مش بيكلموا اولادهم ولا حاجة وكمان مش مصاحبنهم والاولاد بقت عندها عقدة من الموضوع دا هل الاولاد لما تكبر ويبقي اباء هيقدروا يدوي لاولاهم كدا ؟؟؟ ولا زي ما بيقولوا فاقد الشيء لا يعطيه ..... ...... .......... (2) اما بالنسبة لي انا بحب بابا وماما جداااااا ربنا يخليهملي شكررررا ع الموضوع الجميل يامستر |
اقتباس:
أخيراً رديت فى الموضوع :p منورة يا تسابيح |
اقتباس:
زى ما قالت الحاجة اسيل كدة يا تسابيح الاحتمالين موجودين ودة بيرجع للشخص نفسه وزى ما فى مثل بيقول فاقد الشىء لا يعطيه فى مثل بيقول يخلق من ظهر العالم فاسد ومن ظهر الفاسد عالم وان كنت اظن ان النسبة الاكبر من الاشخاص سيعوضوا ما فقدوه مع ابائهم فى علاقتهم مع اولادهم لان من طبيعة البشر ان الوالدين حياتهم كلها بتكون مسخرة لجعل اولادهم يكونوا افضل منهم |
اقتباس:
يا رب شكرا لمرورك |
اقتباس:
دا نور شاشة الكمبيوتر :p طيب ابقي بقي اشكر لي الدكتور دا بالنيابة عني :p ومتشكرة ع المعلومات تعبناكي معانا :romarioxp6: اقتباس:
عند حضرت حق انا فعلا نسيت المثل دا متشكرة بجد |
ياااااااااااااه وحضرتك تفتكر انهم ممكن يسمعونا
متهيالى بقيت مشكله فى كل بيت سورى يعنى اهالى بلا وعى بتربى عندنا ازمات نفسيه بينا وبين نفسنا ومش مقدرين ان ممكن الشعور بالضيق لوحده يخلوا الانسان يلجا لصديق او غيره ويحكيله ويا عالم اذا كان الصديق ده من الاخيار ولا ممكن يوديه فى مصيبه والعياذ بالله انا متهيالى عمرى ما حدد منهم قالى انا هفهمك هحكيلك على حاجه ولا جتى افتكر انهم مرة قالولى انتى متضايقه من ايه و ايه مزعلك او محتاجه ايه بل بالعكس طول اليوم يحسسونا انهم اصحاب جميل علينا ( احنا طبعاعارفين ) بس مش كده اما بقى بالنسبه لوالدتى فهى دايما تقولى انتى عدوى اللدود وفعلا كل ما احاول اصلح العلاقه الاقيها اول واحده تزعق وطول اليوم صويت لا وعندهم حب انهم يطلعوا اى حد مننا صغير ادام الناس بصراحه كاننفسى يتعاملوا معايا باحسن من كده يعنى لو جم على نفسيهم ان شاء الله ساعه واحده فى الشهر كله يقعدوا معانا ويفهموا كانت ايه مشاكلكم عاملين ايه حد مضايقكم بس انا عرفه مهما قولنا لا حياه لمن تنادى وانا اتكلمك مع مامتى كتيييييييييير بس كانت بتزود شجارها معايا بالذات من ضمن اخواتى وبالنسبه لموضوع فاقد الشئ لا يعطيه... فانا على ما اعتقد اولادى دول هخليهم اسعد واحسن ناس فى الدنيا بطريقتهم هما بردو مش بشويه افكار فى دماغى فاكرة انى لما اطبقها عليهم يبقى انا كده صح وميرسى جدا لموضوع حضرتك واسفه انى طولت عليك بس فعلا كنت مخنوقه شويه |
اقتباس:
بس ليه إحنا بنفكر إننا غلطانين و المفروض إننا نستناهم لغاية ما يعاملونا بالمعاملة اللى تعجبنا أو ليه نجرب نقرب منهم مرة و لما المرة دى تفشل بنبعد تانى؟؟ طيب ما نجرب نقرب منهم على طول حتى لو ماتقبلوش هما المعاملة مرة و اتنين و تلاتة لغاية ما نوصل لقلبهم و تبقى العلاقة بيننا و بينهم كويسة يعنى نقرب منهم بكل الوسائل و نستحملهم بكل طاقتنا و نكلمهم يا جماعة .. مشكلتنا الأولى بينا و بين أهالينا إننا بنتكسف نكلمهم أو نقولهم انتوا مقصريين فى حقنا فيكم كأب و كأم .. مش لازم نخاف ولا نعتبر ده أدب مننا ليهم و إحترام ليهم .. لازم نكلمهم و نفهمهم إننا محتاجين أب و أم و إن مش معنى بابا إنه اللى بيدفع مصاريف و مش معنى ماما إنها بتطبخ و تغسل و تنضف .. طيب أقولكم ليه مانجربش نبوس إيديهم و راسهم كل ما نشوفهم ، يمكن فى ناس كتير مش بيعرفوا يعملوا كده و بيتكسفوا و أنا كنت واحدة منهم بتكسف أبوس راسهم مثلاً دلوقتى الحمد لله بقدر على كده و من غير خجل و بكون فى قمة سعادتى و خصوصاً إنى بلاقى فى عيونهم بهجة و فرحة بكده و لازم نجرى ننفذ طلباتهم على طول حتى لو على حساب راحتنا الشخصية يا جماعة و الله أى أب و أم مش بيجوا إلا بالحنية و الحب .. جربوا قولولهم كلام حل : يا ست الحبايب ، يا بابا يا حبيب قلبى ،، هزروا معاهم و حسسوهم بحبكم ليهم هو ده الطريق الوحيد لكسب صداقة الأب و الأم و مهما هما ماتقبلوش ده منكم ماتحسوش بضعف أو إنكسار .. حاولوا تانى و تالت و عاشر و ربنا يهدينا و يهديهم |
ميرسى لردك بجد وصدقينى احنا حاولنا بكل الطرق بس احنا معاهم تانى ويا رب يا رب ربنا يهدينا ويهديهم
بس عايزه اقولك ان موضوع الخجل ده فعلا بقى اساسى فينا يعنى مثلا انا مقدرش اقعد مع ماما مع انها امى والمفروض تكون صحبتى واقولها انتى مقصرة فكذا او غلطتك كذا لانى عارفه الرد الطبيعى ليها وكمان موضوع ان ابوس ايدهم ودماغهم بصراخه لسه عامل الخجل مزروع بقوة جوانا وانا عن نفسى ممكن اتكسف جدا اعمل كده اصلا وده لانهم مش هيدونا فرصه لكده كل الكلام زعيق وشخط ومفيش تفاهم اصلا وميرسى لردك كمان مرة |
اقتباس:
أنا عارفة إن الموضوع صعب و الله و مقدرة حجم المشكلة بس خطوة خطوة إن شاء الله هتقدرى توصلى يعنى شيلى حاجز الخجل ده شوية شوية مرة تصحى الصبح تقوليها صباح الخير يا ماما و تديها بوسة على خدها و مرة مساء الخير يا بابا و تطبطبى على كتفه و كل ما تقومى من على الأكل تقولى تسلم إيديكى يا أمى و كل ما بابا يديكى مصروف ربنا يخليك لينا يا بابا .. إفضلى على النظام ده لغاية ما تحسيه بقى عادى و بعد كده بوسى راسهم و اقعدى فترة و بعدين بوسى إيدهم و هما أكيد مش هيلاقوكى بتبوسى إيدهم و يقولولك غورى يا بت من هنا أكيد هيفروحوا صدقينى .. يمكن فى الأول هيفتكروكى عايزة منهم حاجة .. مصلحة يعنى .. بس حاولى تحسسيهم إنك مش محتاجة إلا رضاهم عنك بالنسبة للكلام فا خليه آخر خطوة عندك علشان يتقبلوه أفضل من الأول و ماتحاوليش تطلبى منهم طلبات كتير .. و إثبتيلهم إنك مصدر فخر ليهم .. تفوقى فى دراستك و ساعدى والدتك فى البيت و كونى قد المسئولية فى نظرهم ده هيفرق كتير معاهم و إن شاء الله يجيب فايدة و ربنا يحنن قلوبهم أكتر |
موضوع جميل بس انا عندى موضوع بردو
يشبه الموضوع بس للاسف انا مش هينفع اكتيبو دلوقتى وهيكون اسم الموضوع (دعوه الى جميع الاباء) بجد فكره حلو تحياتى |
اقتباس:
ليه يكون فى موضوعين بنفس المضمون ممكن حضرتك تكتب اللى حضرتك عايزه هنا فى الموضوع ده و إن شاء الله نقدر نساعدك فيه و ربنا يوفقك |
جزاكم الله خيرا على الموضوع الرائع ده ربنا يوفقنا لنقل العلم
|
ولي ملهاش اب ولا ام تدخل فين؟؟؟؟؟؟؟؟؟؟؟؟؟؟؟؟؟؟؟؟؟
|
جزاك الله خيرا
|
هي الفكرة حلوة بس في اولياء امور مش بيخوشو النت نوصلهم ازاي 0000
ارجوا التفكير0000 مشكوووووووور0 |
أنا العبد الذي أغلق الأبوابَ مجتهدا على المعاصي وعين الله تنظرني وقد اتوا بطبيبِ كى يعالجنى ولم ارَ الطبيب اليوم ينفعنى واشتد نزعى وصار الموتُ يجذبها من كل عرقِِ بلا رفقِ ولا هونِ وقام من كان احب الناس اليِّ فى عجلِ نحو المغسلِ ياتينى يغسلنى فحملونى على الاكتاف اربعةُ من الرجالِ وخلفى من يشيعنى صلوا عليا صلاة لا ركوع لها ولاسجود لعلَ الله يرحمنى واخرجونى من الدنيا فوأسفاه على رحيلِ بلا زادِ يبلغنى |
وقضى ربك الا تعبدوا الا اساه وبالوالدين احسانا ** اما يبلغن عندك الكبر احدهما او كلاهما فلا تقل لهما اف ولا تنهرهما وقل لهما قولا كر يما **واخفض لهما جناح الذل من الرحمه وقل رب ارحمهما كما ربيانى صغيرا**
|
فكره جميله وزاكم الله خيرا
|
thnx
wait better:):):):):) |
شكرااااااااااااااااا على الموضوع لجميل ده يا بااااااااااااااااااااااااااااااااااااااااااااااااا ااشااااااااااااااا
|
بابا طيب اوى وبحبة بس علطول بيتعب وبيروح المستسفى كتير عشان عندو القلب و السكر والضغط ودايما حاسة انو عيان ومش راضى يقول ومع كل دة بيشرب سجاير بطريقة غريبة وانا وماما اعصابنا باظت منو لما بستعب بنحس ان احنا اللى تعبانين ولما بنقولوا كفاية سجاير بيهب فينا ويزعق ويتخانق ومع ذلك بيصلى و بيفتكر ربنا علطول بابا طيب جدا بس اية اللى بيعملو فى نفسة وفينا دة
|
معلش انى قلت كدة بأسمى الحقيقى بس انتوا زى اخواتى
|
اقتباس:
ربنا يشفيه حبيبتى ويخليه ليكوا ويطول فى عمره انا مقدره والله احساسك اصلا مفيش اغلى من الاب والام هى السجاير دى مصيبة حسبى الله ونعم الوكيل حاولى حبيبتى تتكلمى معاه ممكن انتى مش بتختارى الوقت المناسب علشان تكلميه يعنى لما تلاقيه قاعد لوحده فى لحظة هدوء كلميه وعرفيه قد ايه انتى وماما بتحبوه وخايفين عليه وعلى صحته وانكوا بتتمنوه تشوفوه بخير وانه لما بيطل السجاير حالته هتبقى احسن اهتمى بيه انتى قدمى له العلاج اكيد لما تتكلمى معاه بهدوء ويحس باهتمامك وخوفك عليه هيفكر بهدوء ومش هيتعصب عليكى وهيحاول يقلل السجاير ربنا يطمنكوا عليه ويكون بصحة كويسة قريب جدا ان شاء الله |
| جميع الأوقات بتوقيت GMT +2. الساعة الآن 10:16 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.