|
اقتباس:
حبيبى واخويا ميرو منور ياكبير |
اهلا يا ميرو
انت نورت المنتدى هنا كمان اهلا بيك |
يا جماعة بيقولوا الجدول قبل الدراسة
حد يعرف اخبار |
المنتدى منور بيكى يا جميل
بالنسبة لموضوع الجدول انا سمعت انه اول يوم فى الدراسة والعلم عند الله |
اقتباس:
|
اقتباس:
انهم بيقولوا الجدول والمدرج وكل حاجة هنعرفها اول يوم |
اوكى يا جماعة
|
يا جماعة احنا هنروح الكلية السبت ولا الاحد ( اقصد اول يوم دراسة عندنا فى الكلية ) :(
فى ناس بتقول السبت وناس تانية بتقول الاحد :blink: ياريت لو حد يعرف يقول :) |
انا اخويا دخل برده معاكم علوم عين شمس ولما راح سأل عن الاقسام قالو ان النتيجه هاتتعرف بعد بداية الدراسه باسبوع...طبعا هبل منهم بس احسن تريحو الكام يوم دول في البيت او تنزلو تقضوها..
تحياتي علوم القاهره:) |
اقتباس:
الدراسه اول يوم كده كده بتكون 4fun فاماتشلش هم..بس الاكيد ان الدراسه يوم الاحد ان شاء اللهB) |
يوم الاحد ازاى
كليات كتير عندها دراسة السبت حقوق جدولها نزل وفى محاضرات السبت انا بيتهيألى انها السبت لأن كل قسم بيبقى ليها يوم الاجازة بتاعه انا اختى فى هندسة وعندها السبت دراسة |
احنا نروح يوم السبت وخلاص
حتى لو كان اليوم مفيهوش دراسة او 4fun زى ما قالت ms.sc على الاقل ناخد فكرة عن نظام المحاضرات والدراسة ونعرف الدكاترة :) |
كنت النهاردة فى الكلية و الجداول كلها اتعلقت
ممكن تنزلو تنقلوا الجدول و تعرفوا عندكوا اجازة السبت ولا لأ |
اقتباس:
مع انى كنت لسه هناك من اقل من اسبوع و ومكنش فى اى اخبار ان شاء الله اروح يوم الاربعاء واشوف ايه الاخبار عشان بكرة مشغول :) وشكرااا جدااا يا ميس كاريزما على المعلومة دى :) |
اولا انا متاسفه :(انا كنت متخيله ان السبت اجازه للجامعات زي عندنا في المدارس ..بس كلمت معيده زميلتي _علوم القاهره _ وقالت ان الدراسة عندهم من السبت
على كل.... نصيحه اهتمو بدراستكم من الاول ...هم اربع سنين بيحددو مستقبلكم 40 سنه جايين وبالتوفيق للجميع وسنه سعيده ليكم ان شاء الله اقبلو اسفي:unsure: |
اقتباس:
بس ربنا يستر والكتب اللى متدبحناش علشان بيقولوا الدراسة فى علوم صعبة على العموم ربنا يستر ودعاويكم معانا :) |
السلام عليكم ورحمة الله
انا النتيجة بتاعتى ظهرت انهارده بس وجالى علوم عين شمس وحاسه انى تايهه فى الكلام بتاعكو ده ممكن حد يفهمنى نظام الكليه وايه الاقسام الكويسه اللى ممكن اعمل فيها ولو ممكن حد اتعرف عليه بدل مانا حاسه انى هبقى تايهه فى الكليه دى لوحدى |
اقتباس:
انا اللى فهمته انك لسه داخلة سنة اولى ومش عارفه ايه نظام الكلية والاقسام انا هقولك فكرة عن الاقسام فى الكلية ولو عايزة تسالى فى حاجة تانية ان شاء الله اكون عارفها وارد عليكى احنا عندنا الكلية اربع سنين وانتى داخلة سنة اولى بتختارى مجموعة من 3 مجموعات المجموعة الاولى : مجموعة العلوم الطبيعية وتقبل طلبة الثانوية العامة علمى علوم وعلمى رياضة المواد الدراسية : رياضيات ( بحتة - تطبيقية - احصاء - حاسب ) + كيمياء + فيزياء + لغة ده بالنسبة لسنه اولى فى سنة تانية بتتخصى فى شعبة واحدة من مادة واحدة من المواد دى وهيبقى قدامك 5 تشعبات بتختارى منهم شعبة ولكن فى شعبة زى الكيمياء والفيزياء الحيوية هتبقى على مجموعك فى سنة اولى الشعبة الاولى : مجموعة العلوم الرياضية ودى بتتشعبى منها على مادة فى سنة تالتة ورابعة على واحدة من دول ( الرياضيات او الرياضة البحتة وعلوم الحاسب او الاحصاء الرياضى وعلوم الحاسب ) الشعبة التانية : مجموعة الفيزياء ودى بتتخصصى فى سنة تالته ورابعة فى واحدة من دول ( الفيزياء فقط او فيزياء المواد او الالكترونيات او الفيزياء وعلوم الحاسب ) الشعبة التالتة : مجموعة الكيمياء ودى بتتخصصى فى سنة تالتة ورابعة فى واحدة من دول ( الكيمياء او الكيمياء التطبيقية ) الشعبة الرابعة : شعبة الفيزياء الحيوية ودى بتدرسى فى سنة تالتة ورابعة فى نفس المجموعة بردو الشعبة الخامسة : شعبة الفيزياء والكيمياء ودى بردو بتدرسى فى تالتة ورابعة نفس الشعبة المجموعة التانية : مجموعة العلوم البيولوجية ودى بتقبل طلاب الثانوية العامة علمى علوم فقط المواد الدراسية ( نبات + حيوان + كيمياء + فيزياء + رياضيات بحتة واحصاء + لغة ) والتخصص فى سنة تالتة ورابعة وتختارى ( النبات او الحيوان او الحشرات او الكيمياء الحيوية او الميكروبيولوجى او النبات والكيمياء او الحيوان والكيمياء او الكيمياء الحيويةوالكيمياء او الميكروبيولوجى والكيمياء او الحشرات والكيمياء او حشرات وميكروبيولوجى ) المجموعة التالتة : مجموعة العلوم الجيولوجية والجيوفيزيائية وتقبل من علمى علوم ورياضة المواد الدراسية ( جيولوجيا + جيوفيزياء + حيوان + رياضيات بحتة واحصاء + لغة ) وفى سنة تانية بتخصصى فى واحدة من دول وكملى فيها فى سنة ورابعة ( مجموعة الجيولوجيا فقط او مجموعة الجيوفيزياء فقط او مجموعة الجيولوجيا والجيوفيزياء ) وبالنسبة لمجالات العمل مثلا قسم الفيزياء الحيوية بيشتغل فى مجال الآشعة وقسم الكيمياء تطلع كيميائى تشتغل فى شركة ادوية او مدرس كيمياء قسم الجيولوجيا تشتغل فى شركات التعدين والمسح الجيولوجى او مدرس جيولوجيا قسم الجيوفيزياء تشتغل فى شركات البترول او شركات التعدين قسم الفيزياء تشتغل ف مراكز الابحاث وشركات الالكترونيات او مجال التدريس قسم الرياضة والحاسب تشتغل فى شركات الكمبيوتر او مجال التدريس قسم النبات تشتغل فى شركات الادوية او مصانغ الغزل و النسيج او مصانع الاغذية والمراكز البحثية قسم الحيوان تشتغل فى مراكز المصل و اللقاح او مراكز الاشعاع او المراكز البحثية قسم الحشرات تشتغل فى كليات الطب اقسام الطفيليات او فى مركز نافلات الامراض او مراكز المصل و اللقاح او شركات المبيدات ده كل اللى اعرفة عن الاقسام والدراسة ومجالات العمل ولو عايزة اى حاجة تانية انا موجود وان شاء الله اكون عارفها وارد عليكى :) |
شكرا يا احمد على مساعدتك ليه
بس واضح انك مش داخل جديد فانت فى رأيك ايه احسن الاقسام |
اقتباس:
بس عندى خلفية عن الكلية والاقسام ومعظم المعلومات دى خدتها من اتحاد الطلبة فى الكلية وبالنسبة لسؤالك عن احسن الاقسام فده انتى اللى تحدديه عن طريق حبك لدراسة معينة يعنى مثلا لو بتحبى دراسة الخلايا والتشريح والحاجات دى تدخلى بيولوجى لو بتحبى الفيزياء او الكيمياء او الرياضة يبقى تدخلى علوم طبيعية ولو بتحبى دراسة صخور الارض والحفريات يبقى تدخلى جيولوجي ولو بتحبى دراسة طبقات الارض وتكوين البترول يبقى تدخلى جيوفيزياء ولازم تدخلى الحاجة اللى بتحبيها علشان تقدرى تجيبى تقدير كويس ولو جبتى تقدير عالى ( جيد جدااا او امتياز ) ممكن تبقى معيدة فى الكلية او تلاقى شغلانة كويسة بره :) |
طيب دلوقتى انا دلوقتى انا سمعت ان لو دخلت قسم رياضه وجبت تقدير معين فيها بيكون فيه دبلومه 6 شهور وباخد شهادة بكالريوس حاسبات ومعلومات
وحاجه كمان فيه قسم معين بس مش عارفه هو ايه لو جبت الاربع سنين فيه جيد جدا بدخل على صيدله يا ريت لو تعرف حاجه عن المعلومات دى صح او غلط يا ريت تقولى معلش لو بتعبك معايا بس للاسف انا لسه محتاره ادخل قسم ايه ومعدش فيه وقت لان النتيجه ظهره قبل الدراسه ب5 ايام يعنى مفيش وقت للتفكير |
اقتباس:
وبالنسبة لموضوع الصيدلة دى فاعتقد ان ينفع بعد ما تخلصى الاربع سنين علوم انك تدخلى صيدلة بس تقريبا لازم تكونى قسم كيمياء او كيمياء حيوية تقريبا وبردو مش متاكد اوى من الموضوع ده وياريت تسألى فى الكلية عن الموضوع ده لانى المعلومات دى مش اكيدة |
شكرا يا احمد انا اسفه لو تعبتك معايا
انا رحت الجامعه انهارده ودخلت قسم علوم طبيعيه انت دخلت قسم ايه ؟؟؟؟؟ |
اقتباس:
وانا الحمد لله دخلت قسم جيوفيزيا وربنا يقدرنا ونسد فيه :( سلام :) |
ممكن يا جماعه لو فى بنوته لسه داخله سنه اولى تقولى علشان نتعرف على بعض لانى معرفش حد خاااااااااااااالص وهروح الكليه يوم البست وحاسه انى هبقى تايهه فى الجامعه
|
ازيك يا قمر
انا معاكى اولى وعلوم طبيعية كمان بصى انا كمان لوحدى على فكرة البنوتات اللى اعرفهم بيولوجى ياريت نتعرف ونتقابل بكره لو تحبى |
ازيكم يا جماعة ...انا تامر طالب بالفرقة الرابعة بكلية علوم عين شمس .. ان شاء الله اساعدكم
|
ازيك يا تامر
ايه اخبار الكليه معاك يعنى كلمنا شويه هى صعبة جدا وهتستمر زى ما هى فى البدايه كده متعبة ولا هنتعود وهتبأه تمام بص حاول تتكلم عنها شويه عشان احنا بجد محتاجين اى كلام يطمنا:( احنا نفسيتنا ضايعة وحاسين اننا مش لاحقين نعمل حاجة نبيض ولا نذاكر ولا نحضر وحتى لما بنحضر فى كتير اوى من الدكاترة مش بنفهم منهم مش عارفة بأه |
انا اخوكم محمود خريج علوم عين شمس قسم جيوفيزياء هى الكلية مش صعبة اوى بس عايز متابعة مستمرة بالذات فى سنة اولى وياريت لو كل مجموعة بتاخد نفس السكاشن تتعرف على بعض عشان يقسموا عمل الملخصات عليهم ولو فى حاجة عايزين تعرفوها اسالونى
|
خريج علوم عين شمس قسم جيوفيزياء ..
و يا ترى حضرتك لقيت وظيفة .. عايزين نطمن بس و لو اني مش علوم جيولوحية ولا علوم عين شمس بس بصفة عامة للكلية يعني. |
انا شغال دلوقتى معيد فى احدى الهيئات الحكومية اما بالنسبة لموضوع الشغل لو عايز تشتغل فى مجال البترول يبقى لازم يبقى معاك واسطة محترمة فى شركة بترول او عندك حد يقدر يشغلك فيها مش معنا كده ان لو معكش واسطة مش هتلاقى بس فرصتك بتقل وبتبقى محتاج شوية حظ على شطارة وتقدير محترم
يعنى من تجاربى فى شركات البترول وخاصة الحكومية لو خدوا مثلا خمسة هياخدوا اربعة بواسطة وواحد بس من غير واسطة اما شركات البترول الخاصة فبتعتمد على اللغة اولا يعنى لازم تبقى بريفكت فى الانجليزى وثانيا على الشخصية يعنى لازم تبقى واثق من نفسك وتحسسهم انك تملك شخصية اجتماعية تقدر تتكلم مع اى حد بدون خجل وتكون لبق وذكى ولو عايز تعرف حاجة تانية اسالنى |
حضرتك متابع اخبار كلية العوم ولأ لأ.
اصل في حاجات جديدة عايز اتأكد منها. يعني مثلا تقريبا و الله اعلم لغوا الشعب العامة يعني أنا علوم طبيعية لو مقدرتش ادخل كيميا سبيشيال يبقى اروح حاسب آلي او فيزياء او فيزياء حيوية او علوم فضاء او علوم بحار فيزيائية. يعني هبعد عن الكيميا خالص .. قبل كده كان اللي مش بيدخل كيميا سبيشيال بيدخل كيميا فيزيا عشان يبقى في نفس المجال. انا الماسنجر بتاعي fox.power ياهوو |
| جميع الأوقات بتوقيت GMT +2. الساعة الآن 10:57 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.