|
لا حكومة سابقة نافعة ولا ثورة نافعة ولا زيادة أجور نافعة ولا تعليم نافع ولا رقابة على الأسواق موجودة والتجار خلاص بيغلوا الأسعار علشان الأجور حتزيد ولا مش واخدين بالكم من الموضوع ده .
دعوة إلى كل معلم أعطِ مجموعات مدرسية ، أعطِ دروس خصوصية فلن يشكو أحد من الفقر بعد ذلك لأن كل مواطن أخذ حقه إلا أنت لنك تعمل في وزارة التريئة والتعتيم أو وزارة الهرقطة والتغرير أو وزارة الخزوقة و الترقيع . بجد أنا شايف إنهم يحلوا الوزارة لأن لا رئيس وزراء نافع ولا وزير تعليم نافع ولا حاجة نافعة في البلد إلا البلطجة . سنقوم إن شاء الله بدعوة جديدة سيكون امسها يلا نبلطج على أولياء الأمور ويبقوا يطلعوا لنا قانون بلطجة جديد |
مفيش حل نافع مع الناس دي غير لوي الدراع
ده مستقبلنا ومستقبل ولادنا لو فضلنا ساكتين حناكل علي دماغنا ومش حنقدر نتكلم موعدنا يوم الثلاثاء 7/6/2011 |
فضيحة وزيرالتعليم الفاشل الكذاب ************************** تمكنا الان من الاتصال ب...وزارة المالية وأليكم الرد ياسادة تم استبعادالمعلمين لعدم ورود اي مطالب من وزيرالتعليم لزيادة رواتب المعلمين حيث أكد وزيرالتعليم لوزيرالمالية وللدكتورشرف ان المعلمين الحد الأدني لرواتبهم تتعدي ال 700 جنية بعد الكادر ولا حاجة الان لرفع رواتبهم ويقول المسؤال... فقد منحنا الوازارت مهلة شهر لتقديم مطالبهم وتصورهم لهيكلة اجور موظفي هذه الوزارات وقدمت لنا وزارات الصحة والتعليم العالي والشرطة والزراعة والمحليات ولم تقدم لنا وزارة التعليم اي مذكرات في هذ الشأن لذلك تم اعداد الميزانية واستبعادهم .. لعدم الحاجة لرفع رواتبهم ******** الأرقام للي يحب يتصل مره اخري ........ للاستفسار عن وضع المعلمين بالنسبة للكادر الاستاذه نجلاء ابو العز مدير مكتب وزير الماليه 26860606 الاستاذ هانى فوزى مساعد الوزير ......23421282 الاستاذه أمينه غانم 26861200 مستنيين ايه بعد كده الوزير مش عارف عننا حاجة والحكومة معذورة لأن الوزير بتاعنا كداب |
كفاااااااااااااااااااية حراااااااااااااااااام
شغالين من بداية الثورة شحاتة من برة وتثقيل ديون علينا شوية تاني ومصر تقف على باب السيدة وتقول لله ده إذا ماكانش سمير رضوان عملها أصلا ومنح شغالة ترف وقناة سويس شغالة تعدي سفن ودول عربية تدينا مساعدات وووووو ..... وهو نفسه قال الأولوية للتعليم والصحة فيالنا نحن المدرسون فهل تذكر أول المالية من علمهم 1 + 1 بكام ألم يكن لهم بعض التقدير نفسى أعرف هل وصل المدرس لأن يكون ملطشة
|
https://www.facebook.com/note.php?created&¬e_id=203805722996749 |
لسنا أقل عدد ولا قيمة من عمال المحلة الذين كانوا سببا في اضرابات 2008 نحن مليون ونصف معلم لن نكون مهمشين الوزير لم يطالب لنا بالحد الأدني رغم ان 300 ألف ملعم أقل من 400 جنية يوم الثلاثاء اعتصام ومظاهرة ستكون ثورة الغضب الثالثة ثلاثاء الغضب ضد كل شئ ضد امتحانات الكادر ضد عودة نصاب الحصص ضد التقويم الشامل ضد اهانة أولياء الامور وموظفي الأدارات الدبلومات ضد الشروط الكارثية في التعين وفي الأخر أقل من جاهل في المرتب ضد مكأفأة الامتحانات الهزيلة 1600 للمعلم الجديد ضد سخرية الاعلام منا لو مضايق من حاجة انزل معانا يوم 7 يونيو هتفضل ساكت على اهانتك في اقسام الشرطة بحجة ضربك عيل هنفضل نسمع الطالب يرد عليك لو وبخته على أمر بأنه هيستناك بره أو يعملك محضر يا معلم أما أن تكون معلم أو تظل جبان ثلاثاء الغضب ضد الأهانة |
يا ريت نعقل شويه وما نعتمدش على الاشاعات
فعلا فى ناس لا بد أن تحكم بالحديد ويا ريتكم بتشتغلوا عشان تدوروا على المرتبات حسبى الله ونعم الوكيل |
دعونا ننظر اصدقوا ام كانوا من الكاذبين
يا اخي الفاضل لو سمحت ايه دليلك ان وزارة التربيه والتعليم مش ها يرفعوا الرواتب بالتعاون مع وزارة الماليه بحيث يكون الحد الادني 700 جنيه
طب ما تيجي نصبر علي شهر سبعه ونشوف فعلا ها يرفعونا ولا هما فعلا بيتسلوا علينا ولو ظهر الخيار التاني وهو المكروه لنا نستنج اننا فعلا في غاااابه وماسكها أسد والأسد من الحيوانات يعني مثله كمثل الكلب ان تحمل عليه يلهث او تتركه يلهث ...... خلينا ننتظر يا اخي ولا نثير فتنه بتهيج المعلمين والمعلمات حتي يتبين لنا الحق وننظر أصدقوا أم كانوا من الكاذبين ؟ |
يبدو أن وزارة المالية وزارة عشوائيات ولا يحق لها أن تدير مصر بعد الثورة
اللهم عليك بالجهال بداية من وزير التعليم الذي لم يطلب بحد الكفاف للمعلمين |
وزير التعليم ضد المعلمين ولا يريد لنا الخير
ورد هذا التعليق بأحد الجرائد :
تماستبعاد المعلمين لعدم ورود أي مطالب من وزير التعليم لزيادة رواتب المعلمينحيث أكد وزيرالتعليم لوزير المالية وللدكتور شرف أن المعلمين الحد الأدنيلرواتبهم تتعدي ال 700 جنية بعد الكادر ولا حاجة الآن لرفع رواتبهم ويقولالمسؤال... فقد منحنا الوازارت مهلة شهر لتقديم مطالبهم وتصورهم لهيكلةاجور موظفي هذه الوزارات وقدمت لنا وزارات الصحة والتعليم العالي والشرطةوالزراعة والمحليات ولم تقدم لنا وزارة التعليم اي مذكرات في هذ الشأن لذلكتم اعداد الميزانية واستبعادهم .. لعدم الحاجة لرفع رواتبهم |
ثورة المعلمين الثلاثاء 7/6
*********** اخر مره سندعو الى اعتصام يوم الثلاثاء امام رئاسة الوزراء معدش ينفع الوزير مالوش لزمه لا بيحل ولا بيربط محدش يقولى البلد مصر هى امى بس الحكومة مش ابويا خلاص معدش لنا امل اما نرجع بكل شئ او لا شئ اما ان نكون فئة مهمشه طول العمر او نكون معلم يهابه الناس ويحترمونه كله اليوم ده فاضى معلمى الفنى اجازة من المراقبة والثانوى لم يراقبوا بعد والاعدادى والابتدائى خلصوا حنبقى رجاله ولا اخر امل ان نبقى محترمين فهل سنكون اخر الرجال المحترمين ام نضيع انفسنا واولادنا ومستقبلنا هل سنترك العظمة التى رموها لنا وهى الانتخابات ونتوحد ام نكون كما قال ابو سريع انبحوا اذا اردت ان تجبر الحكومة على اعطائك حقوقك فلتكن معنا يوم الثلاثاء او صلى صلاة الجنازة على كرامتك وكرامتنا دعوى يطلقها ثورة المعلمين يوم الثلاثاء القادم ثورة المعلمين 7 يونيهثورة المعلمين المكان: رئاسة الوزراء شارع مجلس الشعب القصر العيني، القاهرة الوقت: 07 يونيو، 2011 09:00 صباحاً |
ايها المعلمون ارفعوا مطالبكم بالتظاهر والاعتصام علشان يسمعنا عصام معقول 16سنة تعليم وبكالوريوس icdl وامتحان كادر وخبرة 13 سنه كل ده يساوى عامل خدمات لا يحمل اى شهادات اين العدالة الاجتماعية حان وقت الاعتصام ارفعوا المطالب مش عايزين كادر عايزين الحد الادنى مع مراعاة الاقدمية والدرجة المالية والمؤهل احنا تساويينا بمحو الامية اودرجة اقل معقول الكلام ده حد يفهم الوزير ولا النقابة ولا سمير رضوان .فاض الكيل........كفااااااااااااااااااااايه حرام
|
حسبى الله ونعم الوكيل
|
http://www.facebook.com/pages/%D9%85%D8%B9%D9%84%D9%85%D9%88%D9%86-%D9%85%D8%B9%D8%AA%D8%B5%D9%85%D9%88%D9%86/126692534069691?ref=ts
نهاية مربوط الدرجة الرابعة 1018 وانا عالدرجة الثانية وقربت اخد الاولى ودخلى الشهرى لم يتجاوز 850 جنيه ليه الظلم ده ادخل على الرابط اللى فوق معلمون معتصمون فيس بوك وانشروووووووووووووووووووووووووا الصفحة بسرعة يوم الثلاثاء قرب |
بلاد بلى مبادىء
|
معلمين ايه جاتهم نيله فى خيبتههم مليون معلم وملهمش لازمه
|
انا معلم على الدرجه الثانيه واتساوى مع عامل الخدمات ليسانس و16 سنه دراسه لي كان كل دا احسن نستقيل ونشتغل بوابين
|
يا جماعه احنا كادر خاص و من حقنا رفع الحد الادنى الى 1200 زى وزارة الصحه
ولازم نتمسك بالكادر الخاص _______________________________ طبعا هتقولواالحمد لله على كده لكن لوركزناهنعرفانها مسرحيه كبيره ليه؟؟ التصريحات معناهاان اللى مرتبه اقل من 700 مهما كانت الدرجه سوف يتم رفعه الى الحد الادنى وانتهى الموضوع على كده يعنى بلاش تفكروا انناهناخد مرتب الدرجه الثالثه ونبقى اكثر من 900 جنيه . يعنى فى الاول قال ان التعليم والصحه كادر خاص وبعدين الصحه رفعت الحد الادنى وكان من المفترض التعليم تطالب بكده لكن محصلش حاجه و الماليه كانت متوقعه اننا نطالب بمساواتنا بكادر الصحه بعد كده طلعوا قرار صادم اننا لن يطبق علينا الحد الادنى و هو قرار سليم لاننا كادر خاص طبعا زعلنا و قررنا ننظم اعتصام الوزاره عرفت وسألت عن اجور المدرسين صدر تصريح باننا سوف نستفيد من الحد الادنى وطبعا فرحنا و صدقنا وفاكرين نفسنا عبرنا خط بارليف و الوزاره بتلعب باعصابناعشان نرضى باى حاجه |
أِؤيد الوقوف أمام مجلس الوزراء يوم الثلاثاء 7/ 6 / 2011 والله معنا
|
وكفاية ما أخذناش حوافز المحليات اللي وصلت 100 % وإحنا بنأخذها 25 %من الأساسي الجديد يعني أحسن من الكادروبرده بحجة الكادر أيضاً
|
أكد الدكتور طارق الحصرى، مستشار وزير التربية والتعليم للتطوير الإداري، أن الدكتور سمير رضوان وزير المالية نفى فى اتصال هاتفى مع وزير التربية والتعليم اليوم ما اثير حول عدم ادراج المعلمين ضمن مشروع الحد الادنى للاجور ،مؤكدا له أن المعلمين والاطباء والمهندسين بما فيهم فئات الكوادر الخاصة فى كافة قطاعات الدولة سيدرجوا ضمن مشروع الحد الادنى للاجور، مشيرا الى ان المعلمين سيكونون أحد الفئات التى ينطبق عليها الحد الأدنى لأن رواتبهم عند بداية التعيين بالدولة لا تتجاوز 700 جنيه شهريا إلى جانب أن درجاتهم الوظيفية المقررة فى قانون الكادر مستوحاة من الدرجات المنصوص عليها بقانون العاملين بالدولة 47 لسنة 1978.
و اشار الحصرى الى ان وزير المالية خلال اتصاله الهاتفى بوزير التعليم ابدى استيائه الشديد لما تردد من انباء على لسان مساعده المستشار عبد الفتاح الجبالى حول حرمان المعلمين من مشروع الحد الادنى للاجور، مؤكدا على اصدار بيان صحفى خلال ساعات من وزارة المالية لنفى هذا الكلام الخاطىء، واصفا حرمان اى فئة من زيادة الحد الادنى للاجور يعد عقابا وظلما شديدا سواء للمعلمين او اى فئة اخرى. من جهة اخرى اكد ايمن البيلى " نائب رئيس النقابة المستقلة للمعلمين " ان نفى وزير المالية عن تصريح المستشار عبد الفتاح الجبالى " مستشار وزير المالية " هو " عذر اقبح من ذنب" ، لان هذا يعنى عدم وجود تنسيق داخل وزارة المالية مما يهدد الامن والسلم الاجتماعى نتيجة اثارة جموع المعلمين بهذة التصريحات. ويتساءل البيلى : ما هو الضمان اذن لوجود المعلمين ضمن الزيادة المقررة .. ولماذا اذا كانت الوزارة تنفى هذا التصريح ، ولماذا يصدر وزير التعليم بيانا ضمن الزيادة المقررة اول يوليو القادم ، مشيرا الى ان النقابة المستقلة ما زالت على موقفها للاضراب عن اعمال امتحانات الثانوية العامة حتى اصدار مرسوم من رئيس الوزراء ووزير المالية بادراج المعلمين ضمن مشروع الحد الادنى للاجور. من جانبه دعا عبد الحفيظ طايل " مدير المركز المصر ى للحق فى التعليم " المعلمين بالتنسيق مع النقابة المستقلة الى تنظيم مظاهرة حاشدة بمشاركة جميع المعلمين امام مقر رئاسة الوزراء الثلاثاء القادم وذلك احتجاجا على اثارة المعلمين بسبب اعلان الدكتور سمير رضوان، وزير المالية، ومساعده عبد الفتاح الجبالى، عن استبعاد المعلمين من مشروع وضع حد أدنى لأجور العاملين بالدولة لكونهم من أصحاب الكوادر الخاصة. واشار طايل خلال تصريحه الخاص لـ " الدستور الاصلى " انه يبحث حاليا داخل النقابة اليات التصعيد الاحتجاجى ضد الحكومة فى حال عدم الاستجابة لمطالب المعلمين المتمثلة فى ادراجهم ضمن مشروع زيادة الحد الادنى للاجور ، والتى تتمثل فى مقاطعة اعمال الثانوية العامة وتنظيم اعتصام مفتوح للمعلمين امام مجلس الوزراء حتى تنفيذ المطالب ،موضحا ان مطالب المعلمين تتمثل فى وضع حد ادنى للاجور يصل الى 3000 جنيه للمعلم عند بدء التعيين ، وتوحيد نظام التعاقد مع المعلم، مطالبا الحكومة باصدار قرار عاجل للمعلمين يتضمن اقرار حد ادنى للاجور يتناسب مع طبيعة عمل المعلم واهمية التعليم فى المجتمع ويتناسب مع كون المعلم حاصل على مؤهل عالى ومؤهل تربوى ودورات كمبيوتر ، كما طالب الحكومة باصدار قانون فورى لتجريم الدروس الخصوصية واعتبارها عملا مجرما . واقترح مدير المركز المصرى امكانية لتدبير الحد الادنى للاجور بالنسبة للمعلمين دون تحميل الموازنة العامة للدولة اى اعباء مالية ،لافتا الى انه يمكن تدبير الاموال عن طريق تقليص الفجوة بين اقل اجر واعلى اجر شامل بحيث لا تتجاوز الخمس اضعاف ، مشيرا الى ان فجوة الاجور الان تصل الى 14 الف ضعف ، فيما يتعلق بالاجر الشامل ، وبناء عليه لا معنى لاخراج المعلمين من قانون الحد الادنى للاجور ، خاصة وان اجر المعلم عند بدء تعيينه الان هو 105 جنيه شهريا للمعلم ذوالمكافأة الشاملة و340 جنيه شهريا للمعلم المساعد، مؤكدا على ان هذة المرتبات لا تتناسب تماما مع تضخم الاسعار الحالية. |
قصيدة ( الكادر المشئوم ) للشاعر رامى المنشاوى
الكادر المشئوم من أعدائى فهو الذى أختصّه بعنائى حرم المعلم من جميع حقوقه بالظلم و الإهمال و الإقصاء قد كنت أحلم بالترقى والعلا بالحق قانونا و بالإجراء لكن كادرنا أبى أن نعتلى وهو الذى قد وعدنا بعلاء أوليس فى قانونه بند بأن يترقى كل معلم بنّاء.......؟ واليوم يبعدنا بشدة ظلمه من حد أدنى قد أتى بشقاء الظلم فاض الكيل منه مرارة والعدل أين العدل يا زملائى إنّ اتحاد صفوفنا و جهادنا فى وحدة الأفعال و الآراء لهو الطريق إذا أردنا قوة كى ينظروا بالحق للعلماء |
الى متى سوف تظل الحكومة والمسئولين الاستخفاف بعقول المعلمين السنا لنا الحق فى التعبير عن ارانا الى هذا الحد تريدوننى الفساد والابحار فى نهر الظلم ونقوم كما فعل الاخرون للمطالبة بحقنا ارجو ان تحافظوا على كرامتنا بدون سوال
|
هناك حااااااالة من اللغط الشديد داخل وزارة المالية بعد ازمة المعلمين ووزارة التعليم تحمل المالية مسئولية احتجاجات المعلمين وتهديدهم بمقاطعة الثانوية بالتصريح الذي قالة الجبالي في وقت أسمتة وزارة التربية والتعليم بالوقت الحساس القاتل ... والمالية تحمل التعليم المسئولية لانهم تجاهلوا طلب المالية بوضع هيكلة لأجور المعلمين مماترتب علية أسقاطهم من هيكلة الأجور .. المستشار الجبالي رفض ان يكون كبش فداء ويتم اظهاره في مظهر الكذاب ويصر علي ان المعلمين خارج هيكلة الأجور كما هو موضح في الميزانية رسميا وانه ليس هناك موارد لأضافة المعلمين للهيكلة ورافضا ان يتحمل اخطاء وزيرالتربية والتعليم ومشاكله مع المعلمين وقال اننا نتعامل مع ارقام وموازنة وليس لنا دخل بمشاكل وزارة التعليم مع المعلمين وان الميزانية الموجودة حاليا امام المجلس العسكري لمناقشتها لاتتضمن المعلمين واتحدي من يقول غير ذلك ....... فين الصحافة تروح المالية وتقولنا اية اللي بيحصل؟!! ....... المعلم فييييييييييين أنضحك علينا المطلب الاول :ضم المعلمين للحد الادنى للاجور مش بالكلام وبس وبعد الثانوية العامة ما تخلص يبقى اخدنا بومبه زى بومبه التعين من غير درجة المطلب الثانى :تنفيذ القرار 75 بتثبيت من مر عليهم 3 سنوات سواء العاملين بالحصة او الاجر او العقد العادى او المكافاة الشاملة ولا الوزير كل شوية يصدر قرار ويرجع فيه على الرغم من ان القرار 75 اخد موافقة وزارة المالية وموافقة التنظيم والادارة والبيه الوزير مش راضى ينفذ ليه ما اعرفش فاذا لم تتحقق مطالبنا مثل باقى الوزارات فلابد ان نبحث عن وزير يعرف يجيب حقوق موظفين وزارته |
والله انا متأكد ان المعلمين المصريين محترمين بس المشكله انهم مزودينها حبتين فى الاحترام لحد التطنيش الكامل عن حقوقهم ووالله هذا الامر بينرفزنى على الاخر ، حاجة غريبة قوى الى بيعمله المعلمين او لتقل اللى ما بيعملوهوش ليه بس ساكتين عن الحقوق مع اننا اكبر عدد موظفين فى الدولة ،* ووالله انا لا احرض ولكن كل هذا لله اولا ثم للمعلمين انفسهم ثم لمصر حبيبتنا كلنا إلى متى يكون المعلم درجة سابعة فى مصر الى متى يكون الوزير المختص بالتعليم اى حد وخلاص طبيب اطفال او اى حاجة يالله وخلاص وكان المعلمين لحبهم لمهنتهم يرضون بذل عدم التخطيط وكأن كل شغلانة البيه الوزير المرور على المدارس والتأكد من سير العملية التعليمية وتسلم الكتب وبس احنا عيزين وزير له رؤيه لصلاح حال المعلم والعملية التعليميه ككل مش بس مجرد وزير ادارى وهادى ومؤدب وعايز يستمر فى منصبة ولو حتى بتضييع المعلمين فى الحد الادنى للاجور حسبى الله ونعم الوكيل
|
يا جماعة ملهاش حل احنا نروح امام الوزارة ونتكلم
|
الصفحة الرسمية لرئاسة مجلس الوزراء المصري
https://www.facebook.com/Egyptian.Cabinet.Of.Ministers الموقع الرسمي لمجلس الوزراء المصري http://www.cabinet.gov.eg/default.aspx الموقع الرسمي لوزارة المالية http://www.mof.gov.eg/Arabic/Pages/Home.aspx مدونة وزارة المالية http://midanelmaliya.wordpress.com/ وزارة المالية علي اليوتيوب http://www.youtube.com/user/mofadmin?gl=US مركز المعلومات ودعم اتخاذ القرار http://www.idsc.gov.eg/ بوابة الحكومة المصرية http://www.egypt.gov.eg/arabic/default.aspx الموقع الرسمي لوزارة التربية والتعليم http://knowledge.moe.gov.eg/arabic/ علي الفيس بوك http://facebook.com/Egypt.moe الأكاديمية المهنية للمعلمين http://academy.moe.gov.eg/ الجهاز المركزي للتنظيم والإدارة http://www.caoa.gov.eg/Administration%20Departments وزارة الدولة للتنمية الإدارية http://www.ad.gov.eg/ بلاش كسل مستقبلنا كلنا في خطر ابعت رسائل لكل الناس |
|
أفيقوا يامعلمى مصر من اجل الحصول على حقوقكم كما فعلت باقى الوزارات وفرصتنا الان قبل امتحانات الثانوية العامة فاذا لم ناخد حقوقنا الان يبقى عمرنا ما ها ناخدها
|
انا قلت قبل سابق انهم بيستهزئوا بالمعلم
ومازلت ااكد انهم مازالوا يستخفوا بالمعلم ونتطلع من الموالد بلا درجات وظيفية ولا هينطبق علينا قانون الاجور الجديد |
نص المادة 89 من القرار 155 لسنة 2007 والمسمى كادر المعلمين :
مادة(89) يمنح شاغلو وظائف التعليم المشار إليها في المادة (70) من هذا القانون الموجودون بالخدمة في تاريخ العمل بهذا الباب أو الذين سيعينون مستقبلاً بدل معلم وقدره 50٪ من أساسي الأجر ، وتسرى عليهم العلاوة السنوية المقررة،وكل زيادة في الأجور تمنح للعاملين بالجهاز الإداري بالدولة ، وتتم ترقيتهم للدرجة المالية الأعلى وفقاً للأحكام المنصوص عليها بقانون نظام العاملين المدنيين بالدولة ،وتطبق عليهم الأحكام الأخرى الواردة بهذا الباب . ويصدر قرار من وزير التربية والتعليم بتحديد الوظائف المقابلة لوظائف المعلمين الواردة بالجدول المرفق. ويمنح شاغلو وظائف المعلمين المشار إليها في المادة (70) من هذا القانون وبقرار وزير التربية والتعليم طبقاً للفقرة السابقة بدل اعتماد بنسبة تتراوح ما بين 50٪ إلى 150٪ من الأجر الأساسي ، على النحو المبين بالجدول المرافق وذلك عند نقلهم من الوظائف المشار إليها في الفقرة الأولى من هذه المادة لشغل وظائف المعلمين بعد استيفائهم متطلبات الشغل والاعتماد المقررة لها ، مع احتفاظهم بصفة شخصية بالأجور التي يتقاضونها ولو تجاوزت نهاية الأجر المقررة للوظائف المنقولين إليها ، وبحيث يبدأ في التطبيق في موعد لا يتجاوز 1/7/2008 ويكون ترتيب الأقدمية بين المنقولين إلى وظيفة واحدة بحسب أوضاعهم السابقة فى حالة استيفائهم الشروط والمتطلبات في ذات التاريخ . |
على فكره حرام عليكم وكل الكلام اللى انتوا بتقولوه ده تخلف
انتوا كنتوا بتخدوا 400/500 جنيه وبتبوسوا ايديكم وش وظهر ولما بقي فيه 700 جنيه قولتوا هانشحت ايه الطمع ده انتوا مش بيهمكوا اي حاجه غير نفسكم وبس يا ساده في عجز في ميزانية الدوله 180 مليار جنيه والحكومه عماله تقترض وتشحت علشان الامور تمشي وانتوا ولا في دماغكم فعلا شعب طماع ميملاش عينه غير التراب |
يا عم والله احنا ممكن مانشحتش ولا نقترض
ممكن ببساطة يقللوا رواتب موظفين البترول والقضاء وغيره ويخلوهم 700 جنيه زينا وقتها هتلاقى الميزانية بقت تمام ولا يعنى المدرسين هما اللى مغضوب عليهم |
المعلمين دول معندهمش نقابة زي الناس ولا ايه انا عمري مسمعت ان نقيب المعلمين عمل بلقمته وطالب باي حق من حقوق المعلمين انا عاوز اعرف هو شغلته ايه او ما فائدة النقابة اخد فلوس وبس .........المفروض يقال نقيب المعلمين فورا و لا رجعة للوراء ثانية
|
والله حرام منكم للههههههههههههههههههههههههههههههههههههههه
|
الحكومات السابقة كانت تحافظ على فسادها *هل يجدر بالوزير عدم معرفة مرتبات من يعولهم ؟بوضع وزراء يكرهون موظفيهم فهل هذه السياسة مازات موجودة ؟ * هل من حق الوزير اخفاء معلومات توثر على صناعة القرار ؟ * هل من حق الوزير اهدار حقوق من يعملون معه ؟ * هل من حق الوزير الكذب على رئيس مجلس الوزراء ؟ *هل من حق الوزير تظبيط ديوان الوزارة ومش مهم الباقى ؟ * هل من حق المعلمين السكوت عن وزير بهذه الصفات ؟ * هل من حق المعلمين اذا شموا رائحة النظام القديم ان يثوروا ؟ * هل يستحق ان يكون وزيرا من لا يعرف ان لديه عاملين ب105 جنية فى الشهر ويتحدث عن الكادر ؟ ومما سبق نستنتج ان وزيرنا المبجل لا يعرف شيئا عنا ولا يمثلنا او حتى نوضع فى سله مهملات اهتمامته ونتاكد ان هذا الوزير هو وزير التعليم بدولة اخرى تدعى جزر القمر ولا يمت الى التعليم المصرى بشىء |
الدعوه بكل وضوح يوم الثلاثاء 7 يونيه وليس الخميس او الاثنين الاعتصام الساعة التاسعة صباحا امام رئاسة الوزراء شارع مجلس الشعب القصر العيني، القاهرة الاعتصام مفتوح لجذب الرأى العام وعصام شرف لنا وليرى على الطبيعة ما يحاول وزير التعليم اخفا ءه عنه ولتمهيد واطلاق تحذير من الجمعه المليونية لثورة المعلمين بالتحرير ولا ينفع التأجيل ولا ينفع عدم مشاركتكم لسبب واحد فقط سيتم اقرار الموازنه فى 12 هذا الشهر واذا اقرت ولم نكن فيها لو عملنا المستحيل بعد كده مش حينفع نكون موجودين ونتقابل العام القادم فى شهر 7 \\\\\\\ 2012 عرفتوا ليه مينفعش التأجيل ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ ندااااااااااااااااااااااااااااااااااء كن إيجابى مرة ومش هتندم الحشد مطلوب حتى لا نكون قلة مهمشة ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ اتصل بكل من تعرف وإذهب إلى المدرسة وعلق ورقة بالميعاد وبلغ زملائك ولا تبخل على نفسك وشارك بالحضور وإن كنت بعيدا ... ان الله لا يغير ما بقوم حتى يغيروا ما بأنفسهم . |
فين دور النقابة
|
مفيش فايدة
|
هههههههههههههههههههههههههههههههههههههههههههههههههه ههههه الغريب ان الشرطه زادت في الفتره السابقه بنسبة 200 % ولماذا لم تستسنى واستسني الاطباء والمدرسين بجد لا رضوان ولا موسى الوزير الذي يصدر قرار غير مدرك لجميع ابعاده لا يصلح بعد الثوره |
ده كلام سيادة الوزير سيتم استبعاد أصحاب الكادرات الخاصة من أطباء ومعلمين من الاستفادة من الحد الأدني للأجور أو تحريك الدرجات المالية، نظراً لأنه تم زيادتها وتحسين دخولهم بنسب وصلت إلي 100% يبدو ان الوزراء الحاليين بيشتغلو بنفس اسلوب النظام السابق الوزير معندوش فكره عن الحد الادني لاجور المعلمين (105 جنيه ) ميستحقش منصبه والله والله حـرام |
ياجماعة انتوا مستعجلين علي ايه
دلوقتى العامل هيقبض 700 جنيه وحنا 760 بس بعد كده هتفرق في الحوافز والبدلات والعلاولات السنوية ولا انتم كان هيعجبكم 700 ج لو كان العامل بيقبض 500 ج |
علي فكرة انا عضوة جديدة بالمنتدي دخلت علشان اتشارك معاكم واستفيد منكم
لكن للأسف انا اصبت بأحباط والله حتى انعكس علي حالتى النفسية طول اليوم |
اين ادارى التربية والتعليم من الحد الادنى للاجور
|
مبروك علينا الاعدام يا mensssssssssss
|
لا الله الا الله
|
حراااااااااااااااااااااااااااااااااااااااااااااااا ااااااااام
لقد هانت علينا انفسنا........فكنا علي الناس اهون |
أنا قرفت من الاحباطات دى كلها ربنا ع الظالم والمفترى ومنهم لله واشوف فيهم يوم زى ماشوفته فى أحمد عز
|
جاء ت نشرة من المالية عن كيفية عمل كشوف المرتبات طبعا مش عندنا فى التربية والتعليم
المهم دى نشرة خاصة بالاجور العامة للدوله والخصا لكم فى عدة نقاط 1- الغاء جميع الكوادر الخاصة واخضاع جميع العاملين فى الدولة لقانون الاجور الجديد 2- تقسيم الموظفين الى 5 فئات الفئة الاولى تبدأ من 700 جنيه ثم 1200 ثم 1700 ثم 2200 ثم 2500 الفئة الثانية تبدأ من 1000 جنيه ونزود 500 جنيه كل مرة وهشرحها الفئه الثالثة تبدا من 1270 جنيه ونزود 500 برضو الفئة الرابعة تبدا من 1500 ونفس الطريقة الفئة الخامسة تبدا من 1750 وهكذا نجى بقى ايه حكاية 500جنيه دى الزيادة اللىهتم للمرتب طبعا احنا عارفين ان دلوقتى فى زيادةسنوية 10 % اوحاجةزى كدة لا الزيادة هتبقى كل 5 سنوات بمقدار 500 جنيه يعنى الترقية للموظف كل 5 سنوات بزيادة 500 جنيه طيب هتتحسب ازاى تتحسب بتاريخ التعين مثلا موظف مؤهل عالى على الدرجة الثالثة شغال بقالوا 14 سنة هياخد كام هذا الموظف بداية تعينه كما جاء فى النشرة 1500 + 5 سنين + 5 سنين + 4 سنين = 1500 + 500 + 500 = 1600 ويبقى فاضله سنة ويكمل المدة الثالثة ويزيد 500 جنيه طيب الحوافز هتبقى نصف من مائه فى المئة للمصالح الايرادية 3 فى المائة للمصالح غير الايرادية طيب المؤهلا الزيادة ادبلومة 100 جنيه يعنى لو واحد واخد ماجسشتير 300 جنيه دكتوراة 500 جنيه ده طبعا فوق 500 جنيه الزيادة الاصليه وفى النهايه تم التحذير من ان يشغل الموظف عمل اخر غير وظيفته وسيتم فصله فورا وخصوصا المعلمين والاطباء هذا ملخص النشرة الماليه الاتية بخصوص الاجور للموظفين من السنة المالية الجديدة |
اقتباس:
يا ريت اللي فاهم حاجة يفهمنا انا بصراحة مش فاهم اي حاجة في الموضوع ده |
| جميع الأوقات بتوقيت GMT +2. الساعة الآن 05:16 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.