|
ممكن بعد اذنك
جدول مذاكره لتانيه ثانوي علمي كيميـــاء؟؟؟ |
اقتباس:
عقبالنا ياارب السنة الجاية انا نفسى ربنا يكرمنى وادخل صيدلة بردو دعواتك بقى وشكرااا كتيير ليكى على ردك والله انتى فعلا زى اختى الكبيرة واحلى كمان:friendsxs3: ولو ان اختى دى مبتنفعنيش بحاجة كل اما اسالها على حاجة تقولى مش فاكرة:p:p:d ربنا يوفقك ويكرمك وتبقى دكتورة ف الجامعة كمان ان شاء الله وكل سنة وانتى طيبة |
اقتباس:
اولا بالنسبة لجدول المذاكرة انا ممكن اعمل واحد واكتبه بس انا احب ان يقوم الشخص بعمل جدوله الخاص به مع مراعاة بعض الملاحظات من السنوات السابقة يعنى مثلا افضل وقت انتى بتكونى مركزة فيه امتى واكتر وقت هادى في البيت ومواعيد الدروس والمدرسة بس لنل ممكن ارشح شوية حاجات للجدول زى ان اليوم يبدا من الفجر وينتهى مع العشاء ان اوقات الصلاة هى الفواصل مع قراءة القرأن واننا نذاكر اكتر من مادة مثلا الكميا والرياضة يوميا 3 ساعات وبعدين مادتين تانى كل مادة ساعتين كمان ننسي النت والتى في شوية طبعا في مادة مش هتتذاكر كده لا طبعا لاننا هنثبت الكميا والرياضة بس و3 مواد التانية بالتبادل مع بعض والمادة اللي هذاكرها حسب نسبة تركيزى فيها وان شاء الله ربنا يوفقك والجميع باذن الله ولو احترتى في الجدول وعايزانى انا اللي اعمله اطلبيه منى وان شاء الله اكتبلك جدول وربنا ييسر |
اقتباس:
الله يبارك فيكى يا مون وان شاء الله نشوفك السنة الجاية معانا ف الكلية زى مانتى عايزة وربنا يكرمك علي الكلام الجميل ده وطبعا يشرفنى انى اكون اخت ليكى ومتزعليش من اختك لانها اكيد ناسية وربنا يوفقنا جميعا باذن الله وطبعا وانتى طيبة يا جميله |
اقتباس:
ويجعله في ميزان حسناتك انا خايفه اووي وحزينه من كتر ال بسمعه عن الثانويه العامه وان كان فيه ناس شاطره واذكي مني ومجبوش مجموع واقول لنفسي يبقي انا كده هعمل ايــه!! انا بتمني ادخل كليه صيدله بس مش عارفه اعمل ايه ومش لاقيه حد يفدني انا داخله تانيه ثانوي وموادي عربي رياضه انجليزي فرنساوي كيمياء مش احياء ومش عارفه الاحسن الكيمياء ولا الاحياء في تانيه وكمان انا بكره العربي ومبعرفش فيه اي حاجه والاعراب والنحو ده لا يمكن افهمه وحاسه اني مش هذاكر ولا هفهم حاجه لو لقيتي وقت فاضي عندك من غير ما اعطلك ساعديني بنصايحك لاني مش عارفه حاجه ولا اعرف انظم وقتي ولا اعمل جدول ازاااي ولا اسأل مين ربنا يوفقك |
اقتباس:
اولا ربنا يكرمك وان شاء الله مفيش عطلة خالص وبعدين متخافيش لان الثانوية العامة لما هتخلصي هتقولى ايه اللي انا كنت بعمله ده ده كان لعب عيال صدقينى بلاش الرعب اللي ياثر عكسي ده مش في صالح طالب الثانوية العامة ويا ريت نسد ودانا عن المثبطات لاننا محتاجين اللي يشجع علي الواقع مش يخوف وخلاص من غير اسباب صريحة ان شاء الله ربنا هيكرمك ومحدش يعرف الخير فين بالنسبة للاحياء او الكميا في تانية انا اخدت الكميا في تانية والحمد لله ربنا اكرمنى بس كمان مبيفرضش انك لازم تكملي علمى علوم بس انا مش شايفة فرق لانك باذن الله هتذاكرى وتتفوقي كمان وتدخلى زى ما تحبي بالنسبة للعربي والنحو حاولي تحبيه لان النحو ده اروع ما في اللغة العربية واتحدى نفسك انك تذاكري عربي عشان انا بكره المادة ده اوغيرها ده مش هيشفع ليكى في الامتحان واعرفي ان ده لغتك وهى لغة القران الكريم بلاش الياس والتخلي عن الحلم لان ده مش كويس خالص لازم يكون عندك ارادة اقوى من الصخور والحجارة يتبعها عمل دءوب وجاد لا معنى للتفهات فيه والخوف بالنسبة للجدول باذن الله هكتبه بكره ويارب يفيدك بجد بس التزمى بالنصايح الكويسة واعرفي ان الجدول بيتغير علي طول علي حسب الظروف والالتوقيت وعدد الساعات وانا فين من المنهج بس ان شاء الله هكتب جدول في المتوسط 10 ساعات ربنا يوفق الجميع |
اقتباس:
وعليكم السلام ورحمه الله وبركاته انا مش عارفه اقولك ايـــه ربنا يجعل كل حرف كتبتيه في ميزان حسنـــاتك وبالله عليكِ لو موضوع الجدول ده هياخد منك وقت او هيعطلك بلاش خالص وانا متأكده انه هيعطلك فا بالله عليكِ مش مهم تعملي الجدول ده وانا هكتفي بنصايحك الغاليــه دي لان بجد مقبلتش في حياتي ناس بيساعدوا بعض لوجه الله كده حتي من غير ما يعرفوا بعض وبحس من زميلاتي باحساس وحش اووي بحس ان محدش بيحب الخير لحد وكل واحد نفسه يجيب اعلي من التاني وبيتمنوا لبعض الشــر لحد للاسف ما اتعلمت كده انا كمان بقيت مش بفيد حد ولا عايزه اتكلم مع حد بس انتِ صلحتي تفكيري ونضفتي قلبي من ال كان فيــه وان شاء الله لو ربنا قدر لي الحياه والدراسه بدأت ودخلت المدرسه هساعد كل زميلاتي بأي حاجه هقدر عليهـــا وهحب ليهم الخيــر زي ما بحبه لنفسي عشان ربنا يباركلي ربنا يوفقني ويوفق جميع طلاب المسلمين لاني بتمني ادخل كليه الصيدله عشان خاطر أهلي نفسي اسعدهم بيــه واحقق املهم فيه وانا هرضي بأي حاجه والحمد لله علي كل شئ |
اقتباس:
هما دول اللى بيطلق عليهم دحيحة الثانوية العامة:d:d والنوعية دى كتييييرة ف السوق ومش هتتعاملى غير معاهم تقريباا بس حاولى مش تتعدى منهم اتمنى الخير ليكى ولغيرك وادعيلهم كمان بظهر الغيب عشان ربنا يكرمك انا اصحابى كلهم كده بيعرفوا حاجات لنفسهم ومش بيقولوا بس كنت بكبر دماغى عشان ده شغل عيال ;) وان شاء الله ربنا هيوفقك وهتدخلى الصيدلة باذن الله ((ومن يتق الله يجعل له مخرجا ويرزقه من حيث لا يحتسب)) ((ومن يتوكل على الله فهو حسبه)) وبلا ش التشاؤم ده بقى اتمنالك التوفيق |
اقتباس:
هوا انتى كنتى علم نفس ولا اقتصاد واحصاا؟ |
ازيك يا مون
هو انتى السنة دى واخدة علم نفس ولا اقتصاد واحصاء ؟؟ |
اقتباس:
انا واخدة علم نفس وامبارح كانت اول حصة ليا فيه جمييل وانتى؟ |
انا زيك بردو علم نفس
اخدت حصة واحدة بردو وشكلوا حلــو وسهل |
اقتباس:
"معلش عالتدخل" هاتي النفيس + الامتحان النفيس فيه اسئله ممتازه |
اقتباس:
وانا والله نفس الكلام بس انا مش حاسس بانها صعبة حاسس بانها ممتعة ومش عارف لية مش عاوز اروح الدروس |
انا مش عارفه اكمل علمى علوم ولا علمى رياضه انا جايب 96.5 في المرحله الاولى كيمياء انا بحب الكليات الهندسيه وبالذات قسم الحاسب الالى جدا ولكن مش هقدر ادخل رياضه 2 انا مش عارف اعمل ايه ومحتاره جدا بالله عليكم ساعدونىاولا لانى ممكن اجى عند نقطه معينه وافشل يعنى لان الرياضه فهم اوى اوى يعنى ممكن اعجز في فهم حاجه ثانيا : ان هندسه مش فرصه ومفيش فيها تكليف بالنسبه ليا الاحياء اسهل واضمن ولكن المشكله 1- ان الاحياء كبيرة جدا وكمان معاها الفيزياء 2- ان مجموعى قليل اوى 3- المجاميع عاليه السنادى جدا جدا جدا وومكن طب ياخد من 99% 4- انا لازم اجيب 100% في 3 ثانوى عشان الحق طب اجيبها ازاى واحياءء+فيزياء |
الاصدقاء
سلام عليكم ورحمة الله وبركاته
اولا انا بشكر كل المشاركات الطيبة وانا مش متعطلة ولا اي حاجة خالص وباحمد ربنا علي الاجر اللي بتساعدونى انى اخده وبشكركم جميعا علي كده نيجى لموضوع مهم جدااااا من وجهة نظري وارجو منكم تفكروا فيه شوية والموضوع هو الاصدقاء طبعا انا محتاجة اشوف اراءكم عن الصداقة الحقيقة مش المصالح وكمان الايثار وحب الخير لان رسولنا الكريم قال "حب لاخيك كما تحب لنفسك" صدق رسول الله صلي الله عليه وسلم فيما قال انا بعتذر عن تاخير الجدول للمذاكرة وان شاء الله يكون موجود وارجو منكم الالتزام بطاعة الله وتعاليم النبي الصالحة وتنقية النفس من الشوائب التى يضيفها اشخاص اخرون علينا وربنا يوفقنا جميعا واسفة علي الاطالة |
اقتباس:
ربنا يباركلك انا طول عمري مشوفتش حد بيحب خير لحد انا عارفه ان اكيد فيه ناس مخلصه وكويسه بس انا مشوفتهمش في حياتي عمري ما شفت خلق الايثار ابــــــــــــــدا انا بتمني ربنا يرزقني بصديقه صالحه تعيني علي طاعه الله وترشدني للخير وتحبني في الله وتنصحني لوجه الله ولو لقيتها اكيـــد هعملها زي ما بتعملني وهشلها فوق راسي ادعولي الاقيها بس برده حتي لو ملقتهاش انا اتعلمت منكم الخلق الجميــل ده وربنا يعيني واقدر اطبقه وانا متأكده اني لازم التغير يبدأ مني أولا انا لازم اتغير وابقي مسلمــه بجـــد التزم بأخلاق الاسلام وتعاليم رسولنا صلي الله عليه وسلم فداك ابي وامي يا رسول الله |
اقتباس:
ويوفق جميع طلاب المسلمين يارب جزاكِ الله خيرا وبارك فيكِ ونفع بكِ سلمكِ الله من كل سوء |
اقتباس:
ربا يكرمك علي الكلام ده ويا رب اكون جدرة بيه وصدقينىفي ناس كتييييييييييييييير جدااااااااااااااا يمكن تكونى لسه مقابلتيهمش ب ان شاء الله تقابليهم وتمسكى بيهم لما تقابليهم بالنسبة لزميلاتك او اى حد تانىمتسمحيش حد انه ياثر في مبادئك المبنية علي اسس دينى سليم وحاولي تعامليهم باخلاقك اتى مش باخلاهم وانا فرحانة انك تخليتى عن العادات الشريرة اللي زمايلك بيعملوها وتاكدى من كرم ربنا وان شاء الله تخلي صيدلة زى مابتحبى وترضي اهلك وربك |
اقتباس:
اولا شكرا ليكى علي لرد الجميل ده وربنا يكرمك بيه وارجو منك المزيد وربنا يوفق لجميع باذن الله |
اقتباس:
انا الحمد لله كنت اقتصاد واحصا والحمد لله 50 فيهم وعقبالك في علم النفس ان شاءالله |
اقتباس:
الحمد لله انك حاسس ان الثانوية ممتعة بس فين بقي علو الهمة استعن بالله وان شاء الله ربنا هيكرمك وثق دائما في الله ثم في قدراتك |
اقتباس:
اولا مفيش حاجة اسمها اضمن من حاجة تانية لن الضمان بيد الله وانا يمكن ذكرت ان كان معايا اصدقاء ليه كانوا جايبين مجموع 95 في ال100 والحمد لله المجموع الكلي ليهم بقي 98.2 وده من فضل ربنا وان الله لا يضيع اجر من احسن عملا واستخير ربنا في اللي محتار فيه وكمان ادرس الل مقتنع بيه سواء كان رياضة او احياء وقدم مشية الله لان محدش عارف بكره في ايه وموضوع طب 99% معتقدش انه هيحصل لان الامتحانات مش هيجى زى السنة دى سهلة وتافهة وادعى ربنا ان يوفقك الي ما يحب ويرضى ربنا يوفقك |
اقتباس:
ربنا يعينك وتلاقي صديقة حقة وربنا يكرمك بيها باذن الله وانا فرحانة انك هتبقي مسلمة بجد وجهاد النفس ده اعظم شىء في الوقت الحالي وربنا يكرمك ويوفقك |
جزاكِ الله خيرا
|
طيب انا فى حاجة عايزة اعرفها
انا داخلة 2 ثانوى ان شاء الله وهبدا دروس بعد رمضان ياذن الله وهتبقى كلها عندى فى البيت ان شاء الله اللى عايزة اعرفه هل الاحسن انى اضغط الدروس كلها فى 3 ايام مثلا او يومين بس .. ولا انى اوزعهم على ال5 ايام كل يوم مادة ؟؟؟ انا مش عارفة خايفة اضغطهم مثلا ويبقى فى مادتين فى اليوم فاليوم كدة يطير منى واهنج فى النص ومعرفش اعمل حاجات كتير فيه وخايفة اوزعهم على ال5 ايام الاسبوع يتعفرط منى ويبقى وقت المذاكرة قليل انا ان شاء الله علمى علوم ,,, قولولى ايه الاحسن؟؟؟ |
اقتباس:
بادئ ذي بدئ منصحكيش بدروس البيت دي مش هتستفيدي زي الدرس المجموعه اختاري مجموعه فيها عتاوله وخشي فيها وبعدين مفيش حاجه اسمها تهنجي تهنجي ايه بعد كل درس كوبايه نيسكافيه تظبط المسائل وانتي ادري بنفسك بس رأيي بلاش دروس البيت |
اقتباس:
اولا ميرسى جدا على ردك ... بس الىى انا عايزة اوضحه لحضرتك ان انا بابا استحالة يوافق على انى اخد دروس برة البيت ... وغير كدة انا كمان مش حابة اخد دروس برة البيت لاسباب كتيير ثانيا انا قصدى بكلمة اهنج دى ان انا لو افترضت ان الدرس مثلا ساعتين ولو انا اخدت درسين فى اليوم هيبقى انا قاعدة 4 ساعات معظمهم بسمع و المفروض انى فى قمة تركيزى .. وخاصة لو مادتين تقال زى الكيميا والرياضة كدة .. فاللى انا خايفة منو انى اطلع من الدرسين دول ذهنى مجهد .. اه اكيد ان شاء الله هذاكر بس خايفى انى اكون مجهدة وانا بذاكر .... مع العلم ان دى اول سنة اخد فيها دروس فى حياتى ... فانا اصلا معرفش الشغل شكله ايه ... وعشان كدة حبيت اسال .... |
اقتباس:
أختي الموضوع ابسط من كده بكتيييييير ذهن ايه بس دحنا كنا بنروح انا واصحابي الدروس ننام وكلنا مقفلين كل المواد فركزي بس مش لدرجه مجهود ذهني وبتاع و2 كانت اول سنه اخد فيها دروس برضه بس take it easy |
اقتباس:
اول حاجة: انك متجيش تضغطيهم وفى الايام اللى مش هتاخدى فيها حاجة تضيعى منها وقت فكدة يبقى معملناش حاجة اكيد :) وتانى حاجة: حكاية انك تهنجى ..ممكن تخلى فاصل ما بين الدرس والدرس كذا ساعة تريحى فيهم تنامى شوية مثلا ..ربنا يوفقك يا قمر |
اقتباس:
متشكرة جدا لردك |
يا جماعه ارجوكو حد يفيدني انا خلصت ثانويه السنادي ومجموعي مش حلو خالص عشان كده بفكر اقدم من تاني منازل ايه الاجرائات المطلوبه والمفروض اقدم من سنه اولى ولا تانيه
|
انا خايفه اوى انا جبت 96% فى سنه تانيه ومش عارفه اعمل ايه ولا حتى قادرهافكر انا حاسه انى هضيه انا علمى علوم
|
اقتباس:
شايفه صاحبه العضويه دي ^_^ كانت جايبه برضه 96 زيك :friendsxs3: ولكن مفقدتش الامل وعملت الي عليها وتعبت وربنا كرمها ;) وداخله معانا بشري :022yb4: ربنا يكرمك زيها وانتي ممكن تسألي دوك آيه عن مذاكرتها في تالته يمكن "وخلي املك في ربنا كبيييييير" ربنا يكرمك زيها:) وهيا اكيد هتساعدك علي اعتبار تشابه المواقف بينك وبينها-_- بالتوفيق يا دوكB) |
السلام عليكم و رحمة الله وبركاته
أنا كنت عايزه اسال عن المنازل ؛ عشان انا حاسه ان انا مش هعرف انظم وقتى و هغيب كتير . |
اقتباس:
ازيكم ايه اخباركم ربنا يوفقكم كلكم يارب وتححقوا ايلى بتممنوه والجميع يارب ممكن اشارك معاكم لو تحبوا بس انتوا مش شايفين معلش ان 16 ساعة حراااااام خالص لكن 22 ساعة فدى مستحيل انى اصدق ان حد بيذاكرها ده انتحار ده انا بقول انا مش عارفة ازاى فى الثانوية العامة هذاكر 3 ساعات ولا 4 ساعات :d ده انا فى تالتة اعدادى كنت لو ذاكرت ساعة او نص ساعة ومش كل يوم ده يبقى انجااااااااز هههههه والحمد لله جبت مجموع وحش 295 من 300 مع العلم ان ده بسبب النت كنت قاعدة طول النهار كان عندى استفسار صغيور أنا دلوقتى باذن الله راحة اولى ثانوى ممكن تقولولى ايه اكتر صعوبة ممكن تقابلنى ؟ وكمان اذاكر كام ساعة واهتم باولى واذاكر كل المواد ولا اخدها راحة :d بصراحة انا اكتر حاجة قابلتنى رخمة الاحياء كلها حفظ وكمان الرسم :frown: انا رسمى مش حلو :frown: بلهارسا وقرف :d أسفة اوى على الاطالة تقبلوا مرورى وادعولى ربنا يكرمنى وابطل ادمان النت يارب |
اقتباس:
|
الحمد الله خلصت امتحانات تانية حليت كويس بس ليلة الكيمياء تعبت ومحلتش كويس يعني بتمني اخش صيدلة بس كدة درجة الكيمياء هتنزل المجموع هل ممكن احسن فيها بس ولا لازم احسن مواد السنة كلها ؟ وهل لو هاحسن فيه بس ممكن اقسم ثالتة يعني ممكن احسن كيمياء واخد معاها مواد من تالتة
|
انا خلصت امتحانات وخايفة من المجموع اوووى
والكيميا كنت داخلة وواثقة انى هجيب درجة حلوة فيهااا بس ربنا يستر لانى عندى غلط ياارب |
معلش انا ليا سؤال انا فى ثانيه ثانوى جبت 92% كنت علمى فحولت ادبى علشان احصل تربيه قالولى ان احسن اقسام التربيه الترلابيه انجليزى والفرنساوى وانا جايبه فى الفرنساوى 48 من 50 لكن الانجليزى نازله فيه هى تربيه فرنساوى ممكن تقبلنى بس انا تبع قنا
|
السلام عليكم
دلوقتي يا جماعه انا لسه عضو جديد و طالب في ثانويه عامه و عندي استفسار مهم بس مش عارف احطه فين عشان المتخصص يرد عليا؟؟؟ ممكن حد يقولي احط استفساري فين لو سمحتوا |
| جميع الأوقات بتوقيت GMT +2. الساعة الآن 04:08 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.