بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   كليات الهندسة (https://www.thanwya.com/vb/forumdisplay.php?f=160)
-   -   رابطة طلاب هندسة عين شمس الجدد (https://www.thanwya.com/vb/showthread.php?t=347868)

ENG.HAGAR 01-08-2011 11:28 PM

اقتباس:

عندك حق والله بس احب اطمنك انت داخلة كلية هندسة مش تجارة مع احترامي ليها يعني مفيش النظام ده ان شاء الله وان شاء الله منافسة حلوة واهو كله هيعود بفايده
يارب والله يا باش مهندس
فعلا الكليات العملية بتفرق انا روحت مرة كلية هندسة القاهرة اللى فى الجيزة علشان اقدم دراسات عليا لاخويا ودخلتها
بصراحة لقيت غالبية الشباب لوحدهم والبنات لوحدهم وكام واحد وكام بنت واقفين مع بعض عند الكافية فيما عدا ذلك الكل محترم جدااا
وفعلا المنافسة والله غرضها اننا نساعد بعض واننا نحمس بعض على التفوق بس يارب ما تتغيرش وجهة نظرنا بمرور الوقت
:)

figo_ff 01-08-2011 11:29 PM

الاوراق هي شهادة النجاح والميلاد وبطاقة الترشيح وصورة البطاقة و 8 صور ونمودج 2و3 جند وده مش ليكوا الميعاد مش عارف والله والنمرة ممكن تجيبيها من الدليل

mahmoud atiya 01-08-2011 11:30 PM

اسمى محمود موش محمد :bosyht9: .. مصدقتش لما قالولى طلاب عين شمس كلهم بنظارات :022yb4:
----

كود:

امتياز=دكتوراه
جيد جدا =ماجستير

الله يطمنك :028ja7: .. والنبى هصوت :022yb4:

---


كود:

بالنسبة لصعوبة عين شمس ياباش مهندس اللى بيذكر والله وتوكل علىالله اولا بيجيب تقديرات محترمة
اكيد ..

--

كود:

جزئية تالتة لـ باش مهندس محمد  بقول لحضرتك تقريبا غالبية اللى فى التوبيك هنا جايبين الحد الاقصى  للهندسات وبالرغم من كدة اختاروا عين شمس علشان مش بس هى افضل هندسة كمان  بصراحة تحس ان فى تنافس وكمان كلية لطيفة جدااا بالرغم من صعوبة امتحاناتها  .
صحيح .. بلاش نتكلم كتير عن الحد الاقصى لهندسات وحد ادنى كتير ! ..

انا شايف ان اللى جاب اكتر منى مكنش افضل منى اطلاقا ( اطلاقا بككرها ) دا توفيق من ربنا .. :)

الاولى على مدرستى 99.5 % موش احسن منى فى اى سابجيكت ! بس هيا عرفت تركز اكتر ( هيا بتاع امتحانات .. كتابه موش اكتر ) !

--

اما عن عين شمس فأنها بحب الكليات اللى فيها ابداع .. ودا معروف عن عين شمس ( معظم براءات الاختراع فى مص من طلاب عين شمس .. دا مفهوش نقاش )

بس الابداع محتاج ناحيه نفسيه .. وان شاء الله هحاول ابقى نفسيا توب المرحله الجايه

بس يا رب الاقى فريندس فى وقت قصير :friendsxs3:

---

ENG.HAGAR 01-08-2011 11:31 PM

اقتباس:

الاوراق هي شهادة النجاح والميلاد وبطاقة الترشيح وصورة البطاقة و 8 صور ونمودج 2و3 جند وده مش ليكوا الميعاد مش عارف والله والنمرة ممكن تجيبيها من الدليل
بجد جزاك الله كل خير يا باش مهندس فهمى
مشكلة الدليل ان الارقام اللى بيديها للواحد مش بترد مس عارفه ليه !!

figo_ff 01-08-2011 11:31 PM

اقتباس:

المشاركة الأصلية كتبت بواسطة eng.hagar (المشاركة 3778004)
يارب والله يا باش مهندس
فعلا الكليات العملية بتفرق انا روحت مرة كلية هندسة القاهرة اللى فى الجيزة علشان اقدم دراسات عليا لاخويا ودخلتها
بصراحة لقيت غالبية الشباب لوحدهم والبنات لوحدهم وكام واحد وكام بنت واقفين مع بعض عند الكافية فيما عدا ذلك الكل محترم جدااا
وفعلا المنافسة والله غرضها اننا نساعد بعض واننا نحمس بعض على التفوق بس يارب ما تتغيرش وجهة نظرنا بمرور الوقت
:)

ههههههههه بصراحة حكاية وجهة النظر ديه ماظنش انا ناوي علي معيد ان شاء الله ومن كلامك احس بكده فيكي برضه ربنا معانا بس الواحد ميعرفش بكره فيه ايه ربنا معانا

figo_ff 01-08-2011 11:32 PM

اضافة كمان مصاريف الكلية 254 جنيه عند التقديم

ENG.HAGAR 02-08-2011 12:04 AM

اقتباس:

اسمى محمود موش محمد :bosyht9: .. مصدقتش لما قالولى طلاب عين شمس كلهم بنظارات :022yb4:

انا بشوف اول 3 حروف واكتب علطول اقرب اسم لانى معتاده على mahammad مش mohammed
معلش بقى
اقتباس:


صحيح .. بلاش نتكلم كتير عن الحد الاقصى لهندسات وحد ادنى كتير ! ..
انا متأسفة جداا لكن انا ماقصدش اى حاجةبالجملة دى وانا ما قولتش ان " انا جايبة الحد الاقصى مع انى بفضل ربنا جايباه " لكنى قولت غالبية اللى فى الموضوع علشان حضرتك ما تفتكرش ان ده موضوع تكبر منى او كدة
اعتذر مرة تانية
اقتباس:

انا شايف ان اللى جاب اكتر منى مكنش افضل منى اطلاقا ( اطلاقا بككرها ) دا توفيق من ربنا .. :)

مظبوط 100%
فعلا ده توفيق ياما ناسغلطت وجابت درجات عالية وياما ناس قفلت امتحانات كتيرة لما خرجت ومطمنة ومع ذلك نقصت عن النهائية .

اقتباس:

بس الابداع محتاج ناحيه نفسيه .. وان شاء الله هحاول ابقى نفسيا توب المرحله الجايه
فعلا كلنا متاجين نكون افضل نفسيا وان شاء الله ربنا يوفق حضرتك وكلنا فى اى مكان



اقتباس:

بس يا رب الاقى فريندس فى وقت قصير :friendsxs3:

ان شاء الله وادى الباش مهندس فهمى وناس كتيرة ان شاء الله يتشرفوا بصحبة حضرتك
كمان مرة تالتة ان بعتذر لو جملتى وصلت لحضرتك من منظور تانى خااالص غيراللى اقصده

ENG.HAGAR 02-08-2011 12:06 AM

اقتباس:

ههههههههه بصراحة حكاية وجهة النظر ديه ماظنش انا ناوي علي معيد ان شاء الله ومن كلامك احس بكده فيكي برضه ربنا معانا بس الواحد ميعرفش بكره فيه ايه ربنا معانا
ان شاء الله كلنا نبقى احسن فى الجامعة وما نتغيرش
ربنا يوفقك ياباش مهندس فهمى وتبقى دكتور كبير فى الجامعة
يااااااااارب ياباش مهندس
فعلا ربنا وحده العالم بالمستقبل

figo_ff 02-08-2011 12:09 AM

اقتباس:

المشاركة الأصلية كتبت بواسطة eng.hagar (المشاركة 3778076)
ان شاء الله كلنا نبقى احسن فى الجامعة وما نتغيرش

ربنا يوفقك ياباش مهندس فهمى وتبقى دكتور كبير فى الجامعة
يااااااااارب ياباش مهندس

فعلا ربنا وحده العالم بالمستقبل

شكرا ليكي يا باشمهندسة ومشكورة اخلاقك واحترامك يا مثال هندسة عين شمس

ENG.HAGAR 02-08-2011 12:33 AM

اقتباس:

شكرا ليكي يا باشمهندسة ومشكورة اخلاقك واحترامك يا مثال هندسة عين شمس
العفو يا باش مهندس
هى دى اخلاق فعلا طلبة هندسة عين شمس
:022yb4:


ENG.HAGAR 02-08-2011 12:42 AM

اقتباس:

اضافة كمان مصاريف الكلية 254 جنيه عند التقديم
طيب يا باش مهندس فهمى ومصاريف الكتب كام ؟

figo_ff 02-08-2011 12:45 AM

اقتباس:

المشاركة الأصلية كتبت بواسطة eng.hagar (المشاركة 3778253)
طيب يا باش مهندس فهمى ومصاريف الكتب كام ؟

يا باشمهندسة مافيش مصاريف للكتب لانه مفيش كتب هو كل الحكاية ان كل دكتور بينزل كتاب الكتاب من 50ل60 وده المتوسط يعني وربنا معانا:)

ENG.HAGAR 02-08-2011 12:50 AM

اقتباس:

يا باشمهندسة مافيش مصاريف للكتب لانه مفيش كتب هو كل الحكاية ان كل دكتور بينزل كتاب الكتاب من 50ل60 وده المتوسط يعني وربنا معانا:)
اهااا معلش تعبت حضرتك بالاسئلة
اصل انا عارفة ان فى دكاترة بيتعنتوا:mad: ان الطلبة تجيب كتبهم حتى لو مش فاهمه منهم حاجة !
وكمان فى حاجة تانية هو لو الواحد مش فاهم من كتاب دكتور معين وعايز يجيب كتاب دكتور تانى اوحتى ما يجيبش خالص ويصور اللى عايزه من برا الجامعة ياترى مصير الطالب ايه ؟
:stickjo4:

figo_ff 02-08-2011 12:57 AM

اقتباس:

المشاركة الأصلية كتبت بواسطة ENG.HAGAR (المشاركة 3778281)
اهااا معلش تعبت حضرتك بالاسئلة

اصل انا عارفة ان فى دكاترة بيتعنتوا:mad: ان الطلبة تجيب كتبهم حتى لو مش فاهمه منهم حاجة !
وكمان فى حاجة تانية هو لو الواحد مش فاهم من كتاب دكتور معين وعايز يجيب كتاب دكتور تانى اوحتى ما يجيبش خالص ويصور اللى عايزه من برا الجامعة يياترى مصير الطالب ايه ؟

:stickjo4:

اولا يا باش مهندسة ارجوكي متقوليش تعبتك تاني انا تحت امركوا وادينا بنساعد بعض ثانيا انا بسمع الحكاية دي بس الطلبة اللي بتجري بس ورا اعمال السنة علشان تنجح هي اللي بتجيب الكتب بدون تفكير لكن براحتك في الكتاب اللي تجبيه بس نصيحة من مهندس هاتي كتاب دكتور المادة علشان هو واضع الامتحان ومن كتابه تعرفي طريقة تفكيره:078111rg3:

ENG.HAGAR 02-08-2011 01:09 AM

اقتباس:

اولا يا باش مهندسة ارجوكي متقوليش تعبتك تاني انا تحت امركوا وادينا بنساعد بعض ثانيا انا بسمع الحكاية دي بس الطلبة اللي بتجري بس ورا اعمال السنة علشان تنجح هي اللي بتجيب الكتب بدون تفكير لكن براحتك في الكتاب اللي تجبيه بس نصيحة من مهندس هاتي كتاب دكتور المادة علشان هو واضع الامتحان ومن كتابه تعرفي طريقة تفكيره:078111rg3:
ربنا يبارك فى حضرتك على سعة صدرك
المشكلة ان اخويا حاليا مسافر ومش عارفه اكلمه خاالص علشان اقدر اسأله .
اها بيجروا ورا اعمال السنة وعلشان كمان يضمنوا تقديرات جامدة !
فعلا دكتور المادة هو واضع الامتحان الكلام ده بيفكرنى بأمتحانات الشهور بتاعة ابتدائى وكدة
يعنى طالب يكون مع دكتور محترم ومعقد يجيبله امتحان صعب !:angry2:
ودكتور تانى لطيف وهادئ يجيب امتحان متوسط ؟!:)
فين العدل

figo_ff 02-08-2011 01:18 AM

اقتباس:

المشاركة الأصلية كتبت بواسطة eng.hagar (المشاركة 3778393)
ربنا يبارك فى حضرتك على سعة صدرك

المشكلة ان خويا حاليا مسافر ومش عارفه اكلمه خاالص .
اها بيجروا ورا اعمال السنة وعلشان كمان يضمنوا تقديرات جامدة !
فعلا دكتور المادة هو واضع الامتحان الكلام ده بيفكرنى بأمتحانات الشهور بتاعة ابتدائى وكدة
يعنى طالب يكون مع دكتور محترم ومعقد يجيبله امتحان صعب !:angry2:
ودكتور تانى لطيف وهادئ يجيب امتحان متوسط ؟!:)
فين العدل

علي ما اظن ياباش مهندسة ان بيبقي في دكتور للمادة بيحط الامتحان للدفعة كلها

ENG.HAGAR 02-08-2011 01:22 AM

اقتباس:

علي ما اظن ياباش مهندسة ان بيبقي في دكتور للمادة بيحط الامتحان للدفعة كلها
معلش هو ازاى دكتور للمادة وفى اكتر من دكتور بيدى الطلبة ؟
يعنى انا لو مثلا جبت كتاب لدكتور أ وحضرتك جبت كتاب لدكتور ب وجااا الامتحان من دكتور ب كدة ازاى ؟؟
انا كدة ما ذاكرتش كتاب الدكتور ب وبالتالى مش هقدر احل زى حضرتك !

figo_ff 02-08-2011 01:30 AM

اقتباس:

المشاركة الأصلية كتبت بواسطة eng.hagar (المشاركة 3778469)
معلش هو ازاى دكتور للمادة وفى اكتر من دكتور بيدى الطلبة ؟

يعنى انا لو مثلا جبت كتاب لدكتور أ وحضرتك جبت كتاب لدكتور ب وجااا الامتحان من دكتور ب كدة ازاى ؟؟

انا كدة ما ذاكرتش كتاب الدكتور ب وبالتالى مش هقدر احل زى حضرتك !

لا انتي مش واخدة باللك انا علي ما اظن بس والله مش متاكد انا اظن ان في دكتور واحد للماده بس في معيدين كتير والدليل ان في المحاضرة بتبقي الدفعة كلها لكن السكشن بيتقسم يبقي في دكتور واحد .....والله واعلم

ENG.HAGAR 02-08-2011 01:35 AM

اقتباس:

لا انتي مش واخدة باللك انا علي ما اظن بس والله مش متاكد انا اظن ان في دكتور واحد للماده بس في معيدين كتير والدليل ان في المحاضرة بتبقي الدفعة كلها لكن السكشن بيتقسم يبقي في دكتور واحد .....والله واعلم

لو كلام حضرتك ده مظبوط يبقى فى عدل والحمد لله
انا قولت ان اكيد فى معيدين بس مش معقول كله معيدين اكيد فى دكاترة وكدة
وفعلا لحد دلوقتى الله اعلم
بارك الله فيك

ميرو المصرية 02-08-2011 11:23 AM

بجد يا شباب ربنا يباركلكم جميعا انا فعلا استفدت جدددددددددددددددا من التوبيك وبالنسبة للمنافسة يا بشمهندسة هاجر محسومة من دلوقتى البنات ف كل حتة التوب مع احترامى لكل الشباب طبعا وياريت نتواصل ع الايميل عشان نتعرف اكتر انا للاسف معرفش حد دخل الكلية من اللى اعرفهم خاااااااااااااااااااااااااااااااااااااااااااااالص

ميرو المصرية 02-08-2011 12:15 PM

اسمحولى بسؤال هى اعدادى دراستها عربى ولا انجليش؟

figo_ff 02-08-2011 12:55 PM

اقتباس:

المشاركة الأصلية كتبت بواسطة ميرو المصرية (المشاركة 3779688)
بجد يا شباب ربنا يباركلكم جميعا انا فعلا استفدت جدددددددددددددددا من التوبيك وبالنسبة للمنافسة يا بشمهندسة هاجر محسومة من دلوقتى البنات ف كل حتة التوب مع احترامى لكل الشباب طبعا وياريت نتواصل ع الايميل عشان نتعرف اكتر انا للاسف معرفش حد دخل الكلية من اللى اعرفهم خاااااااااااااااااااااااااااااااااااااااااااااالص

هنخلي نتيجة التحدي بعد اول امتحان بس فريق الشباب مش بيرحم:giljotiiniug3:

figo_ff 02-08-2011 12:56 PM

اقتباس:

المشاركة الأصلية كتبت بواسطة ميرو المصرية (المشاركة 3779849)
اسمحولى بسؤال هى اعدادى دراستها عربى ولا انجليش؟

في في مواد قليلة بالعربي والباقي كله انجلش لكن بعد اعداي بقي كله انجلش

mahmoud atiya 02-08-2011 01:28 PM

كود:

هنخلي نتيجة التحدي بعد اول امتحان بس فريق الشباب مش بيرحم:giljotiiniug3:
:friendsxs3: معاك اكيد ..

-----------------

يا جماعه طيب ناو حد يقلنا ايه مكرر اعدادى هندسه عين شمس ... ؟؟ :bosyht9:

صحيح المناهج نفسها ولا فى اختلاف بسيط ( ولا اختلاف كبير ) بين هندسه القاهره وعين شمس ؟ :bosyht9:

برده عايز اسأل : فى ناس بتآخد كورسس فى الرسم الهندسى ! ... لازم ولا موش لازم و يكفى المحاضرات والسيكشنز ؟ .. :006et4:


برده الانجلش كورسز مهمه ولا دا شىء اضافى ؟ :028ja7:

figo_ff 02-08-2011 01:39 PM

اقتباس:

المشاركة الأصلية كتبت بواسطة mahmoud atiya (المشاركة 3780094)
كود:

هنخلي نتيجة التحدي بعد اول امتحان بس فريق الشباب مش بيرحم:giljotiiniug3:
:friendsxs3: معاك اكيد ..

-----------------

يا جماعه طيب ناو حد يقلنا ايه مكرر اعدادى هندسه عين شمس ... ؟؟ :bosyht9:

صحيح المناهج نفسها ولا فى اختلاف بسيط ( ولا اختلاف كبير ) بين هندسه القاهره وعين شمس ؟ :bosyht9:

برده عايز اسأل : فى ناس بتآخد كورسس فى الرسم الهندسى ! ... لازم ولا موش لازم و يكفى المحاضرات والسيكشنز ؟ .. :006et4:


برده الانجلش كورسز مهمه ولا دا شىء اضافى ؟ :028ja7:

اولا اهلا بيك في التحدي وبعدين المقررات مش بتختلف كتير الا انهااكيد في بعض الاختلافات زحكاية المواد هدورك عليها حاضر وحكاية الكورسات دي حكاية ملهاش لزمة والانجلش بقي متقلقش لغتك هتغطيها وكمان معلومة في مادة اسمها لغة فنية بتختص بدراسة المصطلحات الهندسية الجديدة

mahmoud atiya 02-08-2011 02:14 PM

طب كويس يا فهمى .. :av4056bb7jp3:



طيب ناو احنا عايزين نجمع اكبر عدد من طلاب عيت شمس .. علشان يبقى فيه تعارف اكتر ( بتكلم على الصبيان اكيد )

ممكن نعمل جروب .. ولاجظ ان فيه 1611 فى عين شمس .. احنا لحد ناو 5 او 6 :mad:

figo_ff 02-08-2011 02:28 PM

اقتباس:

المشاركة الأصلية كتبت بواسطة mahmoud atiya (المشاركة 3780280)
طب كويس يا فهمى .. :av4056bb7jp3:



طيب ناو احنا عايزين نجمع اكبر عدد من طلاب عيت شمس .. علشان يبقى فيه تعارف اكتر ( بتكلم على الصبيان اكيد )

ممكن نعمل جروب .. ولاجظ ان فيه 1611 فى عين شمس .. احنا لحد ناو 5 او 6 :mad:

يا مان ما تقلقش هبقي جروب كبير انا قولتلك اصحابي الحمد لله معانا في عين شمس وهنعمل جروب يكون في المراكز الاولي كل سنة ان شاء الله

figo_ff 02-08-2011 03:03 PM

يالا يا جماعة جبت ليكوا موضوع تحفة وده منقول من منتدي وطبعا حق الملكية الفكرية بترجع لصاحبه


FACULTY OF ENGINEERING
AIN SHAMS UNIVERSITY
فى الموضوع ده ان شاء الله هكلمكم عن كلية الهندسة
اولا
تقع كلية الهندسة فى ميدان عبده باشا بعيد عن الحرم الجامعى بحوالى محطتين عشان يبقى فيه عازل (IMG:style_emoticons/default/evil.gif)
طبعا كلنا عارفين ان هندسة عين شمس غالبا التنسيق بتاعها بيبقى 95% او اعلى (IMG:style_emoticons/default/dry.gif)
اللغة الاولى للدراسة هى اللغة الانجليزية ولو ان فيه بعض المواد باللغة العربية وهاقولهم بالتفصيل ان شاء الله
نيجى للموضوع من اوله:::::
عشان تفكر تخش هندسة لازم تبقى عارف انك لازم تذاااكر وجامد كمان
مش قصدى مذاكرة زى قبل كده بتاعة الثانوية وكده (IMG:style_emoticons/default/mad.gif)
لأ طبعا ,,,المذاكرة بتاعتك ان شاء الله تعتمد على الفهم بنسبة كبيرة اوى (IMG:style_emoticons/default/180px-Islambouli.gif)
ولازم تفهم ومتحفظش وده اسهل طبعا واحلى وده ل3 اسباب
1-الدكاترة بيعتمدوا فى الامتحانات على الفهم اكتر بكتير من الحفظ .
2-لما تفهم كل يوم هتحس بمدى روعة العلم ..كل يوم هتكتشف حاجة جديده احلى من اللى قبليها
3- علشان تستحق لقب مهندس
مدة الدراسة فى هندسة 5 سنين
اول سنة (اعدادى),,,,,ودى بتاخد فيها مواد كتير ,,,يمكن ماده او اكتر من كل قسم
عشان السنة اللى بعديهاتقرر هتخش قسم ايه عن علم بمواده.
المواد فى اعدادى هى
(رياضة-فيزياء-كيمياء-حاسبات-ميكانيكا-رسم هندسى-اسقاط هندسى-هندسة الانتاج والتصنيع –التاريخ الهندسى-لغة فنية)
ناخد ماده ماده!
الرياضيات
(عربى لكن المعادلات كلها والرموز english)
جزئين
وسيقوم بتدريسها دكتورين الترم الاول
ودكتورين الترم التانى
لانها ليست ماده ممتده (يعنى بتمتحن فيها ترم)
الترم الاول (تفاضل-هندسة تحليلية)
الترم الثانى(تكامل-جبر)


الفيزياء(english)
هيدرسها دكتورين برضه مثل الرياضة
وهى ماده غير متصله
الترم الاول(كهربية-خواص ماده)
الترم الثانى(مغناطيسية-حرارة وضوء)
وطبعا المعامل للترمين
بيبقى فيها تجارب متعلقة بالمنهج اللى خدته
والمعامل بقى بيتشرحلك التجربة وبعدين بتعملها بايدك وبتطلع نتايج
وترسم وكل حاجة لوحدك علشان تتعود

الكيمياء(english)
ودى مادة مستمرة يعنى هتاخدها طول السنة وتمتحنها اخر السنة ان شاء الله
وليها معامل برضه

الميكانيكا)بقت عربى
ماده غير متصله
الترم الاول(استاتيكا)
الترم الثانى(ديناميكا)

الرسم الهندسى(english)
ماده مستمرة
يعنى بتمتحن اخر السنة مرة واحده
ودى ماده لذيذه جدا بس فى الاول هتحس انها صعبة
وانك مش عارف تتخيل اى حاجة و مش فااااهم
بس ده احساس عادى جدا فى هندسة عين شمس biggrin.gif
كلنا حسينا كده فى البداية بس فى الاخر ان شاء الله هتبقى فاهم كل حاجة لما تتعود على الرسم

الاسقاط الهندسى(عربى)

كان اسمها هندسة وصفية
وهى ماده جميله برضه بتدرس فيها اسقاط الاشكال والمستويات على الورق
بمعنى من 3d ل 2d

حاسبات(english)
يتم فيها الدراسة لبعض اجزاء الكمبيوتر والانظمة فيه
وكيف يتم ترتيب العمليات المدخله للكمبيوتر وايضا قواعد البيانات والانترنت والوسائط المتعدده
طبعا محدش فاهم حاجة من السطر اللى فات
ولا انا (IMG:style_emoticons/default/tongue.gif)
بس بحاول اترجم كله بالعربى على قد ماقدر
بس كله هيتفهم ان شاء الله فى الكلية

هندسة الانتاج والتصنيع(english(
ماده متصله
ماده جميله بتاخد فيها كيف يتم التصنيع فى المصانع والعمليات على التصنيع مثل السباكة والحداده ووووو
وكذلك المواد اللى بيتصنع بيها
وليها ورش بقى زى الفل
هتخش تشوف الماكينات بتشتغل ازاى بتبقى على كل اللى خدته

التاريخ الهندسى(عربى)
بتبقى تبع تكنولوجيا الانتاج
ماده سهله وبتتكلم عن تاريخ الهندسة من الانسان البدائى وكييف استخدم الهندسة فى اشباع حاجاته
الى العصر الحديث
انا عن نفسى ذاكرتها قبل الامتحان والحمد لله كانت هايفة يعنى

اللغة الفنية(english)
ماده للترم التانى
ومفيده جدا
فيه ناس كتير بتنفضلها
بس هى بجد مفيده
بتعلمك ازاى تكتب تقارير هندسية وتكتب ايه ومتكتبش ايه
والجز الاول فيها كله زى ثانوية عامة كده بييجى اختيارات وسهل جدا
بس الجزء التانى هو اللى مفيد بجد
وبالنسبة للرسم الهندسى
فيه الترم التانى معمل كمبيوتر ليه
Autocad
بتدرس مبادئ له

بس
كده المواد
خلصت
(IMG:style_emoticons/default/biggrin.gif)
بالنسبة لامتحانات الميد تيرم
عندك اتنين واحد ترم اول والتانى
الترم التانى
بيبقوا غالبا بعد شهر او شهرين من بداية الترم
وبيجيبوا فيها الجزء اللى تم دراسته فى الشهور دى
وطبعا بتضاف لاعمال السنة

ونيجى دلوقتى للتخصصات بعد إعدادى

قسم الهندسة المدنية


ينقسم قسم الهندسة المدنية الى ثلاثة أفرع رئيسية مع الذكر بأن هذا الإنقسام فى هندسة عين شمس يحدث فى السنة الرابعة فقط أى إنك تدرس المواد لجميع التخصصات حتى السنه الرابعة حيث يتم التركيز أكثر على مواد التخصص مع إعطاء قدر بسيط من مواد التخصصات الاخرى المهمه أيضا بالقطع


هذه الأقسام هى :
1- الهندسة المدنية قسم الإنشاءات


وهو فرع مختص بكل أعمال التشييد والبناء اللتى ترونها فى الشوارع مثل العمارات والفلل والكبارى والأنفاق ويهتم به القسم من زاويتين مختلفتين الأولى هى زاوية التصميم كيف تصمم هذه المنشئات و الزاوية الأخرى هى كيفية تنفيذ هذا التصميم لهذا ينقسم عمل المهندس المدنى خريج قسم الإنشاءات إلى إما مهندس تنفيذى أو مصمم أو الإثنين معا .

2- الهندسة المدنية قسم الأشغال


وهو فرع مختص بأهم جزء فى أى وطن وهو البنية التحتية من شبكة الطرق وشبكة المياه والصرف الصحى ومن أهم علومه هو علم المساحه الهندسية.

3- الهندسة المدنية قسم الرى


وهو فرع مختص بكيفية تصميم المنشئات المائية المختلفه مثل السحارات والبدالات والكبارى المائية إلخ .........


و هذه نبذة بسيطه عن الأقسام ومن يريد أن يستفسر عن شىء معين فليتفضل .

المشاريع فى سنة رابعه منهم

خرسانة

steel

foundation

موانى

صحية

طرق

مساحة

رى

يعنى اى مادة من دول احنا خدنا فيهم هتفرق لو كان مشروعك فيها هتدرس بتعمق فيها شوية او كيفية عمل مشروع حقيقى باللى اتعلمته .


قسم الميكانيكا

ينقسم قسم الميكانيكا الى اربعة أفرع رئيسيه

1- قسم هندسة القوى الميكانيكيه

وهو قسم متخصص بنسبه كبيرة في دراسة الماكينات وكيفية تشغيلها اما بقوة البخار او بتحويل الطاقه الكيميائية في الوقود لطاقه حراريه والتي تتحول بدورها لطاقة ضغط ثم طاقه ميكانيكيه وهي

الطاقه الحركيه الطاقه البخاريه لم تعد تستخدم الان الا في محطات القوى البخاريه (محطات انتاج الكهرباء).

اما الوقود الحفري فيستخدم في شتى المجالات الميكانيكيه من سيارات وماكينات ديزل او في المصانع او محطات القوى او غيرها من التطبيقات .


قسم هندسة القوى الميكانيكيه يدرس علم اخر وهو مهم جدا وهو علم التبريد والتكييف و يشمل الاتي:-

1- فرع التبريد ويشمل كيفيه تشغيل الثلاجات الكبرى (مثل ثلاجات تخزين البضائع) وظروف التشغيل من متطلبات ترطيب

2-التكييف طبعا كلنا يعرفه ويشمل ايضا تبريد مركزي للمبادني الكبرى كالمستشفيات والفنادق وغيرها


يدرس ايضا قسم القوى الميكانيكيه نظم معالجه المياه سواء مياه صرف او مياه شرب ونظم تحليه مياه البحر لتكون صالحه للشرب.


2- قسم انتاج


بالنسبة لقسم انتاج اهم شغل لية هوا الديزاين يا اما شغل لحام و دا مجالاتة واسعة جدا و في بيشتغلوا علي السي ان سي و في المصانع بيبقوا مسئولين عن خطوط انتاج و عن عمليات التصنيع.

3- قسم الميكاترونيكس


بالنسبة لميكاترونيكس من اهم شغلهم PLC و برمجة ماكينات التحكم الرقمي طبعا و شغل روبوتات بس بيبقي ايام الكلية لان مصر موصلتش لدرجة ان يبقي فيها شغل روبوتس و مجالاتة واسعة و معظم الشغل في مصر في مصانع العاشر.

4- قسم سيارات

طبعا باين من اسمها مش محتاجة شرح بتهتم بالعربية من الالف للياء.

قسم الكهرباء

ينقسم القسم لثلاثة أفرع رئيسيه

1- قسم كهربا اتصالات communication and electronics

وده مختص بكل ما يتعلق بالشبكات و الالكترونيات .

2- قسم كهربا باور power

وده مختص بكيفية توليد وتوزيع الكهرباء على مستوى الدوله زى محطات التوليد والتوزيع او على مستوى المبانى توزيع الكهربا فيها.

3- قسم كهربا حاسبات

وده مختص بعلوم الحاسب.

قسم عمارة

ينقسم قسم عماره الى فرعين رئيسيين

1- قسم التصميم design

وده المهندس المعمارى كما نتخيله من تصميم للمبانى .

2- قسم التخطيط

هو تخطيط مساحات الاراضى حول المبانى أو بمعنى ادق تخطيط ال landscape

mahmoud atiya 02-08-2011 03:24 PM

تسلم يا بوب ..

اتمنى تعمل الجروب دا نير جدا .. علشان نقدر نتعارف اكتر قبل السنه الدراسيه

figo_ff 02-08-2011 03:57 PM

اقتباس:

المشاركة الأصلية كتبت بواسطة mahmoud atiya (المشاركة 3780604)
تسلم يا بوب ..

اتمنى تعمل الجروب دا نير جدا .. علشان نقدر نتعارف اكتر قبل السنه الدراسيه

ان شاء الله ويارب اكون فدتكم

Eng. Ahmed Said 02-08-2011 04:15 PM

ما شاء الله يا شباب هندسة عين شمس..عاملين شغل جميل أوي وربنا يوفقكوا في الكلية إن شاء الله


عين شمس شغل بجد مش أي كلام :d

ميرو المصرية 02-08-2011 04:21 PM

بجدددددددددددددددد وااااااااااااااااااااااااو معلومات اكثر من رائعة تسلم يا بشمهندس انا فهمت كتير عن الكلية من التوبيك هنا ياريت تقولنا انت ناوى تتخصص ايه باذن الله

mahmoud atiya 02-08-2011 04:57 PM

يا جماعه :028ja7:... بما انى بحب التفاؤل وبدعوا الجميع اليه .. اذن اليكم هذه الاحصائيه ::022yb4:



اللى عنده اى مرض مزمن ميقرأش :giljotiiniug3:

دى نتائج اعدادى هندسه عين شمس :(

إحصائيات العام الماضي 2007-2008:
متخلف 760
مقبول 594
جيد 291
جيد جدا 196
إمتياز 45


احصائيات نتيجة اعدادى 2008-2009

302 يفصل

390 راسب :bosyht9:

654 متخلف :bosyht9:

431 مقبول :bosyht9:

241 جيد

284 جيد جدا

71 امتياز


:bosyht9:


ملحوظه المدبلرين دول والساقطين والمقبول .. كانوا اوائل ثانويه عامه :022yb4: ..


لحظ ان الدفعه بتاع 2009 كانت ضرب نار ومع ذلك .. 71 امتياز من 2500 :D

ميرو المصرية 02-08-2011 05:28 PM

تفاؤل تفاؤل يعنى مفيش كلام هو معهد فنى صناعى بيروحوه ازاى يا شباب ههههههههههههه

mahmoud atiya 02-08-2011 05:37 PM

هههههههههههههههههههههههههه وانا اللى بقول عايز اجيب جيد جدا او امتياز علشان احول القاهره :d

يا حلاوه يا ولاد :d

انا عمى انبارح بقوله : اسمع ان صعب اجيب امتياز فى عين شمس !! قالى مبتسم جدا : ولا حتى جيد جدا يا فالح :d


حاسس ان جسمى برد مره واحده لما شفت الاحصائيه :d

بس الواااااااااحد يعمل اللى عليه ! :)

اسعى يا عبــــــــــــــــــــــــــــــــــــــــــــــــ ـد ..


--------

صحيح .. عايز اسأل سؤال

هوا لو جبت جيد او جيد جدا فى عين شمس .. وعايز اروح اى قسم فى القاهره بياخد من امتياز .. ينفع ؟ ؟؟

( اقصد ممكن يكونوا بيعملوا حساب ان عين شمس صعبه ! ) :(


اتمنى حد يفيدنى

ahmedez2010 02-08-2011 05:57 PM

ما شاء الله على المعلومات يا مهندسين .. انا الحمد لله هندسة عين شمس معاكو يعنى يا رجالة عشان ننافس بعض .. شفتكو عيزين تنفسوا البنات وكدة انا معاكو و خصوصا ان المنافسة محسومة لانى و اسف بحس ان البنات ملهومش فى الابداع الفكرى و يعنى ليهم فى الحفظ اكتر بس الفكرة انهم بيذكروا اكتر من الولاد و يارت يبقى ظنى خطـأ ..
و عيزين فعلا نعمل جروب على الفيس .. هتبقى جامدة
بس عندى استفسار ممكن حد يقلى هو نموذج التجنيد ده رقمها اه بالظبط؟؟

mahmoud atiya 02-08-2011 06:08 PM

منور يا احمــــــــــــــــــــــــــــــــــد .. انت 4 ولد فى التوبيك :d

عايزين نبقى اصحاب فعلا وعمل اكامبانى قبل الدراسه .. ونفييييييييد بعض ( احنا بنجاهد .. عين شمس هيا الجهاد الحقيقى :d )


منور .. وتواصل معناها فى هنا فهمى صاحب التوبيك عنده معلومات قيمه :)


والبنات فى هاجر وميرو لحد ناو ..

figo_ff 02-08-2011 08:33 PM

اقتباس:

المشاركة الأصلية كتبت بواسطة ميرو المصرية (المشاركة 3780796)
بجدددددددددددددددد وااااااااااااااااااااااااو معلومات اكثر من رائعة تسلم يا بشمهندس انا فهمت كتير عن الكلية من التوبيك هنا ياريت تقولنا انت ناوى تتخصص ايه باذن الله

مش عارف والله ممكن اتصالات او مدني انشائي القسمين عاجبني

figo_ff 02-08-2011 08:34 PM

اقتباس:

المشاركة الأصلية كتبت بواسطة ميرو المصرية (المشاركة 3781146)
تفاؤل تفاؤل يعنى مفيش كلام هو معهد فنى صناعى بيروحوه ازاى يا شباب ههههههههههههه

ملكيش دعوة بحد ركزي في نفسك افكرك من 4 سنين (بلاش ثانوية عامة دي صعبة و........)

figo_ff 02-08-2011 08:35 PM

اقتباس:

المشاركة الأصلية كتبت بواسطة mahmoud atiya (المشاركة 3781366)
منور يا احمــــــــــــــــــــــــــــــــــد .. انت 4 ولد فى التوبيك :d

عايزين نبقى اصحاب فعلا وعمل اكامبانى قبل الدراسه .. ونفييييييييد بعض ( احنا بنجاهد .. عين شمس هيا الجهاد الحقيقى :d )


منور .. وتواصل معناها فى هنا فهمى صاحب التوبيك عنده معلومات قيمه :)


والبنات فى هاجر وميرو لحد ناو ..

اهلا بيك يا احمد والجروب بيكبر واخد باللك يا محمود

figo_ff 02-08-2011 08:37 PM

اقتباس:

المشاركة الأصلية كتبت بواسطة ahmedez2010 (المشاركة 3781307)
ما شاء الله على المعلومات يا مهندسين .. انا الحمد لله هندسة عين شمس معاكو يعنى يا رجالة عشان ننافس بعض .. شفتكو عيزين تنفسوا البنات وكدة انا معاكو و خصوصا ان المنافسة محسومة لانى و اسف بحس ان البنات ملهومش فى الابداع الفكرى و يعنى ليهم فى الحفظ اكتر بس الفكرة انهم بيذكروا اكتر من الولاد و يارت يبقى ظنى خطـأ ..
و عيزين فعلا نعمل جروب على الفيس .. هتبقى جامدة
بس عندى استفسار ممكن حد يقلى هو نموذج التجنيد ده رقمها اه بالظبط؟؟

هاهاهاهاهاها قولنا كده محدش صدقنا بس يا احمد البنات برضه كويسين وبالنسبة للاستفسار هو نمودج 2و3 جند معدل وهي ورقه مجوز كده

figo_ff 02-08-2011 08:40 PM

اقتباس:

المشاركة الأصلية كتبت بواسطة mahmoud atiya (المشاركة 3781191)
هههههههههههههههههههههههههه وانا اللى بقول عايز اجيب جيد جدا او امتياز علشان احول القاهره :d

يا حلاوه يا ولاد :d

انا عمى انبارح بقوله : اسمع ان صعب اجيب امتياز فى عين شمس !! قالى مبتسم جدا : ولا حتى جيد جدا يا فالح :d


حاسس ان جسمى برد مره واحده لما شفت الاحصائيه :d

بس الواااااااااحد يعمل اللى عليه ! :)

اسعى يا عبــــــــــــــــــــــــــــــــــــــــــــــــ ـد ..


--------

صحيح .. عايز اسأل سؤال

هوا لو جبت جيد او جيد جدا فى عين شمس .. وعايز اروح اى قسم فى القاهره بياخد من امتياز .. ينفع ؟ ؟؟

( اقصد ممكن يكونوا بيعملوا حساب ان عين شمس صعبه ! ) :(


اتمنى حد يفيدنى

انا حاسس يا محمود ان الموضوع ده شغلك اوي لكن لا مفيش حاجة مستحيلة الا ادا انت كنت ناوي تلعب مفيش وقت لازم نداكر ورنا تحدي كبير:friendsxs3:

figo_ff 02-08-2011 08:47 PM

بس حكاية الفيس دي شوية علشان احنا هدفنا يكون جروب مهندسين وللافادة مش فكرة عمل جروب علي الفاضي

Eng / NOUR 02-08-2011 09:22 PM

طبعا مبروووووك ليكوا وليا يا بشمهندسين على هندسة عين شمس مع انى شايفة ان فى تعصب ضد االباشمهندسات

بس بكرة الايام تثبت ان اللى بيفهم هو اللى بيوصل سواء بنت او ولد يعنى زى ما فى بنات بتحفظ فى ولاد كمان بتحفظ وفهمها على قدها

انا كنت عايزة اعرف ميعاد التقديم فى الكلية امتى عشان سمعت انه الخميس وناس تانية قالت الحد فياريت المتاكد يقولى عشان انا مسافرة وعايزة اعرف ارجع امتى بالظبط

وربنا معانا جميعا

mahmoud atiya 02-08-2011 10:00 PM

اقتباس:

المشاركة الأصلية كتبت بواسطة figo_ff (المشاركة 3781786)
اهلا بيك يا احمد والجروب بيكبر واخد باللك يا محمود



كوووووويس جدا .. يا رب نقدر نجمع اقدر عدد من عين شمس


--


كود:

بس بكرة الايام تثبت ان اللى بيفهم هو اللى بيوصل سواء بنت او ولد يعنى زى ما فى بنات بتحفظ فى ولاد كمان بتحفظ وفهمها على قدها
معاكى طبعا ...

بس برده الصبيان بحس انهم اعلى * والله موش علشان انا ولد * ... وان كانت البنات لمحيه اكتر .. حته اعراب مستخبيه / تعريف مستخبى ..:006et4:

انما الكليات التطبيقيه الولد ناجح اكتر * اكيد موش هتقفى على ماكينيه خراطه وتبقى زى الولد :d *

اتمنى تقنعونا :022yb4: .. شكل عين شمس هتبقى ضرب نار :028ja7:


---------
كود:

انا كنت عايزة اعرف ميعاد التقديم فى الكلية امتى عشان سمعت انه الخميس  وناس تانية قالت الحد  فياريت المتاكد يقولى عشان انا مسافرة وعايزة اعرف  ارجع امتى بالظبط
انا برده عايز اعرف يا فيجو :friendsxs3:

figo_ff 02-08-2011 10:38 PM

يا جماعة انا كنت امبارح في الكلية وسالت في شئون الطلبة وقاللولي يوم الاحد وده بيتهيالي لكل كليات عين شمس

ENG.HAGAR 02-08-2011 10:43 PM

السلام عليكم
ازيكم يا باش مهندسات " ميرو " ويا باش مهندسين فيجو محمود وكمان احمد اللى انضم جديد
انا لسه مخلصة تراويح وجيت علطول علشان انا عارفه انكم بتبدأو فى الوقت ده
على فكرة يا باش مهندش محمود انا رديت علىحضرتك فى الصفحة رقم 3 ياريت تقرا ردى على كلام حضرتك
:)
يا جماعة انا اتصلت انهارده بالكلية ولكن لك الله يامصر ماحدش بيرد او مشغول
ربنا يشفى والله الموظفين اللى بيقرفوا الطلبة
صح هو ايه فايدة التليفونات لو الكلية مش مستخدماها!
اهو يشيلوها علشان نتبع بردو سياسة التقشف احسن

ENG.HAGAR 02-08-2011 10:47 PM

اقتباس:

بس بكرة الايام تثبت ان اللى بيفهم هو اللى بيوصل سواء بنت او ولد يعنى زى ما فى بنات بتحفظ فى ولاد كمان بتحفظ وفهمها على قدها

عندك حق والله
بدأت الحرب النفسية يلا يا بنات استعدوا " انا مش بحرض حد خلى بالكم احنا بس لسه ينسخن !! "
:d
اقتباس:

بس بكرة الايام تثبت ان اللى بيفهم هو اللى بيوصل سواء بنت او ولد يعنى زى ما فى بنات بتحفظ فى ولاد كمان بتحفظ وفهمها على قدها

والله يابنتى السنة دى كان المدرس يقولنا على الاولاد اللى قبلينا بالرغم من انهم جايبين فى ثانية ثانوى 204.5 وكمان 204 اننا اذكىمنهم بمراحل بس القكرة انهم بيعرفوا يحلوا بطريقة نموذجية جدا لكن طريقةالتفكير بتاعتنا كبناتوطرق حلنا وتنوعها كانت بتعجب المدرس جدااااا
قولى انت بس ان شاء الله

figo_ff 02-08-2011 10:51 PM

اقتباس:

المشاركة الأصلية كتبت بواسطة eng.hagar (المشاركة 3782179)
السلام عليكم

ازيكم يا باش مهندسات " ميرو " ويا باش مهندسين فيجو محمود وكمان احمد اللى انضم جديد
انا لسه مخلصة تراويح وجيت علطول علشان انا عارفه انكم بتبدأو فى الوقت ده
على فكرة يا باش مهندش محمود انا رديت علىحضرتك فى الصفحة رقم 3 ياريت تقرا ردى على كلام حضرتك
:)
يا جماعة انا اتصلت انهارده بالكلية ولكن لك الله يامصر ماحدش بيرد او مشغول
ربنا يشفى والله الموظفين اللى بيقرفوا الطلبة
صح هو ايه فايدة التليفونات لو الكلية مش مستخدماها!

اهو يشيلوها علشان نتبع بردو سياسة التقشف احسن

اولا حمد الله علي السلامة ثانيا دي غلتطتك في حد يعمل اللي انت عملتيه تكلمي الكلية دي حاجة تزهق
وانا موافقك الحاجة اللي مبتستخدمش بلاش منها احسن

figo_ff 02-08-2011 10:54 PM

اقتباس:

المشاركة الأصلية كتبت بواسطة eng.hagar (المشاركة 3782202)
عندك حق والله

بدأت الحرب النفسية يلا يا بنات استعدوا " انا مش بحرض حد خلى بالكم احنا بس لسه ينسخن !! "
:d

والله يابنتى السنة دى كان المدرس يقولنا على الاولاد اللى قبلينا بالرغم من انهم جايبين فى ثانية ثانوى 204.5 وكمان 204 اننا اذكىمنهم بمراحل بس القكرة انهم بيعرفوا يحلوا بطريقة نموذجية جدا لكن طريقةالتفكير بتاعتنا كبناتوطرق حلنا وتنوعها كانت بتعجب المدرس جدااااا

قولى انت بس ان شاء الله

علي فكرة يا باش مهندسة انا عن نفسي مش متعصب خالص انا بدعوا للمنافسة الشريفة بس الشباب بس واثقين في نفسهم شوية زيادة والصراحة ادي سمة بتميز الشباب عشان كده مكناش حسين بالضغط النفسي للثانوية العامة بشده زي البنات ودي مش تقليل منا ليكوا لسمح الله


جميع الأوقات بتوقيت GMT +2. الساعة الآن 12:36 PM.

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.