السلام عليكم ورحمه الله وبركاته
اليوم ان شاء الله نتناول ماده الهستولوجي ونبدا سريعا على بركه الله
ونقول بسم الله الرحمن الرحيم
Histology
وهو علم دراسه الانسجه
اولا سنلقي نظره عامه على الماده ومن ثم نتناول اول محاضره في هذه الماده ان شاء الله
الادوات المستخدمه في هذه الماده

1. قلمين هستولوجي ألوان ازرق و احمر من المكاتب اللي جوة الكلية ورا التندة بالاضافة لالوان تانية بردو فهتحتاج علبة ألوان عادية كمان
2. كراسة عملي من القسم او كراسة صماء من اي مكتبة
3. أطلس ملون مثلا اطلس د. م حسان اللي لونة ازرق أو أطلس د. ألفت

الكتب

هنذاكر منين؟؟

• كتاب د.محمد عصام حلو جدا فيه كل حاجة بس طويل شوية بس لو بدات فيه من اول السنة هيظبط ممكن توقعت شوية معلومات صغيرين وانت بتزاكر عادي
• كتاب د. ماهر عمارة كويس بس مختصر قوي لازم تحفظ كل كلمة في الكتاب متنقصش حاجة غالبا اللي بياخدوا مع د.ماهر بيزود لهم حاجات على الكتاب

الاحسن انك تذاكر جمبة كتاب ال essay و ال MCQ بتوع د.عصام

• كتاب د.عادل زهدي هو كبير برضو بس ميزتة انه بيعمل مخططات و بيمشي على سكيمة ثابتة في وصف الحاجات فبتبقى أسهل
• كتاب د. إبتهاج هو تجميع لل notes اللي هي المحاضرات بتاعتهااللي كانت بتنزلها سنة مكانت رئيسة القسم

عامة شوف الكتب مع صحابك او في المكاتب اللي بتبيعهم ..
المشكلة ان كل كتاب فيه حاجات زيادة وحاجات ناقصة .. فحاول تشوف العناوين مع صحابك كل فترة و لو في حاجة ناقصة عندك صورها
بس برضو الاختلافات بتكون في حدود حاجات بسيطة مش خطيرة قوي يعني
اختار الكتاب اللى هترتاح معاه حسب طريقه مزاكرتك انت يعنى مفيش فيهم كتاب كويس و كتاب وحش




العملي

المجموعة هتتقسم نصفين على معملين

في المعمل هتتعرض صور انسجة وخلايا تحت المكروسكوب الطالب هيتعلم ازاي يتعرف عليها
و المعيدين هيشرحوا كل رسمة وازاي تترسم وهيرسموها على السبورة و هيقولوا لكوا ازاي تميزوها تحت الميكروسكوب
بعدين هتلفوا تتفرجواعلى الشرايح تحت الميكروسكوبات
حضور السكشن مهم هيريحك قبل امتحان العملي

الطالب بيبقى معاه كراسة عملي بيرسم فيها العملي واطلس يشوف منه الرسومات وبعدين الدكتور في المعمل بيصححها
في كراسة القسم بينزلها و ممكن تشتري كراسة د.عصام و ممكن تجيب كراسة بيضاء من أي مكتبة بيسموها "كراسة صماء"
اهتم برسم الشرايح اللى بتاخدها أول بأول عشان ميتراكمش عليك فى آخر السنة
في الرسم الشرايح اللي لها special stain بترسمها بالوان عادية زي البني والبرتقالي و الازرق علشان درجات تصحيح الكشكول بس الرسومات دي مبتجيش في الامتحان اللي بيجي رسومات ال H&E بس
كل فترة بيلموا كراسات العملى ويصححوها وبيبقى عليها درجات خليك دايما جاهز و ارسم كل رسمه اول بأول لان لما بيتراكموا عليك هيبقوا تقال اوى
امتحان العملي بكون قدامك عدد معين من الشرايح بتقف عند كل شريحة دقيقة بعدين تتنقل على اللي جمبك
المفروض تعرف اسم الشريحة ايه و اسم الصبغة لو كانت special stain
بلاش تبوظ ظبط الميكروسكوب علشان حرام تعطل زميلك اللي هيقف عليها بعدك
عملى الهستولوجى سهل جدااااااااااااو هتحبوه اوى
المذاكرة

الهيستولوجي مادة شبيهة بالاناتومي من حيث انها بتعتمد على الحفظ والرسومات في تثبيت الحفظ
باختصار انت ممكن تخلى الهستولوجى ماده خفيفه و بسيطه جدا عليك و تجيب فيها امتياز لو زاكرتها اول لأول خصوصا انها ماده بتتنسى بسرعه جدا لكن لو اهملتها هتحس انها تقيله عليك اوى فى المزاكره اخر السنه و هتحس انك مش عارف تحفظ حاجه و لا تزاكر حاجه
بس عموما الهستولوجى تقديراتها بتبقى كويسه دايما

توزيع الدرجات

• 150 درجة بتتقسم:

1. 75 درجة امتحان التحرير اخر السنة
2. 35 درجة عملى
3. 15 درجة أعمال نص السنة
4. 10 درجات شفوي
5. 10 درجات 2quizes في السكاشن
6. 5 درجات حضور السكشن

• الامتياز من 127.5
• جيد جدا من 112.5
• جيد من 97.5
• مقبول90
• النجاح أكتر من 90

محاضرة مقدمة الهستولوجي

هنكلم مع بعض يا جماعة في المحاضرة اللي خدوها الطلبة اللي حضروا مجموعة الشرح
أول حاجة الهستو دي اقل مادة هتذاكرها طووووول السنة .. مع انها لازم تتذاكر باستمرار لان طبيعة المادة انها بتتنسي بسرعة جدا
وكمان مفيهاش فهم خالص .. فا ياريت يا جماعة بلاش تهملوها طول السنة وتقولوا هتذاكروها اخر السنة ..
احنا عملنا كده وازنقنا زنقة سودة ..
بس احنا ما سيبناهاش بمزاجنا .. احنا اتشغلنا بالمواد الكبيرة زي الفسيولوجي والاناتومي واجلنا الهستو في المذاكرة .. ودي كانت
غلطة كبيرة
الهستو بشكل عام مادة بسيطة ممكن تحصل منها درجات كتيره أوي بس لازم نتعامل معاها صح ..
هنبدأ مع بعض مقدمة بسيطة أوي .. هنتكلم عن تاني شابتر في المنهج وهو شابتر ال cell واللي في الكليات التانية بيسموه ال cytology ..
احنا عارفين من ثانوي ان فيه نوعين من الخلايا .. حيوانية ونباتية
الخلية النباتية مش موضوعنا خااااالص في كليتنا دي ... يبقى كل كلامنها هيبقى عن الخلية الحيوانية ..
كنا قلنا قبل كده ان
system -----> organs -----> tissues -----> cells
الخلايا وانواعها ومكوناتها

في الشابتر ده هنتكلم عن السلز
ال cells يتختلف في شكلها حسب اختلاف الوظيفة واختلاف النسيج اللي هي فيه يعني ال cells اللي في epithelial tissue (النسيج الطلائي) غير ال cells اللي في ال connective tissue (النسيج الضام) ...
بس احنا في الشابتر ده هنتكلم على التركيب العام لكل الخلايا على اختلاف انواعها واشكالها .. وهنتكلم على المكونات اللي موجودة جوا السل .. عن تركيبها ووظيفتها
هنبدأ نتكلم عن ال cell ...
بتتكون من ايه ال cell .. ؟؟
لو جينا نقسم مكونات السل هنلاقيها بتحتوي على :
1- (Cell membrane (plasma membrane .. وده يعتبر السور اللي بيحوط مكونات الخلية ويحميها من البيئة المحيطة بالخلية .. وكمان بيحافظ على ثبات تركيز الايونات جوا الخلية وبراها وهنشوف ازاي كمان شوية
2- Nucleus .. ودي هي زي بالظبط غرفة العمليات للخلية بتتحكم في نشاط الخلية وتراقب العمليات الحيوية اللي بتحصل جواها
3- Cytoplasm & its components .. السيتوبلازم ومكوناته بالمناسبة .. ممكن نسمي السيتوبلازم اسم تاني هو cytosole السيتوسول .. كان الاسم ده موجود في الاحياء في فصل التنفس لو فاكرين
طب ال cytoplasm وفهمناه .. طب ايه ال components of cytoplasm .. ؟؟
هنقسم ال components دي الي حاجتين :
1- Organils .. دي تضغير organ اللي معناها عضو .. يبقى اسمها عضيات
2- Inclusions .. يعني النواتج اللي بتفرزها ال organils في الخلية زي الجلايكوجين glycogen وصبغات وغيرها هتاخدوها بالتفصيل بعد كده
عايزين بقى نتكلم عن ال cell membrane بالتفصيل اكتر شوية ..
بس قبل اي حاجة .. اي حاجة هتدرسها في الهستو لازم تعرف عنها خمس نقط ..

• تعريفها Definition
• وصفها تحت الميكرسكوب الضوئي (By LM (light microscope
• وصفها بالميكرسكوب الالكتروني (By EM (Electron microscope
• نوع الصبغة stain
• الوظيفة function

الغشاء البلازمي

يلا بقى نتكلم بقى عن ال cell membrane ..
تعريفه

اول حاجة ال definition ..
it is the outer most part of the cell that surrounds the cell and its components يعني الجزء الخارجي من الخلية اللي بيحيط بيها وبمكوناتها
وصفه بالمجهر الضوئي

تاني حاجة وصفه بال LM
ال cell membrane لا يرى بال light microscope واللي بيتشاف هو بس حاجة اسمها ال cell coat وده بيحيط السل ممبرين من بره .. ولما تدرسوا ال Cell coat في الهستو والبيو هتعدرفوا بعدبن انه عباره عن glycoproteins هي مس يتترجم حرفي بس ممكن نقول عليها سكريات بروتينية .. و glycolipids يعني سكريات دهنية
انسوا انسوا بلاش الكلام ده دلوقتي
وصفه بالمجهر الالكتروني

تالت حاجة .. وصفة بال EM
لما نيجي نوصف السل ممبرين تحت ال electron misroscope هنقول عليه tri-laminar
طب يعني ايه البتاعة دي .. ؟؟
tri = ثلاثي ... laminar = طبقي
يعني ثلاثي الطبقات .. طب ليه سميناه كده ؟؟ .. عشان بيظهر كده ..
http://www.bala6y.org/wiki/images/a/a4/5c.jpg
طب هنيجي بقة نفصل ونقول هو بيتكون من ايه عشان يبان تحت الميكرسكوب تلت طبقات .. اتنين غامقين وبينهم واحدة فاتحة ..
ال cell membrane بيتكون من مكونين اساسيين :
اول حاجة lipid molecules .. يعني جزيئات دهنية ..
الجزئ الواحد بيبقى شكله كده
http://www.bala6y.org/wiki/images/2/21/1c.gif
ويترص منه كتير جنب بعض وتحت بعض عشان يدونا الشكل ده
http://www.bala6y.org/wiki/images/e/ef/3c.jpg
http://www.bala6y.org/wiki/images/8/8f/4c.jpg

هنلاقي الجزئ الواحد بيتكون من

• Head .. رأس بيتجه الي الخارج وبيكون محب للماء hydro-philic ..

طبعا احنا عارفين ان فيه ميه جوه وبره الخليه .. عشان كده الجزء ده من الجزئ بيتجه الى الماء سواء الى جوه أو بره الخليه

• Tail .. ذيل بيتجه الي داخل السل ممبرين عشان هو كاره للماء hydro-phobic

تاني حاجة مكونة لل cell membrane ..
البروتين Proteins ..
ودي عبارة عن بوابات بتسمح بدخول بعض الجزيئات زي ال sugar و ال amino acids وكمان بتسمح بدخول الايونات وخروج ايونات تانية البوابات دي بتبقى شكلها كده
http://www.bala6y.org/wiki/images/2/23/2c.jpg
تالت مكون هو حاجة اسمها collesterol ..
ودي مركبات دهنية بتربط ال lipid molecules مع بعضها عشان تحافظ على ترابط مكونات السل ممبرين
كده احنا خلصنا مكونات السل ممبرين ببساطة ..
الصبغة

رابع نقطة بنتكلم عنها هي ال stain ..
هنأجل النقطة دي لحد ما تدرسوا انواع ال stains
وظائفه

خامس نقطة هي ال function
وظايف السل ممبرين كتيرة منها ..

• Protection for the components of the cell

حماية لمكونات الخلية

• Helps the body in recognition its own cell

بيعرف الجسم الخلايا بتاعته ويخليه يقدر يفرق بين الخلايا بتاعته والخلايا الغريبة زي البكتيريا

• Transport of substances to or from the cell

بيساعد في نقل المواد من أو الى الخلية عن طريق بوابات البروتين اللي قولنا عليها قبل كده

وبهذا نكون قد انتهينا من ماده الهستولوجي وان كنت اسف على صغر المحاضر وذلك لعدم تمكني من احضار المذيد ولكن اعدكم بان اي شئ ساجده ساكتبه هنا ان شاء الله

تم بفضل الله وما كان من توفيق فمن الله وما كان من خطأ او ذلل او نسيان فمني ومن الشيطان واسال الله العلي القدير ان ينفع بهذا جميع طلاب المسلمين واسال الله التوفيق لي ولكم والسلام عليكم ورحمه الله وبركاته

شكرااااااااااااا جزيلاا يا د/محمود
وفى انتظار البايو ..لانى فاشلة فية
اما بالنسبة لسوال حضرتك.
.الكلية ..مجتمع بس على صغير ..بصراحة كنت رسماها فى دماغى اكبر من كدا..بس ممكن تقول عليها حلوة برضو.
سليبياتها..انها مختلطة..احيانا حسيت انها..عنصرية
الى حد ما الدكاترة مقدرين اننا اولى ,,وبيحاولو يسهلو المادة العلمية ..لكن برضو ..للاسف ..مش قادرين انا وزمايلى نستوعب الا حوالى.. 85%
ودى تتعتبر معقولة اوى
بس بالنسبة ليا بتختلف منمادة للتانية

بس باذن الله باذن الله

علىالاسبوع التالت كدا او الرابع بكتير اوى هتلاقى نفسك ماشي مية مية
بس اهم حاجة زاكر المحاضرة اول لماتاخدها
وشكراا

السلام عليكم يا دكاترة ^_^

اخباركم ايه ..؟؟
أكيد سنة أولى عملت فيكم االي ما يتعمل :)


انا بس حيب اطمن واشوف اخبار الدراسة معاكم ... عاملين ايه مبسوطين ولا ؟؟؟
انا عن نفسي الحمد لله ماشي حالي ...... المواد طبعا في الاول بتكون في وجهة نظرنا كلنا صعبة لكن ده فترة واكيد خلاص قربت تخلص وممكن يكون كتير مننا عداها .. وبقا عادي جدا بقا اي حاجة بياخدها ... انا عن نفسي كنت مصدوم حبتين اول السنة بس الحمد لله دلوقت انا بدأت اتحسن ان شاء الله قريب جدا هرجع زي الاول

بجد نفسي النشاط بتاع المنتدى يرجع زي الاول .. ولو حد عنده حاجة أسئلة ممكن نساعد بعض والي يعرف يساعد الي مش عارف .. اي حاجة ..ممكن يفيد بيها الباقي يبقى كتر خيره وربنا يوفقه ....
عايزين نفضل على طوول متواصلين هنا في المنتدى و ترجع ايام العز بتاعت زمان .. لما كانت فيه مشاركات جديدة ... ^^

وعليكم السلام ورحمه الله وبركاته
الحمد لله تمام يا دكتور
انا برده الحمد لله كنت اول السنه ضايع خالص والله ومكتئب من الكليه وكنت وصلت لاخري منها بس الحمد لله دلوقتي بعد ما قعد معايا بن عمتي( مخلص طب من سنه) زاكر معايا حوالي تلت blood وعرفني ازاي ازاكر وكدا والنظام يعني بس الحمد لله اتحسنت كتير وبدات ابقى تمام عقبالكم يارب
ان شاء الله يا دكتور المشاركات ترجع زي ايام العز بس انت ايدك معانا عاوزينك يا دكتور تضع مواضيعك الجميله المعتاده هنا وهتلاقي الكل اشتغل زي زمان وانا معاك ان شاء الله والكل
منورنا يا دكتور والله

كيف الحال يا اطباء المستقبل ؟؟ كيف الحال مع اول سنه طب ومع الاناتومي والبايو والفسيولوجي والهستولوجي؟؟ والكليه عموما ؟؟ فيه حد اتخنق زيي؟؟ انا مخنووووووووووووووووووووووووووووق والله من الكليه دي ؟؟ تدروا والله ايش اللي مصبرني حاجه واحده كل ما اشوف طالب ثانوي اقول يا عيني نفسه في طب اقول لنفسي احمد ربك واسكت غيرك بيحلموا بيها الحمد لله طبعا ع كل حال واكتر حاجه كلمه دكتور دي بتخفف كتيييييييييييييييييييييير من الالام والمتاعب ع العموم الحمد لله وربنا يوفقنا كلنا بس انا عاوز اسال سؤال انا دلوقتي في كليه طب المنيا ينفع احول طب القاهره في اي سنه عادي ولا لازم لحد سنه معينه وبعدين مش ينفع احول ؟؟ وهل لازم يكون تقدير معين ولا ايه وهل لما اجي اكتب رغباتي في التعيين مثلا ينفع اكتب المنيا ولا ايه ارجوا الافاده ضروري؟؟
جزاكم الله خيرا

محبة رسول اللهooll
 

السلام عليكم ورحمة الله وبركاته :av4056bb7jp3::av4056bb7jp3::av4056bb7jp3: انا فى اولى طب المنيا ممكن اشترك معاكم:028ja7::028ja7::028ja7::028ja7:

السلام عليكم
اولا انا لسة 2 ثانوى...بس بما انى دخلت هنا يبقي اكيد نفسي ادخل طب
ثانيا: بسم الله ماشاء الله كلكم في طب ربنا يوفقكم( عشان بس انا عيني مدورة ) :p
ثالثا:هو طب صعب ان الواحد يوصلها؟ اصل بصراحة خايفة اكون بحلم حلم انا مش قده...
اخيرا: ربنا يعينكم كلكم ويوفقكم وامة الاسلام تتقدم بيكم وبينا :)
وادعولي بأة ....:)

لالا يا حبيبتى ربنا يوفقك:av4056bb7jp3::av4056bb7jp3::av4056bb7jp3::av 4056bb7jp3::av4056bb7jp3::av4056bb7jp3::av4056bb7j p3:

وعليكم سلام الله ورحمته وبركاته
اهلا ومرحبا بحضرتك معنا دوما ذدنا نورا بتشريفكم لنا ونتمنى مشاركتكم دوما
:):):)

وعليكم سلام الله ورحمته وبركاته
اولا اهلا ومرحبا بكم معنا
ثانيا هههههههههههههههههههه حلوه جدا(( عيني مدوره ))دي:d:d:d بس ع ايه ع طب يعني:excl::excl: والله الناس كلها مخدوعه في كليه الطب دي الناس فاكراها الجنه ولما حد يدخلها خلاص يبقى دخل الجنه لكن والله بجد اللي هيدخلها هيتصدم بجد ومش هيعرف كلامي ده الا اللي دخل طب بنفسه مش سمع عنها بس وع العموم ربنا يوفقك
ثالثا والله ما فيه شئ صعب كل حاجه بتوفيق ربنا والله ورضاه ورضا الوالدين ثم الدعاء والتوكل ع الله والمزاكره بس المزاكره اللي ترضي ربنا يعني مش زي ما انا كنت بعمل ازاكرهم قبل الدرس وكدا اكيد كل عارف الاسلوب ده وربنا يكرمك وكل حاجه اولا واخيرا ربنا بيبقى كاتبها يعني لو ربنا ماتبلك انك تدخلي كليه ما هتدخليها وهيوفقك ليها وده لا يعني التواكل ع الله ولكن يعني التوكل ع الله والاخذ بالاسباب ونعمل اللي علينا ونزاكر ونسيبها ع الله واهم شئ قوي صلتك بالله(بالصلاه) ليحقق لك ما تتمني واكثر ووالله والله انه كريم جواد ع نفسي انا مزاكرتي ما كانت لتحصل حتى صيدله ووالله اكرمني والحمد لله بطب بشري
ثم صدمت وعرفت الكليه ع حقيقتها بعد ما كنت مثلك كطالب ثانوي يعتقد انه بدخوله كليه الطب خلاص انتهت كل مشاكله والحياه حلوه زي ما بيقولوا:d:dانا مش هحبطك اكتر من كدا ربنا يوفقك يارب
وفي النهايه ادعيلك ان ربنا يوفقك يارب ويكرمك وتدخلي طب دي وتجربي بنفسك اللي بحكيلك عليه
وعليكم سلام الله ورحمته وبركاته

لا بجد حضرتك بتديني امل جاامد خلاص انا هحول صنايع كدة :p
بس بالله عليك هو الي داخل طب زي الي داخل تجارة ولا اداب؟ اكييد طب صعبة يعنى والي داخلها عارف انها صعبة
وبيكون مستعد انه يدوق التعب دا عشان يحقق حلمه...وبعدين احساسك يكون اية لو ربنا اراد انك تدخل اي كلية تانية! متهيألي طالب الطب بيبقي ليه مكانه راقية شوية والله اعلم انتم ادري بأة :d

وجزاك الله خيرا علي النصايح الحلوة دى بأذن الله اعمل بيها..وكل سنة وحضرتك طييييب :)

محبة رسول اللهooll
 

السلام عليكم ورحمة الله وبركاته :):):):):)كل عام انتم بخير :):):)كل عام انتم الى الله اقرب:):):):)عيدمبارك علينا وعليكم:):):):)

محبة رسول اللهooll
 

انا كمان فى اولى طب ان شاء الله .. عندى سؤال .. حد يعرف حاجة عن طب المنصورة مانشستر ؟؟ و هل هى افضل و لا طب المنصورة العادية ؟؟ ارجو الافادة . شكرا