|
اول مره اسمع عن علي سلامه كانت السنه اللي فاتت في جريدة الدستور
وبعدها بفتره استضافته مني الشاذلي في العاشره مساء شكرا جدا يا اسدات انا وصلت لحد استراحه علي الصحراوي وهكمل بعدين ان شاء الله وان شاء الله متابع معاكي |
شكرا جداااااا يا اسدات اشعار جميله خالص
|
بيفكرني بالشعر بتاع أشرف عبد الباقي "عادل" اللي في راجل و ست ستات
|
اقتباس:
الحمد لله انها عجبتك و ان شاء الله تابعى تانى اقتباس:
لا فيه شويه تانى بس هو عطل مطبعى منى :romarioxp6: شكرا على المرور و المتابعه فى رعايه الله |
اقتباس:
اها و انا برده سمعت حلقه منى الشاذلى اشعاره اللى قالها فيها كانت جميله قوى و كويس ان حضرتك متابع معانا اقتباس:
كويس ان الاشعار عجبتك و تابعى معانا فى رعايه الله |
اقتباس:
ههههههههههههههه حرام عليكى على العموم كويس انه عجبك عامه فى رعايه الله |
الواد ميشو ابني الصغير دمه خفيف شربات من غير ما يقصد ياما علمني حاجات معدش بيحب الحواديت ولا حكايات الشاطر حسن المهم بيموت ف الرز بلبن ويغرق ف البلوظه قلتله نفسك تبقي ايه لما تكبر ياميشو قاللي يابابا نفسي ابقي .... قلت له لا دي اتلغت ياحبيب بابا قالي خلاص ابقي انا ال ... قلت له ودي محجوزه قاللي يابابا ممكن ابقي .... قلت له ودي للناس المحظوظه قاللي هوا بقي يابابا عايز ابقي ... قلت له ودي محتاجه وقت وانا كبرت وامك كمان ست عجوزه قاللي خنقتني يابابا تصدق قلت له جننتي يا ميشو يا ابني نقي حلم ينفع يتحقق قاللي يابابا بتسالني لييه طب قوللي انت احلم بايه وانا اديلك شويه رز بلبن |
اقتباس:
بس المسامح كريم :redface::redface::redface: مش مشكلة |
يا ربنا على الراجل ده لم يرسم حالنا بشوية كلمات بسيطة
وسخرية بلا حدود شكرا جزيلا على الرز بلبن قصدى على القصيدة . . |
اقتباس:
احم احم معلش فعلا غلط مطبعى و المسامح كريم على رايك :) المهم يكون الشعر عجبك اقتباس:
و هى دى تقريبا اكتر حاجه مميزهلشعره عامه و العفو :romarioxp6: فى رعايه الله |
بتنسى يا فارس ..... بتنسى … يا فارس .. فلوس المدارس و كأنك ... ولا فاكر خالص ولادك يا اخويا .... بتدرس لغات .. ده غير الباصات وإلا الدروس .. ها تبعت فلوس .. بتنسى يا فارس .. أتارى لأسامة .. وجزمة سلامة .... و شنطة منال ما هم العيال بتنسي .. يا فارس قماش الستاير .. و داير يا قلبى .. في نفس الدواير .. وبا ارجع الاقي .. الصغير ... صغير ونفس الشوارع .. بتحلم تغير ... بتنسي .. يا فارس .... في أول أجازة .. نشوف الأراضي ... في مصر الجديدة ... يا إما المعادي .... ها تنسي .. يا فارس .... |
خربوها الأوله آه .... والتانية … آه والتالتة ... مفيش معنديش … نفس أقول آه ... معنديش … قالو .. إقلعوا … قلعنا ومفيش ... بتعكوا وبتعنا … وصار متاعهم .. متاعنا .. وألف مرة إتلسعنا ... و برضك ... مفيش الأوله …آه والتانية .. آه والتالتة ... مفيش .... قالو إبصموا ... بصمنا … ده بكره ... سكر .. وسمنا سيبنا غيرنا رسمنا إتقسمنا … على اد ما فينا من جراح ... ابتسمنا … الأولة .. والتانية .. والتالتة مفيش … الدنيا هاصت .. وهيصنا .. ريحنا لما .. تيسنا تاه الطريق من اتوبيسنا يئسنا … لا ... عرفنا ليه قلعنا ... ولا عرفنا ... إيه … ليبسنا ... الأوله والتانية والتالتة مفيش واهى .. ماشيه تجرى المسائل .. ولا حد ... سائل ...تصحى مرسى ... ينام وائل ده انا كنت واد م الأوائل ... وكنت شاطر ... شطارة ... وكنت فن .. وعمارة .. وكنت صاحب تجارة ... معرفش إيه اللى صابنى ... فى قلبى ... ضاعت سمارة …. خربوها ….. خربوها ولاد ….القطقوطة لا طرحت باميه ... ولا قوطه وسابوها فى سرير مربوطه .. و يا ريتهم طلعم رجاله ... و يا ريتها .. رايقه .. و مبسوطه .. خربوها … دول سرقوا الهوا ... والضى ... ويا عينى ... عليها بلد ... يا ريتها ... ما قالت أى .. ويا ريتها ما جابت ولد .. خربوها … دول سرقوا النخلتين .. والنهر والمدرسة .. والهندسة .. والجبر سرقوا الشوارع ... والمعانى والأغانى … وسيد درويش .. والريحانى .. سرقوا ... المشاعر .. والمزاهر والبخور ... سرقوا الحزن ... سرقوا …حتى القبور ... خربوها … دول سرقوا الطيب .. والزين وسرقوا …الكحل من العين وسابوها .. تاكل بالدين ... وان يوم أتعدلت ... عواجوها .. خربوها …ولاد ال .. خربوها ... خربوها ولاد ال .. ..... :) |
هو فارس فين ؟؟؟
فارس شكله نسى أصلا انه فارس وبالنسبة لخربوها ولاد .... دول خدوا كل ما فيها وياريتهم سابوها شكرا يا أسدات على المجهود الكبير فى جمع قصائد الفنان على سلامه . . |
اقتباس:
الحمد لله ان حضرتك متابع معايا و ان شاء الله نكمل بس هو مش تعب قوى انا بس بشوف المواضيع و كده و ان شاء الله اكمل :) فى رعايه الله |
تيجي ؟؟ تيجي نهرب م الحقيقة .. م الصور .. من خبر عاجل يخض تيجي … لا نفهم ولا نعرف ولا نقدر نرد تيجي نتعلم سخافة بشويش كده بصنعة لطافة .. وتبقي بياع الكنافة وأبقي بياع الكلام تيجي نهرب م الألم م الحزن م الأحلام .... تيجي نتعلم ننام تيجي نتباع بكام .. تيجي نعمل عملية تجميل و نشيل ..... ولا حرام تيجي نبقي طوب .. خشب .. إزاز بلاطة جنب بلاطة تيجى ننسي بعض ببساطة وتبقي بياع البطاطا وأبقي بياع الهوا ... تيجي …. سوا … سوا نهرب م الأمل نطلع بطاقة ... بدون عمل ... نأجر عجل نركب جمل ... تيجي نبقي ف اللذاذة وأجيب مصاصة تجيب بزازة تيجي نبقي ... ملناش عازة زي كل شئ جميل تيجي مستحيل هي كده وملهاش بديل تيجي رجلك تيجي تهرب بجلدك تنجرح يوجعك قلبك بجد ... لا تقبل أي حاجة ولا تبقي أي حد .... تيجي ؟؟ |
مبقتش عارف اجى فين بالظبط
كلها أماكن نفسى أروحها ونفسى أهرب منها ما علينا شكرا يا أسدات . . |
قصائد رائعة جدا
|
اقتباس:
شكرا بجد على المتابعه اقتباس:
شكرا على رايك و المتابعه فى رعايه الله |
أسكت ياض قولي يا عبد الجواد مش إحنا الشعب وده مثبوت في البطاقة ومكتوب ف شهادة الميلاد ولا مصر خلفت ولاد غير الولاد طيب ليه كل ما اتكلم واستخدم حقي يقولولي اسكت ياض سنين ساكنين في نفس الحتة الضيقة نفس الهوا ونفس الدوا ونفس الأمراض على فكرة مفيش جبنة في التلاجة ولا خيار ولا أعياد مفيش غير فيلم قديم كل شوية بيتعاد |
بس ياض
شكرا يا asdat مش انتى اللى تشكرينى على المتابعة الموضوع بجد يستحق المتابعة . . |
اقتباس:
بجد بجد حضرتك متعرفش ازاى بفرح ان حضرتك بتدخل الموضوع و انا اساسا بكمل فيه عشان حضرتك بس ياريت فعلا حضرتك تكون مبسوط منه فى رعايه الله |
فكر يا عبدالجبار.. فكر يا عبدالجبار.. إزاي تبقي واد مشهور وعليك النور وف نشرة الأخبار.. أحسن م القعدة ع القهوة أشتغل ف الفتوي والطيبين ملايين والعطشانين كتار.. صحيح إنت جاهل وإحنا نستاهل ولسانك منشار.. العب ف الأساس واخطف ودان الناس ارمي ف عقولهم قطة وف قلوبهم فار.. وخدهم معاك فسحة علي بئس المصير في النار.. بص.. تتكلم عن الرضاعة يفرحوا الحلوين المراهقين الكبار.. وخش ع السرير وفوايد الجرجير والتوابل واكسب العطار.. وشوية ف الفن وبدل الرقص وإحنا تعبانين ومليانين نقص وبالليل غير بالنهار وإوعي تقلق خالص.. إحنا أحسن ناس بننسي.. وبنسامح الشياطين والمجرمين الكفار.. يعني جت عليك إنت يا عم عبدالجبار |
مش غريبة مش غريبة.. ندفع الأوجاع ضريبة.. قسمي الأحزان شرايح.. عبي دمعي ف الصفايح.. واسألي عمري اللي رايح المصيبة.. لسه شايلك ف العيون.. أجمل حبيبة.. قولي كذبة.. حبي ليكي يبقي حسبة.. والأماني والهوا.. والشوق بنسبة.. وإنتي عزبة.. للي ماله فيكي حسبة.. المصيبة.. لسه شايلك ف العيون.. أجمل حبيبة.. مين اللي قرر يقتل الحلم.. في عيون كل الطيور.. ليه تسلميني.. من طابور تاني لطابور.. قيدي البخور.. بركات جراحنا المزمنة.. كل الأماني الممكنة.. تبقي يادوبك دمعتين.. فوق صورة باهتة ملونة.. سايبة الجراح ليه تهدني.. إيه فيكي تاني يشدني.. ده أنا اللي حبي عززك.. وإنتي اللي عشقك ذلني.. لسه يا حلوة بتسألي.. بتحبني؟!.. نفسي اشتري.. شبرين في حضنك وارتوي.. فكرك مسافر أغتني.. خدي اللي حيلتي... الهدمتين والقرشينات.. بس استري عرض البنات.. لو حسينا علي دمنا.. في قلوبنا مات.. لو بكره فات.. وإحنا بياكلنا السكات.. كل الأماني الممكنة.. تبقي يا دوبك.. دمعتين.. فوق صورة باهتة ملونة |
بجد حلو جدا جدا جدا انا عجز كلامى عن التعبير عن الشعر الجميل ده انا حقيقى مكنتش اعرف مين هو الشاعر ده بس عرفته دلوقتى ومستنية اللى جاى وربنا يخليك على الوقت الجميل اللى عيشتنا فيه واحنا بنقرأ هذا الشعر الجميل وربنا يوفقك يارب
|
اقتباس:
وبجد الموضوع جميل جدا وعلى سلامه شاعر يستحق المتابعة بجد واخر قصيدتين بجد ملهومش حل عارفه إيه أجمل حاجه فى الراجل ده إنه بيلمس واقع وبيعبر عن كل القضايا بشكل بسيط وجميل واصل لقلوب كل الناس وعقولها حقيقى شكرا ليكى وأنا دايما من المتابعين . . |
اقتباس:
شكرا على الرد الجميل بتاع حضرتك و يا ريت حضرتك تكون من المتابعين اقتباس:
جزاك الله كل خير يا رب و شكرا كتيييييير على المتابعه :) فى رعايه الله |
بارك الله فيك
|
أيه يا asdat مفيش جديد ؟؟
|
على سلامة كتب حبة حاجة نقدر نقول عليها سلسلة .. أسمها آلو ألو .. من مواقع واماكن كتير بيجسد فيها مواقف اكتر .. أحوال الشعب .. جارحة ومؤلمة بطريقة صعبة أسيبكم معاهـا |
آلو آلو من عربية الإسعاف الو آلو.. معايا سعادتك.. أنا بتكلم من عربية الإسعاف.. بسيطة يا فندم بسيطة.. والعيش والملح اوعي تخاف.. أنا.. زي الفل بجد.. دوخت شوية.. ووقعت من طولي ع الأرض.. بس ورحمة أمي ما تتخض.. ده أنا عال العال.. زي الورد.. بيقولولي دي جلطة.. بس أنا بقول.. نزلة برد.. إيه يا فندم.. صوتي.. بعيط.. لا أبدا.. دول دمعتين كده من زمان.. جامد يا فندم جامد.. مايغركش شكلي.. ده أنا بس لسان.. أشوف وشك بخير يا فندم.. وربنا يجعلني آخر الأحزان.. آلو.. آلو.. هل تسمعني.. أيوه سعادتك.. لأ يا فندم ده أنا التمرجي.. إيه يا فندم.. مستشفي إيه.. لأ سعادتك.. ده إحنا لسه ف الوراق.. مفيش معانا يا فندم دكتور.. ده أنا وهو والسواق.. لا يا فندم.. ده كان مرمي ع الرصيف.. وجنب منه كام رغيف.. بس باين عليه طيب أوي.. وابن حلال وأخلاق.. عموما متشغلش بالك.. هو زي الفل ورحمة أمي.. يمكن بس من التعب نام.. أو زهق م الكلام.. أو ناوي ع الفراق.. سعادتك قريبه يا فندم.. آلو.. آلو.. تقريباً الشبكة وقعت.. الدوام لله |
آلو آلو هل تسمعنى من هيئة الارصاد ألو ألو.. بكلم جنابك من هيئة الأرصاد حالة من الطراوة سعادتك بتسود البلاد حر ؟ بعد الشر يا فندم ورحمة أمي دي موجة بس جت بدري شوية قبل المعاد يا فندم الجو لطيف ومن بكرة هانلبس خفيف صافي يا فندم صافي بس الرؤية معدومة إحنا كده يا فندم أي حاجة نقول الحكومة المواطن اسكت اسكت اتعلم الشقاوة وبيعمل إضراب وبيتكلم عن الفساد وبيقول كفاية ألو ألو.. أيوه يا فندم إنت معايا ألو يا نهار أسود ده الموبايل فاصل هو أنا كل ده بكلم نفسي يللا بقي كل شيء نصيب |
لسه فى الوهات تانيه يا asdat??
حقيقى مشكوره على المجهود ده . . |
آلو آلو من عالحدود آلو آلو هل تسمعني أيوه يا فندم أنا تقريبًا ف الهو بكلم سعادتك من ع الحدود مفيش هنا أي حاجة يا فندم بس الجودة برضة ف الموجود لا يا فندم المواطن هنا قماشة تانية خالص لا مدرسين ولا مدارس ولا أمل ولا وعود بس ابتسامة الرضا السعادة كلها بقي عارف سعادتك الإحساس بأن الطريق مسدود أنا لا يا فندم أنا أعيش ف أي مكان أنا ابن ناس ومدلع سعادتك ما تعرفش إني آخر العنقود ماتشغلش بالك معايا ورحمة أمي يا فندم كفاية الجو الروحاني والقمر والصحرا يمكن أحتاج بس أجرة السكة لو فيه نصيب وهانعود طب يا فندم السلام أمانة بقي |
آلو آلو هل تسمعني من البيت آلو آلو هل تسمعني لأ يا فندم أنا مريح شوية بكلم سعادتك م البيت حماتك بتحبك يا فندم بسم الله سعادتك معانا طب سندوتش صغير يعني ورحمة أمك إتغديت يا فندم نبض الشارع واضح باين ف شكل الغدا حضرتك سعادتك الطبيخ نفس مش لحمة وفرخة وسمك وسمن وزيت إيه يا فندم ملوخية بالأرانب يا ريت سعادتك يا ريت حمام محشي سمك مشوي جمبري والحلو أم علي حرام علي سعادتك إرحمني ريقي جري أنا خلاص قفلت الصفحة دي من زمان وانتهيت طب يا فندم عشان مراتي خايفة ع الكارت يخلص ورحمة أمي ما قالت حاجة ده أنا لوحدي اللي حسيت |
آلو آلو هل تسمعن ى من فرح عقبال أولادك يا فندم.. بكلم سعادتك من فرح هاي هاي.. ف فندق خمس نجوم.. لأ ورحمة أمي.. أنا مش معزوم.. ولا قريب العروسة.. ولا من طرف المرحوم.. أنا جاي مع ابن خالتي.. شاب زي الورد.. بيشتغل ف الأمن.. وخريج علوم.. رقاصة..؟ فيه سعادتك.. بس مؤدبة يا فندم.. وبترقص وهي لبسة الهدوم.. فيه سعادتك حلويات.. وعيش طري.. وبتاع كده بشنبات.. بيقولوا عليه جمبري.. ينقطع لسان الكداب المفتري.. اللي يقول علينا شعب جعان.. أو مش لاقي ياكل.. أو محروم.. طب يا فندم سعادتك سهران شوية.. عشان بس البوفيه خلاص.. والناس إبتدت تقوم |
آلو آلو من الميكروباص آلو آلو.. أيوه سعادتك معاك يا فندم أنا أصلي بتكلم م الميكروباص زي الفل ورايقة وحلوة الناس يا فندم انت اللي سعادتك بقيت حساس هي إيه العبارة دي معاليك مش زحمة ده ونس دي تقريباً مصر كلها واقفة ف الإشارة يا فندم قلنا كتير كل مواطن قبل ما ينزل م البيت يصلي صلاة استخارة المواطن أهو بيضحك قدامي أهوه وزي الفل ومبسوط ما هو لما يموت في ميكروباص ع الكورنيش أشيك بكتير برضه من الغرق في عبارة لأ يا فندم مش أنا اللي بصوت دي المدام اللي قعدة قدام تقريباً بتولد الله أكبر يا فندم هلت البشارة طول عمرك يا مصر ولادة وتاريخ ومجد وحضارة بعد إذن سعادتك الآنسة اللي جنبي يا فندم تقريباً بتحبني آه ورحمة أمي كل شوية تقوللي دمك خفيف شربات يا اسمك إيه يا واد انت يا سمارة مع إني أبيض يا فندم بس ها نعديها سعادتك |
اقتباس:
اها لسه فيه شويه تانين كمان و شكرا لحضرتك بجد على المتابعه فى رعايه الله |
عبارة ميكروباص قطر؟؟مش هتفرق
كلها وسائل مواصلات إلى الدار الآخرة . . شكرا يا asdat ومنتظر أكمل الألوهات . . |
شكراً جزيلاً على هذا الموضوع الأكثر من رائع ..
|
جمييييل
بس بعيد الشر علي مصر ان شاء الله هنلاقيها على طول |
بجد موضوع حلو اوى وكلامه جميل جدا ومعبر اوووى وشكرا انك عرفتينا عليه
|
اقتباس:
هههههههههه ما هى فعلا بقت كده و الحمد لله و ان شاء الله الباقيين يعجبوا حضرتك برده اقتباس:
الاجمل هو مرور حضرتك فيه و كمان ان حضرتك عجبك وان شاء الله تتابع معانا الشويه الباقيين فى رعايه الله |
اقتباس:
هههههههههه ان شاء الله الحمد لله ان الموضوع عجب حضرتك و ان شاء الله تتابع معانا اقتباس:
كويس ان الموضوع عجبك و هو فعلا كلامه جميل و معبر عن حالنا ربنا يحمينا و ان شاء الله تكونى من المتابعين فى رعايه الله |
بالغلط آلو آلو.. هل تسمعني لا مؤاخذة سعادتك معلش أنا آسف ع الإزعاج طلبتك بالغلط اتفضل سعادتك إرتاح لأ يا فندم ما استغناش ده أنا كنت بدور علي روحي لكن ملقيتهاش زي ما تقول كده جنابك محتاج أتكلم مع نفسي لكن لا اسمي متسجل ولا الرقم مكتوب اعذرني سعادتك إن كنت قلقتك أو صحيتك م النوم غلطة والله غلطة أنا كده سعادتك لكن مين فينا خالي من العيوب لا يا فندم أنا كويس ورحمة أمي يمكن أكون حنيت لروحي ناويت أتوب أو حبيت أتكلم مع قلبي وأقوله سامحني أنا اللي علمتك تبيع الورد ف الإشارات سيبت الدنيا تحدفك بالطوب وأنا اللي قلتلك معلش عديها يا بخت من بات مغلوب أنا آسف واعذرني سعادتك طلبتك بالغلط |
http://www9.0zz0.com/2008/09/16/21/332997221.jpg اللى يحب مصر يقول هيييه استغاثة إنقاذ أزمة أمل وفشل بدرجة امتياز كلام جرايد برامج دروس مستفادة صوان عزا وقهوة سادة والدوام لله يا أستاذ تبرعات أهل الخير ولو بجنيه واللي يحب مصر يقول هيه ياتري الدموع دي رحمة واللا خوف واللا ابتزاز ولسه اللي بيته من إزاز عايش ومزاجه عنب وبيحدفنا كلنا بالطوب وتستمر المسيرة بكل فخر واعتزاز |
الله عليك يا عم على يا مقلب المواجع
شكرا ليكى يا asdat |
hahaha
That is may happen |
تحفة بجد يالولا
جميل خااااااااالص تسلمى ياقمر |
يامصر ليه بمدحك وارجع ألوم نَفسى نفسى فى مرة أشتمك واخالف هوى نَفسى بحلم أشوفك ستهم واصحى أقول نِفسى أقوم أمشى فى شوارعك تقوم على نِفسى قرفان من منظرك وصعبان على نَفسى لفيت بلاد كتير ورجعت أمنى نَفسى أشوفك زيهم ؟...ياما كان نِفسى لو يوم يامصر اكرهك..أحسن لى أموت نَفسى بقلم العبد لله |
الأوله فى عشق ترابها...مامليت والتانية زى جمال نيلها...مالقيت والتالتة من بعدها...ماحبيت ياريتك يابلدى تقفى على حيلك ياريت ونعود نشوفك بعيون صبية الفجرية طالعة الغيط وتعودى عروسة بكر متزينة فى البيت ....... لو كنت يامصر كارهك ماكنتش عدت وجيت ولا همنى أمرك ولا قلت ياخسارة وياريت ولو يوم يامصر شتمتك يبقى أكيد زليت ولو لسانى خاننى يبقى على نفسى جنيت ولو رميتك بعيبة يبقى على أهلى رميت ...... عن عشقك يامصر للعالم حكيت وفمحاسن شوارعك يابلدى افتريت كدبت عشانك وبعدين دعيت يغفر لى ربى مهما اتماديت بقلم العبد لله |
| جميع الأوقات بتوقيت GMT +2. الساعة الآن 11:56 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.