|
هو انا مالحقتش اقراه كله الصراحة لانه كان في ايده
يادوب كان بيوريني ان هم عايزين العشرين وبعدين اخده ولما سألته عم يعني ماقالوش عوزينهم ليه قاللي: (ما قالوش والله بس معروف انهم طالما كدا يبقى هيعينوهم) ومافادنيش برضو هيعينوهم فين بالظبط لان الموضوع دا بتحدده ادارة الجامعة |
حد تانى ياجماعة راح كليته النهاردة وشاف حاجة كل واحد برأيه حنكون معلومات ونقدر علي أساسها نفهم
|
ربتا يسهل يارب ويعملولنا حاجة لازم نتواصل مع بعض أكيد لو عرفت حاجة لازم اقولها حاحاول اروح الكلية واشوف الاخبار ولو انهم بتطلع الكلمة منهم بأعجوبة زى منكون بنتسول منهم
|
وانا برضو متابعة معاكم يا استاذة سارة
ولو قدرت اروح الجامعة بكرة ان شاء الله هابلغكم بكل جديد يا ريت ندعي لبعض عشان الدعوة تُستجاب ما تنسونيش في دعواتكم |
lمن 2006 الى 2010
انا روحت الكلية و اتاكد ان التعين لاوائل الخريجين بس من 2006 الى 2010 و المفروض الدفع الى قبل كدة تنسق مع بعض و تعمل وقفة لو حد نروح للوزير لان التعين واقف من 2003 و كدة هيتظلم 3 دفع هما 2003 و2004 و 2005
|
اللهم وفق الجميع لما تحبه وترضاه يارب كلنا يارب احنا كلنا تعبنا ياااااااااااااااااااااااااااااااارب
|
يارب كل الدفعات يااااااااااااااارب
|
اقتباس:
|
دلوقتى بقم بيعينوا الاواخر و بيسيبوا الاوائل
|
السلام عليكم ورحمة الله وبركاته أنا سألت اليوم في معظم الكليات في الجامعة وقالوا مفيش حاجة رسمية وصلت لهم فعلا فيه تعيين لكن ميعرفوش السنة ولا العدد والقرار هيوصل كل الجامعات في نفس الوقت وأنا بنزل الكلية كتير الفترة دى وعلى تواصل وأول ماأعرف حاجة هبلغ حضراتكم وإن شاء الله خير ادعوا ربنا بس والله ولي التوفيق |
ربتا يسهل يارب بس لو ال20 الاوائل في كل سنة بقي؟ ولامن2006 الي2010 كلهم علي بعض ويأخذوا الاعلي تقدير؟
|
ياجماعة واحدة قالتلي نفس الكلام اللي قلناه بتاع 2006 و2010 بس بتقولي الكلية مش عاوزة تفصح عن أسامى ولا تفاصيل يعنى قالتلهم نتأكد من الاسامي رفضوا
|
لما تروحوا الكلية اسألوا تانى يمكن يحنوا علينا بكلمة كمان والصورة تتضح امين يارب
|
ياجماعه الله يكرمكم حد يسال الكلام ده على كل الجامعات ولا لا لانى سالتى فى دمنهور وقالوا مافيش اى اخبار عن الموضوع ده ولو فى حاجه هتنزل فى الجرايد مش عارفه حاسه ليه ان الموضوع ده هيطبخ ويطنش تانى وهما لما يخدوا الاوائل هينعينونا ايه معيدين ولا ادارين ولا كل واحد فى تخصصه ياريت ياريت حد يتاكد ويسال علشان فى اعتقادى ان لو فى حاجه احنا اللى هنقدم مش هما اللى هيدورا علينا ولا يضيع حق ورائه مطالب
|
والله العظيم عندك حق بس فيه ناس اهم قالوا الكلام صحيح وواحدة قالتلي دلوقتى بس لابد نتأكد لاااااااااااااااااااازم
|
ممكن يا اساتذه ساره لوفيها رزاله تسالى الكلام ده على اى دفعات وهيكون التعين فى ايه بالضبط لان طبعا كان فى دفعات بياخدوا الاول وبس طيب وفين الباقى وفى كليتنا مش عارفه انا حاسه انها بتسعبط وبتقول ده كلام فياريت تتاكدى وتردى علينا اكيد وتكسبى فينا ثواب وربنا يوفقك ويوفقنا يارب
|
ربناا يوفقكم يارب
وييسر اموركم آآآآآآآآآآآآآآآآآميييين |
اقتباس:
|
اقتباس:
|
طيب تمام كل الكلام اللي حضراتكم بتقولوه جميل جدا الخطوة اللي بعد كدة نعمل ايه نتوجه لمين نتأكد ازاي؟
|
هو حضرتك يااساتذه ساره دفعه كام وخريجه ايه وجامعه ايه انا دفعه 2007 بس للاسف خدوا الاول بس وقسمنا مخدش علشان مااتجدتتش الائحه بس عموما قدام مافى تعين اهو احسن من عينهم فى تربيه وتعليم اى حاجه بس تعيين ياريت تسالى بسرعه وتخبرينا بكل جديد
|
انا تربية 2009
|
طبعا ان شاء الله
|
ربنا يوفقنا ويقف معانا يارب
|
طيب ياجماعة متعرفوش أخبار جامعة دمنهور لما انفصلت عن اسكندرية أخبارها ايه في الموضوع ده؟
|
يارب يكزن كلامكم صحيح
|
انا لسة راجعة من إدرة الجامعة دلوقتي
ونفس الكلام اللي قالوهولي في الكلية قالوه في الجامعة ان جالهم طلب بحصر العشرين الأوائل من 2006 حتى 2010 والورق دا جهز وهيروح القاهرة والإدارة العليا للجامعات هي اللي هتحدد هيتعينو ايه بالظبط لأن محدش متأكد (معيدين وللا إداريين) وكل الكلام اللي بيقولوه مجرد توقع مش مؤكد وبرضو انا متابعة يا جماعة وأي جديد هاقولهولكم إن شاء الله بالتوفيق للجميع |
اقتباس:
على فكرة أنا أساسي وكانو بيقولو مفيش تعيين لشعبة أساسي بس انا لما سألت قالولي الأسماء اللي تم حصرها (عام وأساسي مع بعض) لإن الطلب اللي جالهم ماحددش الشعبة المطلوبة وانا وتلاتة من صحابي ضمن العشرين (واحنا أساسي بس لائحة جديدة) |
اقتباس:
|
ياريت تردوا عليا بخصوص موضوع شعبتى اللي هى الطفولة حيكون الوضع ايه بالضبط؟
|
ياريت تفيدونى ياجماعة اناقلقت قوى.
|
لسه مفيش قرار رسمي وصل الجامعة أنا متابعة في جامعة طنطا وجامعة كفر الشيخ وأول ما أعرف أي جديد هقول لحضراتكم على طول والكلام دا لكل الجامعات وهيوصلهم في نفس الوقت ازاي بقي فيه جامعات حددوا 20 أو 10؟؟؟؟؟؟ ولما سألت لقيت مفيش حاجة لسه وصلت وميعرفوش إيه المطلوب وهما مانعين أي حد ياخد ورقة بترتيبه على الدفعة ويقولوا مفيش قانون بكدا وبالنسبة للجامعات اللى كانت فرع وأصبحت جامعة هيكون لها نفس المطلوب وكمان اكتر لانها جامعة جديدة وتحتاج معيدين ومعيدات والفرص حلوة فيها وأكيد اللى هيطلبوهم هيعينوهم معيدين ومعيدات وليس في الإدارة وبالنسبة للأساسي أكيد اللائحة القديمة دي هتتغير بقي لان زمايلكم في جميع الجامعات مش هيسكتوا لو ماحصلش تغيير لهم لان يبقي ظلم وحرام أما الطفوله معرفش حاجة عنها ولكن أصبح الاهتمام بها الفترة دي فأكيد هيكون لهم نفس المطلوب والااهتمام ونظرة من هذا القبيل وإن شاء الله خير صبرا صبرا صبرا إن الله مع الصابرين |
يارب يا استاذة رحيق أنا من ساعة مااتخرجت بأقول هما الاساسى والطفولة ملهمش نصيب ليه قالولي علشان الشعبة العامة تجب ما قبلها طيب مااحنا اتهرينا تربوى هو انا بأقول حأدرس للعام انا أدرس لشعبتى ولا كان من الاول ماكاتش فيه داعى للتفوق وسهر الليالي وطبعا كلنا عارفين كتب التربوى وما فيها.
|
فعلا يا إما بقي ماكانوا يجعلوها كلية واحدة ولا داعي للأساسي ولا للطفولة وربنا معاكم يــــــــــــــارب صدقيني أكيد خير الخير قادم قولوا ياااااااااااااارب لأن الأسوء لم يأت بعد |
نحن نريد تثبيت الموضوع ياريت لو المشرفين يوافقوا ولهم كل الشكر |
يا ريت تسالى لو سمحتى عن الى معاه دبلومتين فى التربية بتقدير جيد جدا يتعين ولا لا
|
يااااااااااااارب واصبر وما صبرك الا بالله وفعلا نريد تثبيت الموضوع لأهميته ولأن كل يوم بيحصل تطور جديد نرجو من المشرفين ذلك.
|
اقتباس:
مفيش حد يعرف حاجة دلوقت خالص بس أنا كنت سألت على حاجة زي دى في تربية السنة الماضية ينفع حد طلع الأول بتقدير ممتاز في الدبلومة يتعين الدكتور قالي ينفع ولكن التعيين واقف حتى لطلاب الكلية يبقي هيعينوا الدراسات العليا!!!!!!؟؟؟؟طبعا لاااااا بحجة مفيش ميزانية في الجامعة بس أكيد هيحدث تغيير بقي الفترة القادمة والله المستعان |
اقتباس:
|
انشاء الله سأذهب لجامعه الزقازيق واتحقق في الامر يارب ربنا يكرمنا انا الترتيب العاشر على دفعتي .ويارب اتعين بالجامعه
|
اقتباس:
|
الغريبة ياجماعة التعتيم الرهيييييييييب سواء في الازهر ا التربية والتعليم الناس دي مصرين يذلونا يعني تثبيت في المدارس بالعافية وتعيين في الجامعة بالعافية وياعالم هترسى على ايه ياترى الوضع ده هيستمر كتير ؟؟؟ولو اتصلح واتعدل احنا هنلحقو ولا هنكون في خبر كان واخواتهااااااااااااااااا
|
اقتباس:
بارك الله فيكم على طيب مرورك ومداخلتك العطرة أيوا كدا عايزين نسأل معظم الجامعات وفق الله الجميع |
اقتباس:
مش قوي كدا التفاؤل يا أم رهف إن الله مع الصابرين أكيد فيه تغيير بس مش كله مرة واحدة كدا كل الشعب بيضغط عليهم ومتنسوش ان مفيش دولة دي فترة انتقالية واحنا بنضغط نضغط مش كدا يا أحبابي الصبر أكيد فيه تغيير للأحسن ما بين غمضة عين وانتباهتها ...... يغير الله من حال إلى حــــــــــــــال |
أنا سألت ياجماعة في موضوعنا قالولي حصرنا ال20 الاوائل من2006الي2010 نفس كلامكم بس حاولت استخلص من الموظف حاجة تانية أو اشوف اسمى ابدا مرضاش.
|
ترجو المشرفين يثبتواا لموضوع ضرورى
|
الله الموفق
|
السلام عليكم انا مشتركة جديدة ,, :)
|
انا خريجة كلية دراسات اسلامية دفعة 2009 جيد جدا مع مرتبة الشرف وترتيبي الثالثة علي الدفعة ممكن يبقي لي تعيين ولا ؟!!
|
اقتباس:
وعليكم السلام ورحمة الله وبركاته أهلا بيك في أسرة المنتدي بين أخواتك الأعضاء المحترمين |
| جميع الأوقات بتوقيت GMT +2. الساعة الآن 06:03 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.