|
النهارده كانت الدنيا زحمه برضو و مكان المحاضرات اتغير بقى فى المبنى اللى فى وش المبنى الرئيسى ومجموعة أ بتاخد فى مدرج 202 اول محضرتين مقدرش اقولك عنهم حاجه لانى جيت على محاضرة الفلسفه وعرفت انه مش بيدخل حد,محاضرة الخدمه الاجتماعيه الدكتور بتاعها كويس بس عيبه انه رغاى شويه يعنى بيتفرع عن الموضوع اللى بيتكلم فيه كتير وبالنسبه لعلم الاجتماع فا فى نظرى الدكتور ده هو احسن دكتور فى السنه دمه خفيف وقالنا انه مش مسئول عن اى طالب يعتمد على الملازم اللى بتتوزع وان كتابه لما نجيبه هنخطط على النقط المهمه و نكتب فوقيها السؤال واللى مخططين عليه ده هو الاجابه,العربى خدنا نصوص والمفروض كان هيبقى فيه نحو بس هو طول اوى ومشى والانجليزى انا استنيته كتير ومجاش فا لو جه يا ريت تقولوا خدتوا ايه :blush: بالنسبه للكتب كتاب الفلسفه ب 35 جنيه و الاجتماع 30 من مكتبة الزعيم و فيه شيت كده للعربى ب 10 جنيه وده خدنا فيه واجب :006et4: المفروض الشيت ده بندهوله اخر السنه وعليه درجات اتمنى اكون افدتك:d |
مخنووقه من الكليه واللى فيها
أنا عايزه افهم حاجه دلوقتى
الدكاتره بتقول ان الملازم بتسقط ومش بتنجح ولا بتجيب تقدير والكتب لسه عليها شويه عقبال ما نستلمها طيب المفروض نعمل دلوقتى دى الامتحانات خلاص كلها شهرين واحنا لسه ما فتحناش كتاب حد يقولى ايه المطلوووب دلوقتى:078111rg3: :078111rg3: :078111rg3: :078111rg3: |
والله انا كمان مش عارف بس الكلام ده اللى قاله دكتور الاجتماع بس على حد علمى انا عن نفسى هذاكر كل المواد من الملازم بتاعت مكتبه القبه دى و الاجتماع من الكتاب |
انت كمان جيت متأخر
كان في جغرافيا اول محاضره وكمان جاي تمشي على احلي دكتوووور بتاع اللغه الانجليزيه انا مشيت في اخر العربي علشان صدعت بس رجعت في الانجلش قالكو ايه في الاخر ؟؟؟ |
يا خساره طب خدتوا ايه فى الانجليش :d دكتور العربى كان بيشرح النص لحد اما واحد دخله لانه طول اوى :d:d |
انا لسه جديد
يا جدهان انا فى اولى انتساب اجنماع القاهره و كنت مسافر ولسه راجع النهارده ممكن حد يفهمنى اعمل ايه و ابتتدى منين علشان حاسس انى تايه:romarioxp6::romarioxp6:
وكمان عايز اعرف مين معايا فى الجامعه علشان انا معرفش حد فى الجامعه خالص |
دكتور الانجليزي
ادانا نص في الكتاب وشويه تمارين عليه بس مش اكتر وبتاع العربي صدعت منه وطرق الخدمه لو كنت كتبت حاجه قولي لاني مش فهمت حاجه خالص وواجب ايه اللي قال عليه بتاع العربي؟؟ |
اقتباس:
حمد الله ع السلامه وفااااتك كتييير :040vk0::040vk0: |
اقتباس:
على العموم انا جبت ملازم العماد بس عايزه اعرف فى الاخر هنجيب تقدير ولا لو عرفنا نجيب مقبول نحمد ربنا حد يقولى لحسن انا خلاااااص جبت اخرى:stickjo4::stickjo4: :) |
اقتباس:
والله يا بنتى ولا انا فهمت اى حاجه :022yb4: هو راجل عمال يتفرع كده فى حاجات كتيره الواجب بتاع العربى اننا نطلع كل الجمل الاسميه من النص (التدريب ده اكيد موجود فى الشيت) |
انا رحت النهارده الصبح دفعت المصاريف والكتب اول الشهر باذن الله,وحجزت كتاب الاجتماع من مكتبة الزعيم و كتاب الفلسفه من قسم فلسفه كتاب الاجتماع ب 30 ج و الفلسفه 35 ج |
الله يسلمك يا rinoa
بس انا عايز حد يقولى اعمل ايه و ابتدى منين والمنهج صعب لا سهل انا والله مش عارف اعملايه بجد يا ريت حد يساعدنى:( |
اهلا بيك يا hamadamomo الاول انت في جامعة القاهره مش كده بص لو انت في جامعه القاهره اعتمد على المحاضرات لغايه لما الكتب تنزل وعلى فكره المنهج سهل مش صعب وانا عن نفسي اتعاملت مع مكتبة القبه وباخد منها المحاضرات لانهم بيجيبوا كل حاجه قالها الدكتور بالحرف ومفيش اي اختلاف وكمان عاملين سكاشن علشان نفهم اللي بيقولو الدكتور وشرح كامل وسهل وان شاء الله ربنا هيوفقك
|
انته بتسال تبدا منين روح للمكتبه اللي انت عايز تتعامل معاها وقولهم انك عايز المحاضرات اللي فاتتك عموما المكتبه اللي انا بتعامل معاها ديه كويسه جدااااااااا واي حاجه هتحتاجها هيساعدوك فيها بما انك كنت مسافر
|
فعلا انا بقالى يومين بذاكر من المذكرات بتاعت مكتبه القبه و الكلام فيها سهل جدا فى الحفظ وهى احسن من العماد لانى جبت الاتنين وقارنتهم ببعض لقيت ان العماد بتختسر كتير فى الكلام عكس القبه |
اقتباس:
بجد شكرا على التوضيح |
اقتباس:
العفو انا فى الخدمه دائما ويا ريت اى حد يعمل خطوه يقول عليها وكلنا ناخد رأى بعض لاننا كلنا جداد |
هو دكتور الفلسفه وقف اخر مره عند ايه عشان انا الجمعه اللى فاتت دى جيت متاخر ومعرفتش عشان اعرف اذاكر منين لفين |
شكرا يا sandy انا فعلا فى القاهره وهعمل زى مقلتلى و انشاء الله خير :D
:d |
لا شكر على واجب وان شاء الله على خير
|
كريم انت اخدت الملازم المحاضره ديه ولا لا عموما لو خدتها ذاكر الملزمه كلها مش هتخسر حاجه اديك تبقى عارف الماده فيها ايه
|
انا هذاكر اول 6 صفح لان عندى حاجات تانيه هذاكرها انا عندى اقتراح يا جماعه ايه رايكم نتقابل كلنا يوم الجمعه الجايه ونتعرف على بعض اكتر لو موافقين قولولى عشان كل واحد هيقول فينا هيلبس ايه عشان نعرف بعض:) لو مش موافقين احنا اصحاب برضو هنا |
يا جماعه على فكره كتاب الجغرافيا العامه نزل في مكتبة دار الثقافه العربيه التاب مدعم ب5جنيه فقط
|
ٌrinoa ايه حكايه كتاب الانجليزي واقدر اجيب الكتاب ده منين واحنا عندنا نصوص في الانجليزي ولا انتي قصدك على العربي ممكن تقوليلي اقدر اجيب كتاب الانجليزي ده منين
|
اقتباس:
اهلين ساندي ده بيتجاب برضو من دار الثقافه بتقوليلو عايزه كتاب انجليزي فرقه اولي والنصوص دي بتاعت العربي واي حاجه انا معاكم |
انا موافق نتقابل لان انا معنديش اصحاب كتير فى اداب و ممكن نتعرف على بعض اكتر زى stonekane مقال
|
اقتباس:
|
شكرا rinoa
|
hwa el 7odor mohem wla la2 ?? w ketab torok el 5edma el egtma3ia nezl wla lsa?? ana 7agzto bs ma3rfsh aro7 agebo wla eh ...
|
اكيد الحضور مهم فى الحاله اللى احنا فيها دى لاننا مش بنروح غير مرتين فى الشهر عشان نبقى عارفين راسنا من رجلينا وبالنسبه للكتاب انا معنديش معلومات عنه والله |
كريم هو شكله انتظام مش انتساب
|
لان احنا كتاب طرق الخدمه لسه مش نزل
اما في انتظام نزل واخدوه والحضور مهم في انتظام لان الدكتور بياخد الغياب وانزل خد الكتاب بتاعك ولو في اي تعليق او شئ احنا هنا |
العفو يا ساندي
|
اليوم كان حلو اوي امبارح بس الدكتور بتاع الجغرافيا فضل يرغي كتير اوي واحلى محاضرتين هما طرق الخدمه الاجتماعيه وعلم الاجتماع عموما كتاب الخدمه الاجتماعيه لسه منزلش بس نقدر نحجزه من مكتبة النصر وكتاب الانجليزي نزل وكتاب الجغرافيا النسخ بتاعته خلصت وكتاب علم الاجتماع اخر معاد للحجز الناهرده وبكره بس والاستلام يوم الاثنين واللي حجز كتاب الفلسفه المفروض يروح للدكتور وياخد منه اسم البحث بتاعه وياخد منه رقم علشان يقدر يستلم بيه الكتاب
|
يا جماعه انا عايز اقولكم انى من النهارده هذاكر من الكتب لان بصراحه انا خفت بعد الكلام اللى قالوه الدكاتره امبارح وخصوصا دكتور العربى عشان ابقى ماشى فى السليم واجيب تقدير عالى
|
والله كلنا نفسنا نجيب تقدير
بس المشكله اننا مش لاقيين اللي يدلنا ازاي نجيبه ودي المشكله |
انت لو بدأت مذاكره ياريت تقولي اذاكر ازاي لاني مش عارفه
|
la2 ana entsab w manzltsh youm elgom3a w lsa msh gebt elwara2 bt3 el mo7drat :( yareet ta2olili 5adna eh ?? w elketab brdo lsa msh nezl wla eh... w el gadwl bt3 magmo3a mn 2alef dah byb2a eh 3ashn ana msh 3arfa :( .. w thnx ya gam3a :)
|
انتي انتساب معانا وقسم اجتماع كمان؟؟
|
ah ana entsab ma3ako w kesm egtma3 kman
|
المحاضرات يوم الجمعه من تسعه لحد سبعه باليل
والكتب نزلت ما عدا علم الاجتماع هينزل بكره واخدنا كتير بصراحه حوالي نص المنهج بيتهيالي |
yaah ana fatni kateer :( !
|
rinoa momkn ta3mlili add ? wla msh ynf3 ... :unsure:
|
hwa ya gam3a war2 maktbt el 2oba dah kwis wla we7sh ???.... azakr mno bs wla azakr elketab bs ?
|
بصى هو فيه بعض الدكاتره قالوا ان الورق ده بيسقط وكل واحد حذر منها وقالوا اى واحد بيعتمد فى مذاكرته عليها يعرف انه ساقط فا ذكرى من الكتب احسن عشان تبقى مطمنه وربنا يوفقك |
ذاكري من الكتب ومن الملازم بتاعة مكتبة القبه يعني الاثنين مع بعض مش هتخسري حاجه لما تذاكري من الاتنين بس ركزي اكتر على كتاب الدكتور وربنا معاكي ومعانا
|
وانا كمان من راي ساندي وكريم
وربنا معان كلنا ان شاء الله |
اخبار البحث والشيت ايه معاكم؟؟
|
اقتباس:
|
انا البحث هعمله بكره باذن الله ....شيت ايه انتوا تقصدوا الشيت بتاع العربى؟ |
| جميع الأوقات بتوقيت GMT +2. الساعة الآن 08:45 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.