|
جزاكم الله خيرا لقد استفدت كثيرا من هذه المناقشات الهامة والله معنا جميعا
|
اقتباس:
مش حضرت ولا حصه من المراجعه غير ليلة الإمتحان و اساساً مش كنت باخد في الألماني درس .. انا حضرت اخر حصه بس مع المدرس بتاع المدرسه بتاعي لإني كنت معتمده عليه في المدرسه و جبت 48.5 في الألماني بفضل الله و العربي مش كنت بحضر غير النحو و النصوص و الباقي بذاكره لوحدي و جبت 28 ماكنتش بحضر غير الرياضه ممكن تسيبي المراجعات في الشهور الأخرانيه و هتلاقي وقت و اليوم كله ملكك و تعملي فيه اللي عايزاه فانا الشهور الأخرانيه هي دي فعلاً اللي انا استغليتها صح باني سبت المراجعات هتقولوا لي و ليه التهور ده يا بوسي .. فيه حاجات مش بتتقال غير في المراجعات انا كنت باخد ورق الدروس من زمايلي و المدرسين لإنهم عز عليهم فراقي :D .. وصوا زمايلي بانهم يدوني الورق فكنت بستفيد الحمد لله بس خدي بالك فيه ناس بتعرف تعتمد على نفسها في المراجعات و ناس مش بتعرف تراجع غير بالمدرس شوفي الأول انتِ انهي نوع فيهم |
معلشى يا جماعة كنت غايب لظروف بسيطة كدة
وشكرا جزيلا للدكتور احمد وللدكتورة سارة فى امان الله |
الشكر لله يا دكتور سعيد
وربنا يوفق كل طلبة الثانوية العامة ويدخلوا الكليات اللى بيتمنوها يا رب وكلنا هنا اخوة فى الله وتحت امركوا ان شاء الله |
بجد موضوع جميل اوي
انا بقي مشكلتي اني عندي احباط وكنت بذاكر جامد ف تانية ومش جبت المجموع اللي كنت بتمنه انا طبعا عارفه ان ربنا بيعمل اللي فيه الخير وبيؤمن بكده بس وانا بدات الدروس والحمدلله ومكبرة خالص وبقيت امل بسرعة ف تانية كان عندي حماسة مش ليها حدود بجد وجيب وحقق دلوقتي انا حاسة بحاجات غريبة متشكرة ع الموضوع الجميل دا |
اقتباس:
ما هي المشكلة يجي واحد يقولي انا كنت بذامر وبعمل وبسوي بس مجبتش مجموع يبقى انت كنت بتذاكر غلط صحح طريقة مذاكرتك وجدد حماسك بجد كده وكأنك بادئ سنة جديدة واي استفسار انا موجود :):) |
اقتباس:
كويس جدا توكلى على الله وربنا يوفقك ولو عوزتى اى حاجة كلنا موجودين فى امان الله |
الاول بجد شكرا يا دوكتور على الموضوع --- بصوا بقى الموضوع ابتدا من تانية كان حلمى ادخل هندسة .. اتنازلت عن الحلم ده بعد شهر من الدروس كنت غبية بكل المقاييس !! لكن خلاص قدر الله وما شاء فعل .. مش بايدى اعمل حاجة دلوقتى --- يوم النتيجة نقصت 15 درجة من المجموع الكلى منهم 10 ونص ف التاريخ و4 ونص ف بقية المواد !! عشان عمرى ما حبيت التاريخ مع انى كنت باذاكره كتير بجد وماقصرتش .. لكن كان بيطير من دماغى :( حاولت بعدها اتخطى الموضوع ومافكرش ف تانية خالص عشان يبقى عندى حماس للسنة الجديدة واقدر اعوض المجموع ده --- بدأت دروس اخترت علم نفس وفلسفة ( والجيولوجيا اساسى ) بعد ما كل الناس نصحتنى ابعد عن الاحصا ( عشان امتحاناتها صعبة ) المشكلة بقى عمرى ما كنت باعرف احفظ المادة زى ما هى كدة من غير مافهمها ومش قادرة افهم الفلسفة ( مع انى اخدت حصة واحدة بس فيها ) لكن مش عارفة احبها .. حاسة انها مادة مش سهلة وعمالة اعقد ف نفسى --- قررت اخد اقتصاد واحصا وكنت متطمنة للموضوع جدا .. لحد ما كلمت مستر الاقتصاد وقالى انه مش هايدى السنة دى اقتصاد عشان جايله طلبة تاريخ كتير .. وماحدش جاله اقتصاد خالص ف قلقت لما لقيت ان كل الطلبة بيبعدوا عن الاحصا السنة دى :( لكن برضو حاسة انى مش هاعرف اكمل فلسفة !! بجد محتاجة اعرف رأيكم :( وخصوصا اللى اخدو احصا السنة دى الامتحان كان فعلا وحش اوى زى ماتقال ؟؟ ولا ده مجرد كلام جرايد زى ما قالوا على امتحان ( التفاضل 1 ) وكان سهل جدا !! اعمل ايه :confused: |
اقتباس:
انا اول حاجة حتكلم عن الاحصاء للأسف معظم الطلبة لاتعتبر الاحصاء مادة ولذلك لاتذاكرها بعكس مثلا اختها الاقتصاد يعني تلاقيهم بياخدوا درس اقتصاد من اول السنة بينما الاحصاء 5 حصص في الاجازة بتاعت نص السنة وحصتين مراجعة وسلام عليكوا ولا حل مدرسة ولانماذج ولا امتحانات ولاكتاب خارجي ولاحاجة انا الحمد لله حليت كل دول بس برضه الامتحان كان وحش جدااااااا بس جبت درجة كويسة جداا و الحمد لله مشكلة الاقتصاد والاحصاء انهم مادتين منفصلتين كل واحده ليها مدرس وليها امتحان عامة الاقتصاد اسهل في كل حاجة بس الاحصاء محتاجه تفكير زي الرياضة بس بجد محدش يحط نفسه في المأزق ده انا اعرف صديق يعني قطع ورقة الاجابة في الاحصاء اتعمله تحقيق وكده وحيعيد السنة على مادة بس هو حياخد بقى علم نفس الولد ده لو مكنش قطع الورقة وعرف يحل كان زمانه في صيدلة دلوقتي او بيطري يبقى مشكلة الاحصاء عدم الاهتمام والمذاكرة انما لو حناخد الاحصاء كمادة زي الرياضة 1 او2 ونذاكرها بضمير زي ماي مادة عليها 25 يبقى هايل بس اجي واقول محدش يضمن الامتحانات ......... تاني حاجة الفلسفة سهلة جدااااا وناس كتير مقفلاها وجايبة درجات كويسه بس هيا محتاجه فهم وعقل مفتوح على الاقل الامتحان 90%سهل ونفس المدرس واطمئنان وشوفي رأي د/سعيد برضه |
السلام عليكم
اقولك حاجة الاحصا امتحانها السنادى دليل التقويم يعنى لو ما حلتيش غيره تقفلى المادة والله الاقتصاد والاحصا اهملتهم جدا جدا وكنت مش بحل نهائيا فى الاحصا كل الى كنت بعمله انى بروح حصة كل اسبوع بداية من شهر 10 فالراجل فيه الخير خلانى كويس اوى فيها ومن غير اى مجهود الاحصا سهلة جدا وليه تدخلى نفسك فى مادة زى الفلسفة طالما انتى مش عاوزاها والاقتصاد انا اخدت فيه شهر واحد لاقيت الدرس مالوش لازمة سيبته انما كخوف مش تخافى اى مادة ممكن يعلق الناس فيها فى الامتحانات حتى لو العربى انما الاحصا انا اخدت كل المسائل ليلة الامتحان لسبب بسيط لانه جاب الاسئلة المميزة فى الدليل وحاطهم مع بعض بس سهلة ان شاء الله انصحك تدخلى الى حباه والى مش عارفه تمشى فيه ما تكمليش فيه فى امان الله |
بسم الله الرحمن الرحيم بصي يا منى هو الإحصا انا مش جربتها انا اخدت علم نفس .. و على فكره علم النفس اسهل بكتير من الفلسفه و مفهوم عنها اوي و راح تفهميه بسهوله .. الفلسفه طول عمرها رخمه و انا مش بعقدك بس انتِ جربتيها في سنه اولى بس انا اعرف ناس كتير اوي كانت بتاخد فلسفه و ما شاء الله جابوا 50 .. و على فكره كانوا علمي كمان مش ادبي و قالوا لي انهم حاولوا يتنازلوا عن الفهم و حفظوها زي ما هي .. و الأسئله اجابتها بتكون في الكتاب بالنص .. يعني حفظ و خلاص no way بصي طالما انتِ مش بتحبي الحفظ يبقى الإقتصاد و الإحصاء اسهل لك الإحصاء دي المستر قالي انها عباره عن رسم بياني و مسائل سهله جدااا و الإقتصاد معلومات عن البنوك و ازاي اتعملت و ايه فكرتها و القروض و الكلام ده كلام فلوس يعني :D و اوعي ابداً يا منى تدخلي حاجه انتِ مش حباها او تمشي في حاجه مش عارفه تتصرفي معاها لازم تاخدي اللي انتِ حباه عشان تقدري تذاكريه كويس و على فكره امتحان الإحصاء مش كان صعب ولا حاجه زي ما بيقولوا .. كان زي تفاضل بتاع الرياضه 1 اعرف ناس كتير جابوا 49.5 و 50 في الإحصاء السنه دي و دخلوا كليات جميله و ربنا يوفقك يا قمري :) |
السلام عليكم ورحمة الله وبركاته وهاهي تتجدد المشاكل يا جماعة أنا بجد والله مش عارفة أرتاح ولا أطمن أنا كنت بحلم باليوم إللي هاخد فيه أحياء لأني بحبها جدااا وبعد تانية ثانوي يدوب 95.6 وطبعا وأنا مغمضة خدت أحياء لأني معنديش إختيارات وبابا وماما كانوا مصرّين إني أكمل رياضة2 فطبعا أنا إعترضت بشدة وقلت إما أكمل أحياء أو أقعد ف البيت ومش عايزة حاجة خالص وبعد القصة دي كلها وبعد ما بدأت ف الأحياء المستر يصدمنا ويقول إنها 70% حفظ و30% فهم<<<< أشهر واحد عندنا والناس كلها عنده يعني الحصة كلها إحفظ وسمع إحفظ وسمع سواء فاهم خير وبركة لو مش فاهم طبعا مش هتقدر تسأل المستر غير حجات بسيطة وطبعا مش هيعيد الشرح تاني لأن المجموعة ماشاء الله أصغر واحدة 50 طالب وشغالين زي الكُتّاب الكلام ده ينفع ف العربي لكن ف الأحياء !!!!! غيرت المستر وجبت واحد البيت أنا و4 أصحابي وطبعا بنسأله زي ما أحنا عايزين وبيفهمنا كويس جدااا ... وبيدينا معلومات جميلة.. وبستمتع بالحصة وبقول هي دي الأحياء بجد مشكلتي بأه ف المذاكرة للأسف إني مش بقدر أحفظ بسهولة وممكن أقعد وقت طوييييل أحفظ ووالله ف الأمتحان إللي بيعمله المستر أنسى كل حاجة فبكتب طبعا بفهمي وده مينفعش لازم بالنص .. والموضوع ده عملي مشكله وخاصة إني زعلااانه إن المشكله دي ف أحلى مادة عندي :( وبابا وماما بيحاولوا يقنعوني أرجع للمستر إللي بيحفظ ويطلعنا حافظين الدرس وطبعا مش هي دي الأحياء بالنسبالي بس بيقولولي إن طبيعتك مش هتقدري تحفظي غير معاه مش عارفة أعمل إييييه أكمل فهم ولا أرجع لبتاع الحفظ وأنا مش طايقاه ؟؟؟ :( أنا بجد آآآآآآآسفة طولت جداااااا بس يارب تكونوا فهمتوني وتقدروا تساعدوني وجزاكم الله كل خيير دمتم بخير |
السلام عليكم
معلش يا جماعة أذا كنت هشارك فى التوبيك دة ومعلش أذا كان الرد متأخر كمان:( بس دة حق طلبة المنتدى ع كل واحد فينا;) بسم الله نبدأ اقتباس:
أنة بيدى معلومات بأختصار شديييييييد على سبيل المثال......خلايا الأندودرمس مثلا مش موضحها أوى:( كمان فى الهرمونات......أختصار يشل بجد:( والسيال العصبى والدى أن اية....اختصارات......بتخلى الواحد يحس أن الأحياء مش ينفع معاها غير الحفظ:confused: بس على فكرة......حفظ من غير فهم مش مفيد اووووووى هتلاقى نفسك بتنسى بسرعة ولو لا قدر الله نسيتى أخر السنة_ودة وارد:eek:_ مش هتعرفى تتصرفى:( افهمى الأول وان شاء الله هتلاقى الحفظ سهل جدااااااااااا;) بس على فكرة أنتى مش من أول مرة هتعرفى تحفظى بالنص الموضوع هيجى بالتدريج وبعدين يا عسل.....أنتى حاولى ع قد ماتقدرى أنك تلتزمى بنص الكتاب المدرسى ولو مثلا لخبطتى فى كلمة أو كلمة تاهت منك وجبتى بدالها واحدة من عندك...مش مشكلة.....مش تحسى أن دى نهاية الدنيا;) متقعديش تحبطى نفسك:) مع الوقت هتتعودى والله......وفى أخر السنة هتلاقى نفسك ملتزمة بنص الكتاب المدرسى بنسبة 95%......ودة مش وحش خالص;) بصى بقى يا قمر أنتى دلوقتى خدتى درس أحياء كدة زى الشطورة تفهمية وبعدين تحاولى تحفظية على قد ما تقدرى بالنص لكن مش من أول مرة هتحفظية بالنص;) وبعدين بقى......تحلى من كتاب خارجى وأسئلة التعليلات والأسئلة اللى عاوزة كلام كتيييييييير دى الأفضل أنك تحليها تحريرى وبعدين تراجعيها شفوى وبعدين متقطعيش بالمادة أوى;) يعنى كل يوم حليلك سؤالين ولاحاجة وطالما أنتى حبيتى المادة مع المدرس التانى....خلاص توكلى على الله:) ولو أنتى فهمتى بجد....الحاجة اللى هتتحفظ فى ساعة أنتى أن شاء الله هتقدرى تحفظيها فى نص ساعة وعلى فكرة أنا كنت باخد درس أحياء فى مجموعة مكونة من تلاتين:(:( بس المدرس كان بيفهمنا بجد وبيشرح بتعمق.......بس فى الأخر كان بينبهنا أن أى معلومة خارجية للأيضاح فقط يعنى مش نتعب نفسنا فيها وكدة.....أو حتى نفكر نكتبها فى الأمتحان ولو كان حد مش فاهم حاجة كان بيسأل وهو كان بيرد عااااااااااادى أما الحفظ دة يا سكر فدة شغل الطالب مش المدرس;) أتمنى أنى أكون قدرت اساعدك:) ومعلش ع الأطالة |
ايه ي جماعة انتوا بداتو درس لاحياء
|
اقتباس:
|
اقتباس:
مش عارفة افهمها خالص :confused: !! اقتباس:
شكرا يا دوكتور على نصيحتك انا خلاص قررت انى هاخدها ان شاء الله بس قلقانة جدا :( ربنا يستر وباذن الله لما ابدأ هاحل من المعاصر ودليل التقويم اقتباس:
باذن الله هاخدها وربنا يسهل ميرسى يا بوسى ربنا يخليكى ليا :) |
بصى يا اروى
صراحة الكل بيحافظ يحفظ كويس وكدة بس صدقينى هاتيجى فى الامتحان وتلاقى نفسك بتكتبى بسرعة ومش لازم اوى كلمات الكتاب المهم المعلومة بطريقة علمية صحيحة وعلى فكرة انا اول حصة احياء لاقيت مجموعة كبيرة والمدرسة بتقولنا 300 صفحة بتحفظوا من الالف للياء ومافهمتش منها الا قليل سبتها على طول وروحت لمدرس المجموعة 4 يمكن المدرس مهمل شوية بس بيفهم جامد وانا قدرت اكمل الناقص فيه ولما سمعت للدكتور هشام بدأت أعرف يعنى ايه احياء وربنا يعينكوا وشكرا جزيلا للدكتور ماجدولين فى امان الله |
بصى يا اروى يا حبيبتى زى ما قالت ماجدولين ودكتور سعيدوانا كنت مع نفس المدرس اللى كانت بتاخد معاه ماجدولين وهو مدرس بجد ما شاء الله عليه عشقت الاحياء ع ايده بس بردو المدرس مش كل حاجة لازم تعتمدى ع نفسك المدرس بيفهمك الدرس لو عايزة حاجة بيساعدك لكن يحفظك استحالة ده شغل كتاب ده مش شغل المدرس
افهمى كويس من المدرس وبعدين روحى احفظى مرة فمرة هتلاقى نفسك حافظة المنهج صم وفاهمة فنفس الوقت بنصحك بردو بالمدرس التانى بس نصيحة ليكى يا قمر المراجعة المستمرة بمعنى مثلا لو خاصتوا مع المدرس فصلين تقومى تراجعيهم كويس اوووووى نظام المراجعة التراكمية ده مهم جداا وبيخلى المنهج ملموم اوى وفى دكماغك ع طول وبردو متنسيش تتابعى مع دكتور هشام فى الشرح والمراجعات والامتحانات بجد روووووووعة وربنا يوفقك وتخشى صيدلة او طب |
السلام عليكم ورحمة الله وبركاته د/ ماجدولين لكِ ألف شكررررررررر والله وجزاكِ الله كل خييييير يا سكرة بجد طمنتيني ع الآآآآآآخر مش عارفة أقولك إيه بس بجد إدتيني أمل وثقة جامدين وبإن إن شاء الله الموضوع كله خيييير شكرررررا مرة تانية وربنا يكرمك يارب أريج الزهور جزاك الله كل خييييير يارب شكرررررا ع الآآآآخر يا سكرة ردك عليا أفادني كتير ياااارب يكرمك د/سعيد جزاك الله خيييرا إلى خييير رد حضرتك أعاد لي الثقة بنفسي جاااااااااامد جدااااااااا ومش أنا لوحدي إللي باخد عند مدرس نفس النظام مشكلته بس إنه إمتحاناته مش ع طوول وأنا تغلبت عليها الحمد لله بإمتحانات د/ هشام. بجد شكررررررررا وربنا يكرمك د/ سارة جزاكِ الله خييييرا يا حبيبي بجد مش عارفة أقولك إيه أفدتيني جدااااااااااااا جداااااااااااا وشكررررا ع النصايح الراااااااائعة مثلك ف موضوع المذاكرة أنا ع فكرة طبعت إمتحانات د/هشام وبديها لأصحابي ونحلها مع بعض زي مسابقة كده وأنا المعلمة بتاعتهم وبصراحة أكتر من روووووعة بس د/هشام مش عارفة هيبدأ إمتى بالظبط ولاااااازم طبعا أتابعه إن شاء الله شكررررررررررا تاني يا سكرررررر وربنا يكرمك |
الشكر لله يا اروى يا حبيبتى ربنا يوفقك يا رب ويوفق كل طلبة الثانوية العامة
|
أروى لاشكر على واجب يا قمر دة أنتى زى أختى الصغيرة يا عسل:) ربنا يوفقك يارب فى رعاية الله |
معلشى عايزة اسال هو الايه الاحسن نذاكر مادة واحدة فى اليوم ولا ننوع فى المواد المستر كان بيقولنا لازم تذكروا 5 مواد كل يوم وكمان حاجة تانية كل صحابى للى اعرفهم بيجيبوا مجموع عالى فى تانية يعنى مثلا 99 او كدة بيقلوا هو ده الطبيعى عشان سنة تالتة موادها اصعب فيزياء واحياء وكمان وقتها اضيق ولا هما فعلا بيحسو انهم قصرو فى المذاكرة ومعلشى طولت عليكم
|
اقتباس:
بصي دي بتختلف من وقت لاخر يعني مثلا شهر 10 وبتخلصي مدرسة الساعة 1 وعندك درس الظهر وكده مش حتلاقي وقت الا لمادة او مادتين بالكتير بس مثلا شهر 3 و4 و5 مفيش مدرسة وعندك 16 ساعة تقسميهم على 3 مواد لان لو مادة واحدة حتحسي ان الوقت طويل والمذاكرة قليلة وحتعطلي نفسك ومش حتنجزي .................... انا كنت في تانيه جايب 3و98 وفي تالته 3و95 وده مش تقصير مني لاسمح الله لكن بسبب صعوبة الامتحانات ولو كانت الامتحانات عادية كان زماني جايب على الاقل 408 بس الحمدلله 402 كويسه برضه (98%) هي مشكلة تالته انك عندك 3 كيمياء بدل واحدة يعني كانك بتذاكري 3 كيمياء والوقت ضيق ومحتاجين مجهود وحل وحفظ .......... في امان الله |
شكرا لرد حضرتك ومعلشى عايزة اسال الاحياء والرسومات اللى فيها عشان انا مبعرفش ارسم خالص وكمان سمعت ان الامتحان لازم ييجى فيه رسومات وده اللى بيفرق الطالب اللى بيجيب 50 من 49 واكيد لمدرس مش هيعلمنا الرسمة زى الكيمياء فمش عارفة انا خايفة بجد من لرسومات وشكراا
|
اقتباس:
انا اول مره ارد فى الموضوع بس يلا السؤال شدنى حكايه اذاكر ماده ولا اكتر دى بتبقى على حسب الواحد اكتر من كلام اى استاذ يعنى انا مثلا معرفش امسك ماده واحده كده اليوم كله لا الواحد بيعمل لنفسه جدول بيصنف فيه يعنى مثلا فى الايام الاولى دى لغايه قبل نص السنه الدرس الواحد المفوض يتذاكر 3 مرات للمواد ام حصه فى الاسبوع و المواد الحصتين الدرس الواحد مرتين بالحل طبعا وده اكيد مش حييجى لو بتمسكى ماده واحده بس فى اليوم يعنى لو كل يوم ترتبى تذاكرى 3 مواد كده حلو قوى اما بقى بعد نص السنه و خصوصا على الاخر المراجعات و المدرسين بيبقو فعلا حاجه رهيبه بس برده فى ايام بتكون فاضيه و كده يعنى الواحد ممكن يذاكر حلو قوى فى الحكايه دى و سنه تالته صراحه بالنسبالى مكنتش اصعب و لا حاجه الواحد كان خلاص اتبرمج يعنى و بمجهود اقل من تالته اتبذل و الواحد يعترف بكده و حكايه اصحابك فانا الحمد لله 99.3%فى تانيه و زيها فى تالته يعنى الواحد نقص 5 فيزيا عوضهم فى الجغرافيا فالحكايه نسبيه و عادى حكايه النقص او الزياده بلاش انتى من الخوف و كده الفيزيا و الاحياء مذاكرتهم مش صعبه قوى يعنى يا رب اكون افدتك فى رعايه الله |
شكرا لرد حضرتك
|
اقتباس:
لا مجرد رسم تخطيطي مع مراعاة الابعاد والنسبة والتناسب فيه رسومات مطلوبة عليكي زي مثلا في الباب الاول الشعيرة الجذرية والبلاستيدة وفيه رسومات ممكن تيجي مرسومة وعليها اسئلة الامتحان طبعا لازم فيه رسومات احنا في 2008 كان عندنا رسمتين نرسمهم ورسمة تجرية غير الرسومات اللي موجوده في الورقة فيه امتحان زي 95 فيه 11 رسمة بس الحكاية دي محتاجه تدريب ومتهمليش الرسومات في الاول عشان متتزنقيش في الاخر فانتي تجيبي كراسة عاديه وترسمي اكتر من مرة وتشوفي الاستاذ بيرسمها ازاي زبعد كده ترسميها وتوريها له عشان لو فيه تعديل او تظبيط انا كنت بعمل كده (انا طول عمري مش بعرف ارسم لكن جيت في الاحياء وبقيت رسيم) والحمد لله جبت 5و49 |
شكرا لرد حضرتك انا الحمد لله اتطمنت
|
عايزة اسال ايه رايكوا فى موضوع تغييير المدرسين انا فى سنة تانية غيرت 7 مدرسين فى الكيمياء كنت بحس انى مش مقتنعة بالمدرس بتاعى وبجرب بتاع صاحبتى يمكن يكون احسن وكنت بتشتت جامد ومعرفش اقرر اكمل مع المستر بتاعىولا اغيره يعنى المفروض انى اكمل مع مدرس حتى لو مش مقتنعة بيه واعتمد على نفسى فى المذاكرة بجد انا خايفة احسن الموضوع ده يتكرر فى تالتة واضيع وشكرااا
|
اقتباس:
وربنا يوفقق ان شاء الله |
اقتباس:
اولا كل مدرس ليه مميزاته وعيوبه ثانيا وده الأهم الطالب هو الحلقة الرئيسية في الموضوع لا ن مفيش استاذ كل الطلبة عنده جايبين درجة نهائية ومفيش مدرس كل الطلبة بتوعه ساقطين فيبقى لازم الطالب يعوض النقص اللي عند المدرس بنفسه ويعتمد على نفسه ويفتح كتاب المدرسة ويشوف كتب خارجيه ويشوف صحابه بيعملوا ايه وكمان اختيار المدرس من الاول ليه عوامل انه يكون معروف في منطقتك او مدرستك وناس بتشكر فيه وفي اسلوبه والطلبة اللي بياخدوا عنده درجاتهم شكلها ازاي؟؟؟؟ ومثلا ما تحاوليش تبعدي عن صحابك او اللي معاكي في المدرسة يعني ميبقوش بياخدوا عند مدرس وكلهم شايفين انه كويس وانتي بتاخد ي عند مدرس تاني وانا الحمد لله ربنا وفقني في السنتين وعرفت اختار مدرسيني كويس جداااااااا ومغيرتش ولا مدرس |
شكراا لردك يا جوليت
|
شكراا لرد حضرتك يا دكتور وان شاء الله ربنا يوفقنى فى اختيار مدرسين كويسين من الاول
|
اللي عايز يسأل اي سؤال يا جماعة ميترددش وانا موجود
|
شكرا لحضرتك يا دكتور بس الموضوع ممكن يبقى احسن لو كل واحد قال ايه اللى استفادوا من تجربته فى الثانويه عشان الافاده تعم الكل انا عن نفسى استفادت انى اكون واثقه من نفسى وانام كويس قبل الامتحان ومخافش طالما ذاكرت وعملت اللى عليا
|
انا راى نعمل الفكره اللى كان استاذ عصام قال عليها زمان بس كان عايز يعملها على الاوائل و هى ان كل واحد من البوابه خلص الثانويه يدخل يقول كلام عن الثانويه العامه يعنى نظامه كان ازاى كان بيعمل ايه بينظم وقته ازاى و كده الاستفاده حتبقى كوجهه عام وكمان متعدد يعنى حتيجى من كذا واحد و بعد كده اللى داخل بقى يقدر ياخد و يحدد النظام اللى عاجبه من كذا مصدر و انا بقول يبتدى المنتظمين على الموضوع زى حضرتك و جولييت و مجدولين اعتقد كده يبقى الموضوع كامل من مجميعه فى رعايه الله |
اقتباس:
انا عامة لسة شايفة التوبيك و فكرته بجد تحفة و الفكرة دى جمييلة كتيير عشان انا لما كنت داخلة ثانوى كنت بردو عايزة اللى يقوللى عن اللى استفاده و الغلطات اللى عملها ...اما نشوف |
شكرا ليكى يا اسدات وبريشيص طيب عايزين نبدا بكلام فعال كل واحد يقول ايه اللى استفادوا من الثانويه انا عن نفسى قلت اللى استفادتوا من 2 ثانوى لانى خبرتى صغيره لسه فى 3 ثانوي فى انتظار البقيه وشكراا لكل اللى شارك فى التوبيك
|
انا لسة جديدة في المنتدي و حبيت المنتدي دة و كل الناس اللي فية .. و بصراحة ميرسي ليكوا كتير علي مجهودكم الرائع .. ربي يجزيكم خير ..
انا السنة دي في تالتة و جبت 95. في تانية انا بصراحة مكنتش منظمة في تانية و كنت واثقة في نفسي اوي اني انا باي مجهود بسيط اجيب مجاميع عالية و اطلع الاولي علي مدرستي لكن الحمد لله علي كل حال . المهم انا كملت علمي علوم علي اساس اني ابذل مجهود جامد والحق صيدلة او لو محصلش كدة ادخل جامعة خاصة . بس انا نفسي اخش حكومة اوي . انا عندي كذا مشكلة كدة و مش عارفة احلها لوحدي |
هبقي اقول لكم عليها لاني كنت كاتبة رد كبيير و اتمسح وانا بكتب من الموبايل و تعبت خالص . بس ما تنسونيش من دعواتكم في رمضان بليييز
|
أذاكان ممكن تأخذى برأى لو انتى بتذاكرى دروسك أولا بأول حيكون عندك وقت كفايه لمذاكره 5مواد في اليوم المهم المذاكره أولا بأول أما حكيه تغيير المدرسين دى مش من مصلحتك المدر س يساعدك فى فهم الدرس واجتهادك وحرصك على تلقى المعلومه دة عليكى انت
|
كنت واثقة في نفسي اوي اني انا باي مجهود بسيط اجيب مجاميع عالية و اطلع الاولي علي مدرستي انتى بتقولى يا جنه انك كنتى واثقه من نفسك انا بقى عكسك نهائى مش واثقه فى نفسى خالص وعلى طول خايفه وبقول انا فاشله انا حتى مش هحصل 90 مش هقدر اكمل علمى علوم عارفه قله ثقتى بنفسى جابت لى ياس وفكرت فى الاواخر لشهر5 انى مدخلش امتحانات واعيد شوفى كنت هبله المهم لازم الواحد يتعلم ان ولا يبقى واثق اوى زيك يا جنه ولا يبقى زىى مش واثق خالص والثقه معدومه احلى حاجه الاعتدال اقري الموضوع بتاع دكتوره ماجدولين هيساعدك كتير وربنا معاكى ومعانا جميعا
|
يا جماعه انتوا بتعملوا اقتباس ازاى معلشى اول سطر مش انا اللى بقوله ده بتاع جنه او جانا حاولت اعمله كوبى عشان اعمل اقتباس منفعش وشكراا
|
اقتباس:
|
شكرا ليكى ما انا اكتشفت الموضوع ده بعد ما كتبت خلاص
|
اقتباس:
عموما العفو يا ستى |
اقتباس:
اقتباس:
واسف لانى فعلا مشغول الايام دى واول لما افضى من الى انا فيه هابتدى فى الى قولتى عليه يا اسدات فى امان الله |
انا ياجماعة
والمشكلة الكبيرة بتاعتي المدرسة المدرسين بيشرحوا حلو قوي لدرجة ممكن تستغنوا علي الدروس بس من باب الاطمئنان باخد والمدرسة محرمة الغياب بمعني غياب 15 يوم متواصل مفصل او غياب 30 يوم غير متواصل برده فصل المهم انا بكون في البيت الساعة واحدة وبكون هلكانة ومقدرش اكمل يوم علما بان جبت 92،2% ومكملة رياضة و لازم اجيب هندسة |
اقتباس:
بالتوفيق ليكى يا قمر |
يا جماعة انا عاوزة اخد رايكم فى حاجة
انا باخد درس فيزياء عند مدرس كويس الى حد ما بيحل بس مش كتير بس دى مش مشكلة كبيرة بالنسبة لى هوا بيعطيني امتحانات مش صعبة اوى وكمان ملزمته بتبقى ناقصة وباضطر انى اذاكر من كتاب المدرسة هل ينفع استمر عنده واجيب الدرجة النهائية؟؟؟؟؟؟؟ |
| جميع الأوقات بتوقيت GMT +2. الساعة الآن 07:24 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.