|
نشكرك حبيبنا الأسيوطي نورت الموقع
وماذا عن معاملة الطلاب في المرحلة الثانوية؟ |
اقتباس:
اقتباس:
تجربتي هناك كانت علي مر ست سنوات كما قلت كنت عازب ولم اتزوج الا في اخر عام 2006/2007 طوال مانت عازب ممكن تحوش وتعمل قرش من مرتبك فقط اما الدروس فهذه انت وشطارتك ورزقك اللي يبعته ربنا لو متجوز ومعاك عيال يبقي هتتعب هناك لان العيشه غاليه والسكن اغلي وده السبب الرئيسي اللي خلاني استقلت اني تزوجت وربنا رزقني بطفله ولقيت الحكايه مش جايبه همها قلت يبقي مصر اولي بيا في وسط اهلي احسن طبعا اللي كان بيدي دروس حريقه مش هيتعب لان الدروس هتعوضه انا بطبعي لا احب الدروس الخصوصيه كنت بديها بمزاج ومش متكالب عليها العيل اللي ميعجبنيش مرحلوش بالنسبه للمدرسه الاداره غاليا كويتيه صرفه من الناظر لاصغر موظف ومحترمين جدا طالما انت شايف شغلك كويس محدش له عدك حاجه طبعا الكلام ده في الحكومه مش المدارس الخاصه دي وضع تاني اما المدرسين فخليط من كل الاجناس اللي بتتكلم عربي مصري وسوري جزائري ومغربي وتونسي ومن اريتريا ومن السنغال كوكتيل يعني غاليا الطلاب في الحضر احسن من البدو كثيرا في المعامله الحضر مدلعين جدا البدو اجلاف جدا في كلا الحالتين الصعوبه الكبري هي في السيطره علي الفصل هناك طبعا لا في ضرب ولا شتيمه هناك اكتر شخص له سلطه في المدرسه بعد الناظر الاخصائي الاجتماعي هو حلال العقد اي طالب يضيقك توديه للاخصائي يتصرف معاه وهو بيعرف يتصرف كويس المدرس هناك قوته مش بالماده العلميه بل بالقدره علي السيطره علي الفصل واذا كان النظام هنا في مصر كما يقول البعض حضر وبدر ونام في الفصل النظام هناك حضر واحضر وقول حاضر لكن انا قعدت في الكويت ست سوات سبحان الله لم استطع ان اتأقلم معاها ولا احب هذه البلد كفايه جوها الخنقه هناك لاتستطيع اغلب السنه فتح الشباك اما من الحر الشديد او البرد الشديد حياتك كلها في اماكن مغلقه مكيفه وعلي رأي زميل كويتي مدرس مره قالي (لولا البيزات ما قعدنا فيها) البيزات يعني الفلوس وكان لا زميل مدرس عربي مصري له مقوله شهيره ( لولا الدينار لبلغ الناس الفرار) طبعا الكلام ده لا يحبطكم فعلي العكس هناك مدرسين يحبون البلد جدا ويرغبون العيش فيها حتي الممات وهناك مبدأ شهير عند البعض بيقول انا قاعد حتي اخر قطرة نفط في الكويت فانا اذكر مدرس مصري بعد طلوعه علي المعاش هناك كان يبكي ويقول وددت لو ادفن في تراب الكويت وانا كان ساكن معي مدرس كان سنه 70 سنه منهم 40 سنه في الكويت كنت هناك اتمني وانا هناك بس اتمشي في شوارع مصر واتنسم عبيرها( طبعا البعض هيقولك ايه الفقري ده حد يرجع للفقر برجليه) بس اقلكم بكره تسافر وتعرف يعني ايه غربه وصدقني اي نجاح تحققه وانت بعيد عن وطنك واهلك ملوش طعم واخر سنه لي هناك حجيت وصليت استخارة كثيرا في الحج واستقريت علي الاستقاله والعوده الي مصر والحمد لله مستوره وبارك الله فيما رزق واتمني لمن قدم اوراقه التوفيق وانا تحت الامر في اي استفسار |
السلام عليكم
اتشرف اولا بكم كل اعضاء المنتدى اود اعرف منكم هل تخصص الالكترونيات هو مدرس حاسب الى انا ا مدرسه حاسب لكن بكالريوس حاسبات ونظم معلومات اداريه هل ممكن يقبلونى من لديه خبره فارجوكم يفيدنى وجزاكم الله خيرا |
اقتباس:
|
الله ينور يا استاذ عمر
السلام عليكم الأخ العزيز الأستاذ/ عمر الأسيوطى كلامك صحيح بنسبة 100 % لأن الغربة عن بلدك وعن اهلك لا تقدر بمال ولكن اللى رماك على المر يعنى الواحد فى مصر كان شغال ليل نهار ( فى قرية صغيرة ) والوضع غير مريح واللى جاى على قد اللى رايح والحمد لله على كل حال انا كنت شغال كويس جداً ووضعى ممتاز فى قريتى ولكن الى متى سأظل أعمل ليل نهار فى دروس ومجموعات اكيد كل ده حيكون له رد فعل على صحتى ولذلك قررت ان أفكر وأخوض تجربة السفر والحمد لله نجحت فى اول اختبار لى فى موضوع السفر ( لم أفكر من قبل هذه اول مره أتقدم فيها لإعلان مطلوب مدرسين ونجحت الحمد لله ) أنا الآن مدرس رياضيات فى دولة الكويت للعام الثالث ان شاء الله الحمد لله الوضع هنا فى العمل مريح جداً طالما أنت تقوم بعملك بما يرضى الله ثم ضميرك الادارة هنا محترمه جداً طالما أنت تقوم بعملك المطلوب منك واذا كان هناك تقصير فيكون هناك استفسار عن التقصير والحمد لله لم ارى مره اى مدرس عوقب بأى عقاب لأن الكل هنا يعمل والحمد لله بما يرضى الله المهم أنا والحمد لله أتعامل مع زملائى هنا على أننى معار وليس متعاقد يعنى جاى الكويت لمده محدوده وان شاء الله راجع مصر بعد انتهاء (اعارتى) انا والحمد لله أعود الى مصر فى كل الأجازات ( الأعياد والأجازات الطويلة نصف السنه وآخر السنه ) يعنى تقريباً انا فى مصر كل شهرين تقريباً يعنى الحمد لله تقريباً مش غربه قوى والحمد لله اقوم بأداء العمرة كل عام حتى قبل السفر اديت العمرة مره لدرجة أن أصحابى وطلابى وأولادى فى قريتى لا يشعرون بسفرى لمده طويله وانا على اتصال دائم بهم يومياً والتجربة الحمد لله الى الآن مفيده جداً كل من يجد ان شروط الاعلان تتوافر فيه لا تتأخر أرسل صور مستنداتك على العنوان المذكور فى الاعلان جرب بنفسك التجربة فقد تكون التجربة غير ناجحه بالنسبة لبعض الناس فحاول بنفسك وان شاء الله يكون لك نصيب ولكل مجتهد نصيب وانا موجود فى اى وقت للاستفسار عن اى طلب عن التعليم فى الكويت رغم خبرتى القصيره لكن الحمد لله استطعت العمل ولى زملاء اقدم ان لم استطع الاجابة فسوف اسأل من له خبرة اكثر منى السلام عليكم حسام عبدالنعيم فليفل مدرس رياضيات بمدرسة صنصفط الاعدادية ادارة منوف التعليمية - محافظة المنوفية متعاقد حالياً بدولة الكويت مدرسة على السالم الصباح المتوسطة بنين منطقة الجهراء التعليمية - دولة الكويت |
alareeg***********
<P>
اقتباس:
اقتباس:
<P> </P> <P>ممكن لو تكرمت صيغة الطلب الذى سيرفق مع الاوراق / وايه الاوراق المطلوبة بالضبط</P> |
اكتب البيانات على ورقه عاديه جداً بترتيب البيانات كما هو مذكور فى الاعلان ويفضل أن تكون مكتوبه و مطبوعة على كمبيوتر |
شكرا استاذ حسام على نصايحك لنا وربنا يكتبلك التوفيق هناك وتقدر تحقق احلامك وادعيلنا احنا كمان نقدر نخوض التجربة بحلوها ومرها وربنا يوفقنا جميعا سؤال ممكن لحضرتك هل ممكن يقبلو تقدير مقبول مع العلم انى واخدة دبلومة تربوى ودبلومة مهنية وشهادة icdl وانا سمعت انهم محتاجين مدرسين كتير لان الوزارة فى الكويت ضمت 51 مدرسة جديدة فهل ده صحيح يعنى ممكن يحصل استثناء للتقدير ولا ده اساسى فى قبول اوراقى بالرغم انى لدى خبرة فى التدريس اكثر من 6 سنوات فى تربية وتعليم فى مصر
|
السلام عليكم بالنسبة للتقدير ( مقبول ) اعتقد والله أعلم أنهم يتمسكون بشرط التقدير ( لا يقل عن جيد ) والسن ( لا يزيد عن 40 سنه ) كشروط أساسية لقبول الأوراق والدخول فى تسجيل البيانات والتجهيز للاتصال بمن تنطبق عليهم الشروط لأن المتقدمين للعمل بوظائف التدريس بالكويت يكون عدد كبير جداً ، بالتالى هم يشددون على موضوع التقدير والسن كشروط ضرورية للقبول بالوظائف بالاضافة الى كشف طبى شامل فى مصر قبل السفر وفى الكويت بعد السفر ولكن الأخت ( بحراوية من دمنهور ) يمكنك ارسال كل صور الأوراق على العنوان البريدى المذكور لن يكون هناك اى خساره من ارسال صور الأوراق ربما يحتاجون الى عدد أكثر ويكون لك نصيب ان شاء الله وربنا يوفق الجميع ان شاء الله |
طيب يا جماعه انا مدرسة انجليزى خبرتى اربع سنين بس
ومعايا شهادة خبرة بالموضوع ده وعليها ختم المدرسة على الورق ده بالاضافة الى جداول تثبت عملى وتصدق على شهادة الخبرة وملاحظة ان الانجليزى لم يتحدد له اى شروط ولم ينزل له طلبات خاصة مثل باقى المواد ينفع انى اقدم ولا ايه الوضع؟ ياريت حد يرد على بسرعه لانى محتاجه اعرف |
السلام عليكم بالنسبة للمعلمات كل التخصصات يتم التغاضى فى كثير من الأحيان عن شرط الخبرة بس المهم التقدير لا يقل عن جيد والسن لا يزيد عن الاربعين وبنجح فى المقابلة الشخصية ويجتاز الكشف الطبى الأخت العزيزة ( pretty_memo55 ) توكلى على الله وارسلى صور مستنداتك على العنوان المذكور فى الاعلان ان شاء الله يكون لكى نصيب |
متشكرة لحضرتك جدا ولكلام حضرتك
بس عاوزة اعرف احنا هانخضع لامتحان فى المادة بتاعتنا ولا لا انا فى ناس بتقولى امتحان وحاجات كتير وناس بتقولى انه مقابلة شخصيه فقط |
بالتوفيق ان شاء الله
السلام عليكم الى الأخت ( pretty_memo55 ) هناك امتحان أثناء المقابلة الشخصية أسئلة خاصة بالتخصص ومطلوب الرد عليها أثناء المقابلة والنتيجة فورية فى نهاية المقابلة مباشرة اللجنة تقول فى نهاية المقابلة اذا كان لكى نصيب ان شاء الله أكملى اجراءاتك مع المسئول فى الخارج واعرفى ما هو المطلوب منك من مستندات وانتظرى اتصال تليفونى بعد فترة يحدد لكى موعد الكشف الطبى وهكذا بعد كل اجراء يتم الاتصال بكى لعمل الاجراء التالى فى عمل منظم جداً الى ان تصلى الى الكويت بسلامة الله ان شاء الله |
متشكرة لحضرتك جدا
جزاك الله كل خير |
اقتباس:
من ان اتيت بهذه المرفقات |
اقتباس:
|
السلام عليكم
ياجماعه بالله حد يفيدنا هل تخصص مدرس الالكترونيات غير مدرس الحاسب الالى لانى سالت واختلفت الاجابات اميلى noor_elghalyعلى الياهوو لوحد يقدر يفيدنى يرسلى رساله وجزاكم الله خيرا |
طبعاً هناك فرق بين تخصص الحاسب والالكترونيات
تخصص الحاسب الآلى يحتاج يعمل معلم حاسب آلى ويكون من خريجى التخصصات ( علوم حاسب آلى - هندسة حاسب آلى - تربية نوعية حاسب آلى ) اما تخصص الالكترونيات فيعمل معلم دراسات عمليه ( كهرباء ) ويكون من خريجى كلية الهندسة الالكترونية أتمنى أن أكون قد أوضحت الفرق بين الحاسب الآلى و الالكترونيات مع أطيب تمنياتى للجميع بالتوفيق |
السلام عليكم
مشكور يا أخي على الجهد بس أنا عاوزة أسأل هل أسئلة المقابلة الشخصية الخاصة بالتخصص بتكون من المناهج اللي بندرسها أم تكون من نوعية الأسئلة اللي بتيجي في اختبار الكادر؟؟؟؟؟؟؟؟؟؟ كمان المرتب المذكور 370 دينار يكفوا أسرة 3 أفراد هناك معيشة و سكن لحين حصول الزوج على عمل؟ |
السلام عليكم الأسئلة من المناهج التى تدرس فى مصر أسئله عادية جداً فى كل تخصص واكيد كلنا يستطيع الاجابة عنها ولكن لها تقييم آخر على مثلاً طريقة الاجابة وزمن الاجابة الأستاذة / أم بسملة 2 مشكلة ونحن مدرسين لنا خبرة كبيرة فى التربية والتعليم ان نخاف او نقلق من امتحان عادى جدا يجب ان تكونى على ثقة كامله بنفسك أثناء الاجابة على الأسئلة امتحان ومقابلة فى منتهى البساطه وان شاء الله يكون نصيب لكل المتقدمين المرتب كافى جداً والحمد لله للعيش معيشه محترمة لأسرتك بس لما الزوج يلاقى عمل أكيد الوضع حيكون أفضل بالتوفيق للجميع ان شاء الله |
السلام عليكم
الاخ الاستاذ حسام ابو زهره اريد ان اعرف كليه التجاره ينفع اقدم بيها مدرس حاسب ولا لاء ولو ينفع ايه اخبار المقابله . ارجوا توضيح وشرح كافى عن المقابله وعل هناك واسطه ولا لاء واخر التقديم امتى و شكرا |
ينفع تقدم
السلام عليكم الأخ الفاضل الأستاذ / عبداللهه توكل على الله وقدم اوراقك أعرف ناس بكالوريوس تجاره بس قدموا اوراقهم من الداخل ( الاعلان الداخلى داخل الكويت ) ابعت اوراقك على العنوان المذكور فى الاعلان يمكن يكون لك نصيب ان شاء الله وبعدين انت مش خسران حاجه دى صور اوراقك ولو معاك شهادة icdl تعزز بكالوريوس التجارة ان شاء الله |
lما هى الشروط المطلوبه لوظيفه لغه عربيه التعليم الدينى اناث وذكور
|
تقدم الطلبات على العنوان التالى
العنون دوله الكويت وزاره التربيه اداره الموارد البشريه مراقبه الاختبار ص.ب (7) الصفاة _ الرمز البريدى (13001) اخر موعد لتقديم الطلبات 31/1/2011 |
الاخ الاستاذ حسام ابو زهره
انا عارف ان التقديم من داخل الكويت عاوز اعرف من حضرتك اخر ميعاد للتقديم من داخل الكويت وعاوز اعرف انه فى واسطه فى التقديم ولا المقابله ولا لاء بصفتك مدرس هناك ومن خلال خبرتك اربع سنوات ارجوا الرد مع التوضيح وشكرا |
السلام عليكم بالنسبة للأستاذ / عبداللهه انا سألت النهارده فى قسم الحاسوب عن بكالوريوس التجارة ووظيفة مدرس حاسوب وجدت بالفعل أحد الزملاء حاصل على بكالوريوس تجارة ويعمل مدرس حاسوب سألته عن الشروط قال بكالوريوس التجارة يقدم عادى بس يكون حاصل على بعض الدورات التخصصية فى الحاسوب مثل ما قلت لك من قبل ( فرونت بيج ICDL - FRONTPAGE - - فيجوال بيسيك visual basic -- أكسس Access ) وان شاء الله يكون لك نصيب أما بالنسبة للتقديم من داخل الكويت فقد انتهى موعد التقديم الداخلى ويشترط للتقديم الداخلى ان تكون موجود شخصياً داخل الكويت اما الآن فالتقديم مفتوح فى الاعلان الخارجى الذى سوف ينتهى موعد التقديم فيه يوم 31- يناير 2011 ولجنة الاختيار بتنزل مصر تقريباً منتصف فبراير يعنى لسه فيه فرصة شهر ونصف للحصول على الدورات التدريبية المؤهلة لوظيفة مدرس حاسوب بالنسبة للأستاذ الفاضل / هانى كامل3 الشروط المطلوبة لوظيفة لغة عربية التعليم الدينى اناث وذكور الشروط موجوده فى الاعلان المرفق أعلاه فى المشاركات السابقة لكم منى كل التحية مع اطيب تمنياتى للجميع بالتوفيق ان شاء الله |
احمدالفطاطرى
[
size="5"]السلام عليكم اخى الكريم ارجو منك استفسار انا مدرس تربية بدنية هل فعل طلبين تخصصى بدون خبرة لانى معى خبرة2سنة فى مدرسة خاصة ولما حبيت اخد شهادة خبرة مرضوش يدولى وانا دلوقتى شغال فى وزارة التربية بنظام العقد و استفسار تانى بعد اذنك المرتب كام بالظبط وهل فيه نظام مكافئات امتحانات برضة ولا لا وهل مصريف السفر كلها عليهم انشاء الله ان حصل نصيب والواحد سافر ولا لا ولك جزيل الشكر اخى الكريم . ارجو المعذرة[/size] |
السلام عليكم
الاخ الاستاذ حسام ابوزهره بالنسبه للتقديم من داخل الكويت .اكيد انتهى ميعاد التقديم ولا لسه باب التقديم مفتوح لسه يوم الخميس اللى فات نزل اعلان فى جريده الوطن الكويتيه فيه نفس الاعلان القديم مع بعض التعديلات وفى اخر الاعلان قايل ان التقديم سوف يبدا من تاريخ الاعلان يعنى من 23/12/2010 وبالنسبه لاعلان الخارجى اللى فى مصر مفيهوش حاسب الى يعنى الحاسب الالى من داخل الكويت فقط دا حد علمى ارجوا الافاده لو سمحت اخى الفاضل |
أنا معلم لغة عربية فى التربية والتعليم ولست من خريجى الازهر أتساءل هل أمتلك الفرصة للقبول؟
|
أنا معلم لغة عربية فى التربية والتعليم ولست من خريجى الازهر أتساءل هل أمتلك الفرصة للقبول؟
أرجو الرد السريع. |
السلام عليكم ورحمة الله وبركاته
ارجو النصيحة يا اخوة خصوصا من الاستاذ حسام وبقية الاخوة الذين خاضوا تجربة السفر او يعملون حاليا فى الكويت. انا مهندس اتصالات والكترونيات اعمل حاليا فى شركة كبيرة ومعروفة فى مصر كمهندس شبكات براتب 2600 جنيه مصرى.فى الحقيقة وظيفتى الحالية بالرغم انها مرهقة جدا وبالرغم انى مغترب وساظل كذلك حيث ان العمل فى هذا المجال غالبا غير متاح الا فى القاهرة والاسكندرية وانا من الاقاليم الا ان مستقبلها واعد جدا ولكن للانسان المجتهد الذى يرغب فى الدراسة والمذاكرة باستمرارفهى تحتاج مجهود شاق. فى البداية كنت رافضا التقدم للعمل كمدرس الكترونيات حيث سيغير ذلك من اتجاه عملى تماما واخشى عند العودة الى مصر ان اجد صعوبة فى وجود فرصة مرة اخرى حيث سيتم السؤال عن مجال خبرتى فى السنوات السابقة ولكن لفت نظرى المرتب المغرى ولذلك ارجو منكم النصيحة خصوصا اذا كان لديكم زملاء يعلمون كمدرسين الكترونيات ارجو استشارتهم : -هل هذه الفرصة مميزاتها تستحق المخاطرة والتجربة؟ -هل العمل بنظام التعاقد؟وما مدة العقد؟وهل يجدد العقد تلقائيا ام يمكن الستغناء عنى فى نهاية العقد؟ -هل انا معرض لان يتم الاستغناء عنى فى اى وقت ؟وما الاسباب التى قد تؤدى الى ذلك؟ -هل اذا اردت الاستقالة لاى سبب(وجدت فرصة اخرى مثلا او اردت العودة الى مصر) هل سيكون الامر سهلا ام انى ساواجه تعقيدات؟ -اذا كانت الاستقالة ممكنة؟ما المدة الازمة لترك العمل؟فى خلال شهرمثلا شهرين ........لايمكن ترك العمل الا مع نهاية العام الدراسى ام مع نهاية العقد ........ارجو الايضاح -ما هى ظروف المعيشة فى الكويت؟هل سيمكن توفير المرتب ام انه سيضيع فى المصاريف؟ -ما هى مواعيد العمل والاجازات؟ -ما هى السلبيات التى تراها انت او اشتكى منها احد زملائك حتى وان كنت لا تراها سلبية من وجهة نظرك؟ ارجو ان تكون الاجابة وافية ودقيقة حيث انى سوف اتخذ قرارى بناءا على اجابة حضراتكم. اسف جدا للاطالة عليكم افيدونا افادكم الله |
بصراحة ياباشمهندس لو منك لا تروح الكويت ولا غيره واجتهد فى وظيفتك اللى فى مصر افضل الف مرة من السفر وغيره لانهم فى دول الخليج بيعملو المصريين وغيرهم كالعبيد أو الخادم
|
اقتباس:
الأخت / نوران 2020 مصدر معلوماتك ايه فى معاملة المصريين فى دول الخليج معاملة العبيد والخدم احب أعرفك ان الكلام دا غير صحيح وانتى بشخصيتك تفرضى على من حولك طريقة التعامل معك الحمد لله أنا و المصريين فى مدرستى ولا اى جنسية اخرى نتعامل معامله غير لائقه بل هى علاقة احترام متبادل بيننا وبين كل الاخوة معنا فى المدرسة وأعتقد فى كل المدارس نفس الطريقة رجاءاً تاكدى من الكلام قبل ان تقوليه مع خالص تحياتى لك |
عايزه اعرف الاعلان بالكامل والشروط والتخصصات المطلوبه
|
ما هو اخر موعد للتقدم للمسابقه
|
آخر موعد للتقدم للمسابقة
السلام عليكم آخر موعد للتقدم لمسابقة طلب معلمين لوزارة التربية بدولة الكويت هو :av4056bb7jp3:31 يناير 2011:av4056bb7jp3: مع خالص تمنياتى للجميع بالتوفيق :040vk0::040vk0::040vk0: |
شكرا.........
|
ان شاء الله ربنا يوفقكم كلكم انا لى زميلة فى الكويت هناك من 4 سنين هى مبسوطة وبتشكر فى الحياة هناك وان المعاملة تتسم باحتراااام كبير عن ما كانت هنا اكيد الكويتى مميز لكن من رأيى ان دى حاجة ما تزعلش تمنياتى لكم جميعا بالتوفيق وخاصة الاستاذ حسام صاحب المجهود الرائع والمتميز ----تحياتى
اختكم ام علاء مدرسة لغة عربية بالازهر الشريف |
اقتباس:
السلام عليكم ارجو من الاخوة من يستطيع الاجابة عن تساؤلاتى ان يردبسرعة حتى استطيع ان اخذ قرارفلاشك اجابتكم ستوضح الكثير من الاشياء جميع الاخوة ......الاستاذ حسام فى انتظار ردكم سريعا افيدونا افادكم الله |
السلام عليكم
السلام عليكم ازيك يا استاذ محمد عندك رساله على الخاص اقرأها |
شكر
مشكوووووووووووووووووووووور
|
شكر
الله يعطيك العافية
|
اقتباس:
أ/حسام شكراَلك على الاهتمام وأرجو منك ان تعطينى اى معلومات عن التربية الرياضية عندك من المدرسة التى تعمل بها وما هى طبيعة الاختبارت والمقبلات فى مصر او الكويت .وشكرأ لك مره أخرى :078111rg3: |
على فكرة يا جماعة ارسال الاوراق بالبريد السريع للعنوان اللى مكتوب فى الاعلان بقى ب 95 جنيه بدل 62 جنيه وده ابتداء من شهر واحد تفتكرو تكاليف ارسال الاوراق زادت المبلغ ده كله ليه ؟؟؟؟
|
شكرا جزيلا استاذ حسام
جارى تحضير الاوراق وارسالها على العنوان بعون الله واتمنى ان نتقابل قريبا ان شاء الله انا ايضا من المنوفية سوف اكون حريص على التواصل معك ان شاء الله جزاك الله خيرا |
الشكر موصول لكم جميعاً
السلام عليكم كل عام وأنتم بخير الشكر موصول لكم جميعاً إخوتى وأخواتى ويارب يكون لكم جميعاً فرصة ان شاء الله وأتمنى أن أكون سبب فى أن يكون لكم نصيب ان شاء الله أما بالنسبة للتربية البدنية والأستاذ / احمد الفطاطرى جميع الزملاء عندى فى المدرسة فى قسم التربية البدنية من الكويتين يعنى لم يدخلوا اختبارات قدرات للالتحاق بوزارة التربية كمدرسين تربية بدنيه لكن ان شاء الله أحاول أسال لك على المطلوب ان شاء الله مع تمنياتى للجميع بالتوفيق ان شاء الله |
اقتباس:
شكراًجزيلاً لك أ/حسام على الاهتمام |
شكرا لكل مشاركة واسف طوال الفترة الماضية لم ادخل الموقع وفي انتظار اسئلتكم
|
اقتباس:
حمد لله على السلامة اخو ك أحمد |
انا قدمت فى هذا الاعلان بجواز سفر صالح لمدة سنة واحدة هل سيعرقل الموضوع؟أرجو الإجابة
|
| جميع الأوقات بتوقيت GMT +2. الساعة الآن 05:21 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.