الصراحة المفروض الاقتصاد والاحصاء تضاف للمجموع

عشان منهج الاحياء تم وضع نصه فى سنة تانية و الرياضة تم وضع نص فرع فقط "الميكانيكا"
اما كده فعلمى علوم هياخد نص منهج الاحياء و منهج الجيولوجيا كامل
علمى رياضة هياخد نص منهج الميكانيكا و الجبر و التفاضل و الهندسة والتكامل كلها
اما بالنسبة للادبى فهما كده هياخدو الفلسفة اللى كان كلهم هيسبوها عشان علم النفس
بس منهج علم النفس بتاع سنة تالتة انا سمعت اخبار انه هيتعدل

ده ايه الظرافة دى ؟؟؟؟؟؟؟؟؟؟؟؟ ده وزير ظريف بجد ده اخرة الوزارة الجديدة واللى جابوها من اصله
وكمان احنا خلاص ظبطنا امورنا على 6 مواد وفى اللى بدأ دروس وفى اللى هيبدأ بعد كام يوم ومن ضمنهم انا
ودلوقتى انا دماغى بتلف وتدور ومبقتش فاهمة حاجة
وبالنسبة للى بيقولوا احسن اهوا كده دول علوم تبقى زى رياضة انتوا عايزين الناس تتجنن وخلاص
بلاش نفكر بمنطق احسن خلى دول يشربوا واحسن خلى دول يشربوا
فى النهاية انا عايزة اعرف الخبر صح ولا غلط وايه المواضيع دى كلها
ده انا 6 مواد وشايلة الهم ونفسيتى زفت من قبل ما ابأ دروس وكمان دول زودوهم والله ده ظريف على الاخر بيعمل اللى عاجبه والطلبة يولعوا بجاز
حسبى الله ونعم والوكيل فيهم

عادى ياجماعة مش بعيد يطلعولكم بقرار قبل الامتحانات بأسبوع

إيه يابنى الخط دا بس أنـا عينى وجعتنى :d

اولا اشكر:078111rg3: حضرتك جدا على اهتمامك.. و احنا و الله نتمنى ذلك ربنا ييسر ان شاء الله و ميبقاش قرار يارب

اولا حضرتك بتتكلم بمبدأ الاحتمالات بالرغم ان فيه قرار منصوص عليه ايه اللى هيتم .. يعنى ايه ممكن !! احنا بنتكلم فحاجة واقعية ملموسة دلوقتى مش لسة هنقول يمكن ولا ميمكنش.. و حضرتك لتانى مرة بتدخلنا فحوار ان احنا عاوزين علمى رياضة ياخد جيولوجيا ولتانى مرة بقول لحضرتك ان ده مش صحيح احنا عاوزيين المادة السابعة تتلغى عارف حتى مش علينا احنا بس لا تتلغى حتى من على ادبى من الاخر احنا مش عاوزيين اى تعديلات عالنظام اللى تم اقراره من مارس الماضى من ناحية اضافة مواد جديدة .عارفة لو من ناحية توزيع المجموع عالمواد و تحديد كل ماده عليها كام فاحنا موافقين لان ده شئ مش هياثر علينا لان المواد اللى عليها مجموع كبير ولا مجموع صغير هتتذاكر و احنا اللى هنوزع مجهودنا عالمواد .. احنا مش مسموح ان اى شخص يلعب بينا و يقررلنا حاجة فاى وقت ك\ه فيه حاجة اسمها نظام و استراتيجية اتخاذ القرارات فالوقت المناسب و اصلا الطلبة بدأت دروووس من قيل العييد

هو رياضه بحته ورياضه تطبيقه يعنى كده مش هيبقوا 3 امتحانات امتحانين بس ده طبعا غير المستوى اللى هينزل انا عايزه اعرف ارقاامهم كبيره كده لييييييه الرياضه الاول عليها 50 بعدين 75 دلوقتى 120 اييه ده كلوووو
وبصراحه الله يكون ف عوون علمى علوووم ربنا معاكم ومعانااا

يعنى خلاص كده ؟؟؟؟؟؟ لبسنا الجولوجيا ؟؟؟؟؟
حسبى الله ونعم الوكيل
وبعدين هما مالهم اهم حاجة هما قاعدين فى مكاتبهم والتكيق شغال وكام ورقة وقلم وبيسلى وقت فراغه فيعدل فى النظام وكل ده فوق دماغنا احنا
ولو فى اى استفادة من اى مادة علمية بناخدها كنت فرحت وقلت طيب كويس هتنفعنا فى المستقبل لكن بلا فايدة اصلا
انا عن تجربة شخصية بنت عمى واخدة كلية علوم وبتشتغل دلوقتى او بالاصح بتتدرب فلما سألتها مشتغلتيش ليه علطول ما انتى واخدة كل حاجة فى الثانوى والكلية قالتلى ولا ليهم علاقة بالشغل خالص
دول كام كتاب دش بس علشان تنجحى مش اكتر
اصلا التعليم فى مصر فاااااااااااشل بكل معنى الكملة

بس اللينكين اللى انتى جايباهم مش متفقين ف المجموع
واحد بيقول انه من 400 والتانى بيقول انه من 410 نصدق مين احنا
ولو فعلا الخير صحيح ازاى مختلفين فى نقطه زي دي

انا شايف ان القرار ده حلو عشان الجيولوجيا مادة مهمة اساسا .. ولازم ندرسها بتمعن .. وكمان مش فرقت مادة زيادة على المواد الستة ... ومتنساش اللى هيطبق عليك .. هيطبق على غيرك .. وكدا كلامهم صح .. عشان قللوا برضو المجموع بتاع كل مادة .. زى اللغة الاجنبية التانية .. مينفعش تكون درجاتها عالية.. وهيا اساسا مادة صغيرة .. فخلوها 40 كويس اوى ... والدرجات كلها انا شايفها مناسبة اوى .. وده رأى الخاص ..

الكلام دا بيتقال من سنييين وعشان يتصلح التعليم محتاج سنييين بردو
فيها إيه طيب لما يبقى كل مدارس مصر زى المدرستين اللى معمولين من سنتين اللى هما stem school !!

انا بردو والله شايفة الجيولوجيا كدا خصوصا إنى بحب النوع دا من المواد جغرافيا وتاريخ واحياء بردو يعنى معنديش مشكلة إنى أدرسها كل المشكلة إنهم جايين يعدلوا فى قرارات قبل الدراسة بشهر
كمان فيه ناس داخلين علوم علشان مش بيحبوا الحفظ والجيولوجيا معظمها حفظ فالموضوع بالنسبالهم صعب شوية

ماهو كويس اوى ان التغيير كان قبلها بشهر .. مكنش حد لسه بدأ دروس اساسا .. وكمان هما من حقهم ادام فى فترة بعيدة على الدراسة ... ثانيا علمى علوم اغلبها اساسا بيعتمد على الحفظ مش الفهم .. يعنى الاحياء اقدر اقولك 70 % حفظ ,, و 30 % فهم .. بس الحفظ برضو بيتفهم ... فمش فرقت بالنسبة للجيولوجيا ... زائد ان اللى داخل المجال ده لازم يكون حبه .. عشان يقدر يكمل فيه :) :)

ربنا يستر و يوفقنا

كل وزير يأتي يهدم عمل الوزير السابق حتى يبين أنه حمار .... 6 أو 7 مواد مش مشكلة ولكن نحتاج إلي الشفافية والوزير يصرح ويعلن ...... مش يعمل أنبوبة اختبار .....ويشوف النتيجة الناس رضت ولا ....أنا مقلتش حاجة ...... وفين كتب المدرسة الرياضيات والاقتصاد والاحصاء وفين كتاب الجولوجيا اللي انطبعت علي الشعبتين علمي ... صحيح فلوس تترمي في الأرض ...مصر بلد لخبط لخابيط

سؤال يفرض نفسة على كل معلم ومعلمة علوم بالمرحلة الأبتدائية لماذا لايوجد أمين معمل بالمرحلة الأبتدائية الرجاء الرد من افراد متخصصين ............................
لماذا معلم علوم المرحلة الأبتدائية يعمل أمين معمل ومعلم علوم فى نفس الوقت .......فى حين ان باقى الأنشطة لها معلمون متخصصين ( أمين مكتبة - فنى وسائل - مجال زراعى - أقتصاد منزلى -مجال صناعى - ومعلم العلوم هو المسؤول عن المعمل والحصص فى نفس الوقت مع أن شهادة التخرج مكتوب بها معلم وليس أمين معمل

اولا ده اسوا قرار سمعته لان هم لما بقللوا الدرجات النسبة ستقل فبدل الواحد فالماية ما كان بياخذ درجات كتير بالقرار ده هياخذ اقل