اسبوع لغاية ما تطلع
اسبوع تحويل وجايز اكتر
اسبوع تقديم وكشف طبي ومصروفات وكارنيه
يعني لو طالب في هندسة والا طب حيعمل ايه

الأستاذ/مدحت .............المحترم
لاحظت أثناء تسجيل الرغبات للشهادة المعادلة الانجليزية وخاصة درجات المواد العلمية ظهور ملاحظة استوفى شرط القبول B 85% فهل هناك شروط جديدة طبقت هذه السنة عكس السنوات السابقة التى كانت تشترط الحد الأدنى c فى مواد الأوليفل والحد الأدنى e فى مواد الايه ليفل ...وهذا ماقرأته بالمواقع أنه لدخول كليات القمة طب/أسنان/صيدلة/هندسة....يجب الا تقل الحد الأدنى للمواد العلمية عن 85% رجاء التفضل بالتوضيح

استاذ مدحت : اخر ما وصلكم بخصوص نتيجة شهادات المعالة الرجاء افادتنا بما لديكم
شاكرين لكم حسن تعاونك ..

سؤال بقي لو سمحمتم...هو تنسيق الدبلومات والتحويلات الاولي والتحويلات التانيه مكانوش موجودين لما اعلنتم ان النتيجه يوم الثلاثاء ..ولا النتيجه موجودة وانتو مكسلين ترفعوها ولا في نقص في الطاقه..ولا في اهمال ولا ايه بالظبط؟؟؟!!! :*
بجد غير مقبول بتاتا التأخير بأي شكل..وكمان غير مفبول المعامله السيئيه اللي بيلقاها طلاب شهادات المعادله..اللي بيتعاملو كمواطنين درجه عاشره...
اذا مش كنتم عاوزين تقبلوهم ...قولوها صريحه(قولو محدش هيدخل جامعات حكوميه مصريه غير طلبه الثانويه المصريه) مش تمثلو ان طلبه الشهادات المعادله لهم مكان وانتم سايبينلهم فتات الاماكن (اللي بتذولهم اخر ذل عشان هيعرفوا هيخشوا ايه حتي) !!
ده طبعا غير المعامله الاستثنائيه اللي بيتلقوها من الجامعات الموقره لما بيخشوا...يعنيي مثلا حرمان من المكافآت..وفرض الاتوات ( المصاريف) الغير مبررة باعتبار انهم بنوك متحركه يسرقوا منهم علي قد ما يقدروا..
علي سبيل المثال..أنا عشان اخش طب المنصورة اخدوا مني 2000 جنيه لاني شهاده معادله واذا مش دفعتهم احرم من ظهور نتيجتي :(
ومثال تاني اخويا اللي اخدوا منه في هندسه اسكندريه 2000 جنيه تانين (تبرع اجباري) وعشان يحول من هندسه اسكندريه لهندسه المنصورة اخدوا منه 4000 غيرهم..كل اللليله دي عشان هو طالب شهاده معادله...كأنها وصمه عار بتلاحقه طول حياته :*
طبعا منظومه التلعيم العالي في مصر مينفعش يتقال عليها غير..
حسبي الله ونعم الوكيل :((

لو كان هنا لااك زي الفيس بوك
لحصلت مئات من اللايكات
لو فيه هنا لااك زي الفيس بوك
لوجدت عدد طلاب المعادلة عاملين لايك
حسبنا الله ونعم الوكيل

بجد والله حرام عليكو احنا زهقنا والله
احنا قاعدين على اعصابنا
ومش قادرين ننام و لنا نفس نطلع ولا ناكل ولا اي حاجه من كتر الانتظار والتفكير
الغايت امتى هتقعدو تعاملونا كدا
بجد حرااااااااام
وحسبي الله ونعم الوكيل
انتو ليه مستهترين بينا وبتلعبو بينا كدا
وكل شويه تدونا موعد وموعدكو مايكونش صحيح
انتو بتسكتونا وخلاص
المفروض التحويلات دي تكون في الاخر
مش احنا اللي نكون في الاخر
ومش مطمنين حتى النتيجه ايه
انتو مش حاسين بينا
انا اول مااقرات الموضوع دا بجد قعدت اعيط
لاني كنت خلاص قلت هتطلع النتيجه بكره
تيجو تاجلوها كمان اسبوع كامل مش حرام ؟
ليه دايما بتعملو تفرقه بين المغتربين وغيرهم
مبهدلينا ومطلعين عينا ي كل حاجه
ودايما حاطينا في الاخر
ياليت تحسو بينا
وحسبي الله ونعم الوكيل
انا مش عارفه بجد يعني ع كدا هيكون راح علينا اسبوعين من الدراسه
ممكن اعرف بقه
الشرح اللي راح علينا الاسبوعين دول اللي هو سبب تاخيركم انتو
مين اللي هيدفع ثمنه
؟!!
اناعمري في حياتي ماشفت زي كدا
انا سافرت وشفت
ازاي الكليات والمدارس بيتعاملو برا
عمرهم ماقالولنا موعد وخلفوه
لكن في مصر
كل يوم موعدجديد
وكلام حلو نسمعه عشان ننكتم
وشويه يقومو مغيرين الكلام
فووووووووووووقو ببقه ونظمو نفسكو
وخليكو كلمه وحده
وخلونا نحترمكو ونحترم قرارتكو ومواعدكو
عييييييييييييييب والله عيب والله عيب
لما تكونو رجاله بتشتغلو ودا يكون نتيجة شغلكو
مش هقول غير
حسسسسسسسسسسسسبي الله ونعم الوكيل


أستاذ مدحت أشكر حضرتك جدا جدا جدا ع مجهودك معانا واهتمام حضرتك
وان حضرتك عبرتنا وجيت تهون علينا وتجاوب ع استفساراتنا
ولك مني جزيل الشكر والتقدير
وربنا يوفقك
والكلام اللي فوق دا انا اقصد بيه كل واحد في مكتب التنسيق مش مهتم بينا ومش هامه تاخيرنا عن الدراسه اسبوعين عشان احنا تعبنا والله اوي اوي اوي من الانتظار
لكن بجد بشكر لحضرتك اهتمامك وتفاعلك مع الاعضاء هنا في المنتدى
ولك خالص احترامي

ياجماعه احنا هنسكت ع اللي بيتعمل فينا دا الغايت امتى يعني ؟؟!!!!!!
شكل كدا النتايج مش هتظهر غير مع نتايج الكليات اخر السنه >>+_+
احنا المفروض نتحرك نعمل مظاهرات قدام مكاتب التنسيق ولا نعمل اي حاجه
لان الموظفين في مصر ماعدوش بيحسو >>>مع احترامي اللي بيعاملو ربنا في شغلهم واللي ضميرهم صاحي
لكن دي الحقيقه ماعدش حد بيتحرك الا بمظاهره ولما الناس يتقلبو قدام مكاتب التنسيق ويعملو ازعاج وهيصه ويتمسك كم واحد من المسؤولين ياخدلو علقه محترمه
ساعتها هيتحركو لان فيه ناس مابتتحركش غير بالدق على راسها
لكن نحترمهم لا دا ماينفعش معاهم >> وبكرر مع احترامي للي ضميرهم صاحي وبيراعو ربنا في شغلهم
المفروض نعمل اي حاجه ونتحرك بجد
لان كدا مش هينفع خالص
والمفروض كمان نطالب بحق من حقوقنا كمصريين ان مايكونش فيه تفرقه بينا وبين اللي داررسن في مصر سواء في المكافئات او المصاريف او غيره ارجوكم فكرو بلاش نفضل نايمين كتير احنا لازم نطالب احنا كمان بحقوقنا كطلاب مصريين يعاملوونا زينا زي الطلاب اللي في مصر
مشش المدينه الجامعيه مثلا كمثال يعني احنا لاننا شهادات معادله ندفع في الشهر 850 جنيه واللي شهاداتهم ثانويه مصريه لا بيدفعو بس 75 جنيه
مش ظلم ؟!!!!!!!!!!!!!!!!!!!!!!!!!!!!!!!!!!
المفروض المعامله دي يعاملوها للغير مصريين
مش لينا احنا هو احنا ايه ذنبنا يعني
برا مصر يقولولنا اجانب
ولما نرجع لمصر يقولولنا مغتربين
يعني نروح فين يعني نروح الصومال مثلا ولا امريكا يمكن والله يحترمونا اكتر من بلدنا
احنا لازم نتحرك لان البلد دي اللي بيفضل ساكت فيها بيندااااااااااااااااااااااااااس

ياجماعه والله الناس دى مش هتيجى غير بمظاهره قدام مكتب التنسيق عايزين كلنا نتفق نروح بكره او بعده قدام مكتب التنسيق
حراااااااااام الى بيحصل فينا ده
بجد اعصابنا تعبت

قرر اتحاد الطلبة المصريين بالسعودية واتحاد طلاب المصريين الخارج دعوة جميع الطلاب الحاصلين على الشهادات المعادلة العربية والاجنبية والمنتقلون للجامعات المصرية هذا العام للاعتصام المفتوح يوم الثلاثاء القادم امام وزارة التعليم العالى بشارع القصر العينى وقد انتشرت الدعوة فى جميع مواقع التواصل الاجتماعي .

يأتى هذا التظاهر والاعتصام بسبب عدم ظهور نتيجة التنسيق الخاصة بهؤلاء الطلاب حتى الان ،حيث لم يحدد مكتب التنسيق موعداً محدداً لظهور نتيجة تنسيق الشهادات المعادلة العربية والأجنبية وأيضاً لتجاهل مطالب الطلاب بالعمل على سرعة ظهور نتيجة التنسيق خاصة ان العام الدراسى بدأ منذ امس وانتظم فيه جميع الطلاب ،ثم هناك فترة تقديم اوراقهم للكليات ،التى تم ترشيحهم لها ،بجانب ايضا فترة التحويلات ،مما يهدد بحرمانهم من الانتظام فى الدراسة مبكراً مثل زملائهم ،وهذا كله دعا الطلاب لاتخاذ قرار التظاهر والاعتصام المفتوح أمام الوزارة لانه الحل الوحيد والأمثل للاستجابة لمطالبهم من وجهة نظرهم .

الخبر ده من امبارح

بلييييييييييييييييييييييز ياجماعه لازم نتحرك كلنا لازم نطالب بحقوقنا ومش بس حق النتيجه لا كمات لازم نطالب بالمساواه بينا وبينهم فيي كل حاجه سواء مصاريف او غيره لان بجد ماينفعش نسكت ع الوضع دا ياليت اي اعتصام يحصل كلنا نستجيب وننزل هم لازم ياخدو فوق راسهم عشان يتحركو مفيش حل غير كدا ياليت كان يبقى فيه حل افضل لكن فيه ناس مابتتحركش غير بالضغط والضرب على دماغهم

صحيح
وهو ا فعلا الحل من وجهة نظري
لو فضلنا ساكتين احنا اللي خسرانين

انا معاك/ي في كل كلمه وفعلا هو دا اللي المفروض يكون
ولازم نتعاون كلنا بليز لازم نتعاون

تحت امرك

اذا كان كتابه التنسيق في اول ايامه اوك تعدل اتوماتيك اما اذا كان قبل الايام الاخيرة
فلا يوجد خطأ في المجموع الاعتباري لان الانظمة الحسابية واحده
وارجو ان تكوني اضافتي جميع المواد بدقة اثناء الخطوة الثانية في كتابه الشهادات








Mr.MedhatSalah - علي الياهو -


01112050885 ( 002 )
01065030285 ( 002 )

أستاذ مدحت لو سمحت هيا النتيجة ممكن تطلع بكرة و لا الأسبوع الجاي ؟؟
و شكرا لحضرتك

[CENTER]

بسم الله الرحمن الرحيم
أ/متحت الفاضل
السلام عليكم ورحمة الله وبركاته
استاذي اقدر مجهودكم وافاجئ فعلا من تأخير النتيجة لهذا الوقت المتأخر جدا وربما تكون للمرة الأولى والذى يعتبر لامبرر له
استاذي لو ان لك ابنا في مكاننا فماذا سيكون شعورك
اخوتي يذهبون لجامعاتهم وانا أجلس بالمنزل لا خيار أمامي لا أستطيع الذهاب الى رغبتي الأولى فالغيب لا يعلم به إلا الله
أرجو تقديم موعد النتيجة لأن الزمن دواااااااااار[/CE

NTER]

:av4056bb7jp3:

السلام عليكم و رحمة الله و بركاته
بسم الله الرحمن الرحيم و الصلاة و السلام على رسول الله صلى الله عليه و سلم
متى تظهر نتيجة الشهادات المعادلة ؟ و ما سبب التأخير و رجاء الرد و شكرا لك .
السلام عليكم و رحمة الله و بركاته

السلام عليكم
عندي استفسار بسيط وأرجو الرد


مكتب التنسيق سيوزع الطلاب على الكليات فى الجامعات المختلفة، طبقا للنسبة المحددة من المجلس الأعلى للجامعات التى تقدر بـ5% من عدد الطلاب المقبولين فى كل كلية، مؤكدا أن سنة الفراغ فى الثانوية العامة المصرية لن تؤثر على نسبة طلاب الشهادات المعادلة المقبولين.


ممكن تفسير الكلام ده .. ويعني ايه هيتم 5% بس يعني من عدد الطلاب المقبولين ؟؟؟؟؟؟؟؟؟؟؟؟؟؟
مش فاهمة ؟؟؟؟؟؟؟؟؟؟؟؟؟؟؟؟؟؟؟



أرجو الرد لو سمحتوا المسؤولين اللي هنااااااا ؟؟؟؟؟؟؟؟؟؟؟؟

طب امته بالظبط يعني
 

حسبنا الله ونعم الوكيل
بينا وبينكم ربنا

((يعتمد غدا الدكتور مصطفى مسعد وزير التعليم العالي نتائج ترشيح طلاب الدبلومات الفنية علي المعاهد والجامعات بحد أدني 60% حيث تقدم للمرحلتين الأولي والثانية نظام 3 و5 سنوات 98 ألف طالب وطالبة.
أعلن أحمد عبدالعزيز ـ وكيل أول وزارة التعليم العالي والمشرف العام علي مكتب التنسيق ـ فتح باب التحويلات لهؤلاء الطلاب بعد إعلان نتائجهم بـ48 ساعة عبر المواقع الالكترونية ويهدف تقليل الاغتراب.
أشار الوكيل الأول إلي أنه أيضاً لأول مرة يتم فتح الموقع الالكتروني اليوم ولمدة 72 ساعة أمام طلاب الفرقة الأولي بالمعاهد العليا والمنقولون بالفرقة الثانية للتحويل عبر المواقع الالكترونية مؤكداً فتح باب التحويلات الورقية أمام طلاب الفرق الأعلي لمدة أسبوع ابتداء من اليوم..أضاف الوكيل الأول أنه بالنسبة لتحويلات طلاب المرحلة الثالثة والأخيرة من الثانوية العامة فإنه تقرر إعلان نتائجهم بعد غد الثلاثاء.
قال أحمد عبدالعزيز إن آخر نتائج تنسيق هذا العام سوف تعلن بداية الأسبوع القادم لطلاب الشهادات المعادلة العربية والأجنبية يليها إعلان نتائج ترشيح طلاب الثانوية الأزهرية علي الكليات والمعاهد وفقاً للحد الأدني ورغبات الطلاب.
من ناحية أخري أعلن الدكتور مصطفي مسعد أنه يتم وضع حلول سريعة لجميع الإداريين والعاملين بالجامعات بالتعاون مع وزير المالية بهدف زيادة بدلاتهم بما يسمح لهم بحياة كريمة.))


الكلام ده من يوم 15/9/2012
افهم من كده اننا نقعد فبيوتنا احسن
لما النتايج اول الاسبوع الجي زي ما الخبر بيقول . يبقي حنلحق امتي نقدم ورقنا فالكليه و نستلم الكتب و نخش ال Sections
حسبي الله و نعمه الوكيل
الاسبوع اللي فات قلتوا السبت . جينا السبت قلتوا الثلاثاء جينا الثلاثاء قلتوا الثلاثاء القادم و دلوقتي تقولوا اول الاسبوع الجي
هو ده تعليم و لا سوق ولا ايه بالظبط
حسبي الله و نعمه الوكيل

حسبي الله و نعم الوكيل .... هام للساكنين بالإسكندرية
 

منتهى ااهمال والتلاعب باعصاب الناس لية التاخير دة كلة وجميع مراحل التنسيق الثانوية المصرية تظهر فى اسبوع يعنى عايزين نعرف اخر كلام هتظهر امتى احنا منمناش ومتابعين الموقع ومفيش اى بوادر وهكذا هم المصرييييييييييييييييييييييييييييييييييييييييييييي ييييييييين

هو انتوا جبتوا الخبر ده منين إنها هتطلع خلال الـ 48 ساعة القادمة


لو سمحتوا ولو في موقع بيجيب آخر الأخبار وموعد نتيجة التنسيق ابعتهووووووووووولي
او نزلوه هنا اووووووووووك

الأستاذ/مدحت ...............................المحترم
ممكن توضح لينا نسبة التوزيع على الجامعات حسب الأماكن المخصصة لكل شهادة والكيفية التى تتم بها عمليات التوزيع وماذا تقصد بأن المؤشرات الأولية تبين أن طلبة الشهادات المعادلة لم يملؤا كل الأماكن المخصصة لهم ومازال هناك أماكن للشهادات الأجنبية لانه حسب معلوماتى أنه لاصلة بين أى شهادة وأخرى والدليل على ذلك أن درجات الحد الأدنى للقبول للشهادة البريطانية تختلف عن الأمريكية الخخخخخ بمعنى على سبيل المثال لا الحصر الطب فى الانجليزية يكون بدرجات 396 .....يكون الطب فى الأمريكية 405 وهكذا.....الخلاصة أقصد أن لكل شهادة نسبة مخصصة لاتمت بأى صلة لما تم قبوله من الشهادات الأخرى هل لك أن توضح لنا نسبة كل شهادة من الأماكن وماهو عدد طلبة الشهادة الانجليزية والعدد الذى يقابلهم من الشهادة الأمريكية... ومادخل حصتهم بما تم قبوله من شهادات كويتية سعودية اماراتية

الأخباااااااااار أكيييده فعلا مكتب التنسيق انتهى والنتيجة بإذن الله إما مساء الاربعاء أو صباح الخمييس ...

والأخبااار أكييدة والمصااادر موثوووقة ...

الاستاذ مدحت متابع ملفنا من زمان وهوا بيقولنا على الاخبار أولاً بأول والراجل مشكور على هذا المجهود الرائع وبرضو الموقع ده يعتبر موقع موثوق بدرجة كبيرة فمتخافش من الاخبار هنا

السلام عليكم ..

لو سمحتم بالنسبه للحدود الدنيا اللي نزلت ع الفيس بوك دي ايه نظامها

صحيحه ولا لأ ؟

المصدر // الأخبار وردت في جريدة الجمهورية والأهرام ... وطبعا دووم جريديتن موثووق فيهم ..



وكمان وزير التعليم العالي هو الي صرح بكده وقال النتيجة بعد 48 ساعة ...

الحدوود الدنيا اللي نزلت ع الفيييس أكيييده 100 % .... لإنها صدرت من جريدة موثوووق فيه ورسمية ...

,,,, ما أقدرش أحط روابط لإن مشاركاتي أقل من 25 ,,,,

ع العمووم لو انتم بحثتم عن الأخبار هتتأكدوا فعلا ... النتيجة بإذن الله إما مساء اليوم أو صباح غدا ...

سؤال للأستاذ/مدحت
بعد ظهور النتيجة وترشح الطالب لاحدى الكليات التى لايرغب هو فى الترشح لها ...هل يجوز للطالب استبدال أحدى الشهادات المقدمة بشهادة أخرى لمادة أخرى تمكنه من دخول كليات الهندسة لم يتقدم بها فى البداية لتأخر وصولها من بريطانيا...فهل يسمح مكتب التنسيق بذلك أو أن هناك أى طريقة لاعادة ادخال رغباته مرة أخرى بناء على المعطيات الجديدة........................................... ......................................

الخبر هنا بتاريخ 6\9 ونازل فى الجمهورية اون لاين اليوم
ماصحه هذا الخبر ارجوا تخبرنا مستر مدحت

وزارة " التعليم العالى" تتجاهل إعلان نتيجة تنسيق طلاب الشهادات المعادلة
19/09/2012 05:44:39 م

كتب - مجدى ابوزيد

إستمراراً لمعاناة الطلاب المصريين الحاصلين على الشهادات المعادلة العربية والأجنبية، ما زالت وزارة التعليم العالى تتجاهل إعلان نتائج تنسيق القبول بالجامعات لهؤلاء الطلاب، رغم تأكيد مصدر مسئول داخل مكتب التنسيق أن عملية توزيع الطلاب ومراجعة النتيجة إنتهت منذ أمس .

وقال مئات الطلاب و أولياء الأمور لـ" الجمهورية للخدمات التعليمية "، إنهم يتوجهون بالسؤال يوميا لمكتب تنسيق القبول بالجامعات، لمعرفة نتيجة التنسيق، إلا أنهم لايستطيعون الحصول على معلومة مؤكدة ،حول موعد اعلان النتيجة .

ويقول بعض اولياء الأمور، ان هناك فترة اخرى للتحويلات قد تستغرق وقتاً طويلاً مابين إجراء عملية التحويل وانتظار نتيجته، ثم ذهاب أوراق الطلاب من مكتب التنسيق الى الكليات والمعاهد التى تم قبولهم بها ، وكل هذا يستغرق وقتً طويلاً مما يهدد بعدم انتظام طلاب الشهادات المعادلة فى دراستهم الجامعية فى الوقت الحالى رغم بدء العام الدراسى فى 15 سبتمبر الماضى .

الجدير بالذكر ،أن مصدر مسئول داخل مكتب التنسيق ، أكد للجمهورية للخدمات التعليمية أمس ، ان عملية توزيع الطلاب الحاصلين على الشهادات المعادلة العربية والأجنبية ، والبالغ عددهم 12 الف طالباً وطالبة على الجامعات والمعاهد ،قد انتهت ،وتم مراجعة النتيجة بالكامل ،ولم يبقى إلا إعتمادها من الوزير،لإعلانها على موقع التنسيق الالكترونى .

ان شاء الله سيتم اعتماد النتيجة في اجازة نصف السنة اصل الوزير دلوقتي وراه مشاكل الاعتصامات و الاضرابات و هو مشغول حاليا

كل واحد دلوقتي بيقول يلا نفسي يعني الموظفين اللي بقالهم 30 سنة بيقولوا الحمد لله (بعضهم) دلوقتي بيقول مهي فرصة!!!

يا جماعه بعد اذنكم هو مفيش موضوع مخصص علشان بعد النتيجه ما تظهر

كل واحد يشوف هو مع مين في الكليه

على الاقل نبقا رايحين عارفين حد هناك !!

سماء ...بجد عاجبني التفاؤل بتاعك .. ((بعد النتيجه ما تظهر ؟؟))..

أ/مدحت الفاضل نريد وقت محدد مؤكد نعلم بأن النتيجة ستظهر به
أعصابنا ياسيدي ليست لعبة للقرارات او الصفحات الاخبارية التي تؤخذ الاخبار من مكتب التنسيق

تحياتى لمجهودات الأستاذ/مدحت
ولاخوانى الطلبة بالموقع أقول أن تأخير اعلان نتيجة تنسيق الشهادات المعادلة هو فى مصلحتكم وتطبيق تظام النسبة المرنة للأماكن المخصصة بكل قطاع ستعطى فرصة أكبر لاخواننا الطلبة فى الحصول على حقهم كاملا فى الأماكن المتبقية بالكليات.. ولاتنزعجوا من تأخر ذهابكم الى الكليات فستجدون كل التعاون من اخوانكم الذين سبقوكم كما أن طلبة الفرق الأخرى سواء الثانية أو الثالثة يتبارون فى مساعدة اخوانهم من الطلاب الجدد فلاتخشوا التأخير الحاصل فهو فى النهاية لمصلحتكم جميعا