|
والله سعيدة جداً بردك اللطيف ده
بجد نورتى الموضوع وشكراً على كلامك الجميل ده يا قمر |
موها انتى نسيتى انى فيه مشاهدين ولا ايه:rolleyes: فين الحلقات يا بت:mad::mad::mad: |
بت لما تبتك
هنزل حلقة إنهارده بإذن الله يا ريت تعملى بيهم زى سارة عملت البسبوسة وقالت إنها طلعت حلوة مش زيك مُتفرجة بس |
طريقة عمل الخيار المخلل
بما إن المخرج أصر على تقديم حلقة إنهارده هقدملكم حلقة بسيطة بإذن الله وهى طريقة عمل الخيار المخلل أول حاجة هنجيب خيار .. الكمية اللى عايزنها.. نغسلهم كويس ونشيل أطرافهم وبعدين نقطعهم على شكل دواير بس تكون سميكة شوية نحطهم فى بطرمان ونضيف عليهم ميه وحوالى معلقتين خل على حسب كمية الخيار و3 فصوص توم ومعلقتين او 3 زيت و أساسى الملح المقادير على حسب كمية الخيار اللى هيتخلل وبعد كده هنحط أى قطعة بلاستك جوا البطرمان علشان الخيار يتضغط تحت و لو مفيش مش مشكلة ونسيبه يوم واحد هيكون لونه بقى زيتى ونطلع منه وقت ما نحب يكون جنب الأكل بس لما نطلع منه نغسله بالميه خفيف كده كانت معكم الشيف أسيل من مطبخها المتواضع |
بجد ميرسى أوى يا شيف أسيل طبخاتك زى العسل وأنا ندمانة انى مدخلتش الموضوع ده من الأول بس ان شاء الله متابعة معاكى ومنتظرة أكلات جديدة معلش بقى أنا طماعة شوية....
|
دا شرف ليا دخولك الموضوع يا قمر نورتى الموضوع وشكراً لردك الجميل :) |
الله خيار مخلل البركة فى ماما بقى هى ال متولية الحاجات دى:rolleyes: |
وحشينا يا نونا والله ومبروك على الاشراف يا قمر وليكى عليا أول ما تدخلى المنتدى هديكى طبق خيار مخلل تاكلى ودانك وراه :D |
اقتباس:
ههههههههههههههه ادينى رجعت اهو هو فين:D |
بصى سلطة الباذنجان يا شيف حطى لها بصل يتشوى مع الباذنجان بالفرن ثم قشريه و اهرسيه مع المكونات اللى ذكرتيها مع اضافة الطحينه و قليل من الزيت يبقى بابا غنوج بس ليه ملاحظه على الرز ماما بتقول لا تغطيه الا بعد شربه للميه علشان ما يعجنش و بالهنا و الشفا لنا وربنا يستر
|
شكراً على وصفة سلطة البتنجان بس إضافة البصل بتكون للراغبين ليه يعنى اللى مش بيفضلوا أكل البصل أما بالنسبة للرز فا على حسب كمية الميه المضافة ليه لو الميه كتيرة وغطناه فايتعجن لكن احنا بنضيغ كمية ميه مناسبة ونغطية لسرعة غليانة وبعدين نوطى عليه النار وسعيدة جداً بمشاركتك فى الموضوع .. نورتى :) الخيار المخلل يا نونا هديهولك على الميل علشان محدش يبصلك فيه :D |
اقتباس:
فين يا بت ما انتى كنتى موجودة ومش ادتهونى:mad::mad: |
طريقة عمل بانيه الفراج
http://www3.0zz0.com/2008/07/30/11/924877661.gif فى رسالة جت لنا من حنان اقتباس:
عيب كدا يا نونا إحنا على الهوا روحى إلعبى فى حوض النعناع يا شاطرة :rolleyes: نبدأ حلقتنا الجديدة وهى بسيطة خالص زى الحلقات اللى فاتت حلقتنا إنهارده عن طريقة عمل الفراج البانيه طبعاً بنجيب البانيه جاهز أو نقطعه إحنا من فرخة سليمة طبعاً واحدة زى نونا هتقول مش عرف أقطعه خلاص ماما تقطعه نحظه فى ميه وخل أو ملح فترة نقول حوالى نص ساعة لو هنعمله فى نفس اليوم أو لو هنحفظه فى الفريزر نسيبه وقت أكتر علشان يكو صحى أكتر بعدها غسله بميه عادى ونجيب بصله نبشرها بالمبشرة ونصفى ميه البصل لوحدها ونحتفظ بالبصلة لو عايزين نعمل بيها أى حاجة تانية المهم هناخد ميه البصل ونخطها فى طبق وعليها توابل .. ملح ( أساسى ) وفلفل وكمون ولمون و جنزبيل يعنى الاضافات اللى نحبها ونخلط البانيه فيهم كويس ولو هنحفظهم فى الفريزر نحطهم فى كيس بلاستك ونربطه كويس علشان مايزلش ميه من الفراخ لو هنعملها فى نفس اليوم هنسيبها فى التلاجة شوية يكون البانيه شرب الخلطه كويس ونحضر البقسماط فى كتر بيجبوه جاهز بس انا بعمله فى البيت أفضل بجيب الفينو وبنشفه فى الفرن وبطحنه وأضيف عليه ملح وفلفل وشطه وكمون ونعناع ناشف يعنى برده اضافات حسب الرغبة بعد كده نجيب بيضة نحطها فى طبق عليها رشة ملح وجنزبيل ونطلع البانيه نحطع فى البيض وبعدين البقسماط ونضغط عيه كويس فى البقسماط علشان يمسك فيه ونكرر العملية دى تانى نحط قطعه فى البيض وعدين البقسماط لما تخلص كمية البانيه نحطه فى التلاجة طبعاً علشان لما نيجى نقليه البقسماط مايقعش فى الطاسة ويتحرق بس مايفضلش فى التلاجة أكتر من 12 ساعة علشان طعمه مايتغيرش ونطلعه ونجيب حبه زيت مش كتير يعنى يملوا قاعدة الطاسة بس ونحط البانيه ونخلى بالنا من التحمي علشان مايتحرقش معانا ويكون كله لون واحد يُفضل نحط منديل ورق على الطبق اللى هنطلع عليه البانيه علشان يشرب الزيت ويا سلام لو حبه بقدونس محترمين كده على الطبق مع البانيه يبقا هايل وممكن يتاكل مع مكرونة أو رز أو على الفطار مع العيش والطحينة ويارب الحلقة تكون عجبتكم وبالهنا والشفا http://www3.0zz0.com/2008/07/30/11/377785725.gif كانت معكم الشيف أسيل من أمام الاسكرين http://www3.0zz0.com/2008/07/30/11/648401277.gif والسلام عليكم ورحمة الله وبركاته |
اقتباس:
ما ماما تعمله من اوله لاخره ونخلص:D |
ماشى يا نونا لما أشوف أخرتها معاكى شكلى هحطك فى أوضة الفران |
اقتباس:
وماله الفران أصدقاء الانسان;) |
ههههههه ماشى يا لمضة
|
يا رب منعململش غسيل معده
الجووووووووووووووكر |
بجد موضوعك تحفة يا اسيل
انا كدة شكلي هتشجع واطبخ لاني فاشلة في حكاية الطبيخ دي خالص وعلى فكرة انا كمان من دمياط |
انا كبيري اعمل كبايه شاي
الف شكر ع الوصفات الجامده دي بس بجد موضوع روعه |
شكراً لمروركم بالموضوع |
الموضوع ده كنت بحلم بيه من زمان يكون لايف
انا ما قرتش حاجة بس شكله جميل للاسف لو كنت فاضي كنت هكون متابع اكتر من كده مجهود جميل يا اسيل :) |
سعيدة جداً بوجودك فى الموضوع وجزاك الله خيراً على الرد و نورت المنتدى برجوعك ليه http://www6.0zz0.com/2008/08/14/19/658155213.gif |
ميرسى على اكلاتك ..ايوه كده وريهم شطارة الدمايطة
|
نورتى الموضوع يا قمر
|
حلقة مُجمعة
دى كل الحلقات اللى قدمتها :rolleyes: اقتباس:
اقتباس:
اقتباس:
اقتباس:
اقتباس:
اقتباس:
ولنا لقاء جديد مع حلقة جديدة من برنامجكم الشهير .. fatafeat ;) |
ربنا يخليكي انهي البرنامج ..
بتقولي حاجات غريبة وعجيبة .. بس ماشي كملي لما نشوف اخرتها .. اخـــ a7la dody ــتك .. |
اقتباس:
يعنى ممكن أقفل الموضوع على كده ;) إيه رأيك ؟؟ :rolleyes: نورتى الموضوع |
بصى باه يا مها وانا بعمل الرز ايدى اتلسعت كمان باه مش مطمنة للوصفات بتاعتك دى وربنا يستر ههههههههههه
ونشوف اخر الاختراعات بتاعتك دى ايه شكلى كدة بطنى هتوجعنى ههههههههههههههههه |
الا قوليلى يا شيف مها انتى بتعرفى تطبخى بجد والا دى مجرد وصفات هههههههههههه شكلك ما بتعرفيش
|
اقتباس:
اللسع أول طريق النجاح فى عالم الطبخ ;) إحمدى ربنا إنك مش نسيتى تحطى الملح زى ناس أعرفهم :rolleyes: وإطمنى بطنك مش هتوجعك .. إنتى مش هتلحقى تحسى بوجع أساساً :p اقتباس:
ولأنى كسولة مش بطبخ إلا لما تكون ماما مش فى البيت إنما لما ست الحبايب تكون موجودة بتقوم هى بالطبخ وتفضل تدينى دروس فى الأخلاق " هتفضلى كده لحد إمتى يا فالحة مش المفروض انتى اللى تطبخى .. أكل ومرعة وقلة صنعة .. " إلخ إلخ إلخ :D نورتى يا زهرة الموضوع :) |
اقتباس:
لا دانا هحكيلكوا بقى عشان تفرحوا بصحبتكوا:D بعد ما عملت بقى الرز وطلع زى الفل و100%:p واتغريت بقى وقعدت اذلهم شويه عشان هياكلوا رز من ايديا:p:p جت ماما تقولى هو حلو بس ناقص ملح ;) مش اسكت بقى لا:D;) قلتلها ملح؟؟؟؟:eek::eek: انا محطتش ملح اساسا:eek::eek: عشان تعرفوا انى مشرفاكوا;););) |
هههههههههههههه ونعم الطبخ معلش معلش المرة الجاية إبقى خلى بالك ( أصحاب يشرفوا بصحيح ) سعيدة بإنضمامك لبرنامج المكسحين فى الطبيخ :D |
هههههههههههههههههههههههههههه مش فرقه كتير بس كنتي هاتي معاكي بلستر لازم تقولي يعني اهو احسن مكنتي تحطي سكر
|
هههههههه
اللهم صلى على النبى دا اللى يشوف ردونا يقول اننا مدخلناش مطبخ قبل كده منورين يابناتيت |
مها
حلقاتك جميلة وان شاء الله فيه امل بس انا ماليش فى المطبخ اساسا والله حتى وماما مش موجودة اخواتى الولاد هما اللى بيعملوا الاكل ميرسى ليكى وللبرنامج |
اقتباس:
وريناهم البلاوى شكرً لمررك يا قمر بالموضوع |
إحم إحم خبر هام بمناسبة إن المطبخ ( قب على وش الدنيا:romarioxp6: ) إن شاء الله هكمل حلقات البرنامج عن قريب و إستعدوا لأجمد و أروع الأكلات .. من إيديا أراكم لاحقاً :049gc0: |
في انتظار حضرتك يا اجمد شيف
بقالكم كام يوم مجوعينا فضحتونا والله قدام الرجالة سايبنا من غير اكل كدا جرا ايه ما حد يدخل يعملنا اكل :( |
صنية فراخ بالبطاطس والبسلة
بعد غيبة طويلة .. قلت أفتح البرنامج بعد ما عشش فيه العنكبوت :( و أهو باب رزق بردك أصدقائى المشاهدين أهلاً وسهلاً بكم معنا فى حلقة جديدة من برنامجكم فتافيتhttp://www.y111y.com/get-7-2008-zn7pqka8.gif وجبتنا إنهارده صنية فراخ بالبطاطس والبسلة أول شىء هنجيب أوراك فراخ على حسب عدد أفرد الأسرة ( ممكن نقسم الفرخة نفسها أربع أجزاء )هنشيل الجلد بتاعها وهنتبلها هنجيب بصلتين متوسطين هنقشرهم ونخرطهم مربعات صغيرة http://www.y111y.com/get-7-2008-u3xdnjx1.gif ، هنحط نص معلقة صغيرة ملح ، معلقة صغيرة كمون وبهارات وشوية جنزبيل لو بتحبوه، هنجيب لمونة ونعصرها عليهم و أى توابل تانية تحبوها ،ولخبطهم كلهم كويس وبعدين نحطهم على الفراخ .. يُفضل إننا نكون متبلينهم من فترة يوم على الأقل علشان الفراخ تبقى متبلة وجاهزة للفرن على طول هجيب 4 بطاطسيات متوسطين وهنقشرهم ونقطعهم شرايح سميكة ونغلسهم كويس وهنجيب البسلة نغسلها برده وهنحطهم فى صنية الفرن غالباً هتكون مقاس 30 .. هنساوى البطاطس والبسلة فى الصنية ولو عايزين تحطوا جزر أهلاً وسهلاً مفيش مشاكل http://www.y111y.com/get-7-2008-u86fm7tp.gif .. هنجيب الفراخ المتبلة ونحطها على وش الصنية ونضيف حوالى كوبايتين ميه ونجيب ورق الومنيوم نغطى الصنية بيه وندخلوا الفرن على 260 درجة و نروح بقى للرز ننقيه ونغسله كويس وبعدين نصفيه ونجيب الحلة ونحط فيها شوية زيت واللى يحب يحط شعرة يحط واللى مش عايز يحط الرز على طول ونضيف ميه على حسب عدد كبيات الرز يعنى لو حطينا 3 كبيات رز هنضيف 3 كوبيات ميه ونضيف الملح عليه ونقلبه كويس ونغطيه لغاية ما يغلى ونوطى عليه ونسيبه حوالى تلت تربع ساعة يكون إستوى هنشوف الصنيه إذا كانت محتاجة ميه ولا لأ .. ولما نلاقيها قربت تستوى هنشيل ورق الومنيوم من عليها علشان تحمر ولو تحبوا تعملوا سلطة خضار مع الوجبة هنجيب الخضروات اللى بتحبها والطماطم ونغسلهم كويس أوى ونقطعهم ونضيف عليهم لمون وملح وخل تفاح لو بتفضلوه على السلطة |
أحسن حاجة المرتة.
|
اقتباس:
ههههههه .. طيب الحمد لله إن فى حاجة كويسة شكراً يا قمر لمرورك :) |
الله عليكي يا مها
.. استمري بجد بجد شيف معتبر انا بدات احتقر نفسي يا بت .. كل دا بتعرفي تعمليه ههههههههههههه كملي متابعة معاكي |
اقتباس:
إحسدونا بقى على الكام اكلة اللى عرفينها :stickjo4: عالم حقودة :slap1qk6: تصدقى بالله يا هند المطبخ ده مابقتش بدخل أطبخ فيه إلا مرة فى الشهر مثلاً أو أساعد ماما لما أكون فى البيت دا حتى الأكل مش باكل إلا فى الجامعة :d ربنا يسهل وأنزل حلقة جديدة:bosyht9: نورتى يا حبيبى :blush: |
صنية قرع عسلى ( حلويات )
http://www3.0zz0.com/2009/05/05/12/895841606.gif على رأى الست وردة : وحشتونى وحشتونى وحشتونى ووحشتنى ليالى زماااااان صوتى وحش مش كده؟ :bosyht9::bosyht9::bosyht9: خلاص مش هكمل .. قصدى مش هكمل الأغنية هبدأ فى حلقتنا الجديدة ;) بصراحة كنت محتارة أرجع البرنامج بطبخة مُعينة قلت أغير المرة دى و أعملكم صنية قرع عسلى .. واللى مايعرفش يعنى إيه صنية قرع عسلى يتفضل يتابع حلقة إنهارده أول حاجة هنجيب كيلو قرع عسلى يُقشر القرع ويقطع مُكعبات متوسطة الحجم 3سم تقريباً يوضع فى وعاء و يوضع الوعاء على النار بدون ماء مع إستمرار التقليب من حين لآخر حتى يتشرب المياه الخارجة من القرع العسلى يوضع عليه اللبن + ملعقة نشا صغيرة (ملعقة شاى ) علشان اللبن مايقطعش يُضاف له جوز الهند أو المكسرات حسب الرغبة ونتركه يغلى ، مع التقليب نضيف السكر حسب الرغبة . حتى يغلى مرة أخرى نُحضر كوب لبن بارد + 4 ملاعق كبيرة نشا و نقلبهم جيداً ونضيفهم عليه مع التقليب حتى نحصل على قوام متماسك . نُحضر صنية وندهنها بالسمنة ونسكب فيها الخليط ، نسوى وجه الخليط ونوزع ملعقة صغيرة سمنة على وجه الصنيهونتركها حتى تبرد ونسخن الفرن لدرجة 350 ونحطها لغاية ما وشها يحمر .. و بالهنا والشفتشى :d ملحوظة : كل كيلو قرع يلزمه 2,5 كيلو لبن + 3/4 كيلو سكر +1/3 كيلو نشا اقعدوا بالعافية :d كانت معكم الشيف أسيل من أمام إحدى شاشات الكمبيوتر http://www3.0zz0.com/2009/05/05/12/495018857.gif http://www3.0zz0.com/2009/05/05/12/573633460.gif |
هههههههههههههههههه تحفه تحفه بجد الموضوع ده كمليه و انا ححاول اعمل عمليه ارهابيه و انفذ من دول :bosyht9: يلا فى رعايه الله |
المواضيع كلها جميلة يا اسيل بس انا عايزاكى الحلقة الجاية تعملى لنا مكرونة بالبشمل
مشكووووووووووووووووووووووووووووووووووووووووووووووو ووووووووووووووووووووووووووووووووووووووووورة |
يسلام ياشيف لو وضعت عليه الشبت
وشششششششششششششششكرا |
اسيل....... اين انت ؟؟........... مكتبتيش من زمان
يا ترى ايه السبب فى الغيبة دى؟؟ |
إن شاء الله يا جماعة هعمل حلقات جديدة بس كنت باخد فترة ريست شوية منورين كلكم وسعيدة بوجودكم ومتابعتكم للموضوع |
| جميع الأوقات بتوقيت GMT +2. الساعة الآن 01:42 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.