هتدخل امتحان الكادر على حسب التخصص المدرج بالعقد المميز .. حتى لو انت بتدرس في ثانوي

طيب نعرف امتى وازاى ان المجلس العسكرى اعتمده وشكرا

انا سمعت ان تثبيت المدرسين المؤقتين لازم يتموا 3 سنين و6 شهور طبقا لقانون الكادر
هل الكلام ده صح ولا غلط يا استاذنا؟

السلام عليكم ورحمة اللة وبركاتة
من فضلك يادكتوزر رد على لو سمحت





انا اخصائى اجتماعى متعاقد من 10/12/2009بقبض 130جنية
محافظة القليوبية
الاسئلة
1/ موقفنا من التثبيت
2/ بالنسبة لى انا لم احصل على التربوى ولا icdlفماذا افعل
نرجو الرد من سيادتكم وجزاكم اللة خيرا

لتغيير المسمى لاعدادي لو انت بتدرس في اعدادي دلوقت هات مايفيد ذلك من المدرسة وقدمه لقسمالاحصاء بالادارة وغير صحيفة احوالك

لسه مفيش قرار نهائي

دكتور عبد الرحمن :
بالنسبة لمدرسي التعاقد 110 جنية ( العاملين بالحصة سابقا ) هل يحق لنا أخذ مكافاة الامتحانات اللى هي 1600 جنية او اي كانت ... أم لا ؟؟؟؟؟؟؟؟ هل لابد من اتمام شرط 3 سنين لأخذ المكافأة أم لا ؟

نشكر د/ عبد الرحمن على مجهوداتك
هل من حق المدرسة اخذ حجرة الاوساط للكنترول
توجد معنا نشرة من الوزارة بعدم اخذ حجرة الاوساط
ولكن التوجية موافق على اخذها
مع العلم انهم استلموا جهاز كمبيوتر السنين الى فاتت ويعملون علية كل اعمال المدرسة والكنترول
والحجة ان الغرفة بها باب حديد
ماذا يفعل الباب الحديد عند كسر القفل فهذة الغرفة عليها قفل والاخرى عليها قفل
وتوجد سابقة قبل ذلك فى المدرسة بكسر معمل اوساط
ماذا افعل مع اصرار التوجية تسليم الغرفة هل ينفع اتمسك بالنشرة

اعتماد المجلس العسكرى للقوانين
 

السيد الدكتور عبد الرحمن
الشكر كل الشكر على ردك السريع
الاحظ ان هناك فجوة بين السلطة التشريعية والسلطة التنفيذية
ارجو من الله عز وجل ان تزال هذة الفجوة فى القريب العاجل
وتكون لدينا سلطة تنفيذية سريعة
وشكراااااااااا

الاساس ان كل من يحضر اعمال التدريس والامتحانات له مكافأة ىخر العام حتى لو بالحصة بس التفاوت في قيمة المكافأة .. بس انا باسأل لو حضرتك ليك مفردات مرتب يعني اساسي وحوافز هتاخد مكافأة كاملة
لكن غير كده مكافأتك هتكون ضعيفة ..

كم قيمة المكافأة الكاملة؟ وشكرا

هههههههه
العقد الغريب ده كان بتعمل للناس قبل الثورة عشان يعقدلهم التثبيت ..
عموما مفيش اي الزام قانوني بمحو امية احد كشرط تثبيت ..
ثانيا عند نزول الدرجات المالية مفيش اختلاف لاحد عن حد

نشرة الوزارة اساس للتعامل .. التوجيه المفروض يحاسبك لو خالفتها اما في حالة ان التوجيه هو اللي متواطئ فده يا إما حضرتك فاهمة النشرة غلط يا إما التوجيه فاهمها غلط .. عموما خلينا عمليين .. من حقك طبعا التمسك بنشرة الوزارة بشرط عدم خروج نشرة او قرار وزاري جديد ألغاها .. لكن تمسكك هذا سيعقبه دخولك مع المدرسة والتوجيه في نزاع تفصل فيه الادارة التعليمية بصفتها من ترأسك وترأس مديرك .. عموما لو اضطررت لتسليم الحجرة للمدرسة عليك ان تمضي المستلم منك على اقرار عهده بكل مافي الحجرة من معدات وكل شئ وان لا تكون انت المسئول عنها ...

قيمة المكافأة تختلف باختلاف اساسي المرتب ..

يعني هي بتتحسب بـ200 يوم بواقع 5% من الأساسي

يعني الاساسي × 200 × 5%

دكتور عبد الرحمن :
بالنسبة لمدرسي المكافأة الشاملة 110 جنية . كم يبلغ قيمة الاساسي لهذا الراتب ؟؟؟؟

اشكرك د/ عبد الرحمن
النشرة عندى صحيحة وهذا موضوع تجاوز منهم
المدرسة تريد ان تكون حجرة الاوساط للاحتياطى ولا تعترف ان يكون المدرس معهم فلو اتنازلت سوف تكون بداية التنازلات وكل ما هرفض حصص احتياطى او اشراف سوف اهدد بالتوجية وعندما كلمت التوجية قالتلى واية يعنى خذى يومين اشراف ويوم اشراف فسحة وكام حصة احتياطى فى اليوم تعاونى مع ادارة المدرسة
مع العلم ان المدرسة يوجد عندها فائض من المدرسين
ولكن هم يميزون ناس عن ناس حسب مصالحهم الشخصية
ان عايزة انا هوصل لفين لو تمسكت بنشرة الوزارة

بارك الله فيك استاذ عبد الرحمن

الله المستعان !!

السلام عليكم و رحمة الله و بركاته

انا معلم و لى سنيتن معلم مساعد

تم التعيين بقرار 244 اللى هما تعيين 1/7

هل الحق المطالبة بضم المدة لان الادارة تقول ان السنتين من متطلبات التعيين و لا يتم ضم المدة

اريد ان ارفع قضية

بماذا تنصحنى ؟؟؟؟؟؟؟؟؟

للعلم المفروض طبعا المطالبة بضم المدة السابقة .. وانا سمعت ان في بعض المحافظات تمت بعض المحاولات .. عموما اتوقع الاستجابة لضم هذه المدة لو تم المطالبة بها بشكل منظم !!

جزاك الله خيرا

بس كلامك معناه رفع قضية ام ماذا ؟؟

السلام عليكم ورحمه الله وبركاته
انا اتعينت في تعيين الاوائل مدرسة حاسب
وقبضت الحوافز 65 %
وكل زملائي في المدارس التانية قبضوا الحوافز 100%
عايزه اعرف ليه فيه اختلاف في النسبة واحنا متعينين وفرق يوم بينا
وعايزه اسال حضرتك عن امتحان الكادر هل فيه حد هيبلغنا ان فيه امتحان والا احنا اللي بنروح نسأل
طلب اخير لو حضرتك تعرف حاجه عن طلبات النقل ياريت اعرف بتتعمل ازاي ؟؟؟؟؟؟؟؟؟؟؟

جزاك الله خيرا يادكتور عبدالرحمن..
سؤالي هل يحق للمعلم المساعد عمل شهادة خبرة..حيث انني توجهت للمديرية لعمل ش
هادة الخبرة عن المدة التي خدمت بها من مارس2010الي ابريل2010ولكنهم رفضوا واخبروني بامكاني عمل افادة بالمدة فقط

اسف من المدة 2010 الي 2012

السلام عليكم د /عبد الرحمن
لى سؤالين
1-من اين نعرف التوصيف الوظيفى هل يمكننا الاطلاع علية
2-عند اخطاء الادارة فى اعطاء امر وعمل تحقيق وفى الاخر يحفظ التحقيق لانة متعارض مع النشرات الوزارية مع العلم انى تعرضت لضغوط من كثيرين وارهاب هل يحق لى فى شكوى هؤلاء الذين عرضونى للاحباط واثروا بهذة الضغوط

بجد انت منور الموقع يادكتور وارجو الرد على سؤالى
 

بالنسبة لى انا عملت فى المدرسةالسنة اللى فاتت فى الترم الثانى ولما انتهت السنة وبدات السنة اخدت عقد شامل من الادارة وقالولى انة السنة اللى فاتت اتحسبت سنة كاملة مع انى قضيت الترم الثانى فقط لانة كان فية عجز فى الادرارة بالنسبة للمدرسين
فهل فعلا حسبت سنة
وهل ينطبق على القانون الخاص بالتثبيت بعد 6 شهور ولا لازم اكمل 3 سنين
ولحضرتك جزيل الشكر

الوصف الوظيفي لمعلم او معلم مساعد عموما تعرفها من الادارة أما الوصف الوظيفي لمهامك وتخصصك فدي تلاقيها مع موجهك .. اما لو تقصد الوصف الوظيفي بتاع اخصائي تدريس ام اخصائي تعليم .. فدي على الفيس منتشرة ..

نعم لك حق الشكوى وعليكي وعلى وكيل الوزارة طوالي

لو اشتغلت بالحصة يوم وطلع اسمك في كشف المكافأة ولو حتى بجنيه بس يبقى تحسب لك السنة كاملة عمل.. وينطبق قانون التثبيت عليكي حال اقراره .. ولسه لم يقر ولم تتحدد المدة ..

تعيينات الاوائل عاملة لبس في الادارات كلها لسببين :
الاول انتوا ليكوا درجات مالية يعني تعيين كامل ولكن لم تأتي نشرة واضحة من الوزارة بوصول ميزانية لقبضكم فبدأت كل ادارة تقبضكم حسب رؤيتها ناس تعاملكم معاملة العقد الشامل وناس تعاملكم معاملة المعلم المساعد .. ماتقلقيش ده شئ وارد في كل تعيين جديد في التربية والتعليم .. المهم الصح واللي هتسري عليه الامور في النهاية هو انك تعاملين معاملة المعلم المساعد المعين هذا العام 2011 / 2012 وتقريبا المرتب 540 .. تقوليلي مرتبي اقل من كدة هاقولك هتقبضي باثر رجعي بس انتي لازم تنبهي سكيرتير مدرستك بده

جرت العادة في التربية والتعليم انه لا يجوز منح شهادة خبرة لاي معلم مساعد الا في حالة تقديم استقالته من الوظيفة ..

السلام عليكم ورحمة الله وبركاته....

ازيك يا دكتور عبد الرحمن..يا رب تكون بخير وبصحة جيدة...وحشنى جدا والله بس انا وراك وراك منين ما تروح هههههههههههههه اتعينت يا دكتور والحمد لله فى مدرسة تجريبية لغات ببنى مزار : مدرس لغة ألمانية من حوالى شهرين وعشر أيام ولغاية دلوقتى لسة محدش من اوائل الخريجين قبض فى ادارة بنى مزار التعليمية مع العلم ان باقى ادارات المنيا التعليمية قبضوا اوائل الخريجين المعينين لديهم مرتب 590 ج مش عارف اتصرف ازاى بس بكرة ان شاء الله هنعمل وقفة امام ادارة بنى مزار التعليمية الساعة 9 صباحا لتوصيل رسالة للسادة الموظفين، رسالة مفادها..." اصحوا يا خلق هوووو وكفاية نوم فى العسل" واحب اقول لحضرتك يا دكتور ان اكتشفت - بس للاسف متأخر-انى منظومة التربية والتعليم هى أفشل منظومة فى مصر.. عفوا فقد يكون هناك أفشل من كده وأنا مش واخد بالى أو عامل مش واخد بالى وشكر

الدكتور عبد الرحمن
انا سمعت وفهمت من كل اللى انكتب فى الجرائد ان فية حركة تثبيت عالية فى بداية السنة المالية 12012/07/01 فى الجهاز الادارى للدولة لمن هم على الباب الاول ومن على الابواب الاخر ينقل على الباب الاول تمهيدا لتثبيتة
هل المكافئة الشاملة بند 3/2 اجور موسميين على الباب الاول اجور ام خلاف ذلك
وهل التثبيت لمن مر علية 6 شهور ام غير ذلك
شكراااا

السلام عليكم
سمعت امس ان السيد رئيس المجلس العسكرى صدق على بعض القوانين الخاصة بامناء الشرطة

السلام عليكم يا دكتور وحمد لله على سلامتك
انا حضرتك مدرس لغه انجليزيه اعدادى تعيين 1/7/2011
وفتحو مدرسه ثانويه عامه عندنا فهل يحق لى الانتقال اليها ولا هيقولولى فى مدرسيين خبره اولى منك على الرغم اننى عملت بالحصه مده 9سنوات اعدادى
وان هذه المرسه فى نفس قريتى
ارجوا الرد
وشكرا يا دكتور

السلام عليكم ورحمة الله

حبيبي علاء ربيع .. اولا مبروك على استلامك في مدرسة اللغات ببني مزار .. بس كمان فيه واحدة فتحت في سمالوط .. فتحت السنة دي .. والجديد ياباشا بقى إني كنت اليوم عند مدير الإدارة وتم الموافقة على فتح مدرسة تجريبية لغات بالمنيا الجديدة وربنا يكرمك وتحول عليها يا كبير ..

شوف يا أخي موضوعك كله عند الموجه الأول الخاص بمادتك .. هو اللي بإيده نقلك من حتى مايكون فيه خبرة أنت الأن معلم ثابت مش مهم بقى مسموح لك النقل فياي وقت مادام التوجيه موافق

السلام عليكم ورحمة الله وبركاتة[IMG]file:///E:/rabee/%D8%AA%D8%AB%D8%A8%D9%8A%D8%AA%20%D8%A7%D9%84%D9%8 5%D8%A4%D9%82%D8%AA%D9%8A%D9%86.jpg[/IMG]
صدق المشير طنطاوى على تعديل قانون العاملينhttp://a1.sphotos.ak.fbcdn.net/hphot...52501457_n.jpg[IMG]file:///E:/rabee/%D8%AA%D8%AB%D8%A8%D9%8A%D8%AA%20%D8%A7%D9%84%D9%8 5%D8%A4%D9%82%D8%AA%D9%8A%D9%86.jpg[/IMG]

ياريت يادكتور عبد الرحمن تفسر لنا القانون ده بالتفصيل بالنسبة للفئات دى:
1- تعاقد مميز بند اجور موسمين باب اول.
2- تعاقد مكافأة شاملة بند 2-3 مكافأت تدريس.
3- تعاقد مميز بند 2-3 مكافأت تدريس.
4-تعاقد مكافأة شاملة بند اجور موسمين باب اول.
علشان كل واحد منا يعرف موقفه ايه بالضبط من التثبيت وياريت برده تعرفنا حضرتك هنتثبت على مسمى ايه بالضبط وايه حقوقنا من الاجازات وخلافه.
مع خالص شكرنا جميعا وتقديرنا لمجهودات حضرتك.

يا دكتور عبد الرحمن . اية رايك فى اللى لسة متعينش بقرار 244 فى مطروح وحسبى الله ونعم الوكيل ؟

موضوع هام جدا لان معظم المعلمين بحاجة الى من يرشدهم وخصوصا المعلمين الجدد والمساعدين
وسيتم تثبيت الموضوع لفترة
لك منى خالص الشكر والتقدير

شكرا جزيلا سيدي الفاضل على ثقتكم .. ونتمنى استمرار السعي في الخير ونسألكم الدعاء!!

ان كنت امتحنت الكادر ونجحت في ابريل 2011 فأنت تندرج تحت القرار 244 وده قرار اصدره الوزير وكلف المحافظين لتنفيذه على ان تتم ماواتك ماديا من 1/7/2011 .. تقولي لسه انا ماتعينتش وانا مستوفي الشروط يبقى انت حقك عند المحافظ يصدر قرار بتعيينكم وباثر رجعى من يوليو 2011 .. اتمنى ان اكون فهمت حالتك صح

اخونا علام ازيك .. انا عارف انك عامل دوشة في اسيوط اليومين دول ..
عموما ..
اولا العمل كمدرس مساعد وجاء جواب اوائل الخريجين كان عليه الا يستقيل من عمله كمدرس مساعد ويستلم كمعلم مساعد اوائل خريجين لان هذا خطأ قانوني واضح .. وانا حذرت كيف استقسل من وظيفة لأعين يها ثانية .. قلنا كتير ان التعيين كاوائل خريجين للمعلمين ليس به جديد مادمت انت معلم مساعد محشوب على الثالثة التخصصية .. المهم يجب عليك عمل طلب لمدير الادارة التعليمية تفيد فيه مدة عملك كمعلم مساعد وان يكون خطاب تعيينك كاوائل خريجين مدرج بالملف الاصلي الموجود لك في الادارة وذلك ليعاملك مدير الادارة معاملو المنقول من مكان لآخر وليس معاملة المستقيل من عمل والمستلم عمل جديد ..
اما لو انت كنت بتتكلم على اساس انك لست معلم مساعد بل معلم بالعقد الشامل او المكافاة الشاملة فهنا انت لم تكن اساسا على درجة مالية ولي لك حق ضم المدة ..

شهادة الخبرة تعطى في التربية والتعليم لمن انهى عمله بالاستقالة او من حصل على اجازة بدون مرتب بموجب عقد عمل خارجي .. وفي الحالتين تعطى لك وفقا لطلببك ويوضح بها السنوات المراد ان توضحها بما فيها سنوات العقد .. وتوثيق الخارجية مطلوب في حالة السفر خارج مصر فقط ..

بالنسبة لحصولك على اجازة بدون مرتب تكون بعد 6 شهور عمل من بداية الدرجة الثالثة .. اما في حالة القرار 244 ومايليه يلغى شرط الـ6شهور بحجة ان المعلمين كانوا يعملون كمعلمين مساعدين لمدة سنتين سابقتين .. ويكون اخذك للاجازة بدون مرتب بناءا على تعاقد خارجي في نفس مستوى الوظيفة تجيب العقد موثق من الخارجية ومن سفارة البلدمسافر اليه وتاخد على اساسه الاجازة بشكل سنوي على ان تدفع كل عام ما عليك من معاشات وخلافه ..

النقابة امر هام جدا تحفظ حقوقك وتقدم لك مزايا صحية وترفيهية وثقافية واجتماعية كبيرة بالاضافة معاش اضافي ومكافأة مادية بنهاية مدة الخدمة ك هذه الانشطة صيفا وشتاءا لن تكلفك جديد لانك كده كده بتدفع مصاريف اشتراكك بالنقابة شهريا وانت مش واخد بالك .. هي كده كده بتتخصم من مرتبك حتى لو انت لم تقدم لها وتعمل الكارنيه .. علشان تعمل الكارنيه توجه لمقر النقابة واملى استمارتين هناك ومعهم صورك الشخصية واعتمدهم من المدرسةوالادارة وسلمهم الامور تمشي معاك ..

تسجيلك في قسم الاحصاء شئ لا بد منه مادمت معلم على قوة الوزارة .. اما تسجيلك في الاكاديمية فيكون عندما يتاح لك فرصة دخول امتحان الكادر وده ايضا سيكون بمعرفة قسم الاحصاء بالادارة..

مكافأة آخر العام في شهر يونيو وبتكون كالآتي :

0.05 × 200 × الاساسي

ياريت يادكتور عبد الرحمن تفسر لنا القانون ده بالتفصيل بالنسبة للفئات دى:
1- تعاقد مميز بند اجور موسمين باب اول.
2- تعاقد مكافأة شاملة بند 2-3 مكافأت تدريس.
3- تعاقد مميز بند 2-3 مكافأت تدريس.
4-تعاقد مكافأة شاملة بند اجور موسمين باب اول.
علشان كل واحد منا يعرف موقفه ايه بالضبط من التثبيت وياريت برده تعرفنا حضرتك هنتثبت على مسمى ايه بالضبط وايه حقوقنا من الاجازات وخلافه.
مع خالص شكرنا جميعا وتقديرنا لمجهودات حضرتك.

شكر خاص للدكتور عبد الرحمن في البداية اشكر حضرتك كل الشكر حيث انني لا استطيع ان انكر كيف استفدت من خلال التحاور مع حضرتك بصفحة اوائل الخريجين ومن كل المعلومات التي نشرت بها الحمد لله انني تعينت بشكل اساسي مع اوائل الخريجيين عندي استفسار لحضرتك : لقد عملت بالتعاقد لمدة 3 سنوات واربع شهور بالتربية والتعليم وقد تعينت مع اوائل الخريجين بالتامينات الاجتماعية سؤالي لحضرتك كيف استفيد من تعاقدي السابق وهل يمكنني ان اضم المدة السابقة كاقدمية وخاصة انني كنت اعمل بالتعليم اخصائي وكذلك بالتامينات اخصائي مما يعني انني في نفس مجال تخصصي