|
اقتباس:
|
طيب ممكن اعرف من حضرتك معلومات اكتر عن قسم العلاقات العامة
يعنى بتعملوا ايه وايه الكورسات الى بتاخدوها ياترى هو قسم كويس ياريت حضرتك تكلمينا عن القسم ده شوية وتحكيلنا عن خبرتك |
اقتباس:
بتؤهل الطالب للتعامل مع المؤسسات ، زي ما قلنا قبل كده ممكن يشتغل في [التنسيق الإعلامي ، الدعاية والإعلان ، وغيرها ] رجل العلاقات العامة دا بمنتهى البساطة والاختصار ، هو شخص كل مهمته انه يأكد لحضراتنا جميعا إن شركة "كذا" بتقدم أفضل خدمات يعني بنسميها في الكتب (تحسين صورة المؤسسة لدى جماهيرها) وان شاء الله لما تدرسي هتتعمقي في العلم دا أكتر وهتحبيه جدا اللذة في العلاقات العامة انها علم إنساني بيجمع بين فن الإدارة ، وفنون الإعلام فيما يخص قصة الكورسات : في العلاقات العامة لازم تاخدي كورسات في اي حاجة متاحة تنمية بشرية ، لغات ، توثيق اعلامي ، مالتي ميديا .. لانك بتتعاملي مع بشر ومؤسسات ومحتاجة تكوني فاهمة جدا الناس بتفكر ازاي يبقى اني اقول : العلاقات العامة هي أكثر الشعب الثلاث اتساعا في سوق العمل |
اقتباس:
ميرسى جدا ليكى انا كنت محتاجة انى اعرف معلومات اكتر عن القسم ده والحمد لله انتى بتتعبى معانا جامد اوى هو انا ممكن اتخصص فى القسم الى انا عاوزاه ولا ع حسب تقديرى فى السنتين |
ممكن اعرف هو فى قسم اعلام فى كليه اداب اسكندريه واييييه شروطه ؟
|
اقتباس:
عارفة بعد ما بتخلصي السنتين الاوائل بتعملي تنسيق جديد للشعب اصلا انت بتدرسي في العام الثاني 3 مواد (مدخل للاذاعة) (مدخل للصحافة) (مدخل للعلاقات) والمجال اللي هتتخصصي فيه لازم تكوني جايبة في المادة بتاعته اقل تقدير (جيد) اقتباس:
لا الحقيقة الشروط دي يفضل تسألي عنها حضرتك حد موجود في الكلية بالفعل او تروحي تسألي هناك لكن انا اقدر اجيب حضرتك فيما يخص المنصورة بالتفصيل الممل;) |
السلام عليكم
معلش تعبينك معانا بالنسبه لاعلام المنصورة هو فعلا قسم متعب ولا حلو ؟؟؟؟ |
يلا بينا
بجد مش عارفة اشكرك ازاى ربنا يخليكى بجد |
اقتباس:
دا أفضل قسم إعلام على مستوى الجمهورية ، ومعظم أساتذته من كلية الإعلام جامعة القاهرة :) لو تقصدي بقى فكرة المذاكرة وكده ، فانت ممكن تقعدي الفصل الدراسي الأول تعبانة شوية لحد ما تستوعبي العملية بس أي طالب لسه داخل الجامعة بيبقى كده لانكم بتكونوا اتعودتم على مذاكرة (5 مواد في 10 شهور ) فعندكم شوية استرخاء كده، لكن في القسم هتدرسي (6 مواد في 3 شهور ):d لكن في أول الحكاية هتحسي بشوية لخبطة بعد كده عادي:bosyht9: بالتوفيق ان شاء الله اقتباس:
ربنا يوفقك:) |
اهااااااا ااااا مع انى قرأت تعليق لطالب قسم اعلام المنصورة بيقول انهم بيتحرقوا فى الشمس.. مش فاهمه ليه ؟؟؟؟
وصحيح بلنسبه لقرار تحويل قسم الاعلام الى كليه الاعلام الطليه الى خلصوا اداب اعلام هيفضلوا اداب اعلام ؟؟؟ ولا هتتغير ليهم هما كمان ويبقوا اعلام ؟؟؟؟؟؟؟ |
اقتباس:
انا مش فاهمة سؤال اوي :excl: لكن اقدر اقولك انه القرار مش مطبق حتى الان ولو تم تطبيقه ، طالب اداب اعلام هيظل خريج آداب إعلام أما الكلية الجديدة هتستقبل طلبة جدد تماما :bosyht9: |
اهااااااااا هو دة سؤالى :d ميرسى يا جميل تعبينك معانا
|
هو ممكن نحول من قسم لقسم فى الاسبوع الاول من الدراسة ؟؟
|
اقتباس:
|
اقتباس:
|
اقتباس:
|
لو سمحتى معلش اصلى قلقانه شويه ..... التقديم بدأ يوم 23 وانا مش كنت اعرف وفيه واحدة قالتلى ان لام اقدم بدرى عشان كل قسم بيبقى فيه عدد محدد ... مش عارف بقا اعمل ايه اقدم عادى بعد العيد فى الكليه ولا انزل يوم السبت ؟؟؟؟؟؟؟؟؟؟؟
|
اقتباس:
مش هتخسري حاجة :redface: ان شاء الله بالتوفيق |
اقتباس:
ههههههههههههههههه لا ما انامنزلتش .... يعنى انا عاوزة افهم هما بيحددوا التنسيق الداخلى فى الكليه بعد ما كل المستجدين بتكتبوا رغباتهم فى الاقسام وبعد كدة بيحددوا كل قسم ايه الشروط بتاعته ولا ايه??? ..... ما لو كدة يبقى استنى بعد العيد لانى مش من المنصورة ...... يا ريت لو تعرفى تقوليلى هما بيقبلوا الطلبه فى الاقسام ازاى لان انا ملاحظه ان كل سنه بيبقى التنسيق الداخلى مختلف عن السنه الى قبلها .... لان مش قالولنا اى حاجه ولا الاقسام بياخد من كام ولا نعرف اى حاجه وخلاص اتعقدنا |
طب لو سمحتم احنا عندنا في جامعة الاسكندرية شعبة اعلام بنتخصص فيها من السنة الثالثة وبيبقى في امتحان تحريري قبل دخول الشعبة .....فانا عايز اعرف اسئلة التحريري دي ايه؟؟؟؟؟
|
السلام عليكم
انا كلية اداب جامعة اسيوط والتنسيق الداخلى بدا امبارح وانا كنت عاوزه قسم اثار ولقيت الشروط ان يكون اعلى مجموع فى الغات الاوربيه(الانجليزى والفرنساوى) وكمان اعلى فى المجموع الكلى وعوزين 80 طالب وانا جيبه فى الغات 76 من 100 ومجموعى الكلى 87فى الميه فهل انا هقبل ولا لا ياريت حد يطمنى |
طيب انا ناويه ع اداب اعلام كنت عايزه اعرف هي الاداب قسم اعلام من كام% ارجوكم الرد ضرورى وشكرااااااااا
|
السلام عليكم
بتدخلي آداب عادي وبعد كدا قسم الإعلام بيحدد درجة لمجموع اللغات عربي وانجلش وفرنسي وبيكون مش عالي قوي . فيه جامعات كدا لكن المنصورة والاسكندرية لا أعرف هكذا أم لهم نظام آخر بالتوفيق |
السلام عليكم ورحمة اللة وبركاتة
ممكن اعرف من حضرتكم هى كلية اداب قسم اعلام اللغة الانجليزية بالنسبها لغة اساسية يعنى لازم علشان ادخلها اكون كويس جدا' فى الانجليزى ولا مش مهم لانى بصراحة انا عندى عقدة من الانجلزى ومبحبوش خالص وشكرا' |
هو ممكن لو حد دخل كلية تعليم مفتوح وجاب تقدير يحول لكلية انتظام ولا دا مينفعش وبياثر بعد كدا على الوظيفة ولا اية بالضبط
|
ممكن اعرف معلومات اكتر عن اداب اعلام اسكندرية
|
ما رئي حضرتك في قسم تاريخ جامعه القاهره وما هي شروطه والمواد الدرسيه شكراااااااااااااا
|
سؤال من فضلكم قسم علم النفس اسهل ولا قسم اعلام
|
انا عايز اشتغل فى كتابة قصص وأفلام للأطفال
انا سمعت ان قسم صحافة وأفلام ممكن يفيدنى هل ده صح |
برجاء الاجابة في اسرع وقت
انا حصلت علي الثانوية العامة السنه اللي فاتت ودخلت تجارة انتساب . كنت عايز اسأل ممكن ادخل كلية آداب طنطا قسم اعلاااااام . مع العلم ان مجموعي 84% علمي رياضة . ومجموع اللغات = 135 درجة |
| جميع الأوقات بتوقيت GMT +2. الساعة الآن 05:06 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.