اتمنى اكون بفيدكم ............نسيت حاجة مهمة جدا لسه فاكراها دلوقتى بصوا ياجماعة السنتين اللى درستهم فى بنها وخاصة فى اولى كل المواد الدكتور بيدخل يشرح ويرسم بايده ولو حاجة طويلة فى الكتاب بيدى فيها المهم ولو حاجة صعبة لدرجة انك زهقت من الكتاب تفهمها من المحاضرة وتكفى.............وفى دكاترة عايزين اللى قالوه فى المحاضرة وبس.. ولو ملحقتش تكتب(بس الافضل تكتب بايديك)هتلاقيه فى المكتبة(بس افضل انك تكتب ومش تعتمد على حد)..................اما المنصورة المشكلة بيستخدموا داتا شو يعنى طبق الاصل من الكتاب لكن محلولة برده بره فى المكتبات طلبة ملخصين المنهج

ممكن اسال حضرتك سؤال هو منتدى نكست اللى هوبيضم 4 كليات تقريبا مش موجود فيه حاجة ولا انا اللى تايهة بجد............من كام اسبوع دخلت على منتدى الساحة ده بتاع القاهرة بحس ان ساحة المذاكرة محدش كاتب فيه حاجة..................ممكن اتاكد ولا انا لسه تايهة

طيب يا دكاترة انا حاولت ادور ليكم عن اى حاجة فى اولى..........لكن مش لقيت حتى فى منتدى مش مصرى مش لقيت اللى انا عايزاه ليكم حاجات مختلفة شوية..............dr:sniper انا برده فى سنة ثالثة ممكن اجيب مواضيع بس مش متاكدة منها علينا ولا لا فمش هاقدر احطها خالص على منتدى نكست

طبعا يا فندم حضرتك تنورى المنتدى

وملحوظه صغيرة المنتدى لسه جديد ولسه بنجمعله مشرفين وطلبه وان شاء الله نقدر نخليه منتدى لينا كلنا

..........وده فعلا اللى انا لاحظته وكنت عايزة اتاكد منه.................ببكل فخر بيطرى بنها مش ليه مكان ياترى ادخل على انه منتدى:p:p:p..............انادخلت بتاع القاهرة من كام اسبوع وحطيت فيه كذا موضوع لمادتين من منتدى مش مصرى بس محدش من رابعة قالى انه علينا ولا لا ومفيش اى تفاعل خالص

اولا مفيش منتدى لكل كليات الطب البيطرى وده اللى احنا بنحاول نعمله نجمع طلبه من كل الكليات وكل واحد منهم بينشر المنتدى فى كليته
وطبعا قسم جامعه بنها خلاص بقى موجود ويا ريت حضرتك تكونى مشرفه عندنا فى المنتدى

انا اسمي ندي وانا رايحه كليه الطب البيطري جامعه المنصوره وعايزه اعرف هل المنصوره اصعب كليه طب بيطري ومبيجبوش تقديرات عليه ولا لا وشكرا علي الموضوع الهادف:d

اولا قبل كل شيى مبرووووك على الكليه
ثانيا بقى وده الاهم يا ريت تلغى حتة الكليه صعبه ومفيهاش تقديرات
كلية الطب البيطرى مش هقولك سهله لكن مفيش فعلا حاجه صعبه بالصعوبه اللى انتى متخيلاها
وطبعا التقدير بيتوقف على مذاكرتك مش على الكليه لانى عمرى ما سمعت عن كليه مفيش حد بيجيب فيها تقدير اهم حاجه تحبى الكليه وتذاكرى من اول يوم ومتضيعيش محاضرات وان شاء الله هتجيبى تقدير
ونباركاك كمان

وانا بتفق معاك يادكتور على هذا الراى

اهلا بيكى معانا يا دكتوره
انا والله على فكره السبب الوحيد اللى مخلينى كاره المنصوره هو الموضوع ده
بيقولو الدكاتره معقدين وبيصقطوا الطلبه بمزاجهم

لأ لأ ابدا انا بعترض وبشدة من اللى قال لحضرتك كده :o:o:o..........وانا متضايقة جدا لو الوااحد عايز ينجح فى عمله كطالب لازم يحب المكان بتاعه وبشدة مهما كان كلام اى حد.:cool::cool:.........................ان الله لا يضيع اجر من احسن عملا.............وعلى فكرة صاحبتى اللى موجودة فى المنصورة عمرها ابدا ما شالت ولا مادة (الحمد لله) وفى ناس جابم امتياز والطلبة زادت فى الترم التانى من مقبول لجيد بيتهايالى اننا كلنا مستوانا واحد اى نعم فى اختلاف فى القدرات وده مش معناه انهم احسن منكم.............تقدروا بقى تتخلوا عن التفكير ده .......:mad::mad::mad:...............طيب كانوا بيقولوا ان بيطرى بنها وبركز على بيطرى بس مفهوش تقدير والطلبة جابت امتياز وجيد جدا:cool::cool:..............ما انا مش معقولة مذاكرش وابقى عايز:mad:....................بيتهايالى ان فى حاجة اسمها اعقلها وتوكل صح:cool::cool::cool:...................

ان شاء الله الكلام صح وان شاء الل تجيب تقدير بس اهم حاجه ترمى الكلام ده كله ورا ظهرك وركز وذاكر وان شاء الله تبشرنا بالنتيجه
ثانيا الدكتور مالوش اى هدف ان يشيلك ماده ولو مذاكر عمرة ميعلملك حاجه انت كاتبها صح هو يعلمهالك غلط....ركز انت بس وذاكر

واعقلها وتوكل

عندى طلب صغير للمشرف اولا المجموعه الطبيه من الخارج غير مسجل فيها الطب البيطرى مثل باقى الكليات
ثانيا مفيش اى موضوع مثبت للطب البيطرى....................................؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟

الانجليزى مش مشكلة خالص فعلا زى ما قال دكتور سنيبر اسبوعين وتتعود ولى عودة (هتفهم معنى الكلمة لما توصل)

http://www.6abib.com\anatomy\ant-1.htm
دى صورة للخلية

الف مبروك يا جماعه للى حولو ا ويا رب يوفقهم
وطبعا نتمنى لهم التوفيق ان شاء الله
ويا ريت يا جماعه نتجكع مع بعض فى المنتدى البيطرى
لانه هيكون مناسب اكبر بعد انتهاء دور الثانويه العامه اللى بنشكر الادارة لانها سبب تعرفنا بيكم
فيالا بينا نتعرف اكثر على منتدى ممنوع وضع اسم لاى منتدى داخل الردود
يالا بسرعه......

اوعدك يا دوكتر
قدها وقدودو
طول مامعايا الدكاتره
ربنا يخليهم مظبطنى ومريحينى فى اى سؤال

يارب وفقنا جميعا في هذا المجال

اه على فكره يا جماعه
طبعا كلنا عارفين موضوع التاليس على الدكاتره بتوع بيطرى كل شويهوكلاممنده
واكتر حاجه بتكونمنزمايلك وقرايبك
انا فيه دكتور بيطرى قالى قبل كده ما تاخدش حد على قد عقله
لو قالك هتبقىدكتور حمير قوله طيب يا حمار
اللى يقولك يا ابنى انتدكتور حيوانات قوله طيب يا حيوان
وياريت تعرفه مركزهكويس علشان انت فى الاول وفى الاخر دكتور

السلام عليكم
الحمد لله النت اشتغل.........عيد سعيد ان شاء الله
حد عايز اى سؤال

ايوه يا دكتوره الحقينى
انا عندى سؤال مهم جدا


انتى عامله ايه؟

ايه ده يا دكتوره انتي رجعتي أخيرا حمدلله على السلامه
وكل سنه وانت طيبه

اهلا بكم طبعا انا فراحانة انكم موجودين وخاصة فجر لانى كنت فاكراها فصلت النت............طيب عاملين ايه مع المواد

الحمد لله دكتور الهستولوجي عندنا عامل موقع بنمتحن عليه وكده يعني
فأقنعت بابا يسيب النت بس طبعا بحساب
حمدا لله على سلامتك تاني مره

طبعا اكيد المواد محتاجة مجهود فى المذاكرة.................اهم حاجة الكيمياء الحيوى لانها شبه السبرتو بتتنسى بسرعة محتاجة تتذاكر وتتراجع ومتتراكمش ابدا..................انا متاكدة ان اجمل مادة عجبتكم هى الهستولوجى نظرى وعملى.........

أنا من أول محاضره في الكيميا الحيوي وأنا حسيت انها الأصعب
مش عارفه ده حقيقي واللا أنا اللي ما فهمتش حاجه من الدكتور

هى فعلا تقيلة شويتين واصعب من بقيت المواد مش علشان هى معقدة لا علشان كلها مركبات.........ناخذ مثال اكيد لو بداتى بالكربوهيدرات هتاخذى السكريات الاحادية زى الجلكوز ..بيتكون من 6 كربون وحوليه هيدروجين لو حصل تغير فى مكان معين للهيدروجين بيدى نوع تانى وبتاخدى الفركتوز اللى هى بيتنتهى بكيتونc=oبدل الالدهيد ..........يعنى كلهم قريبين من بعض علشان كده متقنعيش نفسك انك مش فاهمة ذاكرى على اد ما تقدرى......مش عايزة اخوفك لكن دى من المواد اللى تقديرها بيجى مش بالسهل ...........يعنى مش هستولوجى وتشريح علشان ترسمى وتاخدى درجة...................دى بتعتمد على التركيب وفى اسئلة كتابة بس لازم تركيب برده.........................

علشان الناس اللى بتاخذ مواد علوم متزعلشى ...............لقيت المفاجاة دى وانا رايحة تالتة.................مواد الترم التانى نبات جزء منه وتقريبا كل الحيوان(طبعا طفيليات زى البلهارسيا)بندرسها بطريقة اوسع شوية فى تالتة.........دى بتفيدنا ان احنا اخدنا ولو فكرة بسيطة عنها(طبعا مكنتش بذاكرها كويس لكن حضور المحاضرات افادتنى)على الرغم ان الناس اللى قبلنا مفهمناش الجزئية دى وقاله كله مش مهم ............... لكن الترم الاول ليس له علاقة

انا كنت مستنية النت بفارغ الصبر .....علشان اساعدكم باى شكل...........عايزين حاجة هحاول اساعدكم ان شاء الله......بجد اللى عنده استفسار يسال

انا اسفه اني مكنتش متابعه معاكم الفتره اللي فاتت
بس ظروف هي اللي كانت مانعاني ادخل والله
المهم اني هكون معاكم ان شاء الله
ويارب الاقي حد يفيدني
انا بيطري القاهره
ادعولي بالتوفيق

الحمد لله انك رجعتى بالسلامة
ربنا يوفقك
لو عايزة اى حاجة اسالى وان شاء الله نساعدك
معلشى نسيت كل سنة وانتى طيبة
على فكرة يمكن تكونى ما اخذتيش بالك زى هتلاقى موضوع مثبت للطب البيطرى ان شاء الله يفيدك

ازيك يا زوزو معانا من جديد نورتي الموضوع بصراحه
أنا زيك تايهه في موضوع المذاكره ده ومسكت الكتاب اتعقدت
ياريت حد يساعدنا

للدرجة دى المواد مختلفة جدا عن اى كلية يعنى رعاية الحيوان تقصدى behaviour اخذناها فى تانية
طيب قوليلى بيشرحوا ازاى فى المحاضرة
طيب ناخدها واحدة واحدة

هستولوجى:اهم حاجة الرسم وارسمى ورا الدكتور مهم جدا..........والنظرى اللى تفهميه خديه من الكتاب واهتمى لما ترسمى الرسمة تشرحيها وبعدين ضيفى اللى انتى عايزاه.............والترم الاولانى غالبا مفيش مقارنة بين الحيوانات كلها بدايات سهلة وكويسة

طبعا العملى بترسمى من ع الميكرسكوب واسالى حد فى تانية بيسلموكم اطلس بيجى من صور العملى ع التليفزيون ولا برده بتمتحنوا ع ميكروسكوب فى الامتحان لانها تفرق كتير
لو هتمتحنوا على ميكرسكوب بيكون اصعب ولازم تركزى فى الرسم من دلوقتى

اناتومى:لازم الدكتور يرسم وترسمى برده والكتاب بيشرح الرسم وبس.........عندنا مش عارفة يختلف عنكم ولا لا الدكتور بيرسم ويشرح وبنكتب كل وراه ونشوف الكتاب لو الشرح معقد ولو انه كويس ناخذ بشرح الدكتور بس


رعاية الحيوان بجد رائعة وانا جبت فى الترم الاول امتياز كلها متشابهة حطى قاعدة عامةلو بتاخدى حيوانات التجارب فى الترم الاول هتختلف شوية
خدى مثال:فى حالة الoestrus بتظهر على الحيوان حاجات معينة بتتشابه كتير فى كل الحيوانات
فى الحمل بهتم بيها ازاى وبعد الولادة وهى بتولد وبالمولود متشابهين جدا
فى الmatingتحس ان كله زى بعضه لكن فى فرق واحد بين الحصان والبقر انهم ينفصلووا اويفضلوا مع بعض...واختلافات طفيفة بين الحيوانات
لودرستىhorse-cattle-sheep-goatسهلة جدا اعتمدى على فهمك وبعدين حفظك



شوفى عندهم ذوق ازاى بتاخدوا من علوم اللى بيفيدكم وبس مش زينا يبهدلونا

بيولوجى:نبات:بترسى بكتريا وفيروس وجميلة وسهلة اوى كنت بذاكرها من الكتاب........دى هتفيدك فى سنة تالتة.والعملى كويس جدا

الحيوان:برده هيفيدك بتالتة ...معلشى مش هاقدر افيدك فيه اوى اصل انا مكنتش بذاكر كويس بس كنت بهتم بالعملى جدا
بس صدقيتى هتكون حلوة بس ذاكريها حتى لو هتاخذى من كل طفيل رسمته وشوية معلومات عنه



بيوفزيكس:درسناها عربى وكنا بنذاكرها من الكتاب سهلة جدا بتتكلم عن الموائع وشوية اجهزة طبية بنستخدمها تبع الدرس اللى بتاخديه وسهل تجيبى فيها تقدير


ملحوظة: احنا درسنا 3انواع للفيزياء و4 للكيمياءوحيوان ونبات فى علوم ومكناش بنفهم غير الفيزياء الحيوى كاملة وكيمياء عامة وبقيت الفروع نص ربع فاكيد اللى انتم بتاخدوها هتجيبم فيها تقدير

ملحوظة كمان: انا ان شاء الله هحاول اجاوبك على استفساراتك وبكون بجد فرحانة........بس برده اسالى حد من تانية عن اولى يمكن طريقة مذاكرة مادة ما تكون بتتذاكر بشكل مختلف او مصادر المذاكرة فى نظر الدكتور الكتاب اهم من المحاضرة(ولو انها نادرة بس الاحتياط واجب)

كل سنة وانتم طيبين ومتشكرين يا دكتورة على الجمال ده
ومتهيالى ان الحاجة اللى متعبةشوية هى البيو كيمسترى لان الدكتور فى المحاضرة كان بيقرا الكتاب

الف شكر على الموضوع معلش مفيش حد يعرف نظام طب بيطرى كفر الشيخ
وكل سنه وانتم طيبين

والله كل الكلام ده لا يقارن بمواد علوم
يا جماعه انا راجل بتاع حيوانات
مال اهلى انا ومال نيوتن والكهربا
انا هكهربهم
لا اله الا الله