هوا المحذوف ده سر حربي

اخر الاخبار وصلت ام لا

هل قاعدة ارشميدس اتلغت؟

المحذوف من الاحياء بجريدة اليوم السابع

اخر الاخبار ايه

هل اى حد معاه توزيع المنهج الموجود بجريدة الدستور

المهم كلام مين اللى صح ؟؟؟؟؟؟؟؟؟ كل الكتب اللى نزلة فيها كل الدروس دى ؟؟؟؟؟؟؟؟؟؟؟؟؟؟؟؟

يا جماعه انا شقت ان الباب الاول هو اللي محذوف بس معرفش يقصد الفصل الاول ولا الوحده الاولي ده كان مكتوب في جريدة الدستور والله حرام المفروض كانوا قالوامن زمان بدل ما احنا تعبنا وذاكرنا علي الفاضي وكمان ما باقي الفصول مبنيه علي الاول يبقي يتحذف ازاي والله ده شغل مجانين احنا عايزين حد يرد رد مؤكد ويكون مدرس

صلوا على النبي كة واهدم لما تبقى تيجي نشرة من الوزارة يبقى نتكلم
ذاكروووووووووووووووووووووووا عادي

طب حنحسب التردد والطول الموجى والحاجات دى ازاى

يا خوارزم شاه ياريت تسالنا شجرة الدر يمكن تعرف اكيد قالها نجم الدين هههههههههه

يا جماعه اكيد ده كله اشاعات لان الفيزياء بصراحه مفهاش حشو كلها مبنيه علي بعض في القوانين

هل من جديد

بقى ده اسمه كلام لغاية قبل الدراسة بيومين مش عارفين اتشال ايه واتحط ايه وتضارب بين الوزارة والادارات وعايزين جودة
جودة ايه اللى من غير تخطيط مظبوط

قررت وزارة التربية والتعليم تخفيف المواد العلمية المقررة على طلاب الثانوية العامة بمرحلتيها الأولى والثانية، وهى "الكيمياء" و"الأحياء" و"الفيزياء"، بدءً من العام الدراسى الجديد، والذى يبدأ غداً السبت، لمواجهة ظاهرة عزوف المتعلمين بالثانوية عن الالتحاق بالقسم العلمى، بحسب مصدر رسمى داخل الوزارة.
ففى "الكيمياء" قررت "التعليم" حذف الباب الثامن "الكيمياء الكهربية" بالكامل من كتاب المادة المقرر على طلاب الثانوية العامة مع تقليص عدد صفحات البابين السابع "الإتزان الكيميائى" والتاسع "الكيمياء العضوية" بحذف دروس "الاتزان الأيونى" و"الأسترات".
وأوضح خبير بالوزارة، متخصص فى المادة، أن الأجزاء المحذوفة كانت تشكل صعوبة أمام المعلمين والطلاب، وأكد أن لجنة من أكاديميين رأت أنها لا تفيد المتعلمين فأوصت بإلغائها، وهو ما وافقت عليه "التعليم"، حسب قوله.
وفى "الفيزياء"، والتى يعتبرها الطلاب أصعب مواد الثانوية العامة، قررت الوزارة إدخال تعديلات -بالحذف- على 82 صفحة فى الكتاب، وأوضح مصدر بـ "التعليم" أن أبرز المحذوفات هى 20 صفحة من الفصل الأول من الوحدة الأولى"الحركة الموجية"، و8 صفحات من الفصل الرابع من الوحدة الثانية، وقاعدة "أرشميدس"، وتركيب موجات الصوت، و3 صفحات من الفصل السادس من الوحدةالثالثة "قوانين الغازات"، و8 صفحات من الفصل الثامن، وصفحتين من الفصل الثانى عشر من الوحدة الخامسة، و3 صفحات من درس "الليزر" وصفحتين من "الإلكترونيات الحديثة".وفى مادة الأحياء، المقررة على طلاب الثانوية العامة، حذفت الوزارة من دروس "البناء الضوئى"، من ص 22 وحتى ص25، و"الجهاز الليمفاوى" ص 56، و"جهاز التنفس عند الإنسان"ص 71 و 72، و"تجربة إثبات التخمر"من ص 76 وحتى 78، و"تركيب الخلية العصبية ص 111 و112 و"تركيب الزهرة" ص 177 و178، بجانب حذف 16 صفحة عن "التكاثر والإخصاب والأجهزة التناسلية"، وهو ما أشار إليه "اليوم السابع" يوم الأحد الماضى.
وكان مجلس الوزراء قد أرسل خطاباً إلى وزارة التربية والتعليم، فى مطلع أغسطس الماضى، لمطالبتها بالعمل على دراسة أسباب عزوف طلاب الثانوية العامة عن الالتحاق بالقسم العلمى وتفضيل الأدبى عليه.
المصدر جريدة اليوم السابع 17-9

الحمد لله وربنا يوفقنا على فاضل

يا جماعة محدش يعرف ايه الصفحات اللى اتشالت بالظبط ؟؟؟ يعنى ارقام الصفح . يا ريت لو حد عارف يقول ويريحنا كلنا واكون شاكر له وبالتوفيق

الفصل الأ ول فى الكتاب 20 صفحة اتحذف بالكامل وعد من الكتاب تفهم المكتوب بعد التطابق العدد مع المكتوب
ارشميدس 8 صفحات
3 صفحات فى اول الفصل السادس وابدأ شرح الفصل من اول بويل
الفصل الثامن بالكامل وهو 8 صفحات

كل ما سبق صحيح ومتأكد منه ان شا الله بعد مجهود وبطرق خاصة بى ولا تقلق

بالنسبة فصل الصوت الاستفسار عنه بالتفصيل الممل عن المكتوب عنه خاصة جزء الامواج الموقوفة لم اصل الى اى نتيجة وسيعرف قبل 25-9
وياريت تبدأ الشرح من فصل الضوء حتى يتضح تفاصيل المحذوف من فصل الصوت

وأكد "بدر" أن المناهج الدراسية لم تشهد حذفاً "حتى الآن"، وشدد على عدم تعديل الوزارة للكتب وخاصة "اللغة الإنجليزية"، وطالب مديرى المديريات بالحصول على المعلومات الخاصة بالامتحانات والمناهج من الوزارة بشكل رسمى، لافتاً إلى أن الأخيرة تراجع الكتاب المدرسى بدقة وتدرس حالياً تطويره كما أنها تراجع كتب المستوى الرفيع.

المصدر جريدة الجمهورية وجريدة اليوم السابعhttp://adsmasr.com/ads/www/delivery/...b=5&n=afec702a

يا أخواني بطلوا اشاعات الوزير طلع امبارح بنفسو مع محمود سعد مقال ان مفيش حاجة اتحذفت من المنهج في اي سنة

:confused:

يا جماعه انا اتحيرت فى الحكايه دى
و كل ما اجى اسأل مدرس يقول ماجتليش نشرة بالحكايه دى
و لما بدأت الدراسه سألت برضه مدرسين الفيزيا كلهم قالولى ان توزيعه المنهج جت
و مفيش حاجه محذوفه
و لو فيه جديد هيبقوا يقولولنا
يبقى احنا كدة لازم نذاكر اللى بناخده و خلاص
لحد ما نشوف ايه الجديد

بس بأه بطلوا إشاعات ، العملية مش ناقصة لخبطة ، ذاكروا و انتوا ساكتين

مقرر قيزياء الصف الثالث 2011

أعتقد أن مفيش حاجة هتتحذف

يا جمااااعة حتى الان مفيش حاجة اتحذفت رسمى
النشرة وصلت معظم المدارس ومفيش حاجة اتلغت تمااااااااااااما حتى الان محدش يصدق اى كلام تانى لان دى النشرة اللى فى المدارس ووصلت نشرة بتوزيع المنهج كمان وانا هعمل موضوع كامل فى الحوار ده بس ماتشغوش بالكم والله مافى حاجة اتلغت