لو سمحت انا من منوف (المنوفيه) و جايب 387.5 و هندسه منوف واخده من 388 فينفع احول من هندسه اسيوط ( اللى جاتلى فى بطاقه الترشيح) لهندسه منوف ؟؟؟؟

ولا حتقدم ولا حاجه حتستنى التحويل الالكترونى لما يفتح وتحول عادى الكترونى من غير ما تقدم فى شبرا خالص

البطاقه على القاهره ولا إسكندريه ؟؟
لو تعرف تخلى البطاقه على اسكندريه تحول الكترونى سهل جدا
انما لو البطاقه على القاهره يبقى مش حينفع تحول اسكندريه لان مجموعك مش جايبها

بجد؟ يعني لو خليت البطاقة على أسكندرية هاقبل؟؟؟ بجد؟؟
طب ازاي أخلي البطاقة على اسكندرية؟
وحتى لو خليت البطاقة اسكندرية التحويل الالكتروني هيشوف اني من القاهرة عشان أنا متسجل قاهرة؟ أرجو المساعدة !!!!

اه ان شاء الله لو البطاقه بقت اسكندريه يبقى انت بلدك اسكندريه يبقى تحول تقليل اغتراب
حتى لو متقبلتش الكترونى يبقى حتحول ورقى وساعتها حتقدم ورقه انك ساكن فى اسكندريه وحتحول برده
مش انت بتقول ان عندك محل اقامه فى اسكندريه

اه عندي محل إقامة ف اسكندرية ، يعني أروح القسم ف اسكندرية وحول من هناك ولا إيه طيب؟

اه حاول تثبت بقى انك عايش فى اسكندريه عشان احتمال يكون تحويلك ورقى مش الكترونى فحتحتاج ورقه تثبت كده

طب لو عايز أحول إلكتروني أعمل إيه؟ وهل التحويل الورقي مضمون 100% ؟ يعني لو حاولت البطاقة اسكندرية إن شاء الله هقبل؟

مهو انت دلوقتى محل اقامتك فى البطاقه القاهره احتمال ضعيف انك تحول الكترونى عشان الالكترونى تحويل اغتراب
انما الورقى بيحول اى حاجه تانيه ومضمون 100% بس برده حتقدم الكترونى لعل وعسى ممكن يتقبل بس برده امشى فى انك تجيب ورقه تثبت انك ليك محل من اسكندريه

الالكترونى ده سهل جدا هو لسه مفتحش حيفتح بعد نتيجه تنسيق المرحله التانيه وهو عباره عن انت جالك كليه ايه وعايز تحول لكليه ايه وبس كده والنتيجه تظهر بعدها

طيب معلش أنا عرف اني رخم بس هل وصل كهربا كفاية ولا لازم بطاقة؟ عشان يعني لو مقبلتش مفضلش أحول البطاقة كذا مرة

انا سمعت انه وصل ميه او نور او غاز بس والله مش متأكد الصراحه
وانت مش رخم ولا حاجه واسأل فاللى انت عايزه احنا هناك كلنا اخوات :)

ربنا يخليك والله إنت راجل سكر

ربنا ييسرلك الحال ان شاء الله وتحول وتنورنا فى الكليه :)

إن شاء الله، و الله أنا من القاهرة بس من أول ثانوية و أنا نفسي أروح هندسة اسكندرية

معلش سؤال صغغيير جدا
انا عارف ان كتيير سألوا نفس السؤال بس انا عاوز اعرف حاجه صغيره مش فاهمها
انا دلوقتي جبت 387.5 وروحت هندسه اسيوط
انا مدرستي في اداره الخصوص التابعه لبنها
فلو انا حولت الكتروني ان شاء الله
هروح شبرا ؟! وله المطريه ؟!
معلش بقا انا دلوفتي اللي رخم بجد =d

مطرية تقريباً عشان هي الحد الأدنى فالقاهرة

حتحول ان شاء الله :)

هههههههههههههههههههه لا والله ما رخم ولا حاجه ربنا يوفقكم كلكم ان شاء الله
انت اللى حتكتب انت عايز ايه انت اللى حتختار يعنى طالما الكترونى

معلش يعني لو انا كتبت في تقليل الاغتراب شبرا الاول وخصوصا اني معدي الحد الادني
وهي اللي في منطقه أ عندي في التوزيع الجغرافي

سألتلك دلوقتى عشانك وقالولى لو انت ليك حد من اسكندريه خليه يروح مكتب التنسيق فى كليه الحقوق يسأل هل بيبقوا عايزين وصل نور او ميه بس ولا لازم البطاقه كمان
لان اللى قالى الكلام ده قالى ان السنه اللى فاتت طلبوا وصل نور او ميه وكمان صوره من البطاقه فخليك فى الضمان وحد يستفسر لك اضمن واحسن

لأ معنديش حد فإسكندرية بس ممكن أنزل أنا أسأل أو أكلمهم علتليفون ، بجد ربنا يكرمك ومش عرف أشكرك ازاي إنت فعلاً أدتني أمل

تمام جدا وانا برده ححاول اعرفلك الرقم ولو وصلت لحاجه حبلغك
ومفيش شكر والله ربنا معاك ان شاء الله وتحول بسهوله :)

لو حد جاله اعلام بنى سويف لان مجموعه مجبش القاهرة ......يقدم فى التحويل الالكترونى قاهرة و حتجيله ولا ممكن تترفض؟؟؟؟؟؟؟؟ و هل الافضل الورقى ام الالكترونى

طيب هو محل اقامته ايه ؟

تمام قوي ربنا يخليك تسلملي

القاهرة و هو عايز اعلام القاهرة

http://www.tansik.egypt.gov.eg/appli...sitieslabs.htm

ده دليل التليفونات عشان تتصل تعرف ايه المطوب بالظبط

تحويل الكترونى تقليل الاغتراب وحيتقبل ان شاء الله طالما حيرجع لبلده

اه بقولك إيه، تعرف أي حاجة عن موضوع القرار الوزاري بعمل الوالد أو الوالدة فالمحافظة المراد التحويل إليها ، عشان في ناس بتقول لازم القرار ده عشان أعرف أحول

الحقيقه مسمعتش عنه خالص واللى حولوا السنه اللى فاتت الكترونى محدش اتكلم عن كده هو المهم محل اقامه بوصل والبطاقه بس
وبرده اللينك ده فى الرقم اللى حتتصل بيه وتعرف ايه المطلوب بالظبط
http://www.tansik.egypt.gov.eg/appli...sitieslabs.htm

بس سؤال طالما انت من القاهره ليه مدخلتش هندسه القاهره حتى ول مجموعك مش جايبها لو حولت الكترونى تقليل اغتراب حيتقبل علطول

الف شكر ربنا يجعله فى ميزان حسناتك

لو سمحت هو التحويل هيفتح امتى ع النت ؟؟؟؟؟؟؟؟؟؟؟؟؟؟؟؟؟؟
حد يرد عليا ضرورى

والله العظيم والله العظيم وان شاء الله حتحول اسكندريه
طالما بلدك يببقى بتقليل الاغتراب حتحول ان شاء الله
ومش حتقضى ولا دقيقه فى اسيوط

انا سمعت انه الاحد وكمان سمعت انه بعد نتيجه المرحله التانيه فتابع لغاهي ما يفتح لان مفيش حاجه اكيده نزلت

رابنا يكرمك والله طمنتني :d أنا أظن صعب احول الكتروني لازم احول ورقي ؟ و الورقي أكيد شغال مش حيقفلوه ؟

اهم حاجه تقدم بدرى يعنى اول ما يفتح الالكترونى قدم وان شاء الله ينفع لو لا قدر الله منفعش الورقى موجود وبيحول كله ان شاء الله

لو سمحت انا من منوف (المنوفيه) و جايب 387.5 و هندسه منوف واخده من 388 فينفع احول من هندسه اسيوط ( اللى جاتلى فى بطاقه الترشيح) لهندسه منوف ؟؟؟؟

معتقدش اني لو قدمت تحويل لهندسة القاهرة هيتقبل عشان هي وخدة أعلى مجموع هندسة وبيبقى عليها طلبت تحويل كتير من جميع المحافظات ، أنا حتى سمعت انه بتاخد فالتحويلات مجموع أعلى من مجموعها.
ده زائد اني هندسة مطرية يعني قاهرة يعني مظنش إن تقليل إغتراب ينفع

انا من الزقازيق و جالى كلية اسنان المنيا مع العلم ان مفيش ف الزقازيق يعنى مفيش ( أ ) و كنت عاوزه احول المنصوره ( ب ) بس هى اعلى من مجموعى بدرجه هل ينفع ؟
مع العلم ان اسنان اسماعيليه بالنسبه لى ( ب ) برده و اعلى من مجموعى بنصف درجه فهل بقى لازم احول اسماعيليه و لا ينفع المنصوره عادى مادام الاتنين ( ب ) ؟
ارجو الرد و جزاكم الله خيراااااااااااااااااا

انا من المنوفيه وجاتلى هندسة المنيا اعمل ايه هاقدر احول شبين ولا هافضل سنه فى المنيا


يارب حد يرد عليا

لا ولا سنه ولا شهر ولا دقيقه ولا ثانيه حتى
استنى التحويل الالكترونى لما يفتح وحتحول عادى جدا طالما حترجع بلدك مفيهاش مشكله

انا عايز أكلمك يا هندسه و مش هينفع على الخاص علشان مشاركاتي مش كتير

لو سمحت بالنسبه للتحويلات الالكترونيه ممكن لينك الموقع اللي بيتم عليه التحويل؟؟

الموقع اللى عملتى منه التنسيق

أنا عايز أكلمك على إنفراد (شات) ضروري ...ممكن إميلك أو نمرة تلفونك لو سمحت؟

بعتهملك ف ماسيج :)