المكرر من الدروس .. تجارب السنة اللى فاتت من حيث الوضوح والكمية واسلوب العرض افضل بكتير من المهنج المطور الحديث بتاعهم

انا طالب في السادس الابتدائي من مواليد شهر 2 / 2000
ولازم اوضح الاول سطر عني .. عشان متستغربوش من وجهة نظري ولا حاجة
انا عن نفسي السنة اللي فاتت الحمد لله قفلت الدرجات في الترمين
وانا بقول كده توضيح بس مش بتباهي او بتكبر والعياذ بالله
انا شايف منهج العلوم السنة دي "مايه" ماعدا الوحدة الثالثة لما بدات اقرا فيها مفهمتش اي اي حاجة
غير اللي كنت خدته في رابعة وخامسة
الكتلة والوزن سهل جداً
الطاقة الحرارية متةسطة الصعوبة
الوحدة الرابعة جميلة جداً
بس عيبها انها محتاجة شوية تركيز بسيط
وبالنسبة لباقي الطلبة .. فالطلبة المتوسطين يقدروا يفهموا كل المنهج تقريباً .. اما الطلبة اصحاب المستوي الضعيف فهيبقي المنهج بالنسبة لهم مش سهل خالص
وبالنسبة لمنهج خامسة
فكان عادي جداً
اما منهج رابعة
فكان صعب جداً جداً وقاسي بطريقة جامدة
ولو جابوا منهج رابعة تاني فهيبقي صعب برده

وفي الاول والاخر دي مجرد وجهة نظر

اشكرك علي الرد ..و انا كمدرس علوم برضه وضحت للطلبة مفهوم الجاذبية بس اللي اقصده ان المفروض كتاب الوزارة كان يوضحها بدل ما يكتب الوزن = الكتلة × 10 كان كتب الوزن = الكتلة × عجلة الجاذبية الأرضية !!!

في الأول وفي الأخر ربنا يوفقك ان شاء الله

المنهج مش سهل ومش صعب محتاج تركيز انا طالبة فى الصف السادس الابتدائى المنهج كويس الوحدة الاولى والثانية كويسين يا عالم الوحدات اللى بعدهم صعبة ولا سعلة بالتوفيق

امين يا رب

منهج طويل يدرس على مدار عام وليس ترم كمية معلومات كبيرة جدا
بسى لابد من التحدى والله الموفق

ربنا يوفقك .. مفيش حاجة في العلوم اسمها صعبة ان شاء الله

فعلا التحدي شئ مهم جدا وهو من سمات الناجحين في الحياة

ايه رأيكم في مناهج علوم الصف الثالث الإعدادي الجديد؟

مناهج تحتاج الى مناهج لشرحها مثلا الصف السادس علوم الوحدة الثالثة: يحتاج الطالب ان يدرس عدة موضوعات فى مرحلة سابقة مثل الأحماض و القواعد - الفرق بين العنصر و المركب - الجزئ و الذرة - فكرة مبسطة عن الكثافة - فكرة مبسطة عن التفاعلات الكيميائية و رموز بعض العناصر و الصيغ الكيميائية لبعض المركبات. هذا على سبيل المثال لا الحصر. ناهيك عن الأخطاء العلمية فمثلا البرق يحول النيتروجين الى نيترات و ليس اكاسيد - راذرفورد ليس مكتشف النيتروجين ولكن لافوتيه قبله بنحو مائتى عام . طرق تحضير الغازات المذكورة فى الكتاب لم تعد تدرس على مستوى العالم كما ان بعضها مستحيل التطبيق فى المعمل مثل النيتروجين حيث ان التجربة بدائية جدا و لها شروط خاصة.
لا يوجد ترابط اطلاقا بين مناهج العلوم فى الصفوف الرابع الخامس و السادس. الخلا صة ان المناهج تحتاج الى مراجعة دقيقة للمادة العلمية و التاكد من مواكبتها للتقدم حولنا فى شتى العلوم الى جانب مراعاة تدرج المعلومة تبعاا للمرحلة السنية.

thanks to all

ليست المادة العلمية هى المشكلة ,,,,,,,,,,,,,,,,,,,,,,,,,,,
ولكن المهم و الأهم هو كيفية توصيل المعلومة للتلاميذ...................
لان الطفل المصرى من أنبغ التلاميذ فى العالم ,,,,,,,,,,,,,,,,,,,,,

الأخوة الأفاضل / تم إثارة هذا الموضوع منذ عام واحد تقريبا وقد أدلى الكثيرون بآرائهم المحترمة التى استفدت منها كثيرا على المستوى الشخصي



وسبحان الله تم طرح هذا الموضوع قبل ثورة 25 يناير المجيدة باشهر قليلة وكانت الانتقادات الموجهة لمناهج العلوم فى مرحلة التعليم الأساسى ( الابتدائى والاعدادى ) معظمها يصب فى اتجاه واحد وهو ضرورة موائمة تلك المناهج للمراحل العمرية للطلاب وكذلك مستواهم الفكرى والعقلى

وهأنذا أقوم بطرح هذا الموضوع مجددا ( بعد عام كامل ) لنرى هل من الضرورى أن تتغير مناهجنا بصفة عامة ( كنت فى السابق أتحدث عن مناهج العلوم من باب التخصص ولكن الأن الموضوع أصبح شاملا لكافة المناهج الدراسية ) لتواكب التحديات الجديدة التى تعيشها مصرنا الحبيبة ؟

نود أن نستمع لآراء حضراتكم مجددا

المناهج غير مناسبة نهائياً لأعمار التلاميذ خاصة منهج الصف الرابع