التحويل الالكتروني زي التنسيق بالظبط و من على نفس الموقع و بتكتبي تقريبا 3 او 5 رغبات للتحويل على ما افتكر يعتبر يعني اعادة تنسيق من اول و جدييد

لو حضرتك حولتي الكتروني هتبقى كانك اعدتي تنسيقك و هتبقى زيك زي بتاع القاهرة ليكي مدينة و كل حاجة و دة وضعي الان في المنصورة حولت الكتروني و اتقبلت بسرعة كان التنسيق الاولاني دة مش موجود


و لو لا قدر الله التحويل الالكتروني منفعش لا قدر الله و دة جايز و وارد انه يحصل ماتقلقيش هتقدري تحولي ورقىى ان شاء الله بس في الحالة دي ممكن المدينة تتاخر شوية لحد ما تتقبلي و ففي الغالب بتتقبلي بعد اسبوعين او 3 بالكتير و كله بيتقبل

انصحك يا دكتورة حضرتك او اخوكي حد يروح يسال في طب القاهرة عن التحويل الورقي لطلاب السويس عشان دة خارج علمي بصراحة و ممكن تجيبي نمرة شئون الطلبة هناك و تساليهم بكرة الصبح و هم هييقولوا لحضرتك على كل حاجة و ممكن تسالي زميلة لحضرتك اكبر منك في طب القاهرة

بس بلاش قلق بلاش قلق بلاش قلق كل دي حجات صغيرة و بسيطة و روتينية و كله بيتقبل في الاخر حتى لو الدفعة هتبقى كام هندسة المنصورة زادت عدد رهيب بعد التحويل كذلك طب المنصورة ما رفضتش حد

موضوع بسيط

ا شوفت مناقشه فى منتدى الطلاب بتاعهم اجمعوا على ان القاهره افضل عملى وكدا وعين شمس نظ

القاهرة افضل في رأي الكثيرين

انا محتارة ما بين بيطرى واعلام ايه رايكم وماتقوليش حسب الى اتى حاباه لانى حابه اعلام بس ممكن انجح فى بيطرى لانى بدأت احبها رايكم اي اتلاحسن

حضرتك انا اختي خريجة بيطري السنادي

و مجال الشغل للبنات مش مفتوح قوي و الدراسة مش حلوة و معلش هتكرهيها جدا و دة اللي انا شفته من اختي

لو عاوزة يبقى اسمك دكتورة ادخلي بيطري
مش عاوزة كلية تكرهيها ادخلى اعلام و ان شاء الله مادام بتحبيها مش هتمثل عبء على حضرتك

لكن

لو حضرتك مش من القاهرة و اعلام هتخليكي تبعدي عن اهلك

بالله عليكي بلاش عشان مش مستاهلة خالص ادخلي بيطري و تبقى دكتورة بس و انتي مع اهلك لان الغربة متعبة فوق ما تتخيلي و بالنسبة للبنات اسوأ شئ في الدنيا بمعنى الكلمة

لكن لو حضرتك من القاهرة في رأيي الشخصي ان اعلام كلية مبتكرهش طالبها فيها زي بيطري و البيطري برضه بيعاني من حاجة اسمها "الوصمة" زيه زي الدكتور النفساني بيقولو عليه دكتور مجانين البيطري برضه بيقولو عليه دكتور ......

خرجي نفسك من الموضوع دة اعلام ليها برستيجها الجميل و كفاية انها بعيدة عن قرف بيطري بس دة لو حضررتك مش من القاهرة و يا ريت لو حضرتك مش من القاهرة متتسرعيش و تدخلى اعلام انا قلت لحضرتك اللي في الغربة

للاسف انا مش فى القاهرة انا فى اسيوط شكلا فعلا هترسى ع بيطرى لانى خايفه من الغربة مع ان مش موخوفونى وعايزين ادخل ححتى اسوان طالما فى مدينة لك من جوايا خايفة وفى جامعة اسيوط ناس عارفاها
ميرسيييييه جدا لمرور حضرتك واهتمام حضرتك بالموضوع

انا عاوز اقول لحضرتك بس بلاش اعلام في الحالة دي خليكي في الكلية اللي تروحي منها كل يوم بالدنيا و ما فيها

خلاص الغى الكلام اللي فوق وتوجهى لكلية الطب البيطري

اي غربة و بعد عن الاهل لا لا لا

دة رد للتاكد بس

و بالتوفيق

ان شاء الله
شكرا جزيلا لاهتمام حضرتك يا دكتور مصطفى انا جايبه 95.24 تتوقعلى ادخلها

حضرتك من مييت غمر علشان بتقول كان عندك المنصوره الزقازيق فالاختيار

انا دلوقتى طب بنها وانا من الشرقيه ازاى لو سمحت احول للقاهره حتى لو تحويل بفلوس وانا عامل تظلمات
واساسا معدى الحد الادنى للقاهره فى طب بشرى

الزقازيق زباله فالطب وددروس خصوصى دى نظامها فهل بنها زيها ولا احسن .؟

ممكن اختك تاخد سنتين فارما وتبقى صيدلانيه وتشتغل فشركه ادويه

انا جايب 84.5 ادخل ايه
انا علمى علوم .......................

تحويل القاهرة الفاصل فيه ان حضرتك يبقى عندك محل اقامة هناك و بتحول عن طريق وصل نور او فاتورة تليفون باسمم والد او والدة حضرتك من محل الاقامة دة و ملوش دعوة بالمجموع للاسف

بصراحة انا معرفش خالص عن طب بنها و مليش اي اصحاب فيه غير حضرتك ♥

بس طب الزقازيق مش شرط فيها دروس و ليا اصحابي رتبوا السنادي من غير كورسات محاضرات بس