|
انا عارفه ان الحلقه الاولي مفيهاش حاجه مشوقه وكده لانه كان مجرد انه فكر يدخل القصر وكده عشان كده جبتلكم الحلقه التانيه كمان ودي برده فيها شوية معلومات عن القصر وشوية حاجات غريبه كده حصلتلهم ( احمد وكريم صاحبه ) الحلقه الثانيه ممكن نعرف الاول شوية معلومات عن القصر البارون امبان مهندس بلجيكى عمل مشروعات فى دول كثيرة ونال لقب البارون من ملك فرنسا تكريما لة سافر الهند وهناك اصابة المرض وعالجة الهنود وجاء لمصر وقرر الاستقرار واراد انة يعمل قصر فى مكان غرب القاهرة وقرر تاسيس شركة مصر الجديدة بحث كتيير عن تصميم للقصر حتى وجدة لمهندس اسمة الكسندر مارسيل وقرر شراء التصميم وبناء القصر القصر يجمع مابين الطراز الهندى (يعتمد على وجود تماثيل لحيوانات اسطورية وراقصات من الهند)ودة كان زى اعتراف بجميل الهنود لمعالجتة ..والطراز البوذى (وجود تماثيل بوذا واشكال النقوش على الجدران ) القصر نفسة مكون من طابقين فوق الارض والدور الارضى وحاجت كتير تحت الارض الدور الارضى موجود فية حوالى 4 غرف حاليا فاضيين لكن كانوا للمكتب وحجرة البلياردو وحمام ومدخل للبدروم الدور الثانى ممكن تتخض شوية لو اول مرة تدخل لانة فى غرفة تقريبا بالكامل متغرقة دم على الجدران كان بقايا حفلات اسمها الطقوس السوداء بيمارسها عبدة الشيطان (جماعة ظهرت فى مصر من عدة سنوات تعترض على وجود الاديان وتمارس طقوس سحر واصلها جاءت لمصر من اسرائيل) وهتلاقى نجوم خماسية على الجدران لكن الكلام دة مش يخوف هتلاقى حمام بجانب الغرفة دى ...بجد بجد لو حد راح بلاشششششش يدخل اى حمام فى الدور التانى ..لما كنت بادخل مع الحراس فى اول كام مرة (من تحت لتحت طبعا) كان لما يقرب من اى حمام فى الدور التانى يقوللى اوع تفتح الباب ..طب لية ؟؟?ماتسبقوش الاحداث المهم هتلاقى غرف كتير فاضية وهتلاقى حمام تالت يقال ان لاقو واحد ميت فى البانيو ..ناس يقولو كان سكران وتانيين يقولوا انة اتقتل .. بس المهم ان كان واحد مات فى الحمام دة .. دخلت شوفتة لاقيت دم ناشف على البانيو لكن دة مش دليل على انة اتقتل لان الدور كلة اصلا مليان دم فماجتش يعنى على البانيو وهتلاقى غرفة فيها دفاية قديمة وبراويز فاضية لان كل اللوحات والمرايات تقريبا اتسرقت الدور التالت فية السطح ..الاسانسير ..شوية قعدات ومدخنة ..هتلاقى عمودين فى السطح وبينهم حديدة .الحراس قالو لنا دى كانت مقصلة وقع فيها راس المهندس اللى بنى القصر علشان مايعملش واحد زية ..الكلام دة غلط تماااما..فى غرفة متصممة بشكل معين بحيث تدخل الشمس فيها على مكان السرير علشان تصحى البارون (ياسلام على الروقان) عارف انك زهقت من الكلام دة لانة فعلا كلام عادى لكن هاقوللك .دى مجرد معلومات عن قصر شفتة وحبيت ادخلة لكن مع الوقت اكتشفت انة مش شئ كويس انك تغامر بالدخول للاماكن زى دى .لية ؟...هاقوللك لاحظ انى ماقولتش حاجة عن البدروم لان دة كانت بداية المشاكل كنت لما باطلب من الحراس حد ينزل معاى البدروم كانوا بيرفضوا ولما اسالهم قالوا انة مسكون ....... ماكنتش باصدق ان فى جن ممكن يسكن مكان ويمنع حد انة يدخلة الا فى حالات السحر الاسود ودة معروف ولان سفير بلجيكا نفسة جاء فى برنامج عن القصر وقال ان البارون امبان كان فعلا بيمارس السحر لكنة مش سحر اسود الكلام دة مش بياكل معاى ..قررت اننا ننزل البدروم علشان ادور على الغرفة اللى قولتلكم عليها لاقيت غرف كتيييير تحت ..عالم تامى وممرات ومطبخ ومدافن للخدم (ودة مكان مخيف قوى بجد ومقبض) ومشينا فوق المدافن علشان نوصل لمكان تانى مع ان غلط انك تمشى فوق مدافن (يعنى هو اللى مش غلط اننا ندخل القصر اصلا) الغرف اغلبها فاضية لكن شبة بعضها وممكن تتوة والحمد للة وصلنا للغرفة الوردية واحنا داخلين الحارس قاللى حاسب جنبك .لاقيت حفرة كبيرة فى الارض .سالتة اية دة ..قاللى دة مدخل ممر يوصل مابين القصر لجد كنيسة البازليك طب ينفع انزلة ؟؟قاللى لااااا فى 4 علماء اثار نزلو 3 ماتوا وواحد طلع عندة حالة عصبية ..(كلام مش مقنع )لية هم شافوا اية تحت ؟رد قاللى فى نظام حارس جنى بيحرس المكان (طب ماشى )المهم والحارس بيشرح لنا المكان حصل صوت خبط قام الحارس سابنا وطلع يجرى وسابنا نخبط فى الظلام فى رايىى ان لحد دلوقت مافيش شئ مش طبيعى ...لسسسسة ماتستعجلش شوفنا اماكن كتير تحت وهتلاقى المطبخ كانك دخلت الة زمن ..فية اسانسير الاكل وبوتجاز بالفحم الحوض زى ماهو ومواسير ...مواسير ازاى وانتوا شغالين بالفحم؟؟؟ رد على الحارس قاللى دى مواسير فيها رولمان بلى لان القصر بيدور على تروس تحت الارض كل الكلام دة كان الصبح واتكرر السيناريو دة كتييير لحد مازهقت طب لازم نعمل حاجة جديدة جوة سمعت عن علم اسمة الميتافيريقا؟؟؟ دة علم غريب شوية وبيدرس الاشياء الغير طبيعية ..سمعت عن دراسة فية بتقول ان الانسان ممكن يتنقل مابين الزمن (اية الكلام دة ) وملخص الدراسة انك ممكن تشوف لقطة من زمن فات لو انك قعدت فى مكان وركزت لفترة كبيرة وتخيلت انك فى زمن فات ممكن فعلا تشوفها قدامك ماقتنعتش قوى الصراحة وقولت اجرب اخدنا القرار باننا ندخل القصر بالليل ونشوف اية اللى ممكن يحصل طب فى شوية مشاكل ..الحراس احيانا بيناموا فى القصر ..كنا بندخل على ايام نلغبط الفرش بتاعم وننقل تماثيل واحجار ونوهمهم ان المكان فعلا مسكون ..ونجحنا فعلا اننا نبعدهم عن النوم فى القصر لانهن خافو الكلام دة بجد ماكنش سهل لان محتاج سرعة ( علشان بنط من السور وبنجرى ونوطى ونمشى على ركبنا )ومحتاج خفى (للتنطيط مابين الغرف والابواب المغلقة ) قبل كل دة محتاج واحد مش بيحس (لان الجو نفسة بداخل القصر مرعب) المممممممممممممهم دخلنا فعلا القصر الساعة 9 بالليل وحصل شئ غريب معانا(كريم صاحبى وانا) انتظروا الحلقه الثالثه |
اقتباس:
عارفاكي خوافه امال لو فكرت اروح القصر مين هييجي معايا:D لالالا كدخ حليتيني اشيل الفكره من دماغي خلاص متحاوليش مش هروح من غيرك :p |
انتى بجد شوقتينا اكتر ياريت الحلقة التانية بسرعة
|
ينهاري قلوبهم ايه دول هو في ناس كده بجد
انا اولا شكرتك قبل كده ع الفكرة يا سندريلا وبكرر شكري على تنفيذ الفكرة ثانيا انا متوقعلها نجاح هنا ي المنتدى وانا اوال المعجبيين بيها وان شاء الله معاكي |
اقتباس:
مكنتش متوقعه انها هتعجبكوا والله ان شاء الله نكمل باقي الحلقات وتعجبكم اكتر اصله كده لسه مدخلش في الجد يعني بس عشان اللي لسه مدخلش يلحق يقرا عشان الملل وكده انتظر الحلقه الثالثه ان شاء الله |
ياربناااااااا ايه الرعب ده يا زوزو
يلا لو فى باقى كملى انا على نار نار يا استعمار:d |
انا بحثت كويس فى الموضوع
الموضوع فعلا شيق وان كان لا يخلوا من اشياء لا يصدقها عقل والله اعلم |
اقتباس:
ونشوف ونبحث فيهابس فعلا انا مصدقه بجد انت لو حصللك ربع اللي حصللي اللي هو اصلا ميجيش واحد في المليون من اللي حصل للي دخلوا كنت هتصدق كل كلمه وتبصم عليها بالعشره بجد الموضوع حقيقي يمكن عشان انت في المنصوره وكده يعني بعيد عن القصر والرعب ده بس قولولي رأيكم في الي فات اكمل وللا ؟ |
جميل جدا يا سندريلا
الى الامام دائما ومستنين الحلقه الثالثه |
اقتباس:
لا شيليييييييييييييييييها شيليييييييييييييييييييها خااااااااااااااااااااااالص:D:D انا اضحى بحياتى فى حاجة مفيدة انما اموت بسكتة قلبية و ادخل القصر ده و ع ايه;) بس هحاول اكمل:D |
اقتباس:
بقي انا ادخل قصر البارون؟ ده انا بخاف من خيالي ده انا شفت فيلم ويجا العبيط من الكام لقطه بتوع الدم والقتلل معرفتش انام:D ده انتي مخمومه فيا اوي وفاكراني عبده الشجاع قال شيليها قال;) |
موضوع جامد وحلقات نار |
جميل جداااا يا قمر ومستنينك فى الحلقة التالتة بس مش عارفة انا مصدقة عشان انتى قولتى غير كده مكنتش هصدق هههههههه بس روعة فعلا يللا بسرعة الحلقة التالتة مش قادرة استحمل
|
الحلقه الثالثه
اتفضلوا دي الحلقه الثالثه ودي جمعت فيها كذا رد مع بعض عشان ماضحكش عليككم واقوللكو حلقه وتلاقوا سطرين وللا حاجه:D اتمني تكونوا بجد بتستمتعوا بيها :) الحلقه الثالثه عارف انكم عايزين تعرفوا اية اللى حصل ..بس ممكن نسال سؤال قبل مانكمل ؟اشمعنى يعنى القصر دة هو اللى مشهور بالرعب مع ان فى اماكن كتيير مهجورة وعادى يعنى ؟سالت نفسى نفس السؤال ودورت وقريت وعايزكم تفكروا معاى يمكن لان تاريخ القصر والحوادث اللى حصلت فية خلتة مكان مش كويس ؟؟ممكناحب اقولكم ان فى حوالى 5 اشخاص ماتوا داخل القصر اولهم كانت البارونة هيلانة اخت البارون امبان ..وقعت من شرفة غرفة وسقطت فى حديقة القصر واستغاثت بالبارون لكنها ماتت من النزف الشديد ومالحقش البارون ينقذهاثانييا بنت البارون ..كانت تعانى من شلل اطفال ولاقوها متوفية فى بير الاسانسير لاسباب غير معروفة ثالثا الخدم مات حزن على ابنة البارون ....واصيب البارون امبان نفسة بالاكتئاب ومات برضة (دة اية دة ؟)وهناك الولد اللى لاقوة فى الحمام غير علماء الاثار غير وجود مدافن الخدمطب لو افترضنا ان كل دة عادى ومش سبب جامدالبارون امبان استخدم السحر للاعتذار للبارونة هيلانة بعد وفاتها ويقال انها كانت غاضبة وكانت بتصرخ فى جلسات السحر ودة كان بيسبب خوف للناس ومن زمان بدات سعة القصر تسؤ حتى قرر السلطان حسين كامل شراء القصر من البارون لكنة رفض وبدات مشاكل البارون مع الحكومة المصرية مما زود الاكتئاب ومات قريت ان عبدة الشيطان كانوا بيحضروا الجن ومش بيصرفوة والكلام دة حقيقى مع انى مش باصدق بسهولة وحاجة غريبة سمعتها هن اقوال عبدة الشيطان نفسهم هى ان خالد مدنى (احد مؤسسى هذة الجماعة فى مصر)تحدث مع الشيطان داخل القصر(كلام غريب قوى )زهناك حادثة مشهورة حصلت سنة 82 يقال ان نار ولعت لوحدها بداخل القصر والناش فى الشارع كانوا شايفين والنار زادت والدخان اكتر وطلبوا المطافى ولاقوا ان النار بدات تنطفئ بالتدريج حتى انتهت لوحدها قبل المطافى ماتيجى ولما طلعوا لاقوا ان مافيش اى اثر لاى حريققريت الكلام دة اكتر من مرة لكن برضة مش مقتنع حبيت اغامر وادخل مع صاحبى من وراء الحراس علشان ناخد راحتنا فى التسول بداخل القصروياريتنى ماتسولت نسيت يا جماعوة اقوللكم على حاجة القصة دى فعلا حصلت معى ومستعد انى احلف على انها حصلت فى حاجات بحكيها وفى حاجات ماقدرش احكيها لان حاجت حصلت معاى ومع اصحابى اللى دخلوا معى احنا نفسنا مش مصدقينهالكن الحقيقة انها حصلت وعارف و متاكد ان فى ناس كتيير هتقرى الكلام دة ومش هايعجبهم هايقول (يا عم دة بيخرف)لكن على العموم سواء اقتنعت او لا فالكلام دة بالفعل حصل مش معاى بس لكن مع اصحابى اللى غلطوا ومشيو وراياولو حد قرى وقابلنى فى الكلية مستعد احلفلة ولو مش مقتنع اصلا ممكن تقراة على انها قصة لمجرد التسلية طريقتى انى باكتب اللى حصل معى وباربطة باللى قريتة عن القصر واللى شوفتة وسمعتة وباكتبلك الحاجت دى بعد الفلترة وفى نفس الوقت باكتب رايي فى تعليق صغير جنب الكلام ..يمكن يكون رايي هو سؤال فى دماغك وبارد علية بس كدة لكن معلش مش قادر اكمل دلوقت لان اللى هاكملة بعد كدة اكيد ناس كتيير هاتختلف معى فية زى مانا اختلفت مع انفسى فى انى احكية اصلا لكن بجد مش باضحك على حد وماكنتش هاحكى لولا تشجيع اصحابىللحديث بقية ماتقلقوش التقيل جاى قدام بس انا راجع مهدود شوية من امتحان السيركتس |
اقتباس:
براحتك وكل واحد له رأيه والموضوع دة الدين اتكلم عنه بالتفصيل على فكرة وانا مش بصدق اى كلام بيخالف القران او السنة صراحة حتى لو حلفلى على المصحف فى امان الله |
بجد انا عايزاكى تكملى علشان انا بحب الغامرات جدا مع انى بخاف دا انا الخوف نفسه ومع ذلك لو جتلى الفرصة انى ادخل القصر مش هتردد واللى يحصل يحصل هو الوحد هيموت ناقص عمر
|
شكرا سندريلا على الحلقات ومنتظرة الباقى :rolleyes: اقتباس:
طب ممكن يا دوكتور (( بعد اذنك سندريلا ;) )) تجيب الحاجات اللى الدين اتكلم فيها ف الموضوع ده او الحاجات اللى قريتها وبتخالف القرآن ؟؟ عشان الموضوع ده شاددنى اوى وعايزة اعرف كل حاجة فيه |
سندريلا بجد شوقتينا
مستنين الخلقه الرابعه فى اسرع وقت وبعدين بجد انا نفسى اخش القصر دة والى مكتوبلك حتشوفه والواحد مبيموتش ناقص عمر يلا يا سندريلا كلنا معاكى ومستنين باقى المغامره |
الناس دى بتاكل ايه ياجدع الواد قلبه ميت
|
اقتباس:
ايه هو اللي بيخالف القرأن والسنه بالظبط ياريت افهم هو الجن ماتذكرش في القران ولا السحر؟ ؟ عايزه اسمع الرد ع السؤال ده بالذات بجد انا شم عايزه ادخل في مناقشات في الدين كتير لاني ماستاهلش اخد الشرف اني ادافع عن ديني لاني في كتير افضل مني يقدروا يتكلموا في الموضوع ده واظن الراجل جاب المفيد قال لو مش مصدقين ولو مش مصدقين حلفانه حتي ناخد القصه علي انها مجرد تسليه بس انا برده مصدقاه لانك لو كنت مكاني مكنتش هتلاقي حل غير كده وانا هسأل برده ع اللي بتقول انه مخالف للقران والسنه مع ا ني مش شايفه حاجه مخالفه خالص ولو تابعت الحلقات اللي جايه هتشوف اللي يثبت صحة كلامه ارجوك متسبقش الاحداث وهنزل الحلقه الرابعه قريب ان شاء الله في رعاية الله اخي في الله |
اقتباس:
هنبقي نعمل اعلان عن رحله للقصر:eek: واالجدع اللي يفكر بقي انتو علي فكره لسه مشفتوش ربع اللي حصلله متسبقوش الاحداث ده الراجل لحد دلوقتي مدخلش غير مره واحده ولا حاجه انتظروا الباقي ارجو بس اللي قال كلمه يفضل فاكرها لحد ما كل الحلقات تخلص:D |
اقتباس:
وانا كمان وهنتظر رد الاخ سعيد |
اقتباس:
ان شاء الله يكون عند حسن ظنكم مانا لسه بقول هنخل صالمغامرات ونعمل اعلان كده للذهاب الي قصر الموت قصدي قصر البارون :D بس اللي ميرجعش في كلامه;) |
جميل جدا انا متابعة يا قمر كملى
|
هااااااااااااااااااى سندريلا
انا بصراحه كنت شايف عنوان موضوعك ده من حوالى يومين وماكنش شاددنى خالص لكن لما لقيت موضوعك ده فضل كتير كده قلت يا واد شوف البنت دى بتقول ايه وبجد والله العظيم الموضوع تحفه بالذات الصور وياريت بقى تبدأى القصه زى ما وعدتى انتى مش هتولعى الناس وبعد كده تطفيهم |
ههههههههههه وانا موافق يالا بينا
مش اخرها موته ؟ ولا فيه حاجة تانيه ؟ هههههه القصه مسليه علي فكره |
اقتباس:
بس حضرتك اكيد مخدتش بالك شكرا لمرور حضرتك اللي شرفني |
موضوع باين علية هيبقي جميل فياريت تعرضي مغامرات الشخص دة داخل القصر
|
اقتباس:
شكرا لمرور حضرتك استاذ احمد والف مبروك ع الاشراف :) |
يالا يا سندريلا
كلنا معاكي هاتي الحلقة الرابعة شوقتينا اوووووووووي اول مرة اتشدللموضوع كده يالا يا سندريلا هاتي الحلقة الرابعة |
اقتباس:
بس هقول ايه حنان مهدداني لو كملت حاجه قبل ما تكمل قرايه :D بالكتير النهارده بالليل ان شاء الله مين عارف يمكن كمان 10 دقايق كده:o شكرا لمرور حضرتك |
هاااااااااااااااى سندريلا
انا مش هكدب عليكى انا شايف عنوان الموضوع ده من يومين ومارضيتش افتحه علشان عنوانه ماشدنيش لكن لما لقيت اقبال الناس عليه كبير قلت شوف البنت دى كاتبه ايه وبصراحه الموضوع جميل جدا والصوراجمل بس يا ريت بقى تحطى القصه اللى انتى وعديتنا بيها |
عينى وجعتنى يا بت يا زوزوا عما قرات الحقات كنت لازن انقلها لاى برنامج عشان اكبر الخط عشان البرانمج بتاع النت بايظ بيصغر الخط بعيد عنك يلا يا قمر مش عايزة حاجة انا هنام بقى هحلم بالبتاع دا على فكرة وهبقى احكيلك;) |
اقتباس:
هجيبها النهارده بالليل ان شاء الله |
اقتباس:
شوفي حنان باعتك اهي :D:D:p:p يالا يا سندريلا نزلي الحلقة الرابعة حالا |
اقتباس:
حنان دي عمرها ما تبيعني دي روح قلبي هي خلصت الحلقات فعلا بس انا كنت بقول اسيب فرصه للي ملحقش يقرا الحلقات الاولانيه ع العموم حاضر هنزلها دلوقتي مادام انتو اللي طلبتوا |
اتفضلوا دي الحلقه الرابعه اتمني تستمتعوا بيها وبكرر انا بجيب الردود بالنص يعني مش بغير فيها حاجه خالص كل الكلام علي لسانه اسيبكم مع الحلقه بقي الحلقه الرابعه السلام عليكم ورحمة الله وبركاته،، اسف على التاخير .. بس احب اوضحلكم حاجة ..فى ناس كتير عايزين يدخلوا القصر لكن هو حاليا مش مزار سياحى عادى بمعنى انك مش هاتدفع تذكرة وتدخل تتفرج والا ماكناش نطينا من على السور ..كنت بادخلة لمدة 4 سنين متواصلة من قبل ما الحكومة تاخدة ماكنش فى سور كان سلك شائك متقطع نعدية وندفع فلوس للحراس (تظبيط يعنى)وندخل على السريع ونطلع لان الحارس كان هو سيد الموقف علشان المفاتيح كانت معاة ومافيش غير باب واحد..دلوقت الحكومة اشترتة من اصحابة وممنوع الدخول لمدة سنتين الى ان ينتهى الترميم عايز اوصلكم الصورة بشكل اوضح لو رحت(لاقدر اللة ونويت تدخل)هتلاقى سور حديد عالى ..من الشمال فى عمارة ساكن فيها وزير الداخليةالسابق ..من الشمال حراس للعمارات المجاورة وكلب حراسة بيجرى حتى وراء العربيات مش مصدق عدى من هناك..من الخلف هتلاقى حراس فندق البارون وفى الجنينة الخلفية هتلاقى حوالى 4 كلاب (اية التعقيد دة ؟؟؟)دة لو انت مش عاوز تمشى قانونى وناوى تغامر ..لكن مانصحش حد لانى كنت هاقضى ليلة لطيفة فى القسم مع ناس ظراف جدا فى مكان شاعرى اسمة (التخشيبة على مايبانلوا صاحب) ايوة اتمسكت فى مرة بجد بس ربنا سترها والحمد للة ..عموما القصر قريب من قصر الرئاسة فدى كفاية قوى لاى حد سؤال ..طب كنتوا بتدخلوا ازاى ؟؟؟ بقالى 4 سنين بادخلة 11مرة يبقى مش هاعرف ادخلة ازاى لما كنا بنقرر اننا رايحين القصر كنا لازم نيجى ببناطيل واسعة ولبس غامق لان القصر دلوقتى مفتوح وممكن حد يشوفك وانت جوة ويكون كل واحد معاة كشاف وكنت احيانا باخد مطواة معاى (مش بعيش على فكرة لان سمعت ان فية ثعابين لكن ماشوفتش الصراحة ) فى مكان السور عندة اقل من الحديد(التقاء السور الحديد الجديد بسور القصر القديم) وبما ان السور القديم فية نهايتين فعندك مكانين تنط منهم شافونا فى مرة بننط من واحد قفلوة وسابوا التانى (النصر بيد الاعداء احيانا) فبنط من التانى ثانيا الكلاب لو احنا ثلاثة افراد رايحين واتنين بس هايدخلوا فلازم الثالث يغطى ..يعنى يروح لمكان بعيد فى السور ويحدف طوب ويقرب من السور وكانة هينط فالكلاب كلها بتجرى علية وبالتالى فضالنا مكان نجرى منة واكيد هو بيبعد عن المكان كلة لما الكلاب بتجرى علية (تهويش) ثالثا حراس القصر احسن ناس متابعين التليفزيون هتلاقيهم قاعدين على الشمال بيتفرجوا ومعاهم شاى (المنظر دة مش بيتغير من 4 سنين)ساعات بيقوما ياخدوا لفة للاطمئنان بس مش اكتر فلازم تنتظر للوقت المناسب والثالث اللى بيغطى بيلف هو كمان (اللى تبعنا )لو لاقى حد قام يلف يرن لاى حد فينا علشان مانطلعش فى اى شباك لكن كل الكلام دة على الرغم من صعوبتة بس مش هو دة المقلق ...هو لعب عيال اة لكن برضة محتاج حد مستعد يغامر لكن المقلق هو بعد ماتدخل القصر ..........وهو دة اللى انتوا مستنين تعرفوة وخصوصا المرة رقم 9 استراحة قصيرة انتوا عارفين الدافع وراء انى اعمل دة كان حبى للمغامرة والاماكن القديمة لانى كنت اسمع عنة كتير ومش باصدق ..فحبيت ادخلة غير كدة كنت باحس انى زعيم عصابة بجد لما العملية اتطورت ...كل مالحراس يعملوا حاجة يمنعونا من الدخول نفكر ونقعد مع بعض ونطلع بحل وتخطيط اية تمام ..لدرجة اننا فى مرة (كريم وانا )فى مدرسة القبة الثانوية وكنا فى تانية ثانوى حكينا للناس جنناهم وحبوا يروحوا قررنا اننا نزوغ فى يوم على اساس ان عدننا بالكتير هيكون 4 وقولتلهم يستنونى اما باب المدرسة الساعة 9 الصبح ...وانا باشترى بطارية للكشاف ببص على الباب لاقيت زحماااااااااااة ..لما قربت ...اية يا جدعان فى اية ...لاقيت الجماهير الغفيرة .....اوووة احمد على الليدر بتاعنا .. بصراحة كنت هاطلع اجرى ,تخيل انك هتزوغ ب12 طالب وانت ال13؟؟؟؟؟؟؟المهم ان قولتلهم التعليمات واخدناهم مشى من سراى القبة لحد قصر البارون 0(لاتعليق)قسمناها فرق كل 3 فى حتة واحنا ماشيين لان فى دوريات مباحث بتكشف المزوغين والخطة نجحت الحمد للة واللى ماسمعش الكلام ولى امرة راح خدة من القسم >....(دة حصل بجد مع اتنين منهم) والغريب انى كنت الوحيد اللى رجع المدرسة تانى علشان اكتب حصة حضور باليوم كلة (لحسن يضيع على الاوفر تايم )مدرستنا دى كانت مانجة الاستراحة خلصت استنوني عشان احكيلكم اللى حصل فى المرة رقم 9 في امان الله اتمني تكون عجبتكم وادعولي احقق اللي بتمناه ( سندريللا ) |
جميل يا سندريلا انتي كل مرة بتشوقينا اكتر من الاول
منتظرين الحلقة الجاية اخوكي في الله شريف الخضري |
اقتباس:
بس انتو اللي طلبتوا انتظروا ان شاء الله الحلقه القادمه |
دي شوية صور كده للقصر اتمني تستمتعوا بيها اسيبكم مع الصورhttp://www.alfarook.com/h3s2011/foru...1212537154.jpg http://www.alfarook.com/h3s2011/foru...7711_thumb.jpg http://www.alfarook.com/h3s2011/foru...1212537733.jpg http://www.alfarook.com/h3s2011/foru...1212537663.jpg http://www.alfarook.com/h3s2011/foru...1212537649.jpg http://www.alfarook.com/h3s2011/foru...1212537790.jpg http://www.alfarook.com/h3s2011/foru...1212537813.jpg http://www.alfarook.com/h3s2011/foru...1212537834.jpg ودي صوره للبارون امبان لو حد يعني عايز يشكره ع اللي سابهولنا :D http://www.alfarook.com/h3s2011/foru...1212536592.jpg |
اقتباس:
اقرئى صورة الجن اقرئى ايات المس فى صورة البقرة اقرئى كتاب شيخ الاسلام ابن تيمية كتاب كامل عن الجن انا مش عاوز ادخل فى مناقشة الاغلبية اصلا مش بيعرفوا عنها حاجة واجى اشوف رد اى اتجاه فى عكس الدين ساعتها مش هاستحمل الرد انا مش بقرأ الموضوع واتمنى لكم تسلية منفعة ومفيدة فى امان الله |
شكرا علي الموضوع الجميل دة يا Sendrilla
|
اقتباس:
المهم انتى كل حلقه بتشوقينا اوى يلا مستنين الحلقه الخامسه بسرعه بجد موضوع رائع يا ستندريلا |
الموضوع مشوق جداً وجميل جداً
فووووووووووق الممتاز بجد القصر ده كل ما أعدى عليه بترعب وخصوصاً بالليل هو شكله لوحده تحس إنه مسكن عفاريت مش بنى أدمين متاعبة معاكى بإذن الله وأحيكى بجد على الموضوع |
قبل ما اوجه الشكر الشديد لسندريلا احب اقول حاجه للدكتور سعيد
يا دكتور انت فعلا ممكن تقدم رأيك عن الموضوع ده ورأى الدين فيه طبعا لكن انا شايف ان النقد يا جماعه بيبقى فى اخر الموضوع خالص فبلاش نبتدى خناق من دلوقتى وبعدين انا لحد دلوقتى من الاربع حلقات اللى فاتوا شايف ان كلام الراجل ده مقنع خصوصا انه مش مصدق الاشاعات ولا الكلام الفارغ ونجح فعلا انه يشدنى ليه ويخلينى اكون على وتر ثقه معاه فا انا شايف ان احنا نستنى للاخر وبعدين ننتقد اما السندريلا انا بصراحه مش عارف اقولك ايه انتى هايله انتى ممتازه انتى بجد تنفعى صحفيه انا بصراحه مش عاوز استعجل واقولك على رايي من دلوقتى انا هستنى للاخر خالص وبعدين ابقى اقولك رايي انما سواء كان حلو او وحش صدق او كدب انتى تستحقى الشكر على الموضوع الهايل اللى انتى تعبتى فى كتابته ده |
شكرا يا سندريلا بس انتى كدة هتجنينينا
يلا انا مستنية الجزء الخامس |
اقتباس:
لاني بجد وانا بعترف مش قدها انا اللي بقول مش قدها ماشاء الله عليك انت تعرف اكتر مني كتير وقريت اكتر مني كتير ودي حاجه مش عيب اني اعترف بيها بجد انا حاليا بسأل شيوخ اعلم مني ومنك في الموضوع ده ولما اوصل لرد اقدر اقنعك بيه هقوله وفي الموضوع وشكرا ان حضرتك مش هتكمل الموضوع في رعاية الله |
اقتباس:
شكرا للمرور ومتابعة الموضوع |
اقتباس:
بجد متابعتكم بتشجعني :) شكرا ليكم كلكم |
سندريلا
ياريت تحطى الحلقه الخامسه دلوقتى او يا ريت تحطيهم كلهم علشان هى بصراحه حاجه الواحد ما يقدرش يصبر عليها |
| جميع الأوقات بتوقيت GMT +2. الساعة الآن 08:55 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.