بص يا محمد
موضوع التحويل دا بيبقا مشكلة لان مفيش جامعة هتستغنى عن المبلغ اللى انت بتدفعة بس فى الاول وفى الاخر دا نصيب خش تجارة انجليزى عادى وبعد كدا اطلب بيان اثبات حالة هيقولوك ليه قولهم علشان التدريب هتاخدة وتطلع على جامعة القاهرة وورهولهوم وشوفهم هيقولوك ايه بس دا طبعا بعد سنة او لو باب التحويل فتح حاول برضو وربنا معاك

اولا مبروك يا باشا
ثانيا انت هتروح تقدم تقريبا بعد العيد هتروح اليومين دول تعرف ايه اللى هتجيبه والورق المطلوب وكل حاجة عادى وهما هيقولولك تجيب ايه وتقدم عادة
الحمد انت قبلت فى تجارة انجلش
اول يوم فى الكلية هيبقى زى اى يوم فى اى مرحلة دراية هتروح هتشوف ناس معاك هتعرف فى قاعتك اللى هتدرس فيها هتتصاحب على ناس هتتعامل مع دكاترة عادى جدا مع الاخذ بالنصائح اللى فى اول الموضوع خالص

كويز دا يعنى مثلا ممكن تلاقى الدكتور اول ما دخل المحاضرة او فى نهاية المحاضرة ويقولكوا انا هعمل كويز (امتحان مفاجئ) بس دا قليل ما بيعملهاش غير الدكاترة المحترفين الى هما بيبقوا بيهتموا فعلا ان الطالب يكون فهم
وعندك بعد شهر هتلاقى امتحان ميد ترم دا عادى برضو

الدراسة فى الاول هتكون صعب لانك داخل على نظام جديد وحياة جديدة الدراسة كلها بالانجلش فالعادى انها تكون صعبة شوية فى الاول والمفروض ان الدكاترة بيراعوا دا ومع الوقت الحياة بتبقى كويسة وتلاقى المواد سهلة بس محتاجة متابعة مع الدكاترة اول باول
مفيش فرق بين دكتور عربى و انجلش دكتور انجلش لازم يكون واخد الدكتوراه من برا مصر
وهتلاقى دكاترة انجلش ساعات بيدرسوا لعربى عادى
الفرق برضو ان دكتور انجلش ساعات بيلتزم بالمرجع بتاع الكلية او ساعات بينزل كتاب انما كاترة عربى الدكتور بينزل كتاب والطالب بيشتريه
فى انجليزى كل مادة ليها دكتور
فى عربى كل مادة ممكن تلاقى فيها اكتر من دكتور
وربنا معاك يا باشا

والكورس دا خته ازاى ولا نظامة ايه ومصاريفه ازاى وكده يعنى
وبخصوص الامتحان دا بعد شهر ونصف قصيرة المدة اوى اوى الحق اعمل ايه ولا ايه
ونظام الامتحان بيكون ازاى يعنى اسئلة وارس اجابة ولا اختيارى ولا ايه بالظبط
كل الى انا خايف منه انى ادخلها ومعملش فيها اى حاجة واضيع تعب ابويا والفلوسالى هتصرف عليا فى الفاضى ولا انتا ايه رايك
انتا كلامك بيطمنى والله

بص يا صاحبى
الكورس دا بيختلف من مكان لمكان وانا باخد كورس عادى يعنى نطق وجرامير واساسيات
بكام دا برضو بيختلف من مكان لمكان
امتحان الميد ترم دا هيبقى سهل لان انت بتمتحن على حاجات قليلة وعادى فى الاول بتبقى صعبة
والاسئلة بتبقى مختلفة على حسب الدكتور فى مواد الدكاترة يجيبولك اسئلة وانت ترس الاجابة
واسئلة اختار من بين الاقواس وهكذا
انا كنت خايف زيك كدا وقولت انا لو جبت اقل من جيد جدا فى اولى هحول عربى وبعد كدا بقت لو جبت جيد وبعد كدا لو جبت مقبول وبعد اكد المهم انجح حتى لو طالع بمواد
انت اعمل اللى عليك وسيبها على الله

اها يعنى انا لو ربنا كرمنى اروح اخد كورس العام الى هو نطق وكل حاجة دا طيب
عندكم خته بكام كده
وبخصوص الامتحان ربنا يسهل باذن الله ونشوف مزاج الدكتور
وبخصوص التقديرات لازم اجيب تقدير فيها علشات التعين ولا الانجليزى مش لازم التقرير حتى لو جبت مقبول انما العربى لازم تجيب من جيد فما فوق علشان تساعدك فى الشهادة صح ولا ايه

لا تجارة انجليزى عاوزة تقدير برضو علشان تتعين يعنى علشان تدرب فى الاجازة فى اى بنك لازم تكون جايب على الاقل جيد
الكورس فى القوات المسلحة اللفل ب 350 ج

وانتا خت كام ليفل لحد دلوقتى وهما بيبداوا معاك من الصفر ولا حقى بيعملوا ليك اختبار قدرات الاول ويشوفوا انتا فى كام ليفل ؟يعنى لو جبت جيد فى الاربع سنين ولا النظام ازاى
بخرج اشتغل فى بنك على طول بتعين فيه وعربى برضوة كده ولا انجلش بس؟
انا بامانة مرعوب منها بسبب الغة دى وخايف معرفش اذاكر ولا مجبش تقدير ولا ولا
والى فى تجارة عربى يقعد يقولى لو خت قرص مش عارف ايه ب3 الاف ومش عارف يبقى تبقى احسن من انجلش مليون مرة انا محتار شكلى انتحر واريح نفسى من التعب دا هههههههه
طيب هل يتساوى الى داخل تجاره انجلش من غير كورسات مع الى داخل تجارة عربى معاه التويفل ليفل بتاع كورس انجلش مين احسن ؟

ههههههههههههههههههههههههههههههههههههههههههههه والله بتضحكني بكومنتاتك دي ياجدع

طبعا بيعملوا اختبار قدرات بس انا بدات من لفل 3 وانا فى لفل 7 ناو
بصراحة الشغل دا معرفوش لسه
انا كنت زيك كدا فى اولى وخلاص عدت على خير الحمد لله
وطبعا انت مش هتقارن طالب دارس كل التعاملات والجداول والقوائم باللغة الانجليزية بطالب درسهم بالعربى ولسه هيترجم طبعا مع احترامى لكل طلاب عربى وهما كمان عارفين ان كلامى صح

اها طيب هو التقدير بيتحسب ازاى يا منير وانتا جبت ايه فى اولى ولا لسه النتيجة مظهرتش يارب يوفقك باذن الله وتطلع خير

ياعم انا طالع رابعة خلاص
انا فى اولى وتانية جبت جيد وفى تالته الترم الاول جبت جيد ومستنى الترم التانى
وربنا يستر

مشاء الله ربنا يوفقك يارب وباذن الله امتياز مش جيد جدا كمان
طيب هو التدقير فى الاخر يعنى بتعرفوا ازاى ولا بيتحسب ازاى التقدير الى بتاخدة وانتا متخرج ازاى بقى بيتحسب ازاى
وانتا بجد دخل الكلية ولقيت نفسك ماشى قبل ما تاخد كرس الانجلش وكده ولا لقيت صعوبة
وحقى انتا بتاخد مصطلحات كده فى الاول صح يعنى رواتب يعنى salary كاش يعنى cash وكده يعنى ولا ايه

ايه اصعب مواد وعايزة كورسات وايه هي المواد الي زي الفل يا موني :)

بص المادة بتبقى من 100
من 0-34 ض ج(ضعيف جدا والمادة دى بتشلها معاك السنة الجاية)
من35-49 ض(ضعيف وممكن يضاف عليها درجات رافه وتبقى مقبول)
من 50-64 مقبول
من 65 - 79 جيد (وفى كليات بتبقى لحد 74 ومن اول ال 75 جيد جدا)
من 80-89 جيد جدا
من 90 - 100 امتياز
التقدير فى بعد التخرج هو مجموع الارع سنين مقسوم على الاربعة
انا واخد كورس فى اول تالته وفى الاول عادى بتلاقى صعوبة وكدا
والمصطلحات بتبقى فى وسط الكلام وانت تدور يعنى Cash - income statement -cash flow - account PayPal وغيرها كتير ودا هتلاقيه وهتعرف معناه بالانجليزى يعنى تعريفه مش اكتر

بص مفيش حاجة اسمها اصعب مواد فى حاجة اسمها مواد انت بتتقبلها ومواد انت بتتخنق منها
بالنسبالى المحاسبة والادارة كانوا احسن مادتين المحاسبة صحبه بس انا بحب المحاسبة والاحصاء برضو كانت لذيذة والارخم كانت الاقتصاد فى صحابى بختلفوا معايا فموضوع اصعب مادة واسهل مادة انت اللى بتحددها وملكش دعوة بكلام حد

والله يا باشا دا على حسب الكلية بتاعتك بس لو انت دخلت تجارة المنصورة خلاص وتمام الحمد لله يبقى ان شاء الله هتخش تجارة انجلش وانت مستريح باذن الله

اها وصلت يا معلم بس انا كنت عاوز رايك فى حاجة انا دلوقتى ادبى وجايب 87.5 وفى الانجلش جايب 43.5
وجاتلى تجارة دميا ومستنى التقديم بعد العيد باذن الله ايه رايك الحق ولا لا
ومش شرط على كل كلية انها تاخد من 40 ولا ايه

لا يا معلم هتلحقق ان شاء الله
سيبها على الله واللى فيه الخير ربنا يقدمه مش انت مجموعك يسمك باذن الله

ربنا يسمع منك يارب بس مهاش يا منير سؤال فضولى كمان شوية ههههههههههه
انتا كنت بتذاكر ازاى يعنى بتعمل ايه كده وانتا بتذاكر

والله يا طارق موضوع المذاكرة دا كان بيبقى ليلة الامتحان بس كنت بتنفخ فيها وكل سنة اقول هبداء من اول السنه علشان التقدير وبرضو بنفض ربنا يسترها علينا السنادى
وطبعا كنت بعتمد على ورق المحاضرات والكتاب وورق الكورسات وكدا

اها طيب وانا محتاج على الاقل كام كورس كده فى كام مادة يعنى

على حسب مدى استيعابك للمدة انا الحمد لله مخدتش ولا كورس فى الكلية عادى

اها مشاء الله عقبالى يارب
وبخصوص الصورة اما بنخلص المحاضرة ازاى ههههههههههه

اها طيب كل سنة وانت طيب يا منير عيد عيد رمضان كريم وصبح صبح ياعم الحج

وانت طيب يا معلم

خـــــواطـــــــــــــر مسلـــــــــــــمة
 

السلام عليكم ورحمة الله وبركاته

اولا شكرا لك اخى على افادتك لهؤلاء الطلبة واعلم بان الله سيجازيك عنا كل خير ان شاء الله تنفيذا لقول رسولنا صلى الله عليه وسلم "خيركم من تعلم وعلم "

اولا انا محتاج الرد سريعا جدا لانى نسقت على معهد فنى صناعى املا فى ان احصل على مجموع الهندسة باذن الله ولكن ماحولى غير مقتنعين به مع العلم انى غير راضى عن هذا المستوى المتدنى ولكن هى ارادة الله سبحانه وتعالى .......الشاهد

الان قد تغيرت الفكرة واصبحت مائلا لهذه الكلية ولكن انا نسقت مرحلة تانية وقالو لى بان التحويل قد انتهى واصبحت لا اعرف ماذا على ان افعل مع العلم انى حاصل على 89% وفى مادة الانجليزى 44 مع العلم انى متقن لها واحبها كثيرا
بهذا اكون موافى لشروط الالتحاق ام لا ؟؟
وهل يمكننى ان احول الى هذه الكلية شعبة الانجليزى ؟؟ وكيف يمكننى هذا هل الكترونيا ام بالاوراق ؟؟
اسف جدا لاطالتى اخوك فى الله "غـــــــــــــازى"

السلام عليكم ورحمة الله وبركاته.:rolleyes:

وعليكم السلام ورحمة الله وبركاته
بص هو انت هتروح الجامعة اللى انت هتقدم فيها تجارة وتشوف ايه النظام واجرائات التحويل وما يلزم ولو دخلت تجارة عربى عادى ساعتها تجارة انجلش مش هيبقى فيها مشكلة بس ياريت تسرع فى الموضوع حتى تجد لنفسك مكان هذا العام والا ستضطر ان تنتظر حتى العام القادم
اسف لانى لم استطع ان اساعدك بالقدر الكافى ولكنى اتمنى ان تجد لك مكانا فى تجارة هذا العام

هههههههههههههههههههههههههههههههههههههه
والله ياخى انتا المفروض تتشتغل دكتور نفسى بكلامك دا فعلا كلامك والله مش لاقى كلام اقوله
انتا عبرت بكل حاة يعنى جبت البير وغطاه من الاخر
هههههههههه
بقولك يا منير معلش هو نظام التقديم فى تجارة ازاىى بشوف يعنى علشان مدفعسس الفلوس وارجع يقولوى متقبلش وكده الفلوس هتروح عليا ولا ايه رايك
ومعلش معلش هاتلى اميلك ههههههه انا عاوز اكلمك على الخاص بس كده كلمتين سر بس ههههه

عادى انت بتسحب ملف تجارة انجليزى وبيخش اسمك فى تنسيق داخلى وبتظهر النتيجة لو اسمك موجود يبقا انت قبلت وبتدفع الفلوس عادى لو مقبلتش هتكمل عربى بقا

بقولك يا منير , أنا جايب مجموع اعتبارى 93% و 47 من 50 فى الانجليزى و للأسف 7 من 10 مستوى رفيع انجليزى برضو , و قبلت فى تجارة عين شمس , و قدمت على انجليش و أدينى مستنى النتيجة , من الأخر كده ايه هى نسبة قبولى فى الانجليش :d


أصل أنا ضاعت منى هندسة بعد ما كنت جايب 97 فى تانية , فبجد هتبقى صعبة أوى عليا ان انجليش تضيع عليا ,

و أنا بجد كويس فى الانجليش كنت جايب 25 من 25 فى تانية , و عارف كويس انى مهما كنت كويس :d الموضوع هيبقى صعب فى أوله انى أدرس كله بالانجليش , و بحب الاحصاء جدا و بحب الرياضة واحد و اتنين فحت , أنا اللى نقصنى فى الثانوية الفيزيا مش أكتر , و الاقتصاد برضو بحبه الى حد ما .

فأسئلتى كالتالى :
1-نسبة قبولى فى تجارة انجليش عين شمس كام (من رأيك يعنى) , كانت 92.2% السنة اللى فاتت المجموع الاعتبارى بتاعها .
2-عرفنى كده على أقسام تجارة انجليش ايه و لو أنا كويس فى الرياضة و الحسابات و الاحصاء و يعنى مش أوى اقتصاد ايه أنسب قسم ليا و ايه فرص شغله بعد كده , بنوك يعنى و الا ايه ؟
3-هو فى كام واحد بيعرف يجيب جيد جدا و امتياز ؟ :d (بجد)

أنت أجدع واحد شوفته فى حياتى على فكرة

ريس عما ادفع المصاريف بدفعها كاش كاملة ولى على الترمين

لا بتدفع كاملة مرة واحدة

تمام كده , و ربنا يستر بقى فى موضوع بمزاج الدكتور ده , أنا هعمل اللى عليا و أذاكر ,

بالنسبة للتقدير أنا عارف ان معظم الناس بتقول كل سنة أنا ناوى أبدأ أذاكر من الأول و مش بيذاكروا الا فى الأخر , بس أكييد فى ناس عندها فعلا عزيمة انها تذاكر و الا ايه بجد ! ,

أنا بس عايز أعرف معدل الناس اللى بتجيب جيد جدا و امتياز كل سنة مش أكتر ؟ (أهم سؤال عايز أعرفه)

مفيش حاجة اسمها معدل فى حاجة اسمها طالب ذاكر وجاب تقدير وطالب ادلع
عموما التقديرات جيد جدا وامتياز بتبقى كتيرة جدا فى تانية ورابعة اولى وتالتة بيبقى فيها كتير برضو بس مش بنفس المعدل

بص يا منير في الاول تسلم ع الموضوع الجامد ده تاني حاجة انا قبلت في تجارة انجلش القاهرة فرع الشيخ زايد بس انا لا اعرف هيا فين ولا عاملة ازاي ولا ايه النظام هناك وبقعد هناك ال 4 سنين ولا هي اول سنة بس ولو جبت تقدير ينفع اجي القاهرة ولا لا ... ولو فضلت هناك ينفع اخش القاهرة عادي ولا هيقولي ماينفعش وكده والكارنيه اعملو امتي وادفع ازاي وامتي وكل الحوارات دي عشان انا بجد مش فاهم اي حاجة خالص

بص يا هشام كل الاسئلة دى كانت فى دماغى برضو اول ما دخلت
اولا فى الاول فى ناس مش بتعرف تكتب وراء الدكتور بس انا هقولك حاجة انت لو معاك المرجع بتاع المادة هتكتب ال main point العنوانين الاساسية وتحاول تفهم الباقى وتكتبه فى صورة نقط
يعنى ما تكتبش كل حاجة نقط محددة ولما تروح افتح الكتاب ودور فيه
الكلام مع الدكتور ما تخافش منه لان فى دكاترة بتتكلم انجليزى جوا المحاضرة وبرا المحاضرة عربى والتعامل معاهم بيبقا سهل
التعود مع الوقت اتفق مع صحابك انكوا تتكلموا مع بعض بالانجليزى(ودى جربتها شخصيا انا وصحابى ونفعت)
وربنا معاك

الطريق هتعرفه مش مشكلة
موضوع التحويل هما ساعات بيرخموا فيه بس بعد اول سنة اطلب ورقة اثبات قيد هيقولولك ليه قولهم علشان تدريب ولو ادهالك اطلع على القاهرة وقدم وان شاء الله تحول
الكارنية بيبقى فى الاغلب بعد اسبوعين من بداية الدراسة
تدفع ازاى انت قبلت خلاص فى تجارة انجليزى هتروح خلال شهر ونص من بداية الدراسة او هما هيقولولك لمدة اد ايه تقدر تدفع قبل ماتتحول عربى وتروح تدفع المبلغ فى الكلية
واى استفسار اقرا الاول الردود السابقة هتفيدك ولو فى حاجة انا موجود

تسلم يا معلم ع المعلومات وبجد انت رجولة عشان الواحد بيبقي داخل تايه والله مش عارف حاجة

طب بص يا منير انا جتلى تجارة انجلش فرع الشيخ زايد اكمل ولا من الأفضل احول هندسة خاصة العاشر من رمضان انا محتار بجد

والله انت اللى بتحدد انت عاوز تخش ايه تجارة ولا هندسة